Mámleketlik kadastrlar tiykarları

MGBI soraw boyınsha MKBBS maǵlıwmatlar bazasınan informaciyalardı alıwı múmkin.

MKBS, MGBI maǵlıwmatlar bazasınan paydalanıwshılar sorawına kóre KGMK obyektleri boyınsha kadastr informaciyaların belgilengen tártipte alıwı múmkin.

7.3. Mámleketlik kadastrları birden bir sistemasına (MKBBS) beriletuǵın maǵlıwmatlar quramı

Kartografiya-geodeziya máleketlik kadastrı boyınsha–wákillikli shólkem: “Jergeodezkadastr” mámleketlik kamiteti MKBBS na tómendegi maǵlıwmatlardı beredi:

topografiyalıq karta hám planlardıń nomenklatura hámde masshtablari; obyektleri dizimi hámde topografiya-geodeziya hám kartografiya

jumıslarınıń orınlanatuǵın jılı kórsetilgen maqset wazıypası;

mámleketlik geodeziya tarmaǵı punktleri ornatılǵan hám geodeziyalıq ólshewler orınlanǵan jıl, jaylasqan orınnıń táriyipi, jaǵdayı, koordinataları hám biyiklikleri;

topografiyalıq-geodeziyalıq hám kartografiyalıq informaciya jańalanǵan jıl; kartalar baspadan shıǵarılǵan jıl.

MKBBS na beriletuǵın maǵlıwmatlar dizimi tiyisli mámleket kadastrlarınıń MKBBS na baylanıslı maǵlıwmatlarınıń quramı hám olardı beriw tártibi haqqındaǵı nızamlar tiykarında keńeytiriliwi yáki oǵan anıqlıqlar kiritiliwi múmkin.

II-BAP. KÓSHPES MÚLK KADASTRÍNA KIRIWSHI MÁMLEKETLIK KADASTRLARÍ HÁM OLARDÍ JÚRGIZIW ÓZGESHELIKLERI

8-TEMA: MÁMLEKETLIK JER KADASTRÍ HÁM OLARDÍ JÚRITIW

QÁSIYETLERI

JOBA:

8.1.Mámleketlik jer kadastrınıń quram bólekleri;

8.2.Mámleketlik jer kadastrınıń mazmunı;

8.3.Mámleketlik jer kadastrın júritiw;

8.4.Mámleketlik jer kadastrı boyınsha Mámleketlik kadastrı birden-bir sistemasına beriletuǵın maǵlıwmatlardıń tártibi.

8.1. Mámleketlik jer kadastrınıń quram bólekleri

Mamleketlik jer kadastrı jer uchastkalarına bolǵan huqıqlar kepilligin támiynlew, jerlerdi esapqa alıw hám bahalaw maqsetinde Ózbekstan Respublikasınıń Jer kodeksi (ÓzR 30.04.1998 j. 598-I-sanlı Nızamı menen tastıyıqlanǵan, ÓzR 30.04.1998 j. 599-I-sanlı Nızamı menen ámelge kiritilgen), Ózbekstan Respublikasınıń Qalasazlıq kodeksi (ÓzR 04.04.2002 j. 353-II-sanlı Nızamı menen tastıyıqlanǵan, ÓzR Oliy Majlisi 04.04.2002 j. 354-II-sanlı Nızamına muwapıq ámelge kiritilgen), Ózbekstan Respublikasınıń “Mamleketlik kadastrlar haqqındaǵı Nızamı” (15.12.2000 j № 171-II), Ózbekstan Respublikasınıń “Mamleketlik jer kadastrı haqqındaǵı Nızamı” (28.08.1998 j. № 666-I), Ózbekstan Respublikası Ministrler Kabineti 2005-jıl 16 fevraldaǵı 66-sanlı nızamı menen tastıyıqlanǵan “Mamleketlik kadastrlar birdenbir sistemasın (MKBBS)ti jaratıw ham júritiw haqqındaǵı Nızam, Ózbekstan Respublikası Ministrler Kabinetiniń “Mamleketlik jer kadastrların júritiw haqqında”ǵı 1998-jıl 31 dekabrdegi 543-sanlı nızamına muwapıq júritiledi.

