Mámleketlik kadastrlar tiykarları

“Jergeodezkadastr” mámleket komiteti oraylıq apparatınıń tiyisli bólimleri, Geodeziya hám kartografiya milliy orayı, oraylıq hám aymaqlıq jer dúziw hám kóshpes múlk kadastrı mámleket kárxanalarınıń, aymaqlar mámleketlik kadastrın dúziw hám júritiw boyınsha basqa bazalıq subektlerdiń iskerligin payda qılıw.

Ekinshi basqısh:

aymaqlardıń mámleketlik kadastrı bazalıq subektleriniń bólistirilgen maǵlıwmatlar bazaları ortasında maǵlıwmat almasıwınıń kommunikaciya kanalların ornatıw;

maǵlıwmatlardı qorǵaw hám aymaqlardıń mámleketlik kadastrı informaciyalar resurslarınan paydalanıw sistemasın payda etiw;

aymaqlardıń mámleketlik kadastrı geoinformatsion sistemaları maǵlıwmatlar bazalarına maǵlıwmatlardı turaqlı kiritip barıw hám áhmiyetin asırıw jumısların onı júritiwdiń hámme dárejelerinde payda qılıw;

paydalanıwshılardıń sorawları boyınsha kadastr hújjetlerin, maǵlıwmatnamalar hám basqa xabarlardı, interaktiv mámleket xizmetleri formasında qáliplestiriw hám beriw jumısların payda etiw;

aymaqlardıń mámleketlik kadastrı geoinformatsion sistemaları hám geoportallarınan sanaat túrinde paydalanıw;

mámleket hákimyatı hám basqarıwshı organların, jergilikli mámleket hákimyatı organların, mapdar yuridikalıq hám fizikalıq shaxslardı aymaqlardıń mámleketlik kadastrı maǵlıwmatları menen turaqlı túrde támenlew.

6.4. Aymaqlardıńmámleketlik kadastrın júritiw tártibi Aymaqlardıń mámleket kadastrın júritiw Geodeziya hám kartografiya

milliy orayı, oraylıq hám tiyisli aymaqlıq jer dúziw hám kóshpes múlk kadastrı mámleket karxanaları tárepinen “Aymaqlardıń mámleketlik kadastrın júritiw tártibi” haqqındaǵı Nızamnıń 15-bántinde kórsetilgen aymaqlıq mámleket kadastrınıń bazalıq subektlerinen alınǵan maǵlıwmatlar hám hújjetler, mámleket hákimyatı hám basqarıw, jergilikli mámleket hákimyatı organlarınıń aymaqların sociyal-ekonomikalıq rawajlandırıw máseleleri boyınsha qararları alınǵan, sistemalastırılǵan, ulıwmalastırılǵan hám dizimnen ótkerilgennen keyin tiyisli dárejedegi aymaqlardıń mámleket kadastrı maǵlıwmatlar resursların qáliplestiriw hám áhmiyetin asırıw jolı menen ámelge asırıladı.

Respublika dárejesinde aymaqlardıń mámlaketlik kadastrı dizimine tómendegi maǵlıwmatlar kiritiledi:

mámleket aymaǵınıń 1:200 000 masshtabtaǵı sanlı kartografiyalıq tiykarı:

mámleket shegarası hám adminstrativlik-aymaqlıq birliklerdiń shegaraları;

mámleket aymaǵınıń kadastr boyınsha bóliniw birlikleri; Ózbekstan Respublikası xalqın jaylastırıwdıń bas sxeması; Ózbekstan Respublikası aymaqların rejelestiriw sxemaları;

aymaqlardan paydalanıw, mámleket aymaǵın ekologiyalıq, injinerlikgeologiyalıq, seysmik, gidrogeologiyalıq, topıraq, ekonomikalıq, salıq hám basqalarǵa uqsas regiyonlarǵa bóliw boyınsha mámleket kadastrları hám informatsion sistemalarınıń xabar resursları;

aymaqlıq rejelestiriw, qala qurılıs, jer duziw hám basqa tarawdaǵı normativhuqıqıy hújjetler haqqında maǵlıwmatlar kiritiledi.

