Mámleketlik kadastrlar tiykarları

Kadastr obyektleriniń jaǵdayı haqqındaǵı esabat mámleket kadastrınıń hár bir túri boyınsha belgilengen tártipte dúziledi hám de kadastr obyektleriniń ayrıqsha aymaqlar hám pútkil Ózbekstan Respublikası boyınsha muǵdar hám sapa jaǵdayı, bahası haqqındaǵı maǵlıwmatlardı óz ishine aladı.

3.3. Kadastr obyektlerin sapa hám mánis jaǵınan bahalaw Kadastr obyektlerin bahalaw sapa hám mánis jaǵınan bahalawdı óz ishine

aladı.

Kadastr obyektlerin sapa jaǵınan bahalaw olardıń tábiyiy hám fizikalıq klassifikatsiyları tiykarında ámelge asırıladı.

Kadastr obyektlerin mánis jaǵınan bahalaw olardıń ózine tán proceslerin esapqa alǵan halda nızam hújjetlerinde belgilengen tártipte ámelge asırıladı.

3.4. Mámleket kadastrları birden-bir sistemaǵa kiritiw ushın tiyisli maǵlıwmat usınıw

Mámleket kadastrları maǵlıwmatları (kadastr maǵlıwmatı) MKBBSǵa alfavit-nomerli (tekstler, kesteler, vedomostlar, jılnamalar h.t.b.) hám grafik (kartalar, planlar, kesindiler, sxemalar h.t.b.) formalarda ádettegi (qaǵaz) hám (yaki) elektron kórinislerde usınıladı.

Mámleket kadastrları maǵlıwmatları belgilengen tártipte tastıyıqlanǵannan soń MKBBSna 1-yanvar jaǵdayı boyınsha, tiyisli kadastrlardı júritiw tártibi haqqındaǵı nızamlar menen belgilengen múddetlerde, biraq esabat jılınan keyingi jıldıń 1-aprelinen keshiktirmey usınıladı.

Mámleket kadastrlarınıń maǵlıwmatları belgilengen tártipte tastıyıqlanǵannan soń MKBBS na zárúrligine qarap usınıladı.

Mámleket sırı bolǵan kadastr maǵlıwmatın usınıw Ózbekstan Respublikasınıń Mámleket sırların qorǵaw haqqındaǵı nızamı hám basqa nızam hújjetleri menen belgilengen tártipte ámelge asırıladı.

Mámleket kadastrları maǵlıwmatların elektron (nomerli) kóriniste usınıw ArcGIS ke tiyisli dástúriy ónimde nomerli topografiyalıq tiykarda oǵan atributiv maǵlıwmatlar bazasın baylanıstırǵan halda GAT-joybar yáki 1:200 000 bazalıq masshtabtaǵı tematikalıq qatlam kórinisinde ámelge asırılıwı kerek. Nomerli topografiyalıq tiykar hám maǵlıwmatlar bazasınıń texnikalıq parametrleri (klassifikatorlar, shártli belgiler hám basqalar) “Jergeodezkadastr” mámleket basqarması menen mámleket kadastrınıń hár bir túri boyınsha ayrıqsha kelisiwden ótkeredi.

3.5. Paydalanıwshılardı kadastrǵa tiyisli maǵlıwmat menen támiynlew Mámleket kadastrlarına tiyisli maǵlıwmat mámleket hákimiyatı

organlarına biypul, basqa yuridikalıq hám fizikalıq shaxslarǵa bolsa belgilengen tártipte haq esabına usınıladı.

Mámleket sırı esaplanǵan mámleket kadastrlarına tiyisli maǵlıwmatdan paydalanıw nızam hújjetleri menen tártipke salınadı.

Kadastr obyektleri haqqındaǵı kadastr maǵlıwmatlarınıń kompyuter bazası mámleket kadastrların júritiwshi juwapker organ tárepinen rayon, qala kadastr, reestr dápterine kiritilgen maǵlıwmatları tiykarında dúziledi.

Kadastr obyektleri haqqındaǵı kompyuter maǵlıwmatları Qaraqalpaqstan Respublikası, wálayatlar, Tashkent qalası boyınsha jıldıń hár shereginde uluwmalastırıladı hám bir sistemaǵa salınadı.

