Mámleketlik kadastrlar tiykarları

aymaqlardıń ekologiyalıq, texnikalıq-geologiyalıq, seysmik, gidrigeoliyalıq jaǵdayı haqqında maǵlıwmatlar;

texnikalıq, transport hám jámiyetlik infradúzilme obyektleri sonıń menen birge aymaqlardıń abadanlastırıw haqqında maǵlıwmatlar;

aymaqlardı, elatlı punktlerdi rawajlandırıw hám olardı qurıwda qalasazlıq tárepten rejelestiriw haqqında maǵlıwmatlar;

aymaqlardı zondlaw hám aymaqlıq zonalardıń qalasazlıq reglamentleri haqqında maǵlıwmatlar;

úy-jay fondınıń texnikalıq jaǵdayı haqqında maǵlıwmatlar; qalasazlıq xızmeti obyektleri monitoring maǵlıwmatları.

Mámleketlik qalasazlıq kadastrın júritiw aymaqlıq arxitektura hám qurılıs organları hámde jergilikli Mámleketlik hákimiyatı hám basqarıw organları tárepinen Mámleketlik qalasazlıq kadastrı obyektleri haqqında maǵlıwmatlar májbúriy túrde tólemsiz beriwdi názerde tutadı.

Kadastr hújjetleri Mámleketlik qalasazlıq kadastrı obyektleri haqqında huqıqıy ekanomikalıq, texnikalıq hám rejelestiriwde maǵlıwmatlardıń baslanǵısh deregi sıpatında qabıl qılınadı hám qalasazlıq xızmetin ámelge asırıwda bárshe mámleketlik basqarıw organları, basqa yuridikalıq hám fizikalıq shaxslar ushın májbúriy kúshke iye boladı.

Mámleketlik qalasazlıq kadastrın júritiw qaǵaz yáki elektron dereklerinde ámelge asırıladı.

Mámleketlik qalasazlıq kadastrı obyektleri haqqında sistemalastırılǵan kadastr maǵlıwmatları belgilengen tártipte MKBBS na beriledi.

Mámleketlik qalasazlıq kadastrın júritiw jumısların qarjılandırıw mámleketlik byudjeti esabında ámelge asırıladı.

10.2. Mámleketlik qalasazlıq kadastrları júritiwdi shólkemlestiriw Mámleketliklik qalasazlıq kadastrın júritiwde “Davarxitekqurilish”

kamitetiniń wazıypaları tómendegiler keltirilgen: -“Davarxitekqurilish” kamiteti wákálatlı organ esaplanadı;

-aymaqlıq arxitektura hám qurılıs basqarmalardıń wákálatlı bólinmeleri tárepinen ámelge asırıladı.

-mámleketlik qalasazlıq kadastrın júritiw islerine ulıwmalıq “Davarxitekqurilish” kamiteti baslıǵı birinshi orınbasarı ámelge asıradı.

-mámleketliklik qalasazlıq kadastrın metodikalıq támiynlew “Davarxitekqurilish” Kamiteti tárepinen ámelge asırıladı.

-mámleketlik qalasazlıq kadastrı avtomatlastırılǵan informaciyalıq sistemasın dawam etiwdi hám onıń xizmetin támiynleydi;

-maǵlıwmatlar bazası dúzilmesin islep shıǵadı, onı aymaqlıq arxetekturada hám qurılısta bas basqarmanıń wákálátli bólinmelerine beriwdi ámelge asıradı, maǵlıwmatlar bazasınıń tuwrı toltırılıwı baqlawda boladı.

-aymaqlıq arxitektura hám qurılıs bas basqarmaları wákálátlı bólim kadrları mámleketlik qalasazlıq kadastrınıń avtomatlastırılǵan informaciyalıq sisteması menen islewge oqıtıwdı shólkemlestiredi.

-aymaqlıq arxitekturası hám qurılıs bas basqarmaları tárepinen kórsetilgen kadastr maǵlıwmatların sistemalaw hám olardı mámleketlik qalasazlıq kadastrınıń avtomatlastırılǵan informatsion sistemasında júritiw ámelge asırıladı.