Adminstrativlik dárejede aymaqlardıń mámleket kadastrı sistemasına:

Qaraqalpaqstan Respublikası hám walayatlar aymaqlarınıń 1:10 000 yaki 1:25 000 masshtaptaǵı birden-bir sanlı kartografiyalıq tiykarı:

mámleket shegarası hám adminstrativlik - aymaqlıq birliklerdiń shegaraları; Qaraqalpaqstan Respublikası hám walayatlar aymaqların kadastr boyınsha

bóliw birlikleriniń shegaraları:

Qaraqalpaqstan Respublikası, walayatlar aymaqların hám xalıq punktleri shegaralarınan sırttaǵı adminstrativlik áhmiyetine baylanıslı bolǵan obyektler aymaqlarınıń ayrım bóleklerin planlastırıw sxemaları;

aymaqlardı keleshekte rawajlandırıwdıń joybar qararları hám injenerlik, transport hámde sociyal infrasistemalardı rawajlandırıw joybarları;

aymaqlardan paydalanıw, regionlar aymaqların ekologiyalıq, injenerlikgeologiyalıq, seysmik, gidrogelogiyalıq, topıraq, ekonomikalıq salıq hám basqalarǵa tiyisli regionlarǵa bóliw boyınsha mámleketlik kadastrları hám maǵlıwmat sistemalarınıń axborat resursları;

aymaqlıq planlastırıw, qalaqurılıs, jer dúziw hám basqa tarawdaǵı normativaymaqlıq hújjetler haqqındaǵı maǵluwmatlar kiritiledi.

Rayon darejesinde aymaqlardıń mámleketlik kadastrı sistemasına:

rayon territoriyasın 1:5 000 yamasa 1: 10 000 masshtabtaǵı jalǵız sanlı kartografyalıq tiykarı;

awıl hám posyolka puqaralar jıyınları hámde máhállelerdiń adminstrativlikaymaqlıq birlikleri shegaraları.

rayon territoriyasınıń kadastr boyınsha bóliw birlikleriniń shegaraları; jer uchastkalarınıń shegaraları;

rayon aymaǵın hám xalq punktleri shegaralarınan sırttaǵı regionallıq ahmiyetke baylanıslı obyektler menen birgelikte aymaqlardıń ayrım bólimlerin planlastırıw sxemaları;

aymaqlar mámleketlik kadastrı maǵlıwmat sistemaları ayrıqsha dúzilmeytuǵın rayonǵa boysınatuǵın qalalar, pasyolkalar, awıl xalqı punktleriniń bas planları, aymaqlardı ornalastırıw planları, kórsetip ótilgen xalıq punktleriniń tariyxiy-arxitektura planları haqqındaǵı maǵlıwmatlar, “Aymaqlardıń mámleketlik kadastrın júritiw tártibi” haqqındaǵı Nızamdaǵı 31-bántine muwapıq tómendegi xalıq jasaw punktleri haqqındaǵı basqa maǵlıwmatlar;

aymaqlardan paydalanıw, rayon territoriyasın ekologiyalıq, injenerlikgeologiyalıq, seysmik, gidrogelogiyalıq, topıraq, ekonomikalıq, salıq hám basqalarǵa tiyisli regionlarǵa bóliw boyınsha mámleketlik kadastrları hám informatsion sistemalarınıń maǵlıwmat resursları;

aymaqlıq planlastırıw, qala qurılısı, jer dúziw hám basqa tarawlardaǵı normativ-aymaqlıq hújjetler haqqındaǵı maǵluwmatlar kiritiledi.

