Mámleketlik kadastrlar tiykarları

Imaratlar hám inshatlar mámleket kadastrı aymaqlıq princip boyınsha shólkemlestiriledi hám bul obyektlerdiń huqıqıy, xojalıq hám arxitektura qurılıs atı haqqındaǵı sistemsın sawlelendiredi.

Imaratlar hám inshatlar mámleket kadastrın júritiw boyınsha qatnasıqlar Ózbekstan Respublikası nızam hújjetleri menen tártipke salınadı.

Imaratlar hám inshatlar mámleket kadastrı maǵlıwmatları hámme mámleket orgınları yuridikalıq hám fizikalıq shaxslar ushın májbúriy yuridikalıq kúshke iye. Kadastr hújjetleri imaratlar hám inshatlar menen puxaralıqhuqıqıy kelisimdi ámelge asırıwda olardı salıqqa tartıwda, joybarlawda hám basqa yuridikalıq háreketlerde huqıqıy, ekonomikalıq hám texnikalıq maǵlıwmatlar sıpatında qabıl qılınıwı kerek.

Imaratlar hám inshatlar mámleket kadastrın júritiw hám bul obyektler haqqındaǵı kadastr maǵlıwmatların qáliplesrtiriwdegi isenimli hújjetler hám maǵlıwmatlardan paydalanılǵan halda ámelge asırıladı.

Imaratlar: islep shıǵarıw processin payda etiw ushın qurılıs-arxitiktura obyektleri; skladlar, garajlar, saraylar; kóship júriwshi úyler. Turar úy jaylar: turaqlı hám waqtınshalıq jasaw ushın kóship júriwshi shytlardan jasalǵan úyler; súziwshi úyler; tariyxiy estelikler.

Obyektler: qalasazlıq, energo támiynatı, sanaat: infrostruktura: arnawlı uzatıwshı qurılmalar: ekologiyalıq obyektler hám qurılmalar, Imaratlar hám inshatlar mámleket kadastrı obyektleri esaplanadı.

Imaratlar hám inshatlar haqqındaǵı kadastr maǵlıwmatları múlik iyeleri, olarǵa basqa berilgen huqıqlarǵa iye bolǵan shaxslar, úshinshi shaxslar, mámleket diziminen ótkeriwshi organ hám basqa mámleket organları tárepinen sudta kóriliwi múmkin.

Imaratlar hám obyektlerǵa bolǵan huqıqtı mámleket diziminen ótkiziwshi shaxslar mámleket diziminen ótkiziwde nızam buzılıwların ashqan jaǵdayda bul haqqında tiyisli mámleket organlarına kárxanalar, birlespeler shólkemlerge yáki prakuraturaǵa xabar beriwge májbur.

Múlk iyesi bolǵan imaratlar ham inshatlarǵa basqa berilgen huqıqlarǵa iye bolǵan yuridikalıq hám fizikalıq shaxslar olarǵa tiyisli imaratlar hám inshatlarǵa bolǵan huqıqtı dizimnen ótkizilgenligi haqqındaǵı hújjetlerge iye bolıwları shárt.

Imaratlar hám obyektlerǵa bolǵan huqıqtı mámleket diziminen ótkiziw májburiyatı múlk iyesine yaǵınıy bina yáki obyektqa basqa berilgen huqıqqa iye bolǵan shaxsqa júklenedi. Olar bina yaki obyektqa bolǵan huqıqtı mámleket diziminen ótkiziw boyınsha barlıq yáki ayrım majbúriyatları úshinshi shaxslarǵa júklewleri múmkin. Bul huqıqlardı hám majbúriyatlardı orınlaw nızam hújjetlerine muwapıq ámelge asırıladı.

Múlk iyesi bolǵan imaratlar hám obyektlerǵa basqa berilgen huqıqlarǵa iye bolǵan yuridikalıq hám fizikalıq shaxslar yáki olar tárepinen wákil qılınǵan shaxs múlikke iyelik huqıqı yáki basqa berilgen huqıqlar payda bolǵan, ózgergen, toqtatılǵan yaǵnıy bina yáki obyekttıń huqıqıy halatı ózgergen waqıttan baslap bir ay múddette qala, rayon aymaǵındaǵı mámleket diziminen ótkiziwshi organlarǵa olardı imaratlar hám obyektler kadastr, reestr dápterinde dizimnen ótkiziw ushın hújjetlerdi usınıwǵa májbúr.