Qaraqalpaqstan Respublikası, wálayatlar, Tashkent qalasınıń kadastr obyektleri haqqındaǵı kompyuter kadastr maǵlıwmatları tiykarında Ózbekstan Respublikası boyınsha kadastr obyektleri haqqındaǵı kadastr maǵlıwmatlarınıń bir sistemaǵa salınǵan kompyuter bazası túrlendiriledi.

4 - TEMA: ÓZBEKSTAN RESPUBLIKASÍ AYMAQLARÍN KADASTR BOYÍNSHA BÓLIW HÁMDE KADASTR

NOMERLERIN QÁLIPLESTIRIW

JOBA:

4.1.Ózbekstan Respublikası aymaqların kadastr boyınsha bóliw tártibi hám principleri;

4.2.Jer uchastkası bina hám obyektler kadastr nomerleriniń dúziliwi;

4.3.Aymaqlardı kadastr boyınsha bóliw kartalardı tayarlaw tártibi;

4.4.Aymaqlardı kadastr boyınsha bóliw materiallarına ózgerisler kiritiw tártibi;

4.5.Jer uchastkalarınıń kadastr nomerlerin esapqa alıw.

4.1.Ózbekstan Respublikası aymaqların kadastr boyınsha bóliw tártibi hám

principleri

Kadastr boyınsha bóliw–bul Ózbekstan Respublikası aymaqların belgilengen tártipte kartografiyalıq materiallarda (kartalarda, planlarda, sxemalarda) kadastr birliklerine (zonalar, massivler, kvartallar) bóliw.

Ózbekstan Respublikası aymaqların kadastr boyınsha bóliw kóshpes múlikti esapqa alıwdıń birden-bir sistemasın jaratıw hámde jer uchastkaları, imaratlar hám obyektlerǵa kadastr nomerlerin beriw maqsetinde ámelge asırıladı.

Kadastr boyınsha bóliw hám kóshpes múlk obyektlerine kadastr nomerin beriw sisteması kóshpes múlikti esapqa alıwdıń birden bir sistemasında hár qanday jer uchastkaları, imaratlar hám obyektlerdı birdey identifikaciyalawdı táminlew kerek.

Aymaqlardı kadastr boyınsha bóliw hár bir rayonda hám Qaraqalpaqstan Respublikası hámde wálayatlarǵa boysınıwshı qalalarda shólkemlestiriledi.

Qaraqalpaqtan Respublikası, walayatlar, Tashkent qalası, rayonlar (qalalar), kadastr zonaları (bir neshe kadastr massivlerinıń birlespesi), kadastr massivleri (bir neshe kadastr kvartallarınıń birlespesi), kadastr kvartalları (bir neshe jer ushastkalarınıń birlespesi), jer uchastkaları Ózbekstan Respublikası aymaqların kadastr boyınsha bóliw birlikleri esaplanadı.

Ayrım jaǵdaylarda rayon hám qala aymaqlarınıń qásiyetlerine, jer uchastkalarınıń sanına, úlken-kishiligine qarap, ayırım zonalar bir massivten, ayırım massivler bir kvartaldan hám ayırım kvartallar bir jer uchastkasınan quralǵan bolıwı múmkin.

Aymaqlar, rayonlar (qalalar) dárejesinde kadastr boyınsha bóliw shegaraları jergilikli-aymaqlıq bóliw shegaralarına tuwrı keliwi kerek. Jergilikli rayon (qala) aymaǵı tiyisli ráwishte kadastr zonalarına bólinedi.

Jergilikli rayon aymaǵın bóliwde kadastr zonaları retinde kishi rayonlar, awıllar hám rayonǵa boysınıwshı qalalar (qalashalar) aymaqları qabıl qılınadı. Qaraqalpaqstan Respublikası walayatqa boysınıwshı qalalar aymaǵın bóliwde kadastr zonaları retinde qala rayonları (bar bolsa) yamasa túrli, (tábiyiy imarattıń qurılıwı qásiyeti, paydalanıw maqseti sıyaqlı) belgileri boyınsha ajıralıp turatuǵın qalalar bólimleri, máselen: sanaat zonası, turar jay massivi, dem alıw baǵları, dem alıw zonaları hám sol sıyaqlar, qabıl qılınadı.

Kadatsr zonaları shegaraları kadastr massivleriniń sırtqı shegaraları tábiyiy obyektler (dáryalar, temir jollar, magistral kanallar, kollektorlar, basqa ulıwma obyektler) boylap ótiwi kerek.