Qala dárejesinde aymaqlardıń mámleketlik kadastrı sistemasına: qalanıń 1:2 000 masshtabtaǵı sanlı kartografyalıq tiykarı;

qala, qala rayonları (bar bolsa) hám makan puxaralar jıyınlarınıń shegaraları; qala territoriyasın kadastr boyınsha bóliw birlikleriniń shegaraları;

qalanıń bas planı, aymaqlardı zonalastırıw planları, tarixiy-arxitektura planı hám qala territoriyasınıń tolıq kórinistegi planları;

ekonomikalıq hám salıqqa tiyisli zonalastırıw shegaraları;

mámleket jer kadastrı maǵlıwmatları tiykarında-jer uchastkaları, olardıń kadastr nomerleri, shegaraları hám egin maydanı (olarda jaylasqan bina hám obyektlerdıń konturların belgilegen túrde), baǵdarlanǵan maqset hám funkcional paydalanıw, jerlerdi jer uchastkalar iyeleri, paydalanıwshılar, ijaraǵa alıwshılar hámde jer uchastkaları múlkdarları ortasında bólistiriw, jer uchastkalarınan paydalanıw boyınsha minnetlemeler;

imaratlar hám obyektler mámleketlik kadastrı, qala qurılısı mámleketlik kadastrı maǵlıwmatları, xizmet kórsetiwshi qayta quruw shólkemleri maǵlıwmatları, infrosistemanıń qurılıs pitkerilgen obyektleriniń injenerlikgeodeziyalıq súwretke alıw nátiyjeleri hám basqa rásmiy derekler tiykarında – injenerlik-transport infrosisteması;

imaratlar hám obyektler mámleketlik kadastrı, mádeniy miyras obyektleri mámleketlik kadastrı, qala qurılısı mámleketlik kadastrı maǵlıwmatları hám basqa rásmiy derekler tiykarında-imaratlar hám obyektler, olardıń huqıqıy rejimi, texnik jaǵdayı, arxitekturalıq hám mádeniy bahası;

materiyalıq mádeniy miras obyektleri mámleketlik kadastrı maǵlıwmatları tiykarındamádeniy miyras estelikleri;

Geografiyalıq obyektlerdiń atları mámleketlik kadastrı maǵlıwmatları, topografiyalıq sızılmalar, basqa rásmiy derekler tiykarında-máhalleler, kóshelerdiń atları hám orınnıń atı berilgen basqa obyektleri;

topografiyalıq sızılmalar, jergilikli mámleket hákimyatı organlarınıńqala aymaǵındaǵı obyektlerdiń orınların belgilew yamasa ózgertiriw haqqındaǵı qararları tiykarında qala aymaǵındaǵı orınlar kadastrı;

belgilengen tártipte tastıyıqlanǵan qala qurılısı dástúrleri, infrosistemanı rawajlandırıw, mádeniy miyras hámde qorǵaw sxemaları hám joybarları, mámleket investiciya dástúrleri hám joybarları;

Qalaqurılıs mámleketlik kadastrı maǵlıwmatları tiykarında - basqa qala qurılıslıq hújjetleri, joybar hújjetleri materiyalları, qurılıs ushın ruqsatnamalar, qala qurılısı reglamentleri, qurılısı tamamlanbaǵan hámde paydalanıw ushın qabıl qılınǵan obyektler hám basqa qalaqurılıs hújjetleri;

qızıl sızıqlar hám qurılıstı tártipke salıw sızıqları;

qala qurılısı mámleketlik kadastrı maǵlıwmatları, tiyisli qala qurılısı hújjetleri, ekologiyalıq, gidrometeorologiyalıq radiologiyalıq, sanitariya gigienaǵa tiyisli hámde basqa izertlewler hám izertlewler maǵlıwmatları tiykarında-ayrım aymaqlar hám jer uchastkalarınıń ekologiyalıq hám injenerlikgeologiyalıq sipatlamaları, olarda qala qurılısı reglamentleri hám sheklewlerdi esapqa alǵan jaǵdayda qala qurılısı iskerligin ámelge asırıw imkaniyatı;

basqa mámleketlik kadastrlarınıń hám

informaciya sistemalarınıńaymaqlardan paydalanıw, qala territoriyasın ekologiyalıq, injenerlik geologiyalıq, seysmik, gidrogeologiyalıq hám basqalarǵa tiyisli regiyonlarǵa bóliw boyınsha maǵlıwmat resursları;

aymaqlıq planlastırıw, jer dúziw hám basqa tarawdaǵı normativ-huqıqıy hújjetler haqqındaǵı maǵlıwmatlar kiritiledi.

