Mámleketlik kadastrlar tiykarları

Mádeniyat hám sport isleri ministrligine obyektti mádeniy miyraslar obyektleri mámleketlik kadastrınan shıǵarıw haqqında usınıs kiritedi.

6.Mádeniyat hám sport isleri Ministrligi obyektti mádeniy miyraslar obyektleri mámleketlik kadastrınan shıǵarıw haqqında tiyisli buyrıq shıǵaradı.

7.Mádeniyat hám sport isleri Ministrliginiń buyrıǵı tiykarında mádeniy miyraslar obyektlerin qorǵaw hám olardan paydalanıw ilimiy-óndiris bas basqarması Mádeniy miyraslar obyektleri mámleketlik kadastrına tiyisli jazıwdı kiritedi.

8.Mádeniy miyraslar obyektlerin qorǵaw hám olardan paydalanıw ilimiyóndiris bas basqarması Mádeniy miyraslar obyektleri mámleketlik kadastrına tiyisli jazıwdı kirgizgennen keyin “Jergeodezkadastr” mámleketlik komitetine Ózbekstan Respublikası mámleketlik kadastrları birden-bir sistemasına kirgiziw ushın tiyisli maǵlıwmat beredi.

9.Mádeniy miyraslar obyektlerin qorǵaw hám olardan paydalanıw ilimiyóndiris bas basqarması mádeniy miyraslar pasportın biykar etedi hám tiyisli regionlıq inspekciyaǵa mádeniy miyraslar obyekti Mádeniy miyraslar obyektleri mámleketlik kadastrıdan shıǵarılǵanlıǵı haqqında maǵlıwmattı jiberedi.

10.Regionlıq mámleketlik inspekciyaları mádeniy miyraslar obyekti iyesin (yuridikalıq yamasa fizikalıq shaxstı) yáki orınlardaǵı mámleketlik hákimiyat organıń mádeniy miyraslar obyektin mádeniy miyraslar obyektleri mámleketlik kadastrınan shıǵarılǵanlıǵı haqqında xabardar etedi. Mádeniy miyraslar obyekti pasportı mádeniy miyraslar obyektlerin qorǵaw hám olardan paydalanıw ilimiyóndiris bas basqarmasına jiberiw ushın regionlıq mámleketlik inspekciyasına qaytarıp beriledi.

Mádeniy miyraslar obyektleri mámleketlik kadastrı tárepinen Mámleketlik kadastrları birden-bir sistemasına usınıs etiletuǵın maǵlıwmatlarınıń quramı Mádeniy miyraslar obyektleri mámleketlik kadastrın júrgiziw boyınsha-kepillikli shólkem Ózbekstan Respublikası Mádeniyat hám sport isleri Ministrligi Bas ilimiy-óndiris basqarması MKBBSna tómendegi maǵlıwmatlardı usınıs etedi:

kadastr obyektiniń atı;

yuridikalıq hám fizikalıq shaxstıń mal-múlkli, iyelik etiwshi, paydalanıwshı yamasa kireyge alıwshınıń atı hám adresi;

kadastr obyektiniń mekemelik tiyisliligi; obyekttiń kadastr nomeri;

kadastr obyektiniń jaylasqan ornı hám maydanı;

kadastr obyektiniń tipologiyalıq tiyisliligi (arxeologiya, tariyxiy estelik, arxitektura esteligi, monumental kórkem óner esteligi);

estelik dóretiw bolǵan sáne hám estelik payda bolıwı menen baylanıslı bolǵan tariyxıy waqıyanıń sánesi;

esteliktiń maqset wazıypası (mádeniy-aǵartıwshılıq, turistik-ekskursion, emlew-salamatlandırıw, turar jay, xojalıq bólmeleri, paydalanılmaydı);

esteliktiń texnikalıq awhalı; bahası;

estelikten paydalanıw natijeliligi (sociallıq, ekonomikalıq); obyekttiń kadastr planı.