Imaratlar hám obyektler miyras qılıp alınǵan jaǵdayda imaratlar hám obyektlerǵa iyelik huqıqı yáki basqa dáleliy huqıqlar miyrasqorǵa yáki mámleketke nızamshılıqta belgilengen tártipte ótkennen keyin mámleket diziminen ótkiziledi.

Imaratlar hám obyektler mámleket kadastrın payda etiw hám júritiw rayon, qala jer resursları hám mámleket kadastrı bólimine júklenedi.

Imaratlar hám obyektler mámleket kadastrın júritiwde Rayon (qala) jer dúziw hám kóshpes múlk kadastr xizmetleri (rayon (qala) “Jermúlkkadastr” xizmeti) tómendegi islerdi ámelge asıradı:

Imaratlar hám obyektlerǵa, olardıń bólimine bolǵan huqıqlardı, olardıń júzege keliwin basqa shaxsqa ótiwin, shekleniwin hám tawsılıwın hámde ipoteka shartnamaların mámleket diziminen ótkiziw.

Bina hám obyektler mámleket kadastrın jaratıw hám júritiw ushın kadastr syomkası inventarizaciya, jer dúziw hám bahalaw islerin ámelge asırıw.

Bina hám inshatlar obyektleri súwretlengen indeks kartaları hám planların jaratıw hám júritiw .

Bina hám obyektlerǵa bolǵan huqıqlar, olardıń bir huqıq iyesinen basqasına ótiwi, jer uchaskaları bina hám inshatlarǵa bolǵan huqıqlardıń shekleniwi haqqında avtamatlastırılǵan maǵlumatlar bazasın jaratıw hám júritiw.

Bina hám obyektler mámleket kadastrı haqqında avtamatlastırılǵan maǵlıwmatlar bazasın hám geomaǵlıwmat sistemasın jaratıw hám júritiw, informaciya kommunikaciya texnalogiyasınan paydalanǵan halda interaktiv xizmetlerdi kórsetiw.

Bina hám obyektler mámleket kadastrın júritiwshi organlar kadastr hújjetlerin hám kadastr maǵlıwmatların ruqsatsız ashıp beriwden qorǵawdı taminlewleri shárt.

Imaratlar hám obyektlerga bolǵan huqıqtı mámleket diziminen ótkiziwdi, kadastr maǵlıwmatların, ayrım obyektler boyınsha maǵlıwmatlar tayarlawdı dizimnen ótkiziwshi organlardıń tek ǵana wákillik berilgen jumısshıları ámelge asırıwları múmkin.

Imaratlar hám obyektler mámleket kadastrın júritiw boyınsha isler imaratlar hám obyektler mámleket diziminen ótkizgenligi ushın óndiriletuǵın qarjılar hám basqa derekler esabınan qarjı menen táminlenedi

Imaratlar hám obyektler iyelik huqıqı yaǵnıy basqa berilgen huqıqlar payda bolǵanlıǵın, basqa shaxsqa ótkenligin mámleket diziminen ótkizgenligi ushın yuridikalıq shaxslardan eń kem is haqınıń yarımı fizikalıq shaxslardan onnan bir bólegi muǵdarda tólem óndiriledi. Iyelik huqıqı yaǵnıy basqa berilgen huqıqlar subektin ózgertpegen halda obyekttiń huqıqıy halatı ózgergende kórsetip ótilgen summalardıń yarımı óndiriledi.

Mámleket múlki bolǵan obyektler boyınsha mámleket kadastrın júritiw isleri mámleket byudjeti esabınan qarjı menen táminlenedi.

Imaratlar hám obyektlerǵa iyelik huqıqın yaǵnıy basqa berilgen huqıqlar toqtatılǵanlıǵın yaǵnıy sheklengenligin mámleket diziminen ótkizilgeni ushın tólem óndirilmeydi.

9.2. Imaratlar hám obyektler kadastrı quramı hám mazmunı

Imaratlar hám obyektler mámleket kadastrı rayon, qala kadastr dápterinen, kadastr rejesinen, kadastr hújjetlerinen hám geofondlarda, sonıń menen belgilengen tártipte qáliplestiretuǵın kompyuter maǵluwmatlarınan ibarat boladı.