Kadastr zonası aymaǵı óz náwbetinde kadastr massivlerine bólinedi.

Awıl jaylarında kadastr massivi retinde awıl xalqı punktleri, awıl xojalıǵı hám basqa maqsetlerde jerler qabıl qılınadı.

Rayonǵa boysınıwshı qalalarda (qalashalarda) kadastr massivleri retinde máhálle aymaǵı yamasa qala hám qalashalardıń ayrım bólimleri qabıl qılınadı. Bunda kadastr massivleri shegarası kadastr kvartallarınıń sirtqı shegaraları boylap ótiw hám elatlı punktleriniń kósheleri yamasa sırtqı shegaraları menen sáykes keliwi kerek.

Kadastr massivi aymaǵı kadastr kvartallarına bólinedi .

Awıllıq jerlerde kadastr kvartalı retinde awıl xojalıǵı hám basqa maqsetlerdegi jerler, baǵshılıq-júzimshilik shirketleri aymaǵı qabıl qılınadı.

Qala hám qalashalarda kadastr kvartalı retinde qala hám qalashalardıń bas rejeleri, bar bolǵan uzın obyektler (kósheler, jollar, dáriyalar, kanallar hám basqalar), basqa tábiyiy obyektler shegarası esapqa alınǵan halda hár túrli belgiler (tábiyiy, imarattıń qurılıw qásiyeti, paydalanıw maqseti hám basqalar) boyınsha ajıralıp turatuǵın jer uchastkaları jámi qabıl qılınadı.

Kadastr kvartallarınıń aymaǵın sonday qılıp dúziw kerek, olarda jer uchastkalarınıń sanı tórt razryadlı onlıq sannan (yaǵnıy 9999 dan) artpawı zárúr. Ámelde sonday jaǵday júz berse, usı kadastr kvartalı ekige bóliniwi kerek.

Kadastr boyınsha bóliwdiń birlemshi bólegi bolıp, belgilengen tártipte dúzilgen jer uchastkası esaplanadı.

Anıqlanǵan yuridikalıq hám fizikalıq shaxslarǵa biriktirilmegen ulıwmalıq paydalanılatuǵın jerler (kósheler, maydanlar, kóklemzarlar, zapas jerler) kadastr boyınsha bólinbeytuǵın hám olarǵa kadastr nomeri berilmeydi.

4.2. Jer uchastkası bina hám obyektler kadastr nomerlerinıń dúziliwi Jer uchastkası bina hám obyektler Ózbekstan Respublikası

identifikaciyalaw sisteması jeke printcipi boyınsha jaratıladı, oǵan jer uchastkasınıń kadastr nomeri tiykar qılıp alınadı.

Kadastr nomeri – bul jer uchastkası, bina, obyektqa tiyisli Ózbekstan Respublikası aymaǵında qaytalanbaytuǵın nomer. Ol nızam hújjetleri menen belgilengen tártipte onı dúziwde beriledi hám dizimnen ótkizilgen aymaqtıń jeke obyekti retinde bar bolǵanǵa shekem saqlanıp qalınadı.

Kadastr boyınsha nomerlew sisteması jer uchastkaları, imaratlar hám obyektlerdıń kadastr nomerlerin identifikaciyalaw hám esapqa alıwdıń jeke sistemasına birlestirilgen.

Tómendegiler jer uchastkası, bina, obyekt kadastr nomerinıń májbúriy elementlerin payda etedi:

aymaqlar (Qaraqalpaqstan Respublikası, walayatlar hám Tashkent qalası)

kodı;

aymaqlar quramındaǵı jerilikli rayon yamasa Qaraqalpaqstan Respublikası hám walayatlarǵa boysınıwshı qalalar sanı;

kadastr zonası kodı; kadastr massivi kodı; kadastr kvartalli kodı; jer ushastkasınıńkodı; bina hám obyekttıń kodı;

bina, obyekt bir bóliminıń kodı.