-mámleketlik qalasazlıq kadastrı jańa obyektler haqqında esapqa alıw hám bahalaw maǵlıwmatların baqlaw.

-kadastr maǵlıwmatların mámleketlik kadastrları birden-bir sistemasına tezlik penen beriwde ámelge asıradı.

-mámleketlik qalasazlıq kadastrı obyektleriniń jaǵdayı hám olardan paydalanıw haqqında esabatın MKBBS na hár jılı belgilengen tártipte kórsetiledi.

Aymaqlıq arxitektura hám qurılıs bas basqarmalarınıń mámleketlik qalasazlıq kadastrın júritiwdegi wazıypaları

Mámleketlik qalasazlıq kadastrı obyektleriniń, muǵdarı hám sapasınıń jaǵdayı haqqında ózgerislerdi toplaydı hám sistemalastıradı.

Mámleketlik qalasazlıq kadastrı obyektleriniń, kadastr dápterlerin júritedi, maǵlıwmatlar bazasın toltıradı hám olardı sistemalastırıwda hámde mámleketlik qalasazlıq kadastrınıń avtomatlastırılǵan informaciyalıq sistemasına kiritiw ushın “Davarxitekqurilish” kamiteti wákálatlı shólkemlerge beredi.

Mámleketlik qalasazlıq kadastr obyektlerin esapqa alıp qoyadı, olar haqqında esapqa alıw hám bahalaw maǵlıwmatların toplaydı.

Aymaqlıq arxetektura hám qurılıs bas basqarmalarınıń mámleketlik qalasazlıq kadastr júritiw tártibi

Mámleketlik qalasazlıq kadastr obyektleri haqqında kadastr maǵlıwmatların toplaydı.

Mámleketlik qalasazlıq kadastr obyektleri haqqında kadastr maǵlıwmatları “Davarxitekqurilish” kamitetiniń mámleketlik qalasazlıq kadastrın júritiw boyınsha wákálatlı organlarǵa beredi.

“Davarxitekqurilish” kamiteti mámleketlik qalasazlıq kadastrın júritiw boyınsha wákálatlı organlarǵa aymaqlıq arxetektura hám qalasazlıq organlardan,

“Davarxitekqurilish” kamiteti mámleketlik qalasazlıq kadastrın júritiw boyınsha wákálatlı organlar kadastr maǵlıwmatların MKBBS maǵlıwmatlar bazasına beredi.

“Davarxitekqurilish” kamitetiniń mámleketlik qalasazlıq kadastrın júritiw boyınsha wákálatlı organları sorawına kóre MKBBS maǵlıwmatlar bazasınan mámleketlik qalasazlıq kadastr obyektleri boyınsha maǵlıwmatların alıwı múmkin.

“Davarxitekqurilish” kamitetiniń mámleketlik qalasazlıq kadastrın júritiw boyınsha wákálatlı organlarǵa mámleketlik qalasazlıq kadastr obyektleri boyınsha zárúr maǵlıwmatlardı aymaqlıq arxetektura hám qurılıs bas basqarmalarınıń wákálatli bólimlerine jiberedi.

MKBBS hám mámleketlik qalasazlıq kadastrın maǵlıwmatlar bazasınan paydalanıwshılar sorawına kóre mámleketlik qalasazlıq kadastrın obyektleri boyınsha kadastr maǵlıwmatların belgilengen tártipte alıwı múmkin.

10.3. Mámleketlik qalasazlıq kadastrın júritiw tártibi

Mámleketlik qalasazlıq kadastrın júritiw mámleketlik qalasazlıq kadastrı obyektleriniń barlıq túrlerin dizimge alıwdı, olardıń muǵdar hám sapa jaǵdayların, ekanomikalıq bahasın esaplap alıwı, sonıń menen kadastr maǵlıwmatların toplap, analiz qılıw, qayta islew, sistemalastırıw, saqlaw, jańalaw hám nızam hújjetlerinde belgilengen tártipte mápdar paydalanıwshıǵa beriwdi óz ishine aladı.