Imaratlar hám obyektler mámleket kadastrın júritiw hám dástúriy (kadastr dápterinde dizimnen ótkiziw, kadastr rejesine kiritiw), hám avtomatlastırılǵan (maǵlıwmatlar komputer bankın jaratıw) usıllarda ámelge asırıladı.

Imaratlar hám obyektler mámleket kadastrın júritiw úsh basqıshta ámelge asırıladı:

1.basqısh: imaratlar hám obyektlerdıń rayon qala dárejesindegi huqıqıy, xojalıq hám arxetektura-qurılıs haqqında maǵluwmatlar toplaw hám kadastr dápterinde dizimnen ótkiziw;

2.basqısh: obyektlerdi sızılmada jaylastırıp kadastr rejesin dúziw;

3.basqısh: aldınǵı basqıshlarda alınǵan maǵlıwmatlardı esapqa alǵan halda maǵluwmatlar bazasın jaratıw.

Imaratlar hám obyektler mámleket kadastrı maǵlıwmatları rayonlar qalalar boyınsha dúziledi, olardın aymaǵı esapqa alıw uchaskalarına bólinedi.

Rayonlar, qalalar hám basqa xalıq jasaw punkitleriniń kadastrǵa tiyisli bóliniwi shegaraların belgilew hám aymaqlardı rayon sheńberinde yaǵnıy qala, qorǵan shegaraların esapqa alıw uchastkalarına bóliwdi bildiredi. Qaraqalpaqstan Respublikasına, wálayatlarǵa, Tashkent qalasına, rayonlar, qalalar hám basqa xalıq jasaw punkitlerine, sonıń menen, esapqa alıw uchaskalarına birden bir siteması boyınsha kadastr kodı (sanı) beriledi. Imaratlar hám obyektler mámleket

kadastrın júritiw “Jergodezkadastr” mámleket kadastr kamiteti tómendegi islerdi ámelge asıradı.

Mámleket basqarıwı organları hám jergilikli mámleket hákimiyatı orgınlarınıń bina hám obyektler mámleket kadastrın júritiw tarawındaǵı iskerligin muwpıqlastıradı;

Mámleket kadastrı jeke dizimine kiritiletuǵın imaratlar hám obyektler mámleket kadastrı axbarotların jıynaw, dodalaw, túrlendiriw, saqlaw hám jańalaw amelge asıradı;

Ilimiy –izertlew hám tajiyribe-texnologiya islerin orınlaydı, normativtexnik hújjetlerdi islep shıǵadı hám tastıyıqlaydı;

Wálayatlar, rayonlar hám xalıq punktleriniń administrativlik shegaraların belgilew (anıqlaw) islerin payda etedi hám ámelge asıradı.

Paydalanıwshılardı imaratlar hám obyektler mámleket kadastrı axbarotları menen táminleydi;

Bina hám obyektlerǵa júzege kelgen huqıqlardı hám olarǵa tiyisli kelisimlerdi mámleket diziminen ótkiziwdi ámelge asıradı;

Bina hám obyektlerǵa júzege kelgen huqıqlar, olardıń bir huqıq iyesinen ekinshisine ótiwi haqqındaǵı, bina hám obyektlerǵa bolǵan huqıqlardı shegaralaw hám olarǵa tiyisli basqa bitimler haqqındaǵı maǵlıwmatlar bankın payda etedi.

Imaratlar hám obyektler mámleketlik kadastrın júritiwde Qaraqalpaqstan Respublikası, walayatlar hám Tashket qalasınıń jer dúziw hám kóshpes múlk kadastr xizmetleri (Walayat “Jermúlikkadastr” xizmeti) tómendegi islerdi ámelge asıradı:

Jer uchastkaları bina hám obyektlerǵa bolǵan huqıqlar olardıń bir huqıq iyesinen basqasına ótiwi, tawsılıwı, jer uchaskası, bina hám obyektlerǵa bolǵan huqıqlar haqqında avtomatlastırılǵan maǵlıwmatlar bazasın jaratıw hám júritiw.

Imaratlar hám obyektler mámleket kadastrı maǵlıwmatları haqqında avtamatlastırılǵan maǵlıwmatlar bazasın jaratıw hám júritiw.

Imaratlar hám obyektler mámleket kadastrın júritiw menen baylanıslı islerdi payda etiw.