Mámleketlik jer kadastrı jerlerdiń tábiyiy, xojalıq hám huqıqıy rejimi, taypaları, sapa qásiyetleri hám bahası, jer uchastkalarınıń ornı ham ólshemi, olardıń jer iyeleri, jerden paydalanıwshılar, ijarashılar hám múlkdarlar ortasındaǵı bólistiriliwi haqqındaǵı maǵlıwmatlar hám hújjetler sistemasınan ibarat.

Ózbekstan Respublikasınıń jer fondı: awıl xojalıǵına mólsherlengen jerler; xalıq jasaw punktleriniń (qalalar, posyolkalar hám awıl xojalıq punktleriniń) jerleri; sanaat, transport, baylanıs, qorǵanıw hám basqa maqsetlerge mólsherlengen jerler; tabiyattı qorǵaw, sawlamlastırıw, rekreaciya maqsetlerine mólsherlengen jerler; tariyxiy-mádeniy áhmiyetke iye jerler; toǵay fondı jerleri; suw fondı jerleri; zapastaǵı jerler mámleketlik jer kadastrı obyektleri esaplanadı:

Jerdiń tábiyiy qásiyetlerin, huqıqıy jaǵdayın hám onnan paydalanıwdı hár tárepleme úyreniw hám bahalaw mámleketlik jer kadastrınıń teması esaplanadı.

Jer kadastrı maǵlıwmatın islep shıǵıw texnologiyasın hár dayım bekkemlew, sistemalaw, saqlaw, jańalaw ham paydalanıwshılarǵa isenimli hám tejemli jer kadastrı maǵlıwmatın beriw mamleketlik jer kadastrınıń tiykarǵı wazıypaları esaplanadı.

Mámleketlik jer kadastrın júritiw aerokosmik súwretke alıw, topografiyalıqgeodeziyalıq, kartografiyalıq, topıraq, agroximiyalıq, geobotanikalıq izertlewler hám basqada izertlewler hám izleniwler alıp barıw, jerlerdiń muǵdar hám sapasın esapqa alınıwı hám bahalanıwı, yuridikalıq hám fizikalıq shaxslardıń jer uchastkalarına bolǵan hújjetlerin mámleketlik diziminen ótkeriw menen tamiynlenedi.

Mámleketlik jer kadastrı, jer qatnasıqların tártipke salıw maqsetinde mámleket hákimyatı hám basqarıwshı organların, mápdar yuridikalıq hám fizikalıq shaxslardı jer haqqındaǵı maǵlıwmatlar menen támiynlew, jerden aqılǵa muwapıq paydalanıwdı, qayta tiklew hám qorǵaw, jer dúziwdi payda etiw, jer ushın haq tólew muǵdarların tiykarlaw, xojalıq iskerligin bahalaw ushın mólsherlengen.

Tómendegiler mámleketlik jer kadastrınıń quram bólekleri esaplanadı: Jer uchastkalarına bolǵan múlk huqıqı, jer uchastkalarına iyelik etiw,

olardan paydalanıw, ijaraǵa alıw huqıqların, servitutlardı hámde bul hujjetlerge baylanıslı basqa sheklewlerdi mámleketlik dizimnen ótkeriw;

Jer muǵdarın esapqa alıw;

Jer sıpatın esapqa alıw (topıraq bonitetin anıqlaw); Jerdiń qunın bahalaw.

Tómendegiler mamleketlik jer kadastrın júritiwdiń tiykarǵı belgileri esaplanadı:

Respublikanıń putkil aymaǵın óz ishine alıw; Kosmoslıq koordinatalardıń birden-bir sistemasın qollaw;

Jer kadastrına baylanıslı maǵlıwmatlar islep shıǵılıwı usılınıń birligi hám úzliksizligi;

Jer kadastrları maǵlıwmatlarınıń isenimliligi hám tejemliligi.