Mámleketlik qalasazlıq kadastrı obyektleri dizimi olardıń muǵdar hám sapası sondayaq ekanomikalıq bahasın esapqa alıw ushın tiykar esaplanadı.

Mámleketlik qalasazlıq kadastrı obyektleri hámme túrleri baslanǵısh dizimge kiritiw kerek. Bunda tiykarınan kórsetkishler kórsetiledi, olardıń quramı “Davarxitekqurilish” kamiteti tárepinen “Jergeodezkadastr” Mámleketlik kamiteti menen kelisken halda tastıyıqlanatuǵın tiyisli normativ hújjetler menen belgilenedi. Dizimge alıw nátiyjeleri boyınsha hár bir obyekt boyınsha ámelge asırıladı.

Mámleketlik qalasazlıq kadastrı obyektleriniń maǵlıwmatlarında endi bolatuǵın ózgerisler esapqa alıwda kórsetiledi.

Mámleketlik qalasazlıq kadastrı obyektleriniń muǵdar hám sapası haqqındaǵı esabı olardıń ekanomikalıq, qalasazlıq hám ekologiyalıq belgileri boyınsha spatlamaların óz ishine aladı, olardıń quramı mámleketlik qalasazlıq kadastrın júritiw boyınsha normativ hújjetlerinde belgilenedi.

Mámleketlik qalasazlıq kadastrı obyektleri muǵdar hám sapasın esapqa alıw ushın “Davarxitekqurilish” kamiteti tárepinen “Jergeodezkadastr” Mámleketlik kamiteti menen kelisken halda kadastr maǵlıwmatların kórsetiwdiń, texnikalıq parametrleri hám formatları islep shıǵıladı.

Hújjetler tiykarında rásmiylestirilgen hám belgilengen tártipte tastıyıqlanǵan esapqa alıw maǵlıwmatları kadastr dápterine jazıladı hám mámleketlik qalasazlıq kadastrınıń avtomatlastırılǵan informaciyalıq sistemasına kiritiledi.

Mámleketlik qalasazlıq kadastrı obyektlerin ekanomikalıq bahalaw, salıq salıw hám basqa maqsetler ushın hár qaysı obyekttiń esabın anıqlaw maqsetinde ámelge asırıladı.

Mámleketlik qalasazlıq kadastrı obyektleri ekanomikalıq bahalaw olardıń ózine tán qásiyetlerin esapqa alǵan halda nızam hújjetlerinde belgilengen tártipte ámelge asırıladı.

Mámleketlik qalasazlıq kadastrı obyektleri haqqında kadastr maǵlıwmatlarınıń isenimliligi ushın mámleketlik qalasazlıq kadastrın júritiwi “Davarxitekqurilish” kamiteti wákálatlı organlardıń hám aymaqlıq arxetektura hám qurılıs bas basqarmaları wákálatlı bólinmeleri baslıqları juwap beredi.

10.4. Mámleketlik qalasazlıq kadastrı boyınsha mámleketlik kadastrı birden-bir sistemasına (MKBBSqa) beriletuǵın maǵlıwmatlardıń quramı

Mámleketlik qalasazlıq kadastrı boyınsha–wákálatlı organ; Ózbekitan Respublikası Mámleketlik arxitektura hám qurılıs kamiteti (“Davarxitekqurilish” kamiteti) MKBBS ǵa tómendegi maǵlıwmatlardı beredi:

qalasazlıq xızmeti obyektleriniń dizimi (reestrı);

elatlı punktı aymaǵınan qalasazlıq boyınsha (funkciyanal) paydalanıw ámeldegi reglamentleri;

imaratlar salıwdı tártipkege salıwshı qızıl sızıqlar; funkcional zonalaw kartası;

aymaqtan paydalanıw túri boyınsha jer uchastkaların ózlestiriw nızam ornatılǵan tártipte (sonıń menen birge xojalıq xizmetin sheklewler) huqıqıy zonalaw kartası;

Seysmik zonalaw kartası;

Aymaqtı qalasazlıq–ekanomikalıq tárepten bahalaw kartası.