Informaciya kommunikaciya texnologiyasınan paydalanǵan halda interaktiv xizmetlerdi kórsetiw.

9.3. Bina hám obyektlerdı mámleket diziminen ótkiziw

Bina hám obyektlerǵa bolǵan huqıqtı mámleketlik dizimnen ótkiziw maǵlıwmatları bina hám obyektler mámleket kadastrınıń tiykarın payda etedi.

Bina hám obyektlerǵa bolǵan huqıqtı mámleketlik diziminen ótkiziw belgilengen tártipte ajratılǵan jer uchaskasında bina yáki obyekt qurıp pitkennen

soń yaǵnıy nızam hújjetlerinde názerde tutılǵan tártipte hám shártlerde pitimler júz bergennen kiyin ámelge asırıladı.

Bina hám obyektlerǵa bolǵan huqıqtı mámleket diziminen ótkiziw rayon, qala kadastr dápterinde, turar–jay imaratları hám inshatları rayon reestr dápterinde ámelge asırıladı.

Mámleketlik dizimnen ótkiziw de kadastr yákiy reestr dápterine imaratlar hám obyektlerǵa iyelik huqıqın yaǵnıy basqa berilgen huqıqlar (olardıń payda bolıwı, basqa shaxsqa ótiwi shekleniwi hám toqtatılıwı) haqqındaǵı sonıń menen obyektti sıpatlawshı basqa derekler haqqındaǵı maǵlıwmatlar jazıp qoyıladı.

Sırlılıq rejimine iye bolǵan imaratlar hám obyektler kadastr dápterinde dizimge alınadı. Onı júritiw qásiyetleri hám bul obyektlerdi dizimnen ótkiziw boyınsha maǵlıwmatlardan paydalanıw shártleri nızam hújjetlerinde belgilenedi.

Mámleket diziminen ótkiziwde kadastr dápterine imaratlar hám obyektlerdıń huqıqıy, xojalıq arxetektura-qurılıs ataǵı haqqındaǵı maǵlıwmatlar kiritiledi.

Imaratlar hám obyektler jaylasqan orın, olardıń iyelik huqıqı yaǵnıy basqa berilgen huqıqlar menen yuridikalıq hám fizikalıq shaxslarga tiyisliligi, bul huqıqlardıń payda bolıw tiykarları hám múddetleri, olardıń toqtatılıw múddetleri, iyelik huqıqın hám basqa berilgen huqıqlardı sheklew shártleri, bul obyektlerde úshinshi shaxslardıń huqıqları haqqındaǵı maǵlıwmatlar imaratlar hám obyektlerdıń huqıqıy halatı haqqındaǵı maǵlıwmatlar esaplanadı.

Imaratlar hám obyektlerdıń mánisi, olardan paydalanıw qásiyetleri bul obyektlerdiń tutınıw, islep shıǵarıw maqsetlerindegileri, olardan belgilengen maqsetlerde paydalanıwı, olar jaylasqan salıq zonası haqqındaǵı hám basqa maǵlıwmatlar bina hám obyektler xojalıq ataǵınıń tiykarın payda etedi.

Imaratlar hám obyektlerdıń jer dúziw sxemalarına, qalalar bas rejelerine, xalıq jasaw punktların jaylastırıw joybarlarına, sonıń menen arxitektura hám qalasazlıq talaplarına muwapıqlıǵı, imaratlar parametrleri (qabatları, ulıwmalıq, jasaw, islep shıǵarıw maydanları), iyelep turǵan jer uchastkası, qurılǵan waqtı, injener-texnik kommunikaciyalar barlıǵı, seysmikalıq shıdamlılıǵı haqqındaǵı hám basqa texnik maǵlıwmatlar imaratlar hám obyektlerdıń arxetektura – qurılıs ataǵı haqqındaǵı maǵlıwmatlar esaplanadı.

Kadastr maǵlıwmatları haqıqıy hújjetler yáki mámleket organları qararları, shártnamalarınıń (aldı – sattı, sawǵa qılıw, almastırıw, ijaraǵa alıw, renta hám basqalar), bina hám obyektler joybar–smeta hújjetleriniń, aldın dizimnen ótkizilgenligi haqqındaǵı maǵlıwmatlardıń tiyisli ráwishte rásmiylestirilgen nusqaları tiykarında dúziledi.