III-BAP. TÁBIYIY RESURSLAR TOPARINA KIRIWSHI

MÁMLEKETLIK KADASTRLARÍ H’ÁM OLARDÍ JÚRGIZIW ÓZGESHELIKLERI

13- TEMA. ÓZBEKSTAN RESPUBLIKASÍ KÁNLERI, PAYDALÍ QAZÍLMALAR DEREKLERI HAM TEXNOGEN HADIYSELER

MAMLEKETLIK KADASTRÍN JÚRITIW TÁRTIBI

JOBA:

13.1.Ózbekstan Respublikası kánleri, paydalı qazılmaları derekleri hám texnogen hadiyseler mámleketlik kadastrı maqseti hám wazıypaları;

13.2.MKBBS na beriletuǵın maǵlıwmatlar quramı.

13.1.Ózbekstan Respublikası kánleri, paydalı qazılmaları derekleri hám texnogen hadiyseler mámleketlik kadastrı maqseti hám wazıypaları

Kánler, paydalı qazılmalar derekleri hám texnogen hadiyseleri (mineral shiyki ónim qazıp alıw hám qayta islew shıǵındıları) mámleketlik kadastrı kánleri, paydalı qazılmalar derekleri hám texnogen hadiyseler obyektleriniń qısqasha, birdeylestirilgen túsindirmeleri toplamınan ibarat hám ol Ózbekstan Respublikası mámleketlik kadastrları birden-bir sistemasınıń quramlıq bólegi esaplanadı.

Ózbekstan Respublikası kánleri, paydalı qazılmaları derekleri hám texnogen hadiyseleri mámleketlik kadastrın Respublikanıń mineral shiyki ónim resursları jaǵdayın bahalaw, jer astı baylıqların geologiyalıq úyreniw boyınsha jumıslardı rawajlandırıw dástúrlerin islep shıǵıwdı támiynlew, kánler, paydalı qazılmalar derekleriniń tiykarǵı túsindirmeleri hám texnogen hadiyseler obyektleri menen tezlik penen tanısıw, sonday-aq, Ózbekstan Respublikası mámleketlik kadastrları birden-bir sistemasındaǵı jer uchastkaların bahalaw ushın arnalǵan.

Tómendegiler Ózbekstan Respublikası kánleri, paydalı qazılmaları derekleri hám texnogen hadiyseleri mámleketlik kadastrın esapqa alıw obyektleri esaplanadı:

Ózbekstan Respublikası paydalı qazılmaları zapasları mámleket balansında esapqa alınǵan paydalı qazılmalar zapaslarına iye bolǵan kánler;

paydalı qazılmalar kánleri ushastkaları, eger olardıń zapastaǵı Ózbekstan Respublikası paydalı qazılmaları zapastaǵı mámleket balansında óz aldına bet penen esapqa alınsa;

Ózbekstan Respublikası paydalı qazılmaları zapasları mámleket balansında esapqa alınbaǵan paydalı qazılmalar zapaslarına iye bolǵan, biraq izlew jumısları bolınbaǵan kánler;

paydalı qazılmaları Ózbekstan Respublikası paydalı qazılmaları zapasları mámleket balansınan qanday da sebepke kóre shıgarılǵan kánler;

quramına mineral shiyki ónimniń sonday túri boyınsha qazıp alınıp atırǵan kánlerge sanat talaplarına juwap beriwshi qımbatlı komponentler barlıǵı sebepli hesh bolmaǵanda bir ruda qatlamı barlıǵı anıqlanǵan paydalı qattı qazılmalar derekleri;

quramına qımbatlı komponentler ámeliy qızıǵıw tıwdırıwshı sonday-aq, qorshaǵan-ortalıqqa zıyan keltiriwshi hám óz aldına qawip-qáter tuwdırıwshı kambaǵal rudalar awdarmaları, shıǵındı qorları hám basqa texnogen hadiyseler.

Mamleketlik kadastrında paydalı qazılmalar boyınsha:

Obyekttiń geografiyalıq hám adminstrativlik jaǵdayı haqqındaǵı maglıwmatlar, tiykarǵı hám olar menen birgeliktegi jaylasqan paydalı qazılmalardıń muǵdarlıq, sapa quramı hám olarda bar bolǵan paydalı hám zıyanlı komponentler, kánlerdi qazıwdıń geologiyalıq-ekonomikalıq, texnologiyalıq, gidrogeologiyalıq, ekologiyalıq hám basqa sharayatları haqqındaǵı maǵlıwmatlar boladı.