Aymaqlardıń mámleketlik kadastrın júritiw ushın kerekli bolǵan maǵlıwmatlardıń quramı, mazmunı, formatları, usınıs dáwirliligi hám tártibi “Jergeodezkadastr” mámleket komiteti tárepinen aymaqlar mámleketlik kadastrınıń bazalıq subektleri menen kelisken túrde belgilenedi.

Geodeziya hám kartografiya milliy orayı, oraylıq hám aymaqlıq jer dúziw hám kóshpes múlk kadastrı mámleketlik karxanaları aymaqlıq mámleketlik kadastrın júritiwdiń tiyisli dárejelerinde tómendegilerdi ámelge asıradı:

aymaqlar mámleketlik kadastrınıń bazalıq subektleri menen ózara bitim dúziw hám olardan aymaqlar mámleketlik kadastrı informatsion sistemasınıń maǵlıwmatlar bazasında dizimnen ótkeriliwi, esapqa alınıwı hámde kiritiliwi kerek bolǵan maǵlıwmattı turaqlı qabıl qılıp alıw;

alınǵan maǵlıwmatlar hám hújjetlerdi dáslepki qayta islew, olardı basqarıw hám sistemalastırıw hámde olardı aymaqlar mámleketlik kadastrı informatsion sistemasınıń maǵlıwmatlar bazasına kiritiw;

aymaqlardıń mámleketlik kadastrı axbarot sistemasınıń hámde geoportallarınıń texnikalıq hám dástúriy qurallarına xizmet kórsetiw;

maǵlıwmattı saqlaw hám arxivlestiriw sistemasına xizmet kórsetiw;

basqa mámleketlik kadastrları reestrlar hám informatsion sistemaları menen maǵlıwmatlar almasıw;

nızam hújjetlerine muwapıq maǵlıwmatlardı ruqsatsız paydalanıwdan qorǵaw ilajları;

nızam hújjetlerine muwapıq intelektual múlkti qorǵaw ilajları; “Jergeodezkadastr” mam‟leket kamiteti tárepinen wákillikli ministrlikler

hám basqarmalar menen kelisilgen túrde belgilengen tártipte kadastr hújjetlerin qáliplestiriw hám onı paydalanıwshılarǵa beriw;

aymaqtan, jerden hám basqa tábiyiy hám xojalıq resurslarınan paydalanıwdıń jaǵdayı, usı aymaqta jaylasqan túrli obyektlerdiń jaǵdayı hám ózgerisleri haqqındaǵı maǵlıwmatlardı ulıwmalastırıw hám juwmaqlawshı esabatlar dúziw;

aymaqlardıń mámleketlik kadastrı maǵlıwmatlar resursları haqqındaǵı metamaǵlıwmatlar bazasın payda etiw hám júritiw, aymaqlar mámleketlik kadastrınıń ashıq maǵlıwmat resursların qáliplestiriw hámde geoportallar tarmaǵında olardan paydalanıw;

paydalanıwshılardıń sorawlarına juwap bergen túrde aymaqlardıń mámleketlik kadastrı informatsion sisteması maǵlıwmatlar bazasınıń maǵlıwmat resurslarınan ruqsat berilgen paydalanıw shegaralarındaǵı kadastr maǵlıwmatlamaların qáliplestiriw;