Mámleket diziminen ótkiziwshi organlar dizimnen ótkiziletuǵın hújjetler hám maǵlıwmatlardıń haqıqıylıǵın hám isenimliligin tekseriw, zárúr hallarda bolsa qosımsha hújjetler hám maǵlıwmatlardı, imaratlar hám obyektler haqqındaǵı haqıqıy hújjetlerdi kórsetiwdi talap etiw, sonıń menen imaratlar hám obyektler orınında tekseriw hám bahalaw huqıqına iye.

Hár bir bina hám obyekt kadastr, reestr dápterine tiyisli kadastr nomeri astında qoyıladı. Obyekttiń kadastr nomeri onıń kóshpes múlk obyektleri hám aymaqlardı kodlastırıwdıń ulıwma respublika sisteması kodınan kelip shıǵıp belgilenedi. Obyekt kodı maǵlıwmatlardıń kompyuter bazasın unifikaciyalaw hámde jaratıw ushın mólsherlengen.

Bina hám obyektler shaxsiy múlk huqıqı yáki basqa berilgen huqıqlar ózgergende yaǵnıy toqtatılǵanda hám payda bolǵanda obyekttiń dizimnen ótkiziw kodı (nomeri) ózgermeydi, obyekttiń múlkdarlar yáki paydalanıwshılar ortasında bóliniwi, sonıń menen ol jaylasqan jer uchastkası shegeraları ózgeriwi bular qatarına kirmeydi.

Kadastr, reestr dápterindegi jazıwlardı dúzetiw yáki toltırıwǵa jol qoyılmaydı. Eger kadastr reestr dápterine kiritilgen maǵlıwmatlardı ózgertiw yáki toltırıw zárúrligi tuwılsa aldınǵı jazıwları biykar qılınadı hám obyekt haqqındaǵı maǵlıwmatlar sol kod (kadastr nomeri) astında toltırıp qoyıladı.

Bina yáki obyektqa bolǵan huqıqtı mámleket diziminen ótkiziwdi ámelge asırǵan organ múlkdar yáki ol wákillik bergen shaxsqa bina obyekttıń mámleket diziminen ótkizilgenligi haqqındaǵı guwalıqtı beredi yaǵnıy dizimnen ótkiziw ushın berilgen hújjetke jazıp qoyıladı.

Múlkdar yáki usı obyektke berilgen huqıqqa iye bolǵan shaxs, sonıń menen obyekttiń huqıqıy halatı ózgergen jaǵdayda kadastr yáki reestr kitabında bina yáki obyektqa bolǵan huqıqtı qayta dizimnen ótkiziw hallarında bina yáki obyektqa bolǵan huqıqtı mámleket diziminen ótkizilgenligi haqqındaǵı jańa gúwalıq beriledi, bunda eski gúwalıq májbúriy tártipte alıp qoyıladı hám biykar qılınadı.

Bina yáki obyektqa bolǵan huqıqtı mámleket diziminen ótkizilgenligi haqqındaǵı gúwalıq joytılǵan yáki buzılǵan jaǵdayda mámleket diziminen ótkiziwdi ámelge asırǵan organ tárepinen múlkdarǵa yáki ol wákillik Bergen basqa shaxsqa bina yáki obyektqa bolǵan huqıqtıń mámleket diziminen ótkizilgenligi haqqındaǵı gúwalıqtıń dublikatı beriledi. Dublikattı beriwde mámleket diziminen ótkizilgenligi ushın óndiriletuǵın summanıń ekiden biri muǵdarda tólem óndiriledi.

9.4. Bina yamasa obyektler mámleket kadastrın júritiwdi payda etiw

Názerde tutılǵan barlıq maǵlıwmatlar toplanǵan soń hám dizimnen ótkizilgennen soń bina yáki obyekt kadastr rejesinde belgilenedi. Kadastr rejesi

kartalar hám rejelerdiń 1:100 den 1:10000 ǵa shekem bolǵan masshtab qatarınan ibarat boladı, bul dizimnen ótkiziletuǵın obyektlerdiń jaylasıwı hám tiykarǵı parametrleriniń kórgizbeli sızılma belgileniwin támiynleydi.