Mámleketlik kadastrında paydalı qazılmalar derekleri boyınsha:

Derektiń geografiyalıq hám adminstrativlik jaǵdayı, onıń geologiyalıq tárepten úyrenilgenligi dárejesi, anıqlanǵan zapaslar muǵdarı hám bahalanǵan, prognoz qılınǵan resurslar, haqqındaǵı maglıwmatlar mineral shiyki ónimniń múmkin bolǵan qasiyetleri sonday-aq obyekttiń keleshekte úyreniw boyınsha usınıslar boladı.

Mámleketlik kadastrında texnogen hadiyseler obyektleri boyınsha: Texnogen hadiyseler derekleri, olardıń qaliplesiw dáwiri, texnogen

hadiyselerdiń olardıń muǵdarlıq-sapa kórsitkishleri hám olardı saqlaw sharayatları kórsetilgen haldaǵı túri yamasa túri haqqındaǵı maǵlıwmatlar boladı.

Mámleketlik kadastrında, sonday-aq, geologiyalıq-izlew hám paydalanıw paydalı qazılmalardıń texnologiylıq sınawlardıń natiyjelerine tiyisli anıq esabatlarda, texnik-ekonomikalıq túsiniklerde, dokladlar hám texnikalıqekonomikalıq tiykarlarda, mineral shiyki ónim kondiciyaların hám paydalı qazılmalar zapasların tastıyıqlaw boyınsha protokollarda anıq maǵlıwmattıń, sonday-aq, jer astı baylıqlarına tiyisli basqa dástlepki maǵlıwmattıń bar ekenligi haqqındaǵı maǵlıwmatlar da boladı.

Kánler, paydalı qazılmalar derekleri hám texnogen hadiyseler pasportların dúziw ushın tomendegiler dastlepki maǵlıwmat derekleri esaplanadı:

geologiyalıq-súwretke alıw, izlew, injenerlik-geologiyalıq, gidrogeologiyalıq, gioekologiyalıq, tematikalıq, tajriybe-metodlıq, ilimiy-izzertlew jumısları hám jer astı baylıqların úyreniw boyınsha basqa jumıslar nátiyjeleri haqqındaǵı tastıyıqlanǵan esabatlar;

mineral shiyki ónimniń texnologiyalıq sınawları nátiyjeleri haqqındaǵı esabatlar;

qazıp alıwshı kárxanalardıń texnogen hádiyselerin joqarı dárejedegi qawipli obyektleri haqqındaǵı maǵlıwmatlardan ibarat bolǵan jıllıq esabatlar;

paydalı qazılmalar zapasları balansları;

mineral shiyki ónimniń kondiciyaların hám paydalı qazılmalar zapasların tastıyıqlaw boyınsha protokollar, sonday-aq zapaslardı esaptan shıǵarıwǵa tiyisli materyallar.

Geologiyalıq materyallar seysmoaktivlik, sel qáwpi, qáwipli geologiyalıq processler (oyılıwlar, kóshiw, shógiw, suffoziyalar, karetler) belgileri bar ekenligi haqqındaǵı maǵlıwmatlar menen toltırıladı.

Kánler, paydalı qazılmalar derekleri hám texnogen hadiyseler pasportları arnawlı forma (blanka)larda tomendegiler boyınsha dúziledi:

rudalı paydalı qazılmalar kánleri; rudasız paydalı qazılmalar kánleri; shashılmalı kánler;

radioaktiv shiyki ónim kanleri;

kómir hám janatuǵın slanetsler kanleri; neft hám gaz kánleri;

rudalı paydalı qazılmalar derekleri; rudasız paydalı qazılmalar derekleri; radioaktiv shiyki ónim derekleri; texnogen hádiyseler obyektleri.

Pasportlardı dúziw usılları, arnawlı forma (blankalar) Ózbekstan Respublikası Geologiya hám mineral resurslar mámleketlik kamiteti tárepinen tastıyıqlanadı.