11- TEMA. GIDROTEXNIKA OBYEKTLERI MÁMLEKETLIK

KADASTRÍ

JOBA:

11.1.Gidrotexnika obyektlerı mámleketlik kadastrı maqseti hám

wazıypaları;

11.2.Gidrotexnika obyektlerı mámleketlik kadastrınıń mazmunı;

11.3.Gidrotexnika obyektlerı mámleketlik kadastrın júritiw;

11.4.Gidrotexnika obyektlerı mámleketlik kadastrı boyınsha mámleketlik kadastrları birden bir sistemasına (MKBBS) beriletuǵın maǵlıwmatlardıń quramı.

11.1.Gidrotexnika obyektlerı mámleketlik kadastrı maqseti hám wazıypaları Ózbekstan Respublikası Gidrotexnika obyektlerı mámleketlik kadastrı

Ózbekstan Respublikasınıń “Mámleketlik kadastrları haqqında”ǵı Nızamı (15.12.2000jıl № 171-II), Ózbekstan Respublikasınıń “Gidrotexnika obyektlerınıń qáwipsizligi haqqında”ǵı Nızamı (20.08.1999jıl №826-I), Ózbekstan Respublikası Ministrler Kabinetiniń 2005-jıl 16 fevraldaǵı 66-sanlı qararı menen tastıyıqlanǵan “Mámleketlik kadastrları birden bir sisteması (MKBBS)ın jaratıw hám júritiw tártibi haqqında”ǵı Nızam, Ózbekstan Respublikası Ministrler Kabinetiniń “Gidrotexnika obyektlerı kadastrın júritiw tártibi haqqında”ǵı 1999-jıl 16 noyabrdegi 499-sanlı qararına muwapıq obyektlerdıń texnik jaǵdayın esapqa alıw hám bahalaw, olardıń qáwipsiz islewin támiyinlew maqsetinde júritiledi.

Gidrotexnika obyektlerı mámleketlik kadastrı obyektınıń tábiyiy shártsharayatları, jaylasqan ornı, texnik, sapa hám muǵdar xarakteristikaları, xızmet qılıw múddeti, iyesi haqqındaǵı hám basqa maǵlıwmatlardı payda etiwshi maǵlıwmatlar sistemasınan hám hújjetlerden ibarat boladı.

Mámleket múlki bolǵan gidrotexnika obyektlerı, sonday aq kárxanalardıń respublika hám regionlar suw xojalıǵı hám energetika sistemasına kiriwshi gidrotexnika obyektlerı kadastr obyekti esaplanadı.

Bul obyektlerge: dambalar (platinalar), gidroelektr stanciyalar imaratları, suw taslaw, suw bosatıw, suw ótkiziw hám suw shıǵarıw obyektlerı, tunneller, kanallar, nasos stanciyaları, suw zapasları jaǵaların, dáryalar hám kanallar ózenleriniń jaǵaları hám túbin tasqın hámde jemiriliwlerden qorǵaw ushın móljesherlengen obyektler, sanaat hám awıl xojalıǵı shólkemleriniń suyıq shıǵındılar saqlanatuǵın orınlardı orap turıwshı obyektler kiredi.

Gidrotexnika obyektlerı mámleketlik kadastrı obyektlerınıń texnik jaǵdayın hár tárepleme úyreniw hám bahalaw, sıpat hám muǵdar xarakteristikaların hám paydalanıw dárejesin esapqa alıw maqsetinde júritiledi.

Maǵlıwmatlardı islep shıǵıw, saqlaw, jańalaw hám obyekt haqqında maǵlıwmat beriw texnologiyasın rawajlandırıw gidrotexnika obyektlerı kadastrınıń tiykarǵı wazıypası esaplanadı.

Ayrıqsha jaǵdaylardıń payda bolıw qáwipin tuwdırıwshı gidrotexnika obyektlerın óz ishine alıw, júritiw uslıllarınıń birden birligi, kadastr maǵlıwmatlarınıń durıslıǵı gidrotexnika obyektlerı kadastrın júritiwdiń tiykarǵı principleri esaplanadı.