Kóshpes múlk obyektleriniń kadastr nomeri tómendegi dúziliske iye:

AA:VV:SS:DD:EE:FFFF:GGGG:HHH

bunda:

AA – aymaqlardıń (Qaraqalpaqstan Respublikasınıń, walayatlardıń hám Tashkent qalasınıń) kodın bildiriwshi eki razryadlı onlıq san;

VV – aymaqlar quramındaǵı adminstrativlik-aymaqlıq dúzilmelerdiń (adminstrativlik rayonlar, Qaraqalpaqstan Respublikasına, walayatqa boysınıwshı qalalar) kodın bildiriwshi eki razryadlı onlıq san;

SS – kadastr zonaları kodın bildiriwshi eki razryadlı onlıq san;

DD– kadastr zonaları kóleminde kadastr massivleri kodın bildiriwshi eki razryadlı onlıq san;

EE– kadastr massivleri kóleminde kadastr kvartalları kodın bildiriwshi eki razryadlı onlıq san;

FFFF– kadastr kvartalları kóleminde jer ushastkaları kodın bildiriwshi tórt razryadlı onlıq san;

GGGG– jer ushastkaları kóleminde bina hám obyektler kodın bildiriwshi tórt razryadlı onlıq san;

NNN – bina obyektler bir bólimi kodın bildiriwshi úsh razryadli onlıq san.

Usı tártipten kelip shıǵıp jer uchastkalarınıń kadastr nomeri 14 razryadlı onlıq sannan ibarat bolıwı shárt.

Bina hám obyektlerdıń kadastr nomeri, usı bina hám obyektler jaylasqan jer uchastkasınıń kadastr nomerinen keyin bina hám obyektqa berilgen tórt razryadlı onlıq sannan ibarat kod qosılıp, 18 razryadlı onlıq sannan ibarat boladı.

Jergilikli rayon, Qaraqalpaqstan Respublikası hám walaytqa boysınıwshı qalalar kóleminde kadastr zonaların, kadastr zonaları kólemindegi massivlerdi hámde massivler kólemindegi kvartallardı nomerlew (kodlaw), olardı zonalarǵa, massivlerge hám kvartallarǵa bóliw processte ámelge asırıladı.

Kadastr zonaları, massivleri hám kvartalları barlıq hújjetlerde olardıń kodı menen belgilenedi, olarǵa atama berilmeydi.

Kadastr zonaları, massivleri hám kvartallarınıń shegaraları ádette qalalar, qala rayonları, awıllardıń adminstrativlik shegaraları boyınsha qabıl qılınadı. Keyinshelik adminstrativlik shegaralar ózgergende, kadastr boyınsha bóliniw sistemasına tiyisli ózgerisler kiritiledi.

Jer uchastksına kadastr nomerin beriw jer ushastkası kóshpes múlk obyekti retinde dúzilgennen keyin rayon (qala) jer kadastr dápterin toltırıw processinde ámelge asırıladı.

Jer uchastkalarına berilgen kadastr nomeri olardı esapqa alıw reestrda kórsetiledi.

Rayon (qala) aymaǵında jaylasqan tiyisli taraw kadastrlarına anıq atama yamasa nomer menen ayrıqsha esapqa alınatuǵın uzın qurılıslıq obyektleri (kanallar, kollektorlar, avtomobil hám temir jollar) jaylasqan jerler ǵarezsiz jer uchastkaları esaplanadı hám olarǵa rayon (qala) kóleminde, olar qanday zonalar, massiv hám kvartallarda jaylasıwınan qáttiy názer, bir kadastr nomeri beriledi.

Uzın jer uchastkalarınıń kadastr nomerin dúziwde, olar qaysı zonada kóbirek jaylasqan bolsa, usı zona kodı, usı zonadaǵı qaysı massivite kóbirek jaylasqan bolsa, usı massiv kodı, usı massivte qaysı kvartallda kóbirek jaylasqan bolsa, usı kvartall kodı hám usı kvartalldaǵı náwbettegi jer uchastkası kodı beriledi.

Jańa jer uchastkası bir neshe kvartallar aymaǵınan berilgen bolsa, usı jer uchastkası qaysı kvartallda kóbirek jaylasqan bolsa, usı kvartall kodı beriledi hám aymaqlardı kadastr boyınsha bóliw kartografiyalıq materiallarǵa tiyisli ózgerisler kiritiledi.

Jańadan súwretke alıw (dúzetiwler kiritiw), dizimge alıw, jańa kadastr kartaların (planların) tayarlaw processinde jer uchastkası, bina hám obyekttıń (olardıń bir bóliminen tısqarı) kadastr nomerin payda etiwshi májbúriy elementlerı (kodlar) ózgertirilmeydi.

Imaratlar hám obyektlerdıń kadastr nomeri málim jer uchastkasındaǵı bina hám obyektlerınıń hár birine birinshisinen baslap, qalǵanlarına salıstırǵanda tártip nomeri beriw jolı menen dúziledi.