Bina hám obyektler maǵlıwmatları tiykarında rayon, qala geofondları júritiledi. Rayon, qala geofondları–imaratlar hám obyektlerdıń topografiya– geodeziya, injenerlik–geologiya, gidrogeologiya, ekologiya, sanitariya – gigiena, sotsiologiya, joybarlaw–rejelestiriw, tariyxiy–mádeniy, stixiyalı apatshılıq hám texnogen hádiyseler, texnik inventarizaciyalanǵanlıǵı hám pasportlastırılǵanlıǵı, mikroseysmikalıq rayonlastırılǵanlıǵı hám seysmikalıq turǵınlıǵına tiyisli zamanagóy hám tariyxiy geomaǵlıwmat maǵlıwmatları bazası.

Rayon, qala imaratları hám obyektlerı haqqındaǵı kadastr maǵlıwmatlarınıń kompyuter bazası rayon, qala imaratları hám obyektlerınıń kadastr, reestr dápterine kiritilgen maǵlıwmatları tiykarında dúziledi.

Imaratlar hám obyektler haqqındaǵı kompyuter maǵlıwmatları Qaraqalpaqstan Respublikası, wálayatlar, Tashkent qalası boyınsha jıldıń hár shereginde ulıwmalastiriladi hám bir sistemaǵa salınadı.

Qaraqalpaqstan Respublikası, wálayatlar, Tashkent qalasınıń imaratlar hám obyektler haqqındaǵı kompyuter kadastr maǵlıwmatları tiykarında Ózbekstan Respublikası boyınsha imaratlar hám obyektler haqqındaǵı kadastr maǵlıwmatlarınıń bir sistemaǵa salınǵan kompyuter bazası qáliplestiriledi.

Maǵlıwmatlardıń kompyuter bazası imaratlar hám obyektlerdı klassifikaciyalawdıń tómendegi belgiler boyınsha obyektlerdiń toparları bóliniwi tiykar qılıp alınatuǵın jeke sisteması boyınsha qáliplestiriledi: imaratlar hám obyektlerdıń maqset jónelisi, múlk huqıqı yaki basqa berilgen huqıqlarda, sonıń menen qurılıs–texnik sıpatları boyınsha aymaqlıǵı, yuridikalıq hám fizikalıq shaxslarǵa tiyisliligi.

Imaratlar hám obyektlerdıń 31-dekabrdegi halatı boyınsha kadastr maǵlıwmatları “Jergeodezkadastr” mámleket kamiteti tárepinen hár jılı rayonlar, qalalar, Qaraqalpaqstan Respublikası, wálayatlar, Tashkent qalası hám Ózbekstan Respublikası boyınsha baspa qılınadı.

Bina hám obyektler mámleketlik kadastrın juritiw tártibi:

1.Turar úy-jay, bina hám obyektlerdıń múlkdarları, paydalanıwshıları ózlerine múlkiy huqıq penen tiyisli bolǵan obyektler boyınsha kadastr maǵlıwmatların rayon (qala) jer dúziw hám kóshpes múlk kadastr xizmetlerine berdi.

2.Rayon (qala) jer dúziw hám kóshpes múlk kadastr xizmetleri usı obyektler múkldarları hám paydalanıwshıları turar úy-jay, bina hám obyektlerı boyınsha kadastr informaciyaların jıynaydı, óz aymaqları sheńberinde kadastr jumısın

qáliplestiredi, turar úy-jay, bina hám obyektlerı boyınsha kadastr informaciyaların Qaraqalpaqstan Respublikası, wálayatlar hám Tashkent qalasınıń jer dúziw h‟am kóshpes múlk kadastr xizmetlerine beredi.

3.Qaraqalpaqstan Respublikası, wálayatlar hám Tashkent qalasınıń jer dúziw h‟am kóshpes múlk kadastr xizmeti jer uchastkaları, bina hám obyektler haqqındaǵı informaciyalardı aladı.

4.Qaraqalpaqstan Respublikası, wálayatlar hám Tashkent qalasınıń jer dúziw h‟am kóshpes múlk kadastr xizmetleri jer uchastkası bina hám obyektler haqqındaǵı informaciyalardı maǵlıwmatlar bazasına kiritkennen keyin kadastr informaciyaların “Jergeodezkadastr” mámleket komitetiniń MKBBS maǵlıwmatlar bazasına beredi.

