“PROGRAMMALASTÍRÍW I” PÁNINEN 2-ARALÍQ BAQLAW
Ámeliy jumís tapsírmalarí (6-10 ámeliy jumıslar)
6-ámeliy jumıs. Bir ólshemli massivler. Statikalıq massivler.
Elementlerdi sortlaw usılı. Elementlerdi izlew usılı. Elementler boyınsha ámeller kórsetiw.
Jumıstıń maqseti. Programmanıń tiykarǵı strukturalarınıń biri - bir ólshemli statikalıq massivler menen C++ tilinde islewdiń kónlikpelerin bekkemlew.
Tiykarǵı wazıypalar:
Massivlerdi basqarıw: Statikalıq massivlerdi járiyalaw, olardıń ólshemin anıqlaw hám cikl arqalı elementlerdi kirgiziw/shıǵarıwdı ózlestiriw.
Logikalıq hám matematikalıq ámeller: Massiv elementleri ústinde shártli ámeller (jup/taq, oń/teris) hám statistikalıq esaplawlardı (qosındı, kóbeymesi, maksimum, minimum, ortasha mánis) orınlaw.
Algoritmlerdi ámelge asırıw: Massiv elementlerin izlew (sızıqlı izlew) hám ápiwayı sortlaw (mısalı, Bubble sort) usılların óz betinshe ámelge asırıw kónlikpelerin rawajlandırıw.
Massivlerdi manipulyaciyalaw: Elementlerdiń ornın almastırıw, kerisine jaylastırıw yamasa belgilengen shártler tiykarında ózgertiw arqalı massivti qayta islew.
1-TAPSÍRMA |
|
Ulıwma shárt: Hár bir variantta dáslep massiv elementleriniń sanı N (N <= 100) hám massiv elementleri paydalanıwshı tárepinen kirgiziledi. |
|
1. |
N elementli pútin sanlı massiv berilgen. Massiv ishindegi taq (jup emes) sanlardıń qosındısın hám olardıń sanın ekranǵa shıǵarıń. |
2. |
N elementli massiv berilgen. Massiv ishindegi jup sanlardıń kóbeymesin esaplaytuǵın programma dúziń. |
3. |
N elementli massiv berilgen. Massivtegi teris elementlerdiń sanın hám olardıń qosındısın tabıń. |
4. |
N elementli massiv berilgen. Massiv elementlerin ósiw tártibinde (kishiden úlkenge qaray) sortlaytuǵın programma dúziń (Bubble sort usılınan paydalanıń). |
5. |
N elementli massiv berilgen. Massiv elementlerin kemeyiw tártibinde (úlkennen kishige qaray) sortlaytuǵın programma dúziń. |
6. |
N elementli massiv berilgen. Massivtiń eń úlken (maksimum) elementin hám onıń indeksin (jaylasqan ornın) tabıń. |
7. |
N elementli massiv berilgen. Massivtiń eń kishi (minimum) elementin hám onıń indeksin tabıń. |
8. |
N elementli massiv berilgen. Massivtiń eń úlken hám eń kishi elementleriniń ornın almastırıwshı programma dúziń (Basqa elementler ózgerissiz qalsın). |
9. |
N elementli massiv berilgen. Massiv elementleriniń arifmetikalıq ortasha mánisin tabıń. Keyin sol ortasha mánisten úlken bolǵan elementlerdi ekranǵa shıǵarıń. |
10. |
N elementli massiv berilgen. Paydalanıwshı klaviaturadan K sanın kirgizedi. Massiv ishinde K sanına teń bolǵan element bar ekenligin anıqlań (Sızıqlı izlew). Eger bar bolsa, onıń indeksin shıǵarıń. |
11. |
N elementli massiv berilgen. Massivtegi oń elementlerdiń arifmetikalıq ortasha mánisin esaplań. |
12. |
N elementli massiv berilgen. Massiv elementlerin keri tártipte (reverse) jaylastırıń (yaǵnıy, birinshi element aqırǵı, aqırǵı element birinshi bolıp almassın). |
13. |
N elementli massiv berilgen. Massivtiń tek jup indekslerinde (0, 2, 4...) turǵan elementleriniń qosındısın esaplań. |
14. |
N elementli massiv berilgen. Massivtiń tek taq indekslerinde (1, 3, 5...) turǵan elementleriniń kóbeymesin esaplań. |
15. |
N elementli massiv berilgen. Massivtegi barlıq teris elementlerdi 0 ge almastıratuǵın programma dúziń. Nátiyjeni ekranǵa shıǵarıń. |
16. |
N elementli massiv hám A pútin sanı berilgen. Massiv elementleri arasında A sanınan úlken bolǵan elementlerdiń sanın hám qosındısın tabıń. |
17. |
N elementli massiv berilgen. Massivtiń birinshi yarımı menen ekinshi yarımınıń elementlerin almastırıń (Mısalı: N=4 bolsa, elementler "1 2 3 4" -> "3 4 1 2" bolıp almassın). |
18. |
N elementli massiv berilgen. Massivtiń eń úlken hám eń kishi elementleriniń ayırmasın tabıń (Max - Min). |
19. |
N elementli massiv berilgen. Massivtegi 3 ke bólinetuǵın elementlerdiń qosındısın esaplań. |
20. |
N elementli massiv berilgen. Massivtegi 0 (nol) ge teń bolǵan elementlerdiń indekslerin ekranǵa shıǵarıń. Eger nol joq bolsa, "Nol joq" dep shıǵarsın. |
21. |
N elementli massiv berilgen. Massivtegi eń úlken ekinshi elementti tabıń (Yaǵnıy, maksimum emes, onnan keyingi turǵan úlken element). |
22. |
N elementli massiv berilgen. Massiv elementlerinen paydalanıp, jańa massiv jaratıń. Jańa massivke tek dáslepki massivtiń jup elementleri jazılsın. |
23. |
N elementli massiv berilgen. Massivtegi 5 ten kishi bolǵan barlıq elementlerdiń kóbeymesin esaplań. |
24. |
N elementli massiv berilgen. Massiv elementlerin ósiw tártibinde sortlań, keyin payda bolǵan massivtiń eń kishi 3 elementin ekranǵa shıǵarıń. |
25. |
N elementli massiv berilgen. Massivtiń qońsılas elementleriniń (0 hám 1, 2 hám 3...) qosındısınan ibarat jańa massiv dúziń hám ekranǵa shıǵarıń. |
2-TAPSÍRMA |
Jumıstıń maqseti: Berigen formatlardıń birinde berilgen bir ólshemli A massivin variantta kórsetilgen nızamlıq boyınsha qayta islewge úyreniw.
Programmada A massivin kirgiziw hám shıǵarıwda, qayta islewde programma kodı optimallıǵı támiyinlengen bolıwı kerek. Massiv uzınlıǵı N<=20; A massivi elementlerin formattan kelip shıǵıp ózbetinshe kiritiwińiz múmkin. |