tiyisli dárejedegi aymaqlardıń mámleketlik kadastrı maǵlıwmat resursların basqarıwshı tárepinen tastıyıqlanǵan dizimge muwapıq paydalanıwshılardıń ayrıqsha kategoriyalarına aymaqlar mámleketlik kadastrı maǵlıwmat resurslarına ruqsat berilgen túrde tuwrıdan-tuwrı paydalanıwdı támiynlew ilajları;

aymaqlardıń mámleketlik kadastrın júritiw boyınsha normativ-huqıqıy hújjetler hám metodikalıq hújjetlerdi islep shıǵıw hámde ámelge asırıw;

aymaqlardıń mámleketlik kadastrın júritiw quralların rawajlandırıw hám ámelge asırıw;

usı nızamǵa muwapıq aymaqlardıń mámleketlik kadastrın jaratıw hám júritiw tarawındaǵı basqa iskerligi.

6.5. Aymaqlardıń mámleketlik kadastrı maǵlıwmatların paydalanıwshılarǵa beriw tártibi

Aymaqlardıń mámleketlik kadastrında saqlanatuǵın maǵlıwmatlar ashıq esaplanadı hám onan hámme paydalanıwı múmkin, quramında paydalanıw sheklengen maǵlıwmatlar bar bolǵan maǵlıwmatlardan tısqarı.

Aymaqlardıń mámleketlik kadastrında saqlanatuǵın maǵlıwmatların qorǵaw maǵlıwmat qatnasıqlarınıń tiyisli subektleri tárepinen nızam hújjetlerine muwapıq ámelge asırıladı.

Aymaqlar mámleketlik kadastrınıń mámleketlik múlki yaki mámleketlik yamasa biznes sırı esaplanǵan maǵlıwmatlardan paydalanıwǵa sheklewler nızam hújjetlerinde kózde tutılǵan tártipte belgilenedi.

Aymaqlardıń mámleketlik kadastrında saqlanatuǵın hám paydalanıwǵa sheklew bolmaǵan maǵlıwmatlar tómende keltirilgen:

mámleketlik hákimiyatı hám basqarıw organlarına, jergilikli mámleket hákimyatı organlarına, aymaqlardıń mámleketlik kadastrınıń basqa bazalıq subektlerine-aymaqlardıń mámleketlik kadastrı maǵlıwmatlar resurslarına ruqsat berilgen túrde tuwrıdan-tuwrı paydalanıw huqıqın beriw jolı menen turaqlı tiykarda;

mápdar yuridikalıq hám fizikalıq shaxslarǵa soraw boyınsha bes kún ishinde, sonday-aq tiyisli dárejedegi aymaqlardıń mámleketlik kadastrı maǵlıwmatlar resursların basqarıw tárepinen tastıyıqlanǵan paydalanıwshılardıń ayrıqsha túrleri dizimine muwapıq aymaqlardıń mámleketlik kadastrın maǵlıwmatlar resurslarınan ruqsat berilgen túrde tuwrıdan tuwrı paydalanıw jolı menen beriledi.

Aymaqlardıń mámleketlik kadastrında saqlanatuǵın hám paydalanıwǵa sheklewler bolmaǵan maǵlıwmatlar tómende keltirilgen:

mámleket hákimyatı hám basqarıw organlarına, jergilikli mámleket hákimyatı organlarına, aymaqlardıń mámleketlik kadastrınıń basqa bazalıq subektlerine tólemler óndirilmey turıp;

mápdar yuridikalıq hám fizikalıq shaxslarǵa–haqı tólew esabına beriledi. Tólem muǵdarı, múddetleri hám tártibi belgilengen tártipte “Jergeodezkadastr” mámleket komiteti tárepinen belgilenedi.

Aymaqlardıń mámleketlik kadastrın júritiw ushın usınılǵan maǵlıwmatlardıń tuwrı ekenligi ushın usı maǵlıwmatlardı usınıs etiw wazıypasına kiretuǵın tiyisli shólkemler hám ámeldar shaxslar nızam hújjetlerinde belgilengen tártripte juwap beredi.