Mámleketlik jer kadastr maǵlıwmatları dástlepki hám házirgi maǵlıwmatlarǵa bólinedi. Dástlepki dizimnen ótkeriw waqtında alınǵan maǵlıwmatlar hám mámleketlik jer kadastrınıń dástlepki maǵlıwmatların dúziw tiykarǵı informaciya esaplanadı.

Mámleketlik jer kadastrı maǵlıwmatların qayta dizimnen ótkeriw hám ózgeriw waqtında alınǵan maǵlıwmatlar házirgi informaciya esaplanadı.

Mámleketlik jer kadastrı Mámleketlik kadastrlar birden-bir sistemasın, basqa kadastr sistemaları hám monitoringların jaratıw hám júritiw ushın kosmoslıqhuqıqıy tiykar esaplanadı.

Jer kadastrı maǵlıwmatlarınan jer múnasibetlerin tártipke salıwda, jerden paydalanıw menen baylanıslı sotsial, ekonomikalıq hám ekologiyalıq wazıypalardı sheshiwde paydalanılıwı kerek.

Mámleketlik jer kadastrın júritiw jumısları mámleket byudjetinen, sonıń menen bir qatarda jer uchastkalarına bolǵan huqıqlardı mámleketlik dizimine alǵanlıǵı ushın óndiriletuǵın qarjılar hám basqa derekler esabınan qarqı menen támiynlenedi.

8.2. Mámleketlik jer kadastrınıń mazmunı

Mámleketlik jer kadastrınıń mazmunın tómendegiler quraydı: jer uchastkalarına bolǵan múlk huqıqın mámleketlik diziminen ótkeriw, jer muǵdarı hám sapasın esapqa alıw, jerdi bahalıq tárepten bahalaw, sonıń menen bir qatarda jer kadastrı maǵlıwmatların sistemalaw, saqlaw, jańalaw hám mápdar shaxslarǵa tiyisli formalar hám kólemlerde beriw.

Múlk huqıqı subektin, jer uchastkalarına iyelik qılıw ham paydalanıwdı belgilewshi, jer uchastkasına bolǵan huqıqlar kepilleniwin támiynlewshi, jerdi esapqa alıw hám bahalaw ushın tiykar jaratıwshı jerdi dizimnen ótkeriwge baylanıslı maǵlıwmatlar jer kadastrı informaciyasınıń tiykarǵı, daslepki quram bólimi esaplanadı.

Dástlepki dizimnen ótkeriw maǵlıwmatın qáliplestiriw waqtında jumıslardı ótkeriw waqtına shekem tiyisli hújjetlerdi rásmiylestiriw menen baylanıslı bolǵan jaǵdayda payda bolıwshı jer uchastkalarına bolǵan huqıqlar shegaraları belgilenedi hám dizimnen ótkeriledi (qayta dizimnen ótkeriledi).

Jer uchastkalarına bolǵan múlk huqıqı bunday huqıqqa tiyisli mámleketlik orderi, aldı-sattı shartnamaları hám jer uchastkalarına múlk huqıqı payda bolıwı ushın tiykar boladı, nızam hújjetlerinde názerde tutılǵan sawǵa etilgenligi, almastırılǵanlıǵı haqqındaǵı shártnamalar hám hújjetler tiykarında tártipke salınadı.

Jer uchastkalarına iyelik qılıw hám olardan paydalanıw huqıqı tiyisli organlardıń jer ajıratıw haqqındaǵı qararları tiykarında dizimge alınadı.

Jerdi ijaraǵa alıw huqıqı jer uchastkasın ijaraǵa alıw shartnaması tiykarında dizimnen ótkeriledi.

Servitutlar hám múlk huqıqın basqa sheklewler, jer uchastkalarına iyelik qılıw hám olardan paydalanıw shartnaması, sud qararları tiykarında dizimnen ótkeriledi.

Ózgelerdiń jer uchastkasınıń bir bóliminen paydalanıw múmkinligi mámleket hákimiyatı organlarınıń nızamları yáki nızam hújjetlerinde názerde tutılǵan basqa hújjetler tiykarında dizimnen ótkeriledi.