Gidrotexnika obyektlerı mámleketlik kadastrı mápdar organları múmkin bolǵan baxıtsız hádiyselerdiń aldın alıw maqsetinde gidrotexnika obyektlerı qáwipsizligin paydalanıwdı tuwrı shólkemlestiriw, olardıń texnik jaǵdayın bahalaw haqqındaǵı informaciyalar menen támiyinlew ushın arnalǵan.

Gidrotexnika obyektlerı mámleketlik kadastrın júritiw topogeodeziyalıq izlenislerdi, gidrologiya, geologiya, gidrogeologiya, geofizik, naturada baqlawlar hám basqa arnawlı izertlewler, sonday-aq gidrotexnika obyektlerın arnawlı reestrde dizimnen ótkiziw menen támiyinlenedi.

Gidrotexnika obyektlerı mámleketlik kadastrın júritiw boyınsha isler mámleket byudjetinen finans penen támiyinlenedi.

11.2. Gidrotexnika obyektlerı mámleketlik kadastrınıń mazmunı

Gidrotexnika obyektlerı mámleketlik kadastrında hár bir obyektqa kadastr nomerin bergen jaǵdayda obyekttı arnawlı reestrde dizimnen ótkiziw, túrkimlew, sıpat hám muǵdarǵa tiyisli xarakteristikaların esapqa alıw hámde obyekt boyınsha maǵlıwmatlardı tiyisli formalarǵa kiritiw, saqlaw, jańalaw hám informaciyalardı paydalanıw ushın beriw názerde tutıladı.

Gidrotexnika obyektlerı mámleketlik kadastrına obyekt boyınsha ulıwmalıq maǵlıwmatlar, gidrologiya, geologiya, gidrogeologiya, litologiya shárt-sharayatları xarakteristikası, obyektler quramı, suw xojalıǵı, suwenergetika, texnikekonomikalıq kórsetkishler, izlewler, naturada baqlawlar, konstruktiv sızılmalar, sxemalar, grafikler tablitsa qılınǵan halda obyekt jaǵdayın belgilewshi bar bolǵan defektler kiritiledi.

Gidrotexnika obyektlerı mámleketlik kadastrınıń mazmunı boyınsha formaları Ózbekstan Respublikası awıl hám suw xojalıǵı ministrligi, "Uzdavenergonazorat" mámleket inspekciyası menen kelisken halda anıq gidrotexnika obyektlerı (suw saqlaǵıshlar, nasos stanciyası, gidrouzel, kanal, kollektor hám basqalar)dıń túrine muwapıq “Davsuvxójaliknazorat” inspekciyası tárepinen tastıyıqlanadı.

11.3. Gidrotexnika obyektlerı mámleketlik kadastrın júritiw

Quramalıǵı I, II, III klass bolǵan, mámleket múlki bolǵan, sonday aq respublika hám regionlar suw xojalıǵı hám energetika sistemasına kiriwshi

gidrotexnika obyektlerı kadastrı “Davsuvxójaliknazorat” inspekciyası tárepinen, quramalıǵı III klasstan pás bolǵan basqa gidrotexnika obyektlerı boyınsha obyektlerdıń saylıǵına qarap Ózbekstan Respublikası Awıl hám suw xojalıǵı Ministrligi, “Uzbekenergo” mámleketlik-aktsionerlik kompaniyası tárepinen júritiledi.

I, II, III kapitallıq klassları gidrotexnika obyektlerı:

gidrotexnika obyektlerınıń texnikalıq jaǵdayı hám qáwipsizligi ústinen baqlaw (monitoring)di támiyinleydi.

Gidrotexnika obyektlerı mámleketlik kadastrı maǵlıwmatların jańalawda obyekttıń xarakteristikasına hám texnik jaǵdayına tásir qılıwshı rekonstrukciya qılıw hám kapital remontlaw hám basqa tásirler nátiyjesinde júz bergen ózgerislerdi anıqlaydı hám dizimnen ótkizedi.