Yuridikalıq hám fizikalıq shaxslar aymaqlarınıń mámleketlik kadastrı mámleket maǵlıwmat resursların qáliplestiriw hám olardan paydalanıwda juwapkerligi tómendegiler esaplanadı:

Maǵlıwmatlardı hújjetlestiriw, qáliplestiriw, onnan paydalanıw hámde mámleketlik maǵlıwmat resurslarınan paydalanıwdı payda etiw tártibi hám talaplarına ámel qılıwǵa;

Mámleketlik maǵlıwmat resurslarınıń maǵlıwmatlar qáwipsizligin táminlewge;

Mámleketlik maǵlıwmat resursların qáliplestiriwdi hám olardıń iskerligin támiynlewde licenziyalı dásturiy hámde sertifikaciyalanǵan texnikalıq qurallardan paydalanıwǵa májbúr.

Yuridikalıq hám fizikalıq shaxslar aymaqlarınıń mámleketlik kadastrı mámleketlik maǵlıwmat resursların qáliplestiriwde hám olardan paydalanıwda nızam hújjetlerine muwapıq basqa majbúriyatlarǵa da iye bolıwları múmkin.

Yuridikalıq hám fizikalıq shaxslar aymaqlardıń mámleketlik kadastrı mámleketlik maǵlıwmat resursların qáliplestiriw hám olardan paydalanıwdaǵı juwapkerligi tómendegishe;

Maǵlıwmatlar menen islew, mámleketlik maǵlıwmat resursların qáliplestiriw hám olardan paydalanıw qaǵıydaları buzılǵanlıǵı;

Mámleketlik maǵlıwmat resurslarındaǵı maǵlıwmatlar urlanǵanlıǵı, joǵaltılǵanlıǵı, buzılǵanlıǵı, bloklanǵanlıǵı hám qálbekilestirilgenligi;

Avtorlıq huqıqları hám intelektual múlk haqqındaǵı nızam hújjetleri buzılǵanlıǵı ushın juwap beredi;

yuridikalıq hám fizikalıq shaxslar aymaqlarınıń mámleketlik kadastrı mámleketlik maǵlıwmat resursların qáliplestiriwde hám olardan paydalanıwda nızam hújjetlerine muwapıq basqa táreplerden de juwap beriwleri múmkin.

7-TEMA. KARTOGRAFIYA-GEODEZIYA MÁMLEKETLIK KADASTRÍ

JOBA:

7.1. Kartografiya-geodeziya mámleketlik kadastrı maqseti hám wazıypaları; 7. 2.Kartografiya-geodeziya mámleketlik kadastrın júritiwdi ámelge asırıw;

7.3.Mámleketlik kadastrları birden bir sistemasına (MKBBS) beriletuǵın maǵlıwmatlar quramı.

7.1. Kartografiya-geodeziya mámleketlik kadastrı maqseti hám wazıypaları Kartografiya-geodeziya mámleketlik kadastrı Ózbekstan Respublikasınıń

“Geodeziya hám kartografiya haqqında”ǵı Nızamı, Ózbekstan Respublikasınıń “Mámleketlik kadastrları xaqqında”ǵı Nızamı, Ózbekstan Respublikasınıń Ministrler Kabinetiniń 2005-jıl 16 fevraldaǵı 66-san qararı menen tastıyıqlanǵan “Mámleketlik kadastrları birden-bir sistemasın (MKBBS) jaratıw hám júritiw tártibi haqqında”ǵı Nızam, Ózbekstan Respublikası Ministrler Kabinetiniń “Kartografiya-geodeziya kadastrın júritiw tártibi haqqındaǵı Nızamın

tastıyıqlaw haqqında”ǵı 2005-jıl 15 noyabrdegi 250-sanlı qararına hám basqa normativ-huqıqıy hújjetlerge , muwapıq júritiledi.