Binaǵa, imaratqa hám obyektqa bolǵan múlk huqıqı basqa shaxsqa ótiwi nátiyjesinde júzege kelgen jer uchastkasına iyelik qılıw hám onnan paydalanıw huqıqı sol múlkdarlardıń aldı-sattısı, almastırılǵanlıǵı, inam etilgenligi, miyras etilgenligi haqqındaǵı tiyisli shartnamalar hám basqa shartnamalar, múlkdarlardıń yáki olar tárepinen wákil etilgen organlar hám shaxslardıń qararları, hámde binaǵa, imaratqa, obyektqa múlk huqıqı onnan basqaǵa ótip atırǵan shaxstıń jer uchastkasına tiyisli hújjetleri (tiyisli hákimiyat organlarınıń qararı menen rásmiylestirilgennen keyin) tiykarında dizimnen ótkeriledi.

Jer uchastkalarına bolǵan huqıqlardı mámleketlik dizimnen ótkeriw naturada jer uchastkaları shegaraları anıqlanǵannan, rásmiylestiriwdiń dizimnen ótkeriw jıyımı tólengennen hám hújjetler berilgennen keyin rayon(qala) jer kadastrı dápteriniń quram bólimi esaplanǵan jer uchastkalarına bolǵan huqıqlar registrinde ámelge asırıladı.

Jer uchastkalarına iyelik qılıw, paydalanıw, ijaraǵa alıw hám múlk huqıqı ózgege ótiwi payda bolǵanlıǵı mámleketlik dizimine alınǵanlıǵı ushın yuridikalıq shaxslardan eń kem aylıq is haqınıń eliwden bir bólegi, fizikalıq shaxslardan bolsa onnan bir bólegi esabında tólem alınadı.

Jer uchastkalarına iyelik qılıw, paydalanıw, ijaraǵa alıw ham múlk huqıqları toqtatılıwı mámleketlik dizimge alınganlıǵı, hámde jer uchastkasın saqlaw wazıypaları, servitutlar hám bul huqıqlarǵa tiyisli basqa sheklewler ushın tólem alınbaydı.

Jer uchastkasına bolǵan huqıqlardı mámleketlik dizimine alıwdan bas tartıw ushın tómendegiler tiykar boladı:

Mámleketlik dizimge alıw organında sol jer uchastkasınıń kimge tiyisli ekenligi haqqında kelispewshilik bar ekenliginen belgi beriwshi hújjetlerdiń barlıǵı;

Mámleketlik dizimine alıw organında sol jer uchastkasınıń mámleketlik hám jámiyetlik mútajlikleri ushın alıp qoyılǵanlıǵı haqqındaǵı maǵlıwmatlardıń barlıǵı.

Jer uchastkalarınıń naturada shegaraların belgilew geodeziyalıq usılları menen yáki orınnıń ózinde shegaralardıń burılıw zárúr anıqlıqta belgilew hám olardı shegara qazıqları menen bekkemlew jolı menen kartografiyalıq materialınan paydalanǵan halda ámelge asırıladı. Jer uchastkalarınıń ulıwma maydanı talap etiletuǵın anıqlıqta analizlew, grafiklıq-analizlew yáki mexanikalıq usıllar menen anıqlanadı.

Jerlerdi dizimnen ótkeriw maǵlıwmatı avtomatlastırılǵan jerge tiyisli informaciyalıq sistemasına kiritiledi.

Bul dizimnen ótkeriw maǵlıwmatın payda etiwde dizimge alıwshı hújjetler jobasına múlkdarlar, jer uchastkaları iyeleri hám paydalanıwshılardıń huqıqıy jaǵdayı, hámde jerdiń maydanı, shegaraları onnan paydalanıw maqseti hám paydalanıw rejimi boyınsha júz bergen ózgerisler haqqındaǵı maǵlıwmatlar kiritilgen.