III den tómen kapitallıq klassları:

Hár bir obyektqa kadastr nomerin bergen halda obyekttı arnawlı reestrde dizimnen ótkiziw, sapa hám muǵdarǵa tiyisli xarakteristikalardı esapqa alıw hámde obyekt boyınsha maǵlıwmatlardı tiyisli formalarda kiritiw, saqlaw, jańalaw hám informaciyalardı paydalanıw ushın beriwdi támiyinleydi.

Gidrotexnika obyektlerı mámleketlik kadastrına obyekt boyınsha ulıwmalıq maǵlıwmatlar, gidrologiya, geologiya, gidrogeologiya, litologiya shárt-sharayatları xarakteristikası, obyektler quramı, suw xojalıǵı, suwenergetika, texnikekonomikalıq kórsetkishler, izlewler, naturada baqlawlar, konstruktiv sızılmalar, sxemalar, grafikler keste qılınǵan halda obyekt jaǵdayın belgilewshi bar bolǵan defektlerdi kiritip baradı.

Gidrotexnika obyektlerı mámleketlik kadastrın júritiw júklengen organlar gidrotexnika obyektlerınıń texnik jaǵdayı hám qáwipsizligi ústinen baqlaw (monitoring)di támiyinleydi.

Gidrotexnika obyektlerı mámleketlik kadastr maǵlıwmatların jańalawda obyekttıń xarakteristikasına hám texnik jaǵdayına tásir qılıwshı rekonstrukciya qılıw hám kapital remontlaw hám basqa tásirler nátiyjesinde júz bergen ózgerislerdi anıqlaydı hám dizimnen ótkizedi. Obyektler iyeleri bir ay múddette gidrotexnika obyektlerı kadastrın júritiw júklengen organlarǵa kórsetip ótilgen ózgerisler haqqında informaciyalardı beriwge májbúr.

Gidrotexnika obyektlerı mámleketlik kadastrın júritiw tártibi:

1. “Davsuvxójaliknazorat” inspekciyası, Awıl hám suw xojalıǵı Ministrligi, “Ózbekenergo” mámleketlik-aktsionerlik kompaniyası sistemasında hámde onıń sistemasınan sırtta is kórsetetuǵın gidrotexnika obyektlerı múlkdarları paydalanıwshıları gidrotexnika obyektlerı boyınsha kadastr informaciyaların saylıǵı boyınsha “Davsuvxójaliknazorat” inspekciyası, Awıl

hám suw xojalıǵı Ministrligi, “Ózbekenergo” mámleket-aktsionerlik kompaniyasına usınadı.

2.Gidrotexnika obyektlerı kadastr xızmeti usı obyektler múlkdarları hám paydalanıwshılardan gidrotexnika obyektlerı boyınsha kadastr maǵlıwmatların toplaylı, óz aymaqları boyınsha kadastr jumısın rawajlandıradı, gidrotexnika obyektlerı boyınsha maǵlıwmatlardıń saylıǵı boyınsha “Davsuvxójalik nazorat” inspekciyası, Awıl hám suw xojalıǵı Ministrligi, “Ózbekenergo” mámleketlikaktsionerlik kompaniyasına kadastr xizmetlerine beredi.

3.“Davsuvxójaliknazorat” inspekciyası, Awıl hám suw xojalıǵı Ministrligi, “Ózbekenergo” mámleketlik-aktsionerlik kompaniyasına kadastr xizmetleri mámleket jer kadastrınan hámde imaratlar hám obyektler mámleket kadastrınan jer ushastkaları, bina hám obyektler haqqındaǵı maǵlıwmatlardı aladı.

4.“Davsuvxójaliknazorat” inspekciyası, Awıl hám suw xojalıǵı Ministrligi, “Ózbekenergo” mámleket-aktsionerlik kompaniyasına kadastr xizmetleri Gidrotexnika obyektlerı maǵlıwmatların maǵlıwmatlar bazasına kiritilgennen keyin kadastr maǵlıwmatların “Jergeodezkadastr” mámleket komitetiniń MKBBS maǵlıwmatlar bazasına beredi.