Kartografiya-geodeziya mámleketlik kadastrı-bul kartografiya-geodeziya mámleketlik kadastrı obyektleri haqqındaǵı, Ózbekstan Respublikası aymaǵı haqqındaǵı kartografiya-geodeziya maǵlıwmatları, orınlanatuǵın geodeziya, topografiya hám kartografiya isleri haqqındaǵı, sonday-aq olardıń muǵdarı hám sapa korsetkishleri haqqındaǵı jańalanıp barılatuǵın isenimli informaciyalar sisteması túsiniledi.

Kartografiya-geodeziya mámleketlik kadastrı mámleketlik kadastrlar birdenbir sistemasınıń quram bólimi esaplanadı.

Tómendegiler Ózbekstan Respublikası aymaǵında Kartografiyageodeziya mámleketlik kadastrın esapqa alıw obyektleri esaplanadı:

Ózbekstan Respublikası aymaqlarınıń barlıq masshtablarındaǵı topografik kartaları;

Ózbekstan Respublikası qalaları, hám awıl elatlı punktleriniń topografiyalıq rejeleri;

Ózbekstan Respublikasınıń nomerli elektron kartaları; Ózbekstan Respublikasınıń náwbettegi maǵlıwmatnama kartası;

Ózbekstan Respublikası aymaǵında aerofoto hám kosmik súwretke alıw materialları;

Ózbekstan Respublikası mámleketlik geodeziya tarmaqları punktleri hám reperleri;

jer uchastkaları chegaraların belgilewshi shegara tarmaqları punktleri; geodeziya punktleri, reperleri, chegara belgileri koordinatları hám

biyiklikleri katalogları;

geodeziya, topografiya hám kartografiya jumısların júritiw waqtı, olardı alıp barıwshılar haqqındaǵı mag„lıwmatlar, olardıń muǵdarı.

Ózbekstan Respublikası Jer resursları, geodeziya, kartografiya hám mámleketlik kadastrı mámleket kamiteti kartografiya-geodeziya mámleket kadastrın júritiw boyınsha isenimli orgın esaplanadı.

Kartografiya-geodeziya mámleketlik kadastrı mámleket hákimiyatı hám basqarıwshı orgınları, mápdár yuridikalıq hám fizikalıq shaxslar kartografiyageodeziya informaciyaları menen táminlew ushın mólsherlengen.

Tómendegiler kartografiya-geodeziya mámleketlik kadastrın júritiwdiń tiykarǵı principleri esaplanadı:

Ózbekstan Respublikasınıń barlıq aymaqların tolıq óz ishine alıw; kadastr informaciyaların qáliplestiriw metodologiyasınıń birdenbirligi; kadastr informaciyalarınıń isenimliligi, kórgizbeliligi hám hújjetliligi;

kadastr informaciyaların nızam hújjetlerinde belgilengen tártipte paydalanıw

mámleketlik kadastrın júritiw isleriniń orınlawshısı esaplanadı. Kartografiya-geodeziya mámleketlik kadastrın júritiw islerine ulıwma

basshılıqtı “Jergeodezkadastr” mámleketlik kamiteti baslıǵı ámelge asıradı. “Jergeodezkadastr” mámleketlik komiteti:

mámleketlik geodeziya tarmaǵın jaratadı, rawajlandıradı hám jumıs jaǵdayında saqlaydı;

mámleket maqsetindegi hámde arnawlı maqsettegi grafik, sanlı, fotosúwretli hám basqa formalardaǵı topografiyalıq kartalardı hám planların jaratadı, jańalaydı hám baspadan shıǵaradı;

jerdi aralıqtan zondlawdı hám geodinamikalıq izzertlewlerdi ámelge asıradı; ulıwma geografiyalıq, siyasıy-administrativlik, ilmiy-maǵlıwmatnama hám

basqa temadaǵı kartalardı hámde tarmaqlar-ara maqsettegi atlaslardı, oqıw kartografiya qollanbaların dúzedi hám baspadan shıǵaradı;

mámleket maqsetindegi hám jeke maqsettegi geografiyalıq informaciya sistemaların jaratadı hám júrgizedi;