Naturada kórsetilgen ózgerisler, olar hujjetler menen rásmiylestirilgennen keyin, jer kadastrı dápterine hámde avtomatlastırılǵan jerge tiyisli informaciyalıq sistemasına kiritiledi.

Jer uchastkalarınıń ulıwma maydanın esapqa alıw tiykarınan geodeziyalıq usılları menen, joqarı anıqlıqtı talap etpeytuǵın hallarda bolsa kartometrik usıllar menen isleniledi.

Egin maydanları boyınsha jer muǵdarın esapqa alıw bir hám onnan artıq konturlardan ibarat bolǵan tiykarǵı jer kadastrı birlikleri-jer uchastkaları sheńberinde júritiledi. Bárshe túrdegi egin maydanları esapqa alınıwı kerek.

Egin maydanları boyınsha jer muǵdarın tiykarǵı esapqa alıw tiyisli kólemdegi jańalanǵan reje-kartografiya tiykarında kartometrik usıl menen ámelge asırıladı.

Jer sapasın esapqa alıw tómendegilerdi óz ishine aladı:

Tábiyiy-awıl xojalıǵı hám jer kadastrı boyınsha rayonlastırıw, jerlerdiń bólistiriliwi, olardı ekologiya, texnologiya ham qalasazlıq belgileri hám basqa belgiler boyınsha ajıratıw, topıraq hám jerdi toparlarǵa ajıratıw.

Jerlerdiń ólshemi, jaylasqan ornı, egin maydanlar túrleri hám sapa halatına tiyisli esapqa alınatuǵın maǵlıwmatlar jerlerdi esapqa alıw maǵlıwmatın quraydı.

Administrativlik-aymaqlıq dárejesiniń asıwına qarap jerdi esapqa alıw maǵlıwmatı onıń kórsetkishleriniń qıyasıylıǵına qaratǵan halda ulıwmalastırıladı.

Jerlerdi bahalaw túrli maqsetlerge mólsherlengen jerlerden paydalanıw únemliliginiń házirgi waqıttaǵı dárejesin anıqlaw, keleshekte onı asırıw imkaniyatların analizlew, tiykarlaw, jer salıǵı hám basqa tólemlerdi, onıń normativ bahasın esaplap shıǵıw, jerlerdi mámleketlik hám jámiyetlik mútájlikleri ushın alıp qoyıwda jol qoyılǵan nabidgershilik hám kórilgen ziyanlardı qaplaw, jerlerden aqılǵa muwapıq hám únemli paydalanıwdı qoshametlew ushın ámelge asırıladı.

Bárshe túrdegi jerlerdi bahalaw nızamshılıq penen belgilengen tártipte natura (jerlerdiń hár bir túri ushın ózine tán bolǵan) hám qımbat kórsetkishleri sisteması járdeminde ámelge asırıladı.

Awıl xojalıǵı hám toǵay xojalıǵı maqsetlerindegi jerler ushın topıraqtıń ónimdarlıq quwatı-topıraq boniteti boyınsha qıyasıy bahalaw ámelge asırıladı.

Jerlerdiń bahasına hám topıraq bonitetine tiyisli maǵlıwmatlar jer bahasına tiyisli maǵlıwmattı quraydı.

Jerlerdi dizimge alıw, jerlerdi esapqa alıw hám jerlerdi bahalawǵa tiyisli tiykarǵı hám házirgi maǵlıwmatlar jer kadastrı maǵlıwmatları kompleksin quraydı, olar hár turli alfavit–nomer (tekst, keste, koordinatalar, maydanlar dizimi) grafik

(reje, karta, sxemalar) elektron nomer (EEMnıń tezkar yadi, magnit derekleri) formalarında payda etiledi.

Hár bir administrativlik-aymaqlıq dárejede beriletuǵın jer kadastrına tiyisli hújjetlerdiń quramı hám forması “Jergeodezkadasr” mámleketlik kamiteti tárepinen islep shıǵıladı, Mámleketlik tábiyattı qorǵaw kamiteti, Mámleketlik salıq kamiteti ham Ekonomika Ministrligi menen kelisip alınadı.