5.“Davsuvxójaliknazorat” inspekciyası, Awıl hám suw xojalıǵı Ministrligi, “Ózbekenergo” mámleketlik-aktsionerlik kompaniyasına kadastr xizmetleri sorawı boyınsha “Jergeodezkadastr” mámleketlik kamitetiniń MKBBS maǵlıwmatlar bazasınan energetika obyektleri boyınsha maǵlıwmatlardı alıwı múmkin.

6.“Davsuvxójaliknazorat” inspekciyası, Awıl hám suw xojalıǵı Ministrligi, “Ózbekenergo” mámleketlik-aktsionerlik kompaniyası kadastr xizmetleri gidrotexnika obyektlerı boyınsha zárúr maǵlıwmatlardı gidrotexnika obyektlerı kadastr xizmetlerine jiberedi.

7.MKBBS nan paydalanıwshılar sorawı boyınsha “Jergeodezkadastr” mámleket kamitetiniń MKBBS maǵlıwmatlar bazasınan gidrotexnika obyektlerı boyınsha kadastr informaciyaların alıwı múmkin.

11.4.Gidrotexnika obyektlerı mámleketlik kadastrı boyınsha mámleketlik kadastrları birden bir sistemasına (MKBBS) beriletuǵın maǵlıwmatlardıń

quramı

Gidrotexnika obyektlerı mámleketlik kadastrı boyınsha–wákilikli shólkemler: Ózbekstan Respublikası Ministrler Kabineti qasındaǵı úlken hám ayrıqsha áhmiyetli suw xojalıǵı obyektleriniń texnik jaǵdayı hámde qáwipsiz islewin baqlaw mámleket inspekciyası (“Davsuvxójalik nazorat” inspekciyası), Awıl hám suw xojalıǵı Ministrligi, “Ózbekenergo” mámleketlik-aktsionerlik kompaniyası MKBBS na tómendegi maǵlıwmatlardı beredi:

a)I, II, III kapitallıq klassları gidrotexnika obyektlerı (GTI)– “Davsuvxójaliknazorat” inspekciyası;

b)III den tómengi kapitallıq klassları GTI ları–Awıl hám suw xojalıǵı Ministrligi, “Ózbekenergo” mámleketlik-aktsionerlik kompaniyası– obyektlerınıń saylıǵı boyınsha:

kadastr obyektiniń atı;

yuridikalıq yáki fizikalıq shaxstıń–múlkdar, iyelik qılıwshı, paydalanıwshı yáki ijaraǵa alıwshınıń atı hám mánzili;

kadastr obyektiniń shólkemlik saylıǵı;

kadastr obyektiniń jaylasqan ornı (wálayat, rayon, geografiyalıq koordinataları) hám maydanı;

kadastr nomeri;

kadastr obyekti iske túsirilgen sáne; kadastr obyektiniń maqset wazıypası;

kadastr obyektine bolǵan huqıqlardıń mámleket diziminen ótkerilgenligi haqqındaǵı maǵlıwmatlar;

kadastr obyektiniń summa bahası;

túrli áhmiyettegi bina hám obyektlerdıń qorǵalatuǵın zonalarda jaylasıwına tiyisli ayrıqsha shártler haqqında maǵlıwmatlar;

kadastr obyekti haqqındaǵı tolıq hújjetlestirilgen maǵlıwmatlardıń bar ekeni hám turǵan ornı.

12- TEMA: MÁDENIY MIYRAS OBYEKTLERI MÁMLEKETLIK

KADASTRÍ

JOBA:

12.1.Mádeniy miyras obyektleri mámleketlik kadastrınıń mazmunı;

12.2.Mádeniy miyras obyektleri mámleketlik kadastrın júrgiziw rejimi;

12.1.Mádeniy miyras obyektleri mámleketlik kadastrınıń mazmunı.

