Variantlar:

2-Tapsırma: Tómendegilerdi tarmaqlanıwshı procesler boyınsha programmalastırıń.

Variantlar:

Tiykarǵı shártli operator (if, if-else)

1. Oń yaki Teris: Paydalanıwshıdan bir pútin san kirgiziwdi sorań. Eger san oń bolsa, "San oń", eger teris bolsa, "San teris" dep ekranga shıǵarıń.

2. Jup yaki Taq: Pútin san kirgiziń. if-else operatorı hám qaldıqtı tabıw (%) ámelin qollanıp, sannıń "Jup" yaki "Taq" ekenligin anıqlań.

3. Absolyut mánis: Bir pútin san kirgiziń. Eger san teris bolsa, onı oń sanǵa aylandırıp (mısalı, -5 bolsa 5), nátiyjeni shıǵarıń. Eger oń bolsa, ózin shıǵarıń (if).

4. Tolıq jaslıq: Paydalanıwshınıń jasın (int) kirgiziń. Eger jas 18 den úlken yaki teń bolsa, "Siz tolıq jaslısız", keri jaǵdayda "Siz tolıq jaslı emessiz" dep shıǵarıń.

5. Eki sannıń úlkeni: Eki pútin san (a hám b) kirgiziń. if-else járdeminde olardıń eń úlkenin tabıń hám ekranga shıǵarıń.

6. Nolge bóliwdi tekseriw: Eki haqıyqıy san (a hám b) kirgiziń. Eger b sanı nolge teń bolmasa, a / b nátiyjesin shıǵarıń. Eger b nolge teń bolsa, "Nolge bóliw múmkin emes!" degen xabardı shıǵarıń.

Kóp tańlawlı shárt operatorı (if-else if-else)

7. San belgisi: Pútin san kirgiziń. Sannıń "Oń", "Teris" yaki "Nólge teń" ekenligin if-else if-else strukturası arqalı anıqlań.

8. Baha qoyıw: Studenttiń toplap alǵan balın (0-100 aralıǵında) kirgiziń. Nátiyjeni tómendegishe shıǵarıń: 86-100 ("Aǵla"), 71-85 ("Jaqsı"), 55-70 ("Qanaatlandırarlı"), 0-54 ("Qanaatlandırarsız").

9. Úsh sannıń úlkeni: Úsh pútin san kirgiziń. if-else if-else járdeminde olardıń eń úlkenin tabıń.

10. Kalkulyator (if): Eki san (a, b) hám bir ámel simvolın (c, char tipinde: '+', '-', '*', '/') kirgiziń. if-else if járdeminde sáykes ámeldi orınlap, nátiyjeni shıǵarıń.

11. Svetofor: Svetofor reńin bildiriwshi simvol kirgiziń ('q', 's', 'j'). 'q' ushın "Toqtań!", 's' ushın "Tayarlanıń!", 'j' ushın "Júriń!" degen xabarlardı shıǵarıń. Basqa simvollar ushın "Qáte reń" dep shıǵarıń.

Quramalı shártler (Logikalıq &&, ||, !) hám qoyıw if

12. Imtixanǵa kiriw: Studenttiń qatnas procentin (int) hám tapsırǵan úy jumısları sanın (int) kirgiziń. Eger qatnas 75% ten joqarı HÁM úy jumısları 10 nan kóp bolsa, "Imtixanǵa ruqsat etildi", keri jaǵdayda "Ruqsat etilmedi" dep shıǵarıń.

13. Login hám Parol (if): Paydalanıwshıdan login (string) hám parol (string) kirgiziwdi sorań. Aldın logindi tekseriń (mısalı, "admin"). Eger login durıs bolsa, keyin paroldi tekseriń (mısalı, "1234"). Eki shárt te durıs bolsa "Xosh keldińiz!", bolmasa sáykes qáte xabarın shıǵarıń.

Tańlaw operatorı (switch-case)

17. Hápte kúnleri: 1 den 7 ge shekem san kirgiziń. switch operatorı járdeminde sanǵa sáykes hápte kúnin (1 - "Dúyshembi", 2 - "Siyshembi", ...) shıǵarıń. Eger basqa san kirgizilse, "Qáte san" dep shıǵarıń (default).

18. Máwsimler: Aydıń tártip sanın (1-12) kirgiziń. switch járdeminde (toparlastırılǵan case lerdi qollanıp) jıl máwsimin anıqlań (Mısalı, 12, 1, 2 ushın "Qıs"; 3, 4, 5 ushın "Báhár" hám t.b.).

19. Kalkulyator (switch): Eki san hám bir ámel simvolın ('+', '-', '*', '/') kirgiziń. switch járdeminde ámeldi orınlań. default jaǵdayında "Belgisiz ámel" dep shıǵarıń.

20. Dawıslı yaki Dawıssız: Bir kishi latın háribin (char) kirgiziń. switch járdeminde onıń dawıslı ('a', 'e', 'i', 'o', 'u') yaki dawıssız ekenligin anıqlań. (Úlken háriplerdi de case ke qosıw múmkin).

21. Menyu: Paydalanıwshıǵa menyu kórsetiń (1-Palaw, 2-Somsa, 3-Sháy). 1, 2, yaki 3 sanlarınan birin kirgiziwdi sorań hám switch arqalı tańlanǵan awqattıń bahasın shıǵarıń.

Aralas shárt

17. Dúkandaǵı zat bahası hám siziń aqshańız muǵdarı berilgen. Eger aqshańız jetse "Satıp alıw múmkin", jetpese "Aqshańız jetpey tur" degen xabar shıǵarıń.

18. Paydalanıwshıdan san kiritiwdi sorań. Eger san 100 den úlken bolsa, "San 100 den úlken" dep shıǵarıń.

19. Hawa temperaturası kiritiledi. Eger temperatura 0 gradustan tómen bolsa, "Suw muzlaydı" degen xabardı ekranda kórsetiń

5-ámeliy jumıs. Tákirarlanıwshı processlerdi shólkemlestiriw. Parametrli tákirarlaw operatorı. Shárti aldınnan berilgen tákirarlanıwshı operatorı. Shárti keyin berilgen tákirarlaw operatorları. Ishpe ish tákirarlanıwshı processler.

1-Tapsırma: Tákirarlanıwshı proceske baylanıslı tómendegi mısallardı programmalastırıń.