Jer kadastrına tiyisli maǵlıwmatlardıń isenimliligi ushın mámleketlik jer kadastrın júritiw wazıypası júklengen rayonlar (qalalar) jer resursları hám mámleketlik kadastr bólimlerinıń wákillikli shaxsları, hámde jer uchastkaları iyeleri, jerden paydalanıwshılar, ijarashılar hám jer uchastkaları múlkdarları juwap beredi.

8.3. Mámleketlik jer kadastrın júritiw

Dáslepki kadastr maǵlıwmatları jańalanıp atırǵanda jer uchastkalarınıń huqıqıy jaǵdayında, jerlerdiń sapa halatı hám olardan paydalanıwda, olardı bahalawda júz berip atırǵan ózgerisler anıqlanadı hám dizimnen ótkeriledi. Jer uchastkaları múlkdarları, jer uchastkaları iyeleri jerden paydalanıwshılar hám ijarashılar mámleketlik jer kadastrın júritiw wazıypası júklengen tiyisli xizmetlerge kórsetip ótilgen ózgerisler haqqında on kún múddette xabar beriwge majbúrligi kórsetilgen.

Rayonlar (qalalar) jer resursları hám jer kadastrı bólimleri:

Múlkdarlardan, jer iyelerinen, jerden paydalanıwshılardan hám ijarashılardan huqıqıy halatta, jer uchastkalarınıń quramında hám jer uchastkalarınan paydalanıwda júz bergen ózgerisler haqqındaǵı maǵlıwmatlardı toplaydı hám naturada tekserilgennen keyin sol ózgerislerdi úsh kún ishinde jer kadastrı maǵlıwmatlarına kiritedi;

Rayon (qala) jer resursları muǵdarı hám olardıń sapası haqqındaǵı maǵlıwmatlar bankların dúzedi hám olardı zamanagóy dárejede tutadı;

Hár jılı 15-yanvarǵa deyin Qaraqalpaqstan Respublikası, walayatlar hám Tashkent qalası jer resursları hám mámleketlik kadastrı basqarmalarına jerlerdiń muǵdarı hám olardan paydalanıw haqqında esabat beredi.

Qaraqalpaǵıstan Respublikası, wáláyatlar hám Tashkent qalası jer resursları basqarmaları:

Rayonlar (qala) jer resursları hám mámleketlik kadastrı bólimleriniń jer kadastrın júritiwge tiyisli iskerligin muwapıqlastırıp baradı;

Rayonlar (qalalar) jer resursları hám mámleketlik kadastrı bólimleriniń esabatların ulıwmalastıradı, jer uchastkasına iyelik huqıqı subektleri, regiondaǵı jer resursları muǵdarı, sapası hám olardıń bahalawǵa baylanıslı maǵlıwmatlar bazasın jaratadı, Respublika jer maǵlıwmatları jeke bazasın jaratıwda qatnasadı;

Jer uchastkalarına bolǵan múlkshilik, olarǵa iyelik qılıw, olardan paydalanıw hám ijaraǵa alıw huqıqın, servitutlar haqqındaǵı kelisiwlerdi hám bul huqıqlar boyınsha basqa sheklewlerdi dizimnen ótkeredi;

Tabiyattı qorǵaw organları menen kelisip alınǵan region jerleriniń muǵdarı hám olardan paydalanılıwı haqqındaǵı esabatlardı hár jılı 1-fevralǵa shekem “Jergeodezkadastr” mámleketlik komitetine tapsırıladı.