Bina obyektler haqqındaǵı maǵlumatlar bazasında, bina hám obyektlerǵa bolǵan huqıqtıń mámleket dizimnen ótkizilgenligi haqqındaǵı guwahnamalarda hám basqa kadastr hújjetlerinde onıń kodı, jer ushastkasınıń kadastr nomerine qosılıp, mısal ushın, 0001-5 formada jazıladı hám “5” nomeri usı jer ushastkasında bes bina hám obyekt barlıǵın bildiredi.

Bina hám obyektlerǵa bolǵan huqıqtıń mámleket diziminen ótkerilgenligi haqqında guwalıqlardıń bos betinde hár bir bina hám obyekttıń planınıń tártip nomeri, tolıq kadastr nomeri hám binanıń túri jazıladı.

Bina hám obyektler bir bóliminiń kadastr nomeri tiykarǵı binanıń bir bólimi retinde náwbettegi nomer beriw jolı menen dúziledi.

Bina hám obyektlerdıń bir bólimi bolıp, ol tiykarǵı binadan basqa huqıqıy negizge iye (shártli huqıq iyesi basqa) bolǵan onıń ayrım xanaları (kvartiralar, ayrıqsha xanalar hám olardan ajıralıp turǵan basqa bólimleri) esaplanadı.

Kóp qabatlı úylerdegi kvartiralarǵa kadastr nomerin dúziw processinde úyjay múlkdarları shirketleri yamasa usı úydi isletip turatuǵın basqa shólkemlerdiń jer uchastkası hám usı úydiń kadastr nomeri tiykar qılıp alınadı. Jer uchastkasındaǵı binanıń bir bólimi retinde kvartira tártip nomeri qabıl qılınadı.

Bina hám obyektlerǵa kadastr nomeri usı imaratlarǵa hám obyektlerǵa bolǵan huqıqtı mámleket dizimnen ótkiziw procesinde jer uchastkasınıń bina hám obyektler sáwlelengen plani tayarlanǵannan keyin beriledi.

Pútin jer uchastkasına, bina obyektlerǵa bolǵan huqıq basqa shaxsqa ótkende hám (yamasa) olarǵa bolǵan huqıq túri ózgergende, usı kóshpes múlk obyektleriniń kadastr nomeri ózgermeydi.

Jer uchastkalarınıń shegaraları hám maydanı, olardı bóliw yamasa qosıw yamasa bir bólimin alıp qoyıw nátiyjesinde ózgergende hámde yaǵnıy jer uchastkası payda etilgende, olarǵa belgilengen tártipte kadastr nomeri beriledi.

Bunda aldın berilgen kadastr nomerleri biykar qılınadı hám olar kiyinshelik qollanılmaydı.

Kóshpes múlk obyektlerine berilgen kadastr nomerleri jer kadastrı dápterinde, jerge bolǵan huqıq mámleket reestrinde, bina hám obyektlerdıń kadastr dápterinde, bina hám obyektlerdı esapqa alıw reestrinde hám basqa kadastr hújjetlerinde kórsetilgen.

23:17:01:02:04:0157.

2. Bina hám obyekttıń kadastr nomeri:

Jer uchastkasınıń kadastr nomeri – 23:17:01:02:04:0157 Usı jer uchastkasında 5 bina hám obyekt jaylasqan.

Hár bir bina hám obyekttıń kadastr nomeri tómendegi sanlardan ibarat boladı:

23:17:01:02:04:0157:0001

23:17:01:02:04:0157:0002

23:17:01:02:04:0157:0003

23:17:01:02:04:0157:0004

23:17:01:02:04:0157:0005

Kadastr hújjetlerinde bina hám obyekttıń kadastr nomeri tómendegishe ulıwmalastırılgan formada jazıladı: 23:17:01:02:04:0157:0001-5

3. Kóp qabatlı turar jaydaǵı kvartiranıń kadastr nomeri:

Jer uchastkasında jaylasqan 0001 kod berilgen turar jay binasınan kvartiranıń tártip nomeri 27 bolsa, kvartiranıń tolıq kadastr nomeri tómendegishe boladı: 23:17:01:02:04:0157:0001-027

Bunda 0001 turar jay binasınıń kodı, 027 binanıń bir bólimi – kvartiranıń

kodı.