Ózbekstan Respublikası kánleri, paydalı qazılmaları derekleri hám texnogen hadiyseleri mámleketlik kadastrın júritiw tártibi Ózbekstan Respublikası Geologiya hám mineral resurslar mámleketlik kamitetindegi mámleketlik geologiyalıq fondı (bunnan kiyin–mámleketlik geologiya fondı dep júritiledi) paydalı qazılmalardı qazıb alıw hám jer astı baylıqların geologiyalıq úyreniw jumısların ámelge asırıwshı (bunnan kiyin-jer astı baylıqlarınan paydalanıwshı dep júritiledi) kárxanalar (shólkemler) usınıs etken dáslepki maǵlıwmatlardı toplaw, esapqa alıw hám tartipke salıw tiykarında júritedi.

Bul Nızamnıń 4-bándine muwapıq esapqa alınıwı kerek bolǵan kánler, paydalı qazılmalar derekleri anıqlanǵan jaǵdayda pasport jer astı baylıqlarınan paydalanıwshı tárepinen hár qaysı kán yamasa paydalı qazılmalar derekleri ushın dúziledi.

Izlenip atırǵan (tolıq bahalanıp atırǵan) kánlerdi Ózbekstan Respublikası qazılmaları zapasları mámleketlik balansında esapqa qoyıwda pasport jer astı baylıqlarınan paydalanıwshı tárepinen hár qaysı kán yamasa paydalı qazılmalar deregi ushın dúziledi.

Qazılıp atırǵan kánler hám texnogen hadiyseler obyektleri boyınsha pasportlar jer astı baylıqlarınan paydalanıwshılar tárepinen olardıń texnikalıq shegaralarınıń hár kezdegi ózgerisi dúziledi.

Óz aldına ushastkalarda (bólimlerde) kán bólekleri sheńberinde kánniń geologiyalıq dúzilisin puxta anıqlaw imkanın bergen qosımsha geologiyalıqizleniw jumısları ótkerilgen qazılıp atırǵan kánler boyınsha pasportlar jer astı baylıqlarınan paydalanıwshılar tárepinen, usı obyekt boyınsha paydalı qazılmalar zapasların gezektegi jıllıq balansı usınıs etken jaǵdayda, dúziledi.

Kánler, paydalı qazılmalar derekleri hám texnogen hadiyseler pasportları jer astı baylıqların geologiyalıq úyreniw jumısları nátiyjeleri boyınsha esabatlar ushın belgilengen tártipte tastıyıqlanadı.

Pasporttı dúzgen, teksergen hám tastıyıqlaǵan shaxslar onda keltirilgen maǵlıwmatlardıń tuwrılıǵı ushın juwap beredi.

Pasport dúzilmegen jaǵdayda yamasa ol belgilengen talaplardan shetke shıqqan jaǵdayda dúzilgende, mámleket geologiya fondı paydalı qazılmalar zapaslarınıń tiyisli esabatı yamasa balansın esapqa almaydı, sonday-aq, jer astı baylıqların geologiyalıq úyreniw boyınsha ámelge asırılǵan jumıslar qárejetlerdi esaptan shıǵarıw ushın maǵlıwmatnama bermeydi.

Tómendegiler Ózbekstan Respublikası kánleri, paydalı qazılmaları derekleri hám texnogen hadiyseleri mámleket kadastrın júritiw boyınsha mámleket geologiya fondınıń tiykarǵı wazıypaları esaplanadı:

pasportlardı qabıl qılıw, dizimnen ótkeriw hám saqlaw; esapqa alıw obyektleri katalogın júritiw;

esapqa alıw obyektleriniń dizimnen ótkeriw kartaların júritiw;

kánler, paydalı qazılmaları derekleri hám texnogen hadiyseleri mámleket kadastrın toplaw, esapqa alıw, tártipke salıw hám saqlaw.

Esapqa alıw obyektleri pasportların qabıl qılıw dizimnen ótkeriw hám saqlaw, katalog hám dizimnen ótkeriw kartaların júritiw Ózbekstan Respublikası Geologiya hám mineral rusurslar mámleketlik kamiteti belgilengen tártipte ámelge asırıladı.

