De renibus

Renes in regione lumborum in posteriore parte ventris locati sunt. Ren dexter sub hepate, ren sinister sub liene siti sunt. Renibus urina secernitur. Cum renes sani sunt, urina limpida est. Inflammatio renis nephritis nominatur. Si sanguis aut pus in urina est, vel vesica, vel renes exulcerati sunt.

De musculis

Musculi organismi humani forma varii sunt; sunt musculi longi, lati, breves. Musculi fasciis, quasi sacculis elasticis cinguntur. Fasciae in fascias proprias et fascias subcutaneas dividuntur. Fascia propria sive profunda e tela fibrosa compacta constat. Inter musculos distinguimus musculos rectos, obliquos, transversos. Sunt etiam musculi interni, externi, profundi. Magni musculi dorsi sunt: musculus trapezius, musculus latissimus dorsi, musculus rhomboideus et celeri.

Os coccygis

Coccyx, seu os coccygis hominis adulti ex quattuor vertebris constat. Prima vertebra coccygis cornua coccygea habet. Cornua coccygea per ligamenta cum cornibus sacralibus coniunguntur. Primae et secundae vertebrae habent etiam processus lateralis, sed tertiae et quartae habent formam subrotundam et minores primis sunt. Vertebrae ossis coccygis processus spinosos et arcus non habent.

De corpore humano

Corpus ex capite, trunco et quattuor membris constat. Caput ope cervicis cum trunco jungitur. Truncus thoracem et abdomen continet. Pars posterior trunci dorsum vocatur. Truncus bina membra superiora et bina membra inferiora habet. Membra inferiora majora et longiora membris superioribus sunt. Caput in duas partes dividitur: in partem cerebralem et faciem. Pars cerebralis frontem, verticem, occiput temporaque continent. Facies palpebras, nasum, labia, mentum buccasque continent. In cervice duas partes distinguimus. Pars anterior collum, pars posterior nucha appellatur. Pars anterior cervicis marginibus musculorum sternocleidomastoideorum in regionem colli anteriorem et duas regiones colli laterales dividitur. Altius eorum post auriculas regiones mastoideae locatae sunt. Anatomici faciem thoracis octo lineis verticalibus dividunt, quae sunt: linea mediana, sternalis, mamillaris, parasternalis, axillaris anterior, axillaris media, axillaris posterior et scapularis. Duae lineae horizontales abdomen in tres regiones dividunt: epigastrium, mesogastrium et hypogastrium. Quisque etiam regio abdominis duabus lineis verticalibus in tres partes dividitur. Epigastrium in partem mediam seu regionem epigastricam et in duas partes laterales seu regiones hypochondriacas dividitur. Est enim regio hypochondriaca dextra et sinistra. Mesogastrium in partem medianam seu regionem umbilicalem et duas regiones abdominales laterales dividitur. Hypogastrium ex regione pubica et duabus regionibus inguinalibus constat. Membrum superius ex brachio, cubito, antebrachio, manu et digitis manus constat. Membrum inferius femur, genu, crus et pedem continet. In manu palma manus, dorsum manus et digiti manus sunt. In pede planta pedis, dorsum pedis et digiti pedis sunt.