Ózbekstan Respublikası mámleket shegarası sızıqların delimitaciya, demarkaciya qılıwdı hám tekseriwdi geodeziya, kartografiya hám gidrografiya tárepinen táminleniwin shólkemlestiredi;

geodeziya, kartografiya hám kadastr jumısların metrologiyalıq tárepinen táminlewdi shólkemlestiredi;

geodeziya hám kartografiya iskerligin muwapıqlastıradı hám tártipke saladı; mámleket geodeziya qadaǵalawın ámelge asıradı;

mámleketlik kartografiya-geodeziya fondın shólkemlestiredi hám is alıp baradı;

geografiyalıq atlar standartlastırıwın, esapqa alınıwın hám olardı qollawdı tártipke salıwdı táminleydi;

ilmiy-izzertlew, tajribe-konstruktorlıq hám tajriybe-texnologiya jumısların isleydi, normativ-texnikalıq hújjetlerdi islep shıǵadı, geodeziya hám kartografiya asbap-úskenelerin islep shıǵıwdı shólkemlestiredi;

ekonomikalıq tarmaqlardı, pán, qorǵanıw hám xalıqtı geodeziya, kartografiya informaciyaları menen táminleydi;

geodeziya hám kartografiya iskerligin licenziyalawdı shólkemlestiredi; Mámleketlik geodeziya baqlawı inspeksiyası:

geodeziya, topografiya hám kartografiya jumısları materiallarınıń mámleketlik geodeziya baqlawı inspeksiyasına óz waqtında beriliwin baqlap baradı;

kadastr informaciyaların qáliplestiriw hám beriw formatların islep shıǵadı, olardıń sapasın qadaǵalap baradı;

Kartografiya-geodeziya máleketlik kadastrınıń avtomatlastırılǵan informaciya sistemasın qáliplestiriwdi hám onıń is alıp barıwın táminleydi;

Kartografiya-geodeziya máleketlik kadastrınıń avtomatlastırılǵan informaciya sisteması maǵlıwmatlar bazasın islep shıǵadı, maǵlıwmatlar bazasınıń durıs toltırılıwın qadaǵalap baradı;

Esapqa alıw hám bahalaw kadastr informaciyaların sistemalastıradı, qáliplestiredi hám olardı kartografiya-geodeziya máleketlik kadastrınıń avtomatlastırılǵan informaciya sistemasına kirgizedi;

kadastr informaciyalarına bolǵan talaptı turaqlı túrde úyrenedi, kadastrdı júritiw texnologiyasın jetilistiriwdi táminleydi;

Ózbekstan Respublikası aymaǵınıń kartografiya-geodeziya tárepinen úyreniw boyınsha monitoring júritedi;

kadastr maǵlıwmatların mámleket hakimiyatı hám basqarıw organlarına, fizikalıq hám yuridikalıq shaxslarǵa usınıs etedi, olardan paydalanıw shártlerin belgileydi;

kadastr informaciyaların ruqsatsız paydalanıwdan qorǵawdı táminleydi; sistemalastırılǵan kadastr informaciyaların mámleketlik kadastrları birden

bir sistemasına tezlik penen beriliwin ámelge asıradı.

Kartografiya-geodeziya mámleketlik kadastrın júritiw

Geodeziya, topografiya hám kartografiya islerin alıp barıwshılar kartografiya-geodeziya mámleketlik kadastrı (KGMK) obyektleri boyınsha baslanǵısh informaciyaların Mámleketlik geodeziya baqlaw inspekciyası

(MGBI)na beredi.

MGBI berilip atırǵan baslanǵısh materiallar belgilengen talaplarǵa muwapıq bolmaǵan halda olardı muwapıqlastırıw ushın qaytaradı.

MGBI KGMK obyektleri boyınsha kadastr informaciyaların MKBBS maǵlıwmatlar bazasına beredi.