Mámleket geologiya fondı óziniń tiykarǵı wazıypalarına muwapıq tómendegilerdi támiynleydi:

jer astı baylıqlarınan paydalanıwshılar tárepinen esapqa alıw obyektleri pasportların dúziwge metodikalıq basshılıq etiw;

esapqa alıw obyektleri pasportlarınıń mámleketlik geologiya fondına óz waqtında usınıs etiliwin qadaǵalaw;

materiallardı mámleket basqarıw organlarına hám mámleket hákimiyatı organlarına usınıs etiw;

mápdar yuridikalıq hám fizikalıq shaxslardıń olardan paydalanıw tártibi hám shártlerin belgilew;

túsetuǵın maǵlıwmatlardı avtomatlastırılǵan halda islew sistemasın jaratıw hám onıń qaniygelestirilgen dástúriy tamiynatın jolǵa qoyıw.

13.2. MKBBS na beriletuǵın maǵlıwmatlar quramı

Kánler, paydalı qazılmalar hám texnogen hadiyselerdiń júzege shıǵıw jagdayları mámleket kadastrı boyınsha-wákálatlı organ Ózbekstan Respublikası Mámleket geologiya hám mineral resurslar kamiteti (Mámleketlik geologiya kamiteti) MKBBS na tómendegi maǵlıwmatlardı usınıs etedi:

kadastr obyektiniń atı;

yuridikalıq yamasa fizikalıq shaxstıń-jer ushastkası múlkdardıń, iyesiniń, paydalanıwshısınıń yamasa ijaraǵa alıwshınıń atı hám mánzili;

obyekttiń kodı (identifikatsion nomeri);

kadastr obyektiniń jaylasqan ornı (walayat, rayon, geografiyalıq koordinataları);

kadastr obyekti iske salınǵan jıl; kadastr obyektiniń maydanı;

kadastr obyektiniń shólkemlik tiyisliligi;

tiykarǵı paydalı qazılma hám qosımsha paydalı qazılmalar hám qosımsha paydalı komponentler;

paydalı qazılmalardıń túrleri hám muǵdarları haqqındaǵı maglıwmatlar; tastıyıqlanǵan zapaslar (muǵdarı, tastıyıqlaw instansiyası, sanesi); kadastr obyektinde qazıw usılı;

mineral shiyki ónimnen paydalanıw tarawı;

tastıyıqlanǵan zapaslardıń jıl basına qaldıg„ı (texnogen hadiyselerdiń bahalanǵan kolemleri qaldıg„ı);

kadastr obyektiniń ózlestirilgenlik dárejesi; kadastr obyektiniń jaylasıw sxeması;

kadastr obyektiniń ekonomikalıq bahası (rentabelligi, kapital qarjilardıń qaplanıw múddeti).

14- TEMA: ÓZBEKSTAN RESPUBLIKASÍNÍŃ MÁMLEKETLIK SUW

KADASTRÍN JARATÍW HÁM JÚRITIW TÁRTIBI

JOBA:

14.1.Mámleketlik suw kadastrınıń mazmunı;

14.2.Mámleketlik suw kadastrın islep shıǵıw hám júritiwdi shólkemlestiriw.

14.1. Mámleketlik suw kadastrınıń mazmunı

Mámleketlik suw kadastrı (keyingi orınlarda tekstde MSK dep ataladı) “Suw hám suwdan paydalanıw haqqında”ǵı Ózbekstan Respublikası nızamına muwapıq, suw resurslarınan aqılǵa muwapıq paydalanıwdı payda etiw, suw xojalıǵı múnásebetlerin tártipke salıw, xojalıq iskerligin, ekologiyalıq sharayattı bahalaw maqsetinde islep shıǵarıladı hám júritiledi, hámde Ózbekstan Respublikasınıń Mámleketlik kadastrlarınıń birden-bir sistemasınıń quram bólegi esaplanadı.

Mámleketlik suw kadastrı birden-bir mámleket suw fondın payda etiwshi suw obyektleri, suw resursları, suw rejimi, sapası hám onnan paydalanıw haqqındaǵı, sonday-aq suwdan paydalanıwshılar haqqındaǵı tártipke salınǵan, dawamlı toltırıp barılatuǵın hám zárúriyat bolǵanda anıqlastıratuǵın maǵlıwmatlar toplamın kórsetedi.