“Jergeodezkadastr” mámleketlik kamiteti:

Mámleketlik jer kadastrı júritiliwin tártipke salıwshı normativ hujjetlerdiń islep shıǵılıwın támiynleydi;

Wálayatlar, qalalar, rayonlar administrativlik shegaraların, keyin ala olardıń maydanların muwapıqlastırılǵan halda, geodeziyalıq usıllar menen belgilew hám orınlarǵa biriktirip qoyıw jumısların ámelge asıradı;

Topografiya-geodeziya jumısların hám jerlerdi tiyisli masshtablarda kartaǵa alıwdı payda etedi;

Jer resursların aerokosmik usıllar menen úyreniwdi ámelge asıradı;

Aymaqlıq bólinmelerdiń jerlerdiń muǵdarı hám olardan paydalanılıwı haqqındaǵı esabatların úyrenedi, analizleydi hám ulıwmalastıradı;

Islep shıǵılǵan jer kadastrı maǵlıwmatları sapasın qadaǵalaydı; Qániygeler tayarlaw hám olardıń tájireybesin asırıwdı ámelge asıradı;

Topıraq, geobotanika hám basqa túrdegi arnawlı izertlewlerdi, jerlerdi bahalawdı payda etedi;

Jer kadastrı maǵlıwmatlarınıń sapası hám hár túrliligi talaptı barqulla úyrenip turadı, jer kadastrın júritiw texnologiyasın jetilistiriwdi támiynleydi;

Respublika regionları boyınsha jer kadastrı hujjetlerin jańalaw náwbetin hám múddetlerin tiykarlap beredi;

Avtomatlastırılǵan jer informaciyalıq sistemasın jaratıwdı hám onıń iskerligin ámelge asıradı;

Jer kadastrı maǵlıwmatların baspadan shıǵaradı, mápdar ministrlikler hám mekemelerge maǵlıwmatlar tapsırıladı;

Mámleketlik kadastrları birden bir sistemasına tapsırılatuǵın jer kadastrı maǵlıwmatları quramın, kólemin hám olardıń texnikalıq talapların belgileydi;

Hár jılı 1-martqa shekem Ózbekstan Respublikası Ministrler Kabineti Jer resurslarınıń jaǵdayı haqqında milliy esabattı beredi.

Mámleketlik jer kadastrların júritiw tártibi:

1.Jer uchastkaları múlkdarları, paydalanıwshıları ózlerine tiyisli bolǵan jer uchastkaları boyınsha kadastr maǵlıwmatların rayon(qala) jer resursları hám mámleketlik kadastrı bólimlerine tapsıradı.

2.Rayon (qala) jer resursları hám mámleketlik kadastrı bólimlerine bul jer uchastkaları múlkdarları hám paydalanıwshılarınan jer uchastkaları boyınsha kadastr maǵlıwmatların toplaydı, óz aymaǵı sheńberinde kadastr jumısın shólkemlestiriledi, jer uchastkaları boyınsha kadastr maǵlıwmatları Qaraqalpaqstan Respublikası, wáláyatlar hám Tashkent qalasınıń jer resursları hám mámleketlik kadastrı basqarmalarına beriledi.

3.Qaraqalpaqstan Respublikası, wálayatlar hám Tashkent qalasınıń jer resursları hám mámleketlik kadastrı basqarmalarına jer uchastkaları haqqındaǵı maǵlıwmatlardı aladı.

4.Qaraqalpaqstan Respublikası, wálayatlar hám Tashkent qalasınıń jer resursları hám mámleketlik kadastrı basqarmasına jer uchastkaları haqqındaǵı informaciyalardı maǵlıwmatlar bazasına kiritilgennen keyin kadastr maǵlıwmatların “Jergeodezkadastr” mámleketlik komitetiniń MKBBS maǵlıwmatları bazasına beredi.

5.Qaraqalpaqstan Respublikası, wálayatlar hám Tashkent qalasınıń jer resursları hám mámleketlik basqarmasına soraw boyınsha “Jergeodezkadastr” mámleketlik komitetinıń MKBBS maǵlıwmatlar bazasınan jer uchastkaları boyınsha maǵlıwmatlardı alıwı múmkin.

6.“Jergeodezkadastr” mámleketlik kamiteti “Geodeziya hám kartografiya milliy orayı” MKBBS maǵlıwmatlar bazasınan jer uchastkaları boyınsha kerekli maǵlıwmatlardı Qaraqalpaqstan Respublikası, walayatlar hám Tashkent qalasınıń jer resursları hám mámleketlik kadastrı basqarmalarına jiberedi.