4.3. Aymaqlardı kadastr boyınsha bóliw kartalardı tayarlaw tártibi. Rayon, qala hám qalashalardıń aymaqların kadastr boyınsha bóliw

kartografiyalıq materiallarda (kartalar, planlar yamasa sxemalarda) ámelge asırıladı.

Rayon, qala hám qalashalardıń aymaqların kadastr boyınsha bóliw ushın hár qanday qolay masshtabta bar rayon awıl xojalıǵı kartaları, topografiyalıq kartalar tiykarında rayon, qala hám qalashalardıń arnawlı elektron kartaları hám planları tayarlanadı.

Qala hám qalashalalardıń topografiyalıq kartaları bolmaǵan taǵdirde, olardıń arnawlı sxemaları tayarlanadı. Usı sxemalarda zonalardıń, massivleriniń hám kvartallarınıń shegaraları ótetuǵın topografiyalıq elementler (jollar, kanallar, salmalar, kollektorlar, zaborlar h.b.) anıq túsirilgen bolıwı zárúr.

Aymaqlardı kadastr boyınsha bóliw kartaları, planları, sxemalarınıń masshtabı hár qanday bar yamasa jańa payda bolǵan jer uchastkasınıń qaysı kvartal aymaǵına kiriwin anıq belgilew imkanın jaratıwı kerek.

Aymaqlardı kadastr boyınsha bóliw kartalarda, planlarda, sxemalarda zonalardıń, massivlerdiń hám kvartallardıń shegaraları hám kodları ayırıqsha reńlerde kórsetiledi.

Aymaqlardı kadastr boyınsha bóliw kartaları, planları, sxemaları olardı dúziwshi qanige hámde rayon (qala) jer resursları hám mámleket kadastrı bólimleri baslıǵı tárepinen imzalanadı, rayonlar (qalalar) arxitektura hám qurılıs basqarmaları (bólimleri) menen kelisiledi.

4.4. Aymaqlardı kadastr boyınsha bóliw materiallarına ózgerisler kiritiw tártibi

Ózbekstan Respublikası Ministirler Kabinetiniń 2001-jıl 31 dekabrdegi 492sanlı qararına muwapıq Qaraqalpaqstan Respublikası Ministirler Keńesi, walayatlar hám Tashkent qalası hákimleriniń qararları menen aymaqlardı kadastr boyınsha bóliw materialları tastıyıqlanǵannan keyin eski tártipke muwapıq jer uchastkalarına berilgen kadastr nomerleri belgilengen tártipke muwapıq ózgertiriledi.

Ózbekstan Respublikası Ministirler Kabinetiniń 2001jıl 31 dekabrdegi 492sanlı qararı menen tastıyıqlanǵan “Ózbekstan Respublikası aymaqların kadastr boyınsha bóliw hámde jer uchastkaları, bina hám obyektlerdıń kadastr nomerlerin dúziw tártibi haqqında nızamǵa muwapıq bólingen zonalar, massivler hám kvartallar, tiykar saqlap qalınadı.

Aymaqların kadastr boyınsha bóliw ámelge asırılǵannan keyin adminstrativlik-aymaqlıq sistemaǵa ózgerisler kiritilgen taǵdirde, aymaqların

kadastr boyınsha bóliw kartalarına, planlarına hám sxemalarına tiyisli ózgerisler kiritiledi.

Rayonlar tamamlanǵanda, olardıń kodları biykar qılınadı hám bul kodlar paydalanılmaydı. Tazadan rayonlar dúzilgende, olarǵa náwbettegi kod beriledi, ámeldegi zonalar, massivler hám kvartallar, ilajı barınsha saqlap qalınadı.

Rayonǵa boysınıwshı qalalar túrine ótkizilgen walayatqa boysınıwshı qalalar aymaqlar quramındaǵı adminstrativlik aymaqlar qurılmalar quramınan shıǵarıp taslandı. Bunda walayat boyınsha rayonlar (qalalardıń) aldınǵı berilgen kodları qayta kórip shıǵılmaydı hám aldıńǵı kodları saqlanıp qalınadı.

Walayatqa boysınıwshı qalalar rayonǵa boysınıwshı qalalar túrine ótkeriliwi múnásibeti menen, olar rayon kóleminde zona retinde qabıl qılınadı hám olarǵa náwbettegi zona kodı beriledi. Usı qalalarda aldın dúzilgen zonalar hám olardıń kodları biykar qılınadı, massiv hám kvartallar aldın berilgen kodlar menen saqlanıp qalınadı.