12.1.Mádeniy miyraslar obyektleri mámleketlik kadastrınıń mazmunı Mádeniy miyras obyektleri mámleketlik kadastrı: Ózbekstan Respublikası

“Mámleketlik kadastrları haqqında”ǵı Nızamı (15.12.2000-jıl № 171-II), Ózbekstan Respublikasınıń “Mádeniy miyraslar obyektlerin qorǵaw hám olardan paydalanıw haqqında”ǵı Nızamı (30.08.2001-jıl № 269 -II), Ózbekstan Respublikası Ministrler Kabinetiniń 2005-jıl 16 fevraldaǵı 66-san sheshimi menen tastıyıqlanǵan “Mamleketlik kadastrları birden-bir sistemasın (MKBBS) jaratıw hám júrgiziw rejimi haqqındaǵı qaǵıyda, Ózbekstan Respublikasınıń Ministrler Kabinetiniń “Ózbekstan Respublikası Mádeniy miyraslar obyektleri mámleketlik kadastrın júrgiziw rejimi haqqındaǵı qaǵıydasın tastıyıqlaw haqqındaǵı 2002-jıl 29 iyuldaǵı 269-san sheshimine hám basqa normativlik-

huqıqıy hújjetlerge, muwapıq mádeniy miyraslar obyektleriniń mámleketlik qáwipsizligin hámde olardan aqılǵa say paydalanıwdı támiyinlew maqsetinde júritiledi.

Mádeniy miyraslar obyektleri mámleketlik kadastrı ózinde mádeniy miyraslar obyektleriniń geografiyalıq jaylasıwı, huqıqıy atı, muǵdarlıq, sapa xarakteristikaları hám bahası haqqındaǵı jańalap turılatuǵın maǵlıwmatlar hám hújjetler sistemasın ańlatadı.

Tómendegiler mádeniy miyraslar obyektleri mámleketlik kadastrın júrgiziwdiń tiykarǵı principleri esaplanadı:

Respublikanıń pútkil aymaǵında mádeniy miyraslardıń barlıq obyektlerin mámleketlik kadastrı menen qamtıp alıw;

kadastr maǵlıwmatların qáliplestiriwdiń birden-bir metodologiyası; mámleketlik kadastrın júrgiziwdi oraylastırılǵan tárizde basqarıw; mámleketlik kadastrları birden-bir sisteması talapların támiyinlew;

kadastr maǵlıwmatlarınıń isenimliligi hámde onı toltırıw hám jańalap barıwdıń úzliksizligi;

kadastr maǵlıwmatlarınan paydalanıw múmkinligi.

Mádeniy miyraslar obyektleri mámleketlik kadastrın júrgiziw mádeniy miyraslar obyektlerine múlkshilik huqıqın hám basqa huqıqlardı mámleketlik diziminen ótkeriwdi, mádeniy miyraslar obyektlerin muǵdarlıq hám sapa xarakteristikaların esapqa alıwdı, mádeniy miyraslar obyektlerin sapa hám baha tárepinen bahalawdı, kadastr informaciyasın gruppalastırıw, saqlaw hám jańarıwdı, mádeniy miyraslar obyektleriniń awhalı haqqındaǵı esabatlardı dúziwdi, mámleketlik kadastrları birden-bir sistemasına kirgiziw ushın tiyisli informaciyanı usınıwdı, paydalanıwshılardı kadastr informaciyası menen támiyinlewdi óz ishine aladı.

Ózinde tariyxiy, ilimiy, kórkem yamasa ózge mádeniy qımbatqa iye bolǵan estelikler, ansambller hám dıqqatqa iye orınlar mádeniy miyraslar obyektleri mámleketlik kadastrı obyektleri esaplanadı.

Mádeniy miyraslar obyektleri mámleketlik kadastrın Ózbekstan Respublikası Mádeniyat hám sport jumısları Ministrliginiń Mádeniy miyraslar obyektlerin qorǵaw hám olardan paydalanıw ilimiy-óndiris bas basqarmasınıń kadastr xızmeti, sonıń menen birge Qaraqalpaqstan Respublikası, wálayatlar hám Tashkent qalasında Mádeniy miyraslar obyektlerin qorǵaw hám olardan paydalanıw regionlıq mámleketlik inspekciyaları tárepinen júritiledi. Mádeniy miyraslar obyektlerin qorǵaw hám olardan paydalanıw boyınsha ilimiyóndiris basbasqarmasınıń kadastr xızmeti:

Mádeniy miyraslar obyektleri mámleketlik kadastrınıń júritiliwin muwapıqlastıradı;