Jer ústi hám jer astı suw obyektleri hám olardıń resursları Mámleketlik suw kadastrınıń obyektleri esaplanadı.

Tábiyat suw resursları, olardan muǵdar hám sapa kórsetkishleri boyınsha paydalanıwdı hár tárepleme úyreniw hám bahalaw, suwdan paydalanıw huqıqın hám suwdan xojalıq maqsetlerinde paydalanıwdı dizimnen ótkeriw mámleket suw kadastrınıń predmeti esaplanadı.

Suw resursların bahalaw degende hár jıl dawamında, hám kóp jıllar dawamında standart gidrometrik ásbaplar menen ólshew arqalı olardıń muǵdar hám sapa kórsetkishleri boyınsha turaqlı esapqa alıw, alınǵan maǵlıwmatlardıń isenimligin analizlew, olardıń standart usılları menen qayta islew hám túrli aymaqlar hám waqıt birlikleri boyınsha ulıwmalastırıw túsiniledi.

Mámleketlik suw kadastrı mámleketlik hákimyatı orginlarınıń, yuridikalıq hám fizikalıq shaxsların suw obyektleri, suw resursları, suw rejimi, sapası hám onnan paydalanıw, sonday-aq suwdan paydalanıwshılar haqqındaǵı zárúr maǵlıwmatlar menen táminlew ushın arnalǵan.

Eń kem shıǵımlar menen zamanagóy dárejede maǵlıwmatlardı toplaw, ulıwmalastırıw, saqlaw hám usınıs etiw texnologiyasın dawamlı ráwishte jedellestirip barıw jolı menen suw resursları hám suw obyektleri haqqında isenimli maǵlıwmattı hám saqlaw mámleketlik suw kadastrınıń tiykarǵı wazıypası esaplanadı.

Suw obyektleri hám suwdan paydalanıwshılardı dizimnen ótkeriw, suw muǵdarı hám sapasın esapqa alıw, suw resursların hám olardan paydalanıwdı bahalaw mámleketlik suw kadastrınıń quram bólimi esaplanadı.

Tómendegiler mámleketlik suw kadastrın júritiwdiń tiykarǵı principleri esaplanadı.

-Respublikanıń barlıq suw obyektlerin iyelep aladı.

-suw resursların hám olardan paydalanıwdı hám olardan paydalanıwdı esapqa alıwdıń birden-bir sistemasın qollaw;

-baslanǵısh kadastr maǵlıwmatın qayta islew usılınıń birden-birligi; -Mámleketlik kadastrları birden-bir sistemasınıń talapların esapqa alıw; -Mámleket suw kadastrının júritiw boyınsha jumıslarǵa oraylastırılǵan

tártibinde basshılıq qılıw;

- Mámleketlik suw kadastrı maǵlıwmatınıń isenimligi, kórgizbeligi hám hújjetlerge tiykarlanǵanlıǵı;

-Mámleketlik suw kadastrın júritiw boyınsha jumıslarınıń úzliksizligi; -Mámleketlik suw kadastrın júritiwdiń avtomotlastırılǵan maǵlıwmatlar

sisteması xizmetin kórsetiw.

-Mámleketlik suw kadastrın júritiw boyınsha jumıslardıń únemliligi. -paydalanıwshılar sheńberi sheklengen maǵlıwmatlardıń sırlılıǵı. Mámleketlik suw kadastrı Respublika suw obyektleri haqqındaǵı

maǵlıwmatlardı qayta tiklewdıń tolıq tikleniwdi payda etiwshi tiykarǵı hám arnawlı túrlerdi óz ishine aladı.

Mámleketlik suw kadastrı mámleketlik kadastrları birden-bir sistemasınıń tiykarǵı quram bólimlerinen biri esaplanadı.

Belgilengen tártipte qabıl qılınǵan suw kadastr maǵlıwmatları suw hám suw xojalıǵı múnásebetlerin tártipke salıwda, suwdan paydalanıw menen baylanıslı sotsial, ekonomikalıq hám ekologiyaqlıq jaǵdaylardı orınlawda májbúriy yuridikalıq kúshke iye.