5.Qaraqalpaqstan Respublikası, wálayatlar hám Tashkent qalasınıń jer dúziw h‟am kóshpes múlk kadastr xizmetleri sorawı boyınsha “Jergeodezkadastr” mámleket kamitetiniń MKBBS maǵlıwmatlar bazasınan jer uchastkaları, bina hám obyektler boyınsha informaciyalardı alıwı múmkin.

6.“Jergeodezkadastr” mámleketlik komitetiniń Geodeziya hám kartografiya milliy orayı MKBBS maǵlıwmatlar bazasınan jer uchastkaları, bina hám obyektler boyınsha zárúr informaciyalardı Qaraqalpaqstan Respublikası, wálayatlar hám Tashkent qalasınıń jer dúziw h‟am kóshpes múlk kadastr xizmetlerine jiberedi.

7.MKBBS tan paydalanıwshılar soraw boyınsha “Jergeodezkadastr” mámleket komitetiniń MKBBS maǵlıwmatlar bazasınan jer uchastkaları, bina hám obyektler haqqındaǵı maǵlıwmatlardı alıwı múmkin.

9.5.Imaratlar hám obyektler mámleket kadastrı boyınsha mámleketlik kadastrları

birden bir sistemasına beriletuǵın maǵlıwmatlardıń quramı

Bina hám obyektler mámleket kadastrı boyınsha –wákillikli shólkem: “Jergeodezkadastr” mámleket kamiteti mámleket kadastrları birden bir sistemasına (MKBBSqa) tómendegi maǵlıwmatlardı beredi.:

kadastr obyektleriniń atı;

yuridikalıq hám fizikalıq shaxstıń–múlkdar, iyelik qılıwshı paydalanıwshı yaki ijaraǵa alıwshınıń atı hám mánzili;

kadastr obyektiniń mekemelik tiyisliligi; bina, obyekttıń kadastr nomeri; kadastr obyekti iske túsirilgen sáne;

kadastr obyektine bolǵan múlkiy huqıqlardıń dizimnen ótkizilgenligi haqqındaǵı maǵlıwmatlar;

kadastr obyektiniń funkcional wazıypası; kadastr obyektiniń konstrukciyası; qabatlar sanı;

injenerlik úskeneleri haqqındaǵı maǵlıwmatlar;

bina hám obyektler deformaciyaların natuwrada baqlawlar haqqındaǵı maǵlıwmatlar;

bina hám obyektlerdıń halatı (es kiriw, jer silkiniwge shidamlılıq); kadastr obyektiniń sapa bahası;

túrli ahmiyettegi bina hám obyektlerdıń qorǵaw zonalarında jaylasıwınıń ayrıqsha shártleri haqqındaǵı maǵlıwmatlar;

kadastr obyekti haqqındaǵı tolıq hújjetlestirilgen maǵlıwmatlardıń bar ekenligi hám turar jayı.

10- TEMA. MÁMLEKETLIK QALASAZLÍQ KADASTRÍ

JOBA:

10.1.Mámleketlik qalasazlıq kadastrı;

10.2.Mámleketlik qalasazlıq kadastrların júritiwdi shólkemlestiriw;

10.3.Mámleketlik qalasazlıq kadastrın júritiw tártibi;

10.4.Mámleketlik qalasazlıq kadastrı boyınsha mámleketlik kadastrı birden-bir sistemasına (MKBBSqa) beriletuǵın maǵlıwmatlardıń quramı.

10.1. Mámleketlik qalasazlıq kadastrı

Mámleketlik qalasazlıq kadastrı Ózbekstan Respublikasınıń Qalasazlıq kodeksi (Ózbekstan Respublikasınıń 04.04.2002-jıl 353-II-san nızamı menen tastıyıqlanǵan, Ózbekstan Respublikası Oliy Májlisiniń 04.04.2002-jıl 354-II- san qararına kóre amelge kiritilgen), Ózbekstan Respublikasınıń Mámleketlik kadastrları haqqındaǵı nızam (15.12.2000-jıl № 171-II), Ózbekstan Respublikasınıń Ministrler Kabinetiniń 2005-jıl 16 fevraldaǵı 66-sanlı qararı menen tastıyıqlanǵan, Mámleketlik kadastrları birden bir sisteması (MKBBS)ın jaratıw hám júritiw tártibi haqqında Nızam, Ózbekstan Respublikası Ministrler Kabineti Mámleketliklik qalasazlıq kadastrın júritiw haqqında Nızam tastıyıqlanıwı haqqında 2005-jıl 15 noyabirde 250-san qararına, basqa normativ huqıqıy hújjetlerge muwapıq júritiledi.