7.MKBBStan paydalanıwshılar soraw boyınsha “Jergeodezkadastr” mámleketlik kamitetiniń MKBBS maǵlıwmatlar bazasınan jer uchastkaları haqqındaǵı kadastr maǵlıwmatların alıwı múmkin.

8.4. Mámleketlik jer kadastrı boyınsha Mámleketlik kadastrı birden-bir sistemasına beriletuǵın maǵlıwmatlardıń tártibi

Mámleketlik jer kadastr boyınsha –wákillikli organ: Ózbekstan Respublikası Jer resursları, geodeziya, kartografiya hám mámleketlik kadastrı mámleketlik komiteti (“Jergeodezkadastr”) mámleketlik komiteti Mámleketlik kadastrlar birden-bir sistemasına (MKBBS) tómendegi maǵlıwmatlardı beredi:

Jer uchastkasınıń kadastr nomeri; jer uchastkasınıń jaylasqan ornı;

yuridikalıq yáki fizikalıq shaxslardıń-jer uchastkasına bolǵan huqıq iyesiniń atı hám mánzili;

jer kategoriyasınıń túri;

jer uchastkasına bolǵan huqıqlardıń mámleketlik diziminen ótkizilgenligi haqqındaǵı maǵlıwmatları;

jer uchastkalarınıń shegaraları, maydanı (imaratlar salınǵan hám imarat

kórsetilgen kadastr planı (kartası); awıl xojalıǵı qánigelesiwi zonası;

awıl xojalıǵı hám toǵay xojalıǵı jerleri ushın bonitet balı; bahalanıwı.

9-TEMA: IMARATLAR HÁM OBYEKTLER

MÁMLEKETLIK KADASTRÍ HÁM OLARDÍ JÚRITIW QÁSIYETLERI

JOBA:

9.1.Imaratlar hám obyektler mámleketlik kadastrı;

9.2.Imaratlar hám obyektler kadastrı quramı hám mazmunı;

9.3.Bina hám obyektlerdı mámleket diziminen ótkiziw;

9.4.Bina yáki obyektler mámleket kadastrın júritiwdi payda etiw;

9.5.Imaratlar hám obyektler mámleket kadastrı boyınsha Mámleket kadastrları jeke sistemasına beriletuǵın maǵlıwmatlardıń quramı.

9.1. Imaratlar hám obyektler mámleketlik kadastrı

Imaratlar hám obyektler mámleket kadastrı imaratlar hám obyektlerdan únemli paydalanıwdı hám olardı qorǵawdı, múlk iyeleriniń hám bul obyektlerden basqa paydalanıwshılardıń huqıqların, sonıń menen imaratlar hám inshatlarǵa iyelik huqıqı hám basqa huqıqlar mámleket diziminen ótkiziliwin táminlew ushın Ózbekstan Respublikasınıń Úy-jay kodekisi (1998jıl 24Dekebrdegi 713-I-san Nızam menen tastıyıqlanǵan 1998-jıl 24-Dekabrdegi 714-I- san Nızam menen amelge kiritilgen Ózbekstan Respublikasınıń Qalasazlıq kodekisi (Ózbekstan Respublikasınıń 04.042002j. 353-II-san Nızamı menen tastıyıqlanǵan, Ózbekstan Respublikası Oliy Majlisiniń “Mámleket kadastrları haqqındaǵı Nızamı (15.12

.2000 jıl №171-II), Ózbekstan Respublikası Ministrler Kabinetiniń 2005-jıl 16 fevraldaǵı 66san qararı menen tastıyıqlanǵan “Mámleketlik kadastrları birden bir sistemasın (MKBBS) jaratıw hám júritiw haqqındaǵı Nızam Ózbekstan Respublikası Ministrler Kabinetiniń “Imaratlar hám obyektler mámleket kadastrın júritiw tártibi haqqındaǵı 1997-jıl 2 iyundaǵı 278 san qararına muwapıq júritiledi.