Rayonǵa boysınıwshı qalalar Walayatqa boysınıwshı qalalar túrine ótkerilgende, olarǵa adminstrativlik aymaqlar qurılmalar retinde náwbettegi kod beriledi hám olardıń kadastr boyınsha bóliwdi saqlanıp qalınıwı múmkin.

Awıl xalqı punktleri qalashalar túrine ótkizilgende, olarǵa zona retinde náwbettegi kod beriledi hám olardıń kadastr boyınsha bóliniwi saqlanıp qalınıwı múmkin.

Jer uchastkaları, bina hám obyektler haqqında maǵlumatlar bazasında, barlıq kadastr hújjetlerinde olardıń kadastr nomerleri tolıq jazıladı.

Belgilengen tártipke qarsı ráwishte berilgen kadastr nomerleri kadastr maǵlıwmatları bazasında hám basqa kadastr hújjetlerinde tiyisli ráwishte tuwrılanadı.

Rayon (qala) boyınsha zonalar, massivler hám kvartallardıń jańadan dizimi dúziledi. Bunda jer uchastkasınıń kodı keltirilmeydi.

Rayon (qala) boyınsha zonalar, massivler hám kvartallardıń jańadan dizimi hámde aymaqlardı kadastr boyınsha bóliw kartaları, planları, sxemaları rayon (qala) hákimleriniń qararları menen tastıyıqlanadı, olardıń qararları

Qaraqalpaqstan Respublikası Ministirler Kabineti, walayatlar hám Tashkent qalası hákimleriniń qararları menen tastıyıqlanadı.

Keyinshelik adminstrativlik-aymaqlıq sistemalar quramında ózgerisler payda bolıwı múnásibeti menen aymaqlardıń kadastr boyınsha bóliniwinde júzbergen ózgerisler rayon (qala) hákimleriniń qararları menen tastıyıqlanadı, olardıń qararları Qaraqalpaqstan Respublikası Ministirler Kabineti, walayatlar hám Tashkent qalası hákimleriniń qararları menen tastıyıqlanadı

4.5. Jer uchastkalarınıń kadastr nomerlerin esapqa alıw

Jer uchastkalarına kadastr nomerin beriw processin tártipke salıw hám náwbettegi kadastr nomerlerin durıs anıqlaw maqsetinde, berilgen kadastr nomerleri sáykes ráwishte esapqa alınıp barıladı.

Jer uchastkalarınıń kadastr nomerlerin esapqa alıw arnawlı reestrda elektron kartotekası retinde standart dástúrlerden paydalanıp ámelge asırıladı.

Jer uchastkalarınıń kadastr nomerlerin esapqa alıw reestri hár bir rayonda (qalada) kvartallar boyınsha electron formada júritiledi.

Reestrdıń basında aymaqtıń, zonanıń, massivtiń hám kvartaldıń kodı keltiriledi. Jer uchastkalarınıń kadastr nomerlerin esapqa alıw reestrde jer uchastkasınan paydalanıwshınıń atı, jer uchastkasına berilgen kadastr nomeri jer uchastkasınan paydalanıw túri, jer uchastkasınıń maydanı, kadastr nomeriniń biykar qılınǵanlıǵı haqqındaǵı maǵlıwmatlar kórsetiledi.

Jer uchastkalarınıń kadastr nomerlerin esapqa alıw reestri tómendegi tártipte toltırıladı:

1- qatarda–tártip nomeri;

2- qatarda–jerden paydalanıwshı yuridikalıq shaxstıń rásmiy qısqartırılǵan atı yamasa fizikalıq shaxstıń familiyası hám tolıq atı, ákesiniń atı

3- qatarda–jer uchastkasına berilgen tórt razryadlı onlıq san kodı;

4- qatarda–jer uchastkasınan paydalanıw túri (jergilikli bina, islep shıǵarıw, dúkan, asxana, fermer xojalıǵı, diyxan xojalıǵı, turar jay h.b.);

5- qatarda–jer uchastkasınıń maydanı gektarda;

6- qatarda kadastr nomeri biykar qılınǵan taǵdirde “biykar qılındı” dep jazıladı hám jer uchastkasınıń ózgeriwine tiykar bolǵan hújjet atı hám sánesi jazıladı.