Mámleketlik qalasazlıq kadastrı–bul Mámleketlik qalasazlıq kadastrı obyektleri, olardıń geografiyalıq jaǵdayı, huqıqıy atı, muǵdarı hám sapası haqqında hámde ekanomikalıq bahası haqqında jańalap barılatuǵın isenimli maǵlıwmatlar sisteması.

Mámleketlik qalasazlıq kadastrı MKBBS nıń bir bólegi bolıp esaplanadı hám elatlı punktler hámde awıllar ortasında aymaqlardı rawajlandırıw haqqında qalasazlıq hújjetleri talaplarına ámel qılıw tiykarında jasaw ushın qolay jolın, transport hám jámiyetlik infradúzilme sistemaları xizmetlerin maǵlıwmatlar menen támiynlew maqsetinde júritiledi.

Qalasazlıq xizmeti ámelge asırılatuǵın elatlı punktler aymaǵında hám basqa aymaqlardıń hámde awıllar ortasındaǵı aymaqlardıń bólegi Mámleketlik qalasazlıq kadastrınıń obyektleri esaplanadı.

Qalasazlıq xizmeti degende mámleketliklik organlarınıń yuridikalıq hám fizikalıq shaxslardıń, aymaqlardıń, elatlı punktlerdiń rawajlandırıw qalasazlıq tárepinen rejelestiriliw salasınıń xızmeti, jer uchastkalardıń paydalanıw túrlerin belgilew, puqaralardıń, jámiyetlik hám mámleketlik, sonıń menen kórsetip ótilgen aymaqlar hám elatlı punktlerdiń milliy, táriyxiy hám mádeniy, ekologiyalıq tábiyiy qásiyetlerin esapqa alǵan halda qurılıs máterialları hám buyımlar islep shıǵarıw, imaratlar, obyektler hám basqa obyektlerdi joybarlaw, qurıw hám rekonstrukciya qılıw túsiniledi.

Ózbekstan Respublikası Arxitektura hám qurılıs komiteti Mámleketlik qalasazlıq kadastrın júritiw boyınsha juwapker organ esaplanadı.

Mámleketlik qalasazlıq kadastrı Mámleketlik hákimyatı hám basqarıw organları, mápdár yuridikalıq hám fizikalıq shaxslardı Mámleketlik qalasazlıq kadastrı obyektleri haqqında isenimli maǵlıwmatlar menen támiynlew ushın mólsherlengen.

Mámleketlik qalasazlıq kadastrı júritiwdiń tiykarǵı principleri tómendegiler esaplanadı.

Ózbekstan Respublikası ulıwma aymaqtı tolıq óz ishine alıwı;

mákan koordinataları birden-bir sisteması boyınsha hám topagrafiya tiykarın qollaw;

kadastr maǵlıwmatların rawajlandırıw metodikasınıń birden-birligin táminlew;

kadastr maǵlıwmatlarınıń isenimli hám hújjetliligi;

kadastr maǵlıwmatlarınıń nızam hújjetlerinde belgilengen tártipte paydalanıw qolaylıǵı.

Aymaqlardıń ámelde paydalanıwdıń, paydalanıw shártleri qalasazlıq baylıqları hám aymaqta ámel qılatuǵın qalasazlıq reglamentleri haqqında isenimli maǵlıwmatlar Mámleketlik qalasazlıq kadastrınıń tiykarın shólkemlestiriw.

Qalasazlıq reglamenti-bul elatlı punktlerdi hám aymaqlardı qurıw qaǵıydaları menen belgilengen qalasazlıq xizmetin ámelge asırıwda jer uchastkaları hámde elatlı punktlerdiń hám awıllar orayı aymaqlardıń kóshpes múlki basqa obyektlerden paydalanıw parametrleri hám túrleri jıyındısı túsiniledi.

Mámleketlik qalasazlıq kadastrı maǵlıwmatları tómendegilerden ibarat boladı:

tapografiyageodeziya hám kartografiya materialları;