Tómendegiler mámleketlik suw kadastrın júritedi:

Ózbekstan Respublikası Ministrler kabinetiniń qasındaǵı Gidrometerologiya xizmeti orayı-jer ústi suwları bólimi boyınsha, Ózbekstan Respublikası Mámleketlik geologiya hám mineral resurslar komiteti-jer astı suwları bólimi boyınsha, Ózbekstan Respublikası Awıl hám suw xojalıǵı ministirligi-suwdan paydalanıw bólimi boyınsha maǵlıwmatlardı toplap suw kadastrın júritedi.

Suw obyektleri hám suw xojalıǵı obyektleri (obyektler)

Respublika aymaǵında suw obyektlerin dizimnen ótkeriw, suw resursları, olardıń rejimi, paydalanıw sonday-aq suwdan paydalanıwshılar haqqındaǵı muǵdar hám sapa kórsetkishler haqqında isenimli zamanagóy hám tejemli

maǵlıwmatların alıw, tártipke salıw, saqlaw hám olardı paydalanıwshılarǵa beriwshiniń texnologik qublısı Mámleketlik suw kadastrınıń mazmunı esaplanadı.

MSK maǵlıwmatları tómendegilerden paydalanıw ushın arnalǵan:

suwdan paydalanıwdı usı hám keleshekttegi rawajlanıwın hámde suwdı qorǵaw islerin ámelge asırıw;

mámleket aymaǵında islep shıǵarıw kúshlerin jaylastırıw;

suwdan kompleks paydalanıw hám onı qorǵawda sxemalardı hámde suw xojalıq balansların dúziw.

Suwdan pydalanıw menen baylanıslı bolǵan suw xojalıǵı, transport, sanaat kárxanalar hámde basqa kárxanalar hám obyektlerdı joybarlaw.

Gidrologiyalıq hám gidrogeologiyalıq sharayatlar, daryalardaǵı suw kólemi hám suw sapası ózgeriwin pragnozlaw:

suw xojalıǵı jumısı nátijeligin asırıw islerin islep shıǵıw;

suwdı tutınıw hám shıǵarıp jiberiwdi, sonday-aq suw kórsetkishlerin normalaw;

suwdıń ziyanlı tásirin aldın alıw hám onı joq qılıw islerin islep shıǵıw; suwdan aqılǵa muwapıq paydalanıw hám onı qorǵaw ilajların

ótkeriwdiń ústinen mámleket qadaǵalawın ámelge asırıw;

suwdan paydalanıwshılar ortasıdaǵı sonday-aq suwdan paydalanıwshılar menen basqa lawazımlı yuridikalıq hám fizikalıq shaxslar ortasındaǵı óz-ara múnásebetlerdi tártipke salıw;

suwdan paydalanıw hám onı qorǵaw menen baylanıslı basqa máselerdi sheshiw.

Mámleketlik suw kadastrı suw hám suw xojalıǵı obyektleriniń tómendegi túrleri tuwrısındaǵı maǵlıwmatlardı óz ishine aladı:

Suw obyektleri

Daryalar; túrli suw sistemaların birlestiriwshi, aǵar suwdı aymaqlıq qayta bólistiriwge yamasa suwǵarıwǵa xizmet qılıwshı kanallar; kóller hám suw saqlaǵıshları; muzlıqlar; jer astı suwları; jer ústi suwları (háwizler, suwlı gorizontlar, kánler);

Suw xojalıǵı obyektleri (obyektler);

Gidrouzeller hám suw saqlaǵıshları; obyektlerinen suw aliwǵa arnalǵan obyektler (kanallar, nasos qurilmalar, paydalanıw quduqları hám basqalar); aǵar suwdı aymaqlıq qayta bólistiriwge xizmet qılıwshı kanallar; paydalanılǵan hám shaxta suwların suw obyektlerine taslaw obyektlerı(kollektorlar, drenaj hám suw toplanatuǵın kanallar, quwirsiman suw shıǵarıwlar hám basqalar); paydalanılǵan suwların tazalaw obyektlerı.

MSK maǵlıwmatları tómendegilerge bólinedi: