Mámleketlik kadastrlar tiykarları

2.Ózbekstan Respublikasınıń Mámleketlik jer kadastrı haqqındaǵı Nızamı. (28.08.1998 j. N 666-I)

3.Ózbekstan Respublikasınıń Bahalaw iskerligi haqqındaǵı Nızamı. (09.04.2009 j. N ÓRQ-208)

4.Ózbekstan Respublikasınıń Jer astı baylıqları haqqındaǵı Nızamı (23.09.1994 j. № 2018-XII)

5.Ózbekstan Respublikasınıń Suw hám suwdan paydalanıw haqqındaǵı

Nızamı.

6.Ózbekstan Respublikasınıń Ósimlik dúnyasın qorǵaw hám onnan paydalanıw haqqındaǵı Nızamı. (26.12.1997 j. №543-I)

7.Ózbekstan Respublikasınıń Haywanat dúnyasın qorǵaw hám onnan paydalanıw haqqındaǵı Nızamı.

8. Ózbekstan Respublikasınıń Qorǵalatuǵın tábiyiy aymaqlar haqqındaǵı Nızamı. (03.12.2004 j. № 710-II)

9.Ózbekstan Respublikasınıń Gidrotexnika obyektlerınıń qáwipsizligi haqqındaǵı Nızamı. (20.08.1999 j. № 826-I)

10.Ózbekstan Respublikasınıń Mádeniy miyras obyektlerin qorǵaw hám olardan paydalanıw haqqındaǵı Nızamı. (30.08.2001 j. № 269-II)

11.Ózbekstan Respublikasınıń Avtomobil jolları haqqındaǵı Nızamı. (02.10.2007 j. №ZRU-117)

12.Ózbekstan Respublikasınıń Temir jol transportı haqqındaǵı Nızamı. (15.04.1999 j. № 766-I)

14.Ózbekstan Respublikasınıń Telekommunikaciya haqqındaǵı Nızamı. (20.08.1999 j. № 822- I)

15.Ózbekstan Respublikasınıń Gidrotexnika obyektlerınıń qáwipsizligi haqqındaǵı Nızamı. (20.08.1999 j. № 826-I)

16.Ózbekstan Respublikasınıń Qáwipli islep shıǵarıw obyektlerinıń sanaat qáwipsizligi haqqındaǵı Nızamı.

17.Ózbekstan Respublikası Shıǵındılar haqqındaǵı Nızamı. (05.04.2002 j.

№362-II)

18.Ózbekstan Respublikasınıń Geodeziya hám kartografiya haqqındaǵı Nızamı. (25.04.1997 j. № 417-I)

Qararlar:

1. Ózbekstan Respublikası Ministrler Kabinetiniń 2004-jıl 19 oktyabrdaǵı Ózbekstan Respublikası Jer resursları, geodeziya, kartografiya hám mámleketlik kadastrı mámleketlik komiteti iskerligin dúziw haqqındaǵı 483sanlı Nızamı.

2.Ózbekstan Respublikası Ministrler Kabinetiniń 16.02.2005 j. Mámleketlik kadastrları birden-bir sistemasın jaratıw hám júritiw haqqındaǵı nızamdı tastıyıqlaw haqqındaǵı № 66-sanlı Nızamı 3-qosımshası.

3.Ózbekstan Respublikası Ministrler Kabinetiniń 26.05.1997 j. Ózbekstan Respublikası kánleri, paydalı qazılmaları belgileri hám texnogen protceslerdiń mámleketlik kadastrın júritiw tártibi haqqındaǵı nızamdı tastıyıqlaw haqqındaǵı № 258-sanlı Nızamı.

4.Ózbekstan Respublikası Ministrler Kabinetiniń 02.06.1997 j. Ózbekstan Respublikasında imaratlar hám obyektler mámleketlik kadastrın júritiw haqqındaǵı

№278-sanlı Nızamı.

5.Ózbekstan Respublikası Ministrler Kabinetiniń 07.01.1998 j. Ózbekstan Respublikasınıń mámleketlik suw kadastrın islep shıǵıw hám júritiw tártibi haqqındaǵı nızamdı tastıyıqlaw haqqındaǵı № 11-sanlı Nızamı.

6.Ózbekstan Respublikası Ministrler Kabinetiniń 10.03.1998 j. Ózbekstan Respublikasınıń qorǵalatuǵın tábiyiy aymaqları mámleketlik kadastrın júritiw tártibi haqqındaǵı nızamdı tastıyıqlaw haqqındaǵı № 104-sanlı Nızamı.

7.Ózbekstan Respublikası Ministrler Kabinetiniń 31.12.1998 j. Ózbekstan Respublikasında mámleketlik jer kadastrın júritiw haqqındaǵı № 543-sanlı Nızamı.

8.Ózbekstan Respublikası Ministrler Kabinetiniń 05.09.2000 j. Ózbekstan Respublikası ósimlik dúnyasi mámleketlik kadastrın júritiw tártibi haqqındaǵı nızamdı hám Ózbekstan Respublikası haywanat dúnyasınıń mámleketlik kadastrın júritiw tártibi haqqındaǵı nızamdı tastıyıqlaw haqqındaǵı № 343-sanlı Nızamı.

9.Ózbekstan Respublikası Ministrler Kabinetiniń 29.07.2002 j. Mádeniy miyras obyektlerin qorǵaw hám olardan paydalanıwdı jánede rawajlandırıw isilajları haqqındaǵı № 269-sanlı Nızamı.

10.Ózbekstan Respublikası Ministrler Kabinetiniń 30.06.2005 j. Ayrım mámleketlik kadastrların júritiw tártibi haqqındaǵı nızamlardı tastıyıqlaw haqqındaǵı № 152-sanlı Nızamı.

11.Ózbekstan Respublikası Ministrler Kabinetiniń 15.11.2005 j. Ayrım mámleketlik kadastrların júritiw tártibi haqqındaǵı nızamlardı tastıyıqlaw haqqındaǵı № 250-sanlı Nızamı.

12.Ózbekstan Respublikası Ministrler Kabinetiniń 16.11.1999 j. Gidrotexnika obyektlerınıń kadastrın júritiw tártibi haqqındaǵı nızamlardı tastıyıqlaw haqqındaǵı № 499-sanlı Nızamı.

13. Ózbekstan Respublikası Ministrler Kabinetiniń 14.08.2014 j. Aymaqlardıń mámleketlik kadastrın júritiw tártibi haqqındaǵı nızamlardı tastıyıqlaw haqqındaǵı № 231-sanlı Nızamı.

1.4. Mámleketlik kadastrların jaratıw hám júritiwde sirt el mámleketlerinıń tájiriybeleri

Avstriya–1985-jıldan dúziliwi boyınsha Jer kitabı hám kadastr esaplanadı hám oraylastırılıp júritiledi. Jer kitabı Federal Adillik Ministrligi, kadastr bolsa, Federal Ekonomikalıq máseleler ministrligi quramında edi. Jer kitabı hám kadastr Federal Húkimetge boysınadı. Kóshpes múlk obyektlerin qáliplestiriw (inventarizaciya, bahalaw, kadastr suwretge alıw, yuridikalıq hújjetlerdi jıynaw) jeke geodezistler tárepinen alıp barıladı.

Ullı Britaniya–Kóshpes múlk kadastrı–múlkiy huqıq qorǵaw diziminiń funkcional birligi retinde anıq emes. 1862-jıldan jer uchastkalarına bolǵan huqıqtı dizimnen ótkeriw–jer uchastkaları atlarınıń Reestri ámelge kiritilgen. Kóshpes múlk obyektlerin qáliplestiriw (inventarizaciya, bahalaw, kadastr suwretge alıw, yuridikalıq hújjetlerdi jıynaw), ólshew jumısları boyınsha jeke byurolar tárepinen alıp barıladı, olar sonday-aq kadastr júritiwdi ámelge asıradı.

Germaniya Federativ Respublikası–germaniya dizimi dúziliwi boyınsha Jer kitabi hám Jer kadastrına bólinedi. Dizim tariyx dawamında sonday qáliplesken, Jer kitabın júritiw – jer uchastkasına bolǵan yuridik maǵlıwmatlar Reestri retinde (múlkiy múnasebet, huqıq hám basqa huqıqıy jaǵdaylar) Federal Ádillik Ministrligi (dizimnen ótkiziw sudları) tárepinen ámelge asırıladı. Jer kadastrı bolsa, múlkti huqıqıy tárepten (bunda: atı, ólshemi, qurılıs imaratları, paydalanıw) júritedi hám Federal jer wákilinde esaplanadı. Kóshpes múlkti qáliplestiriw jeke geodezistler tárepinen ámelge asırıladı.

Gollandiya – Jer kitabı hám kadastr funkciyaları Úy-jay qurılısı, rejelestiriw hám ortalıqtı qorǵaw ministrligi quramındaǵı “Kadastr” xizmetleri tárepinen alıp barıladı.

Fransiya–Kóshpes múlk Reestri–kóshpes múlk ipotekası hám girew kartotekaları bóyınsha Qarjı Ministrligi quramına kiriwshi Tiykarǵı huqıqlar hám ipotekalar reestri xizmeti tárepinen júritiledi. Saqlaw waziypası bolmaǵan jer uchastkaları dizimnen ótkerilmeydi. Jergilikli hákimiyat organlarınıń kadastr xizmetleri ólshewler tiykarındaǵı salıq salıw ushın tiykar bolıp xizmet qılatuǵın grafik kadastrdı júritedi.

AQSH–Tolıq kólemde kadastr joq. Jerlerdi dizimnen ótkeriw, ólshew yamasa markirovkalaw májbúriyatı joq. Múlkti basqa adamǵa ótkeriw: jazba formada dúzilgen aldı-sattı tuwralı májburiyat shártnaması, keminde sońǵı 30jıl ishinde usı múlkke bolǵan huqıqtı dálillewde advokattıń qatnası, tiyisli jer uchastkası boyınsha suǵurta kompaniyası tárepinen beriletuǵın tariyxiy maǵlıwmat hám múlkti basqa adamǵa ótkeriw haqqındaǵı Topar reestrina kiritiletuǵın hújjet siyaqlı bir neshe etaplarda ámelge asırıladı. Reestr jeke suǵurta kompaniyaları tárepinen júritiledi.

Shvetsariya–kadastr sisteması eki organ: Federal Ádillik Ministrligi quramındaǵı Jer kitabı hám kantonlar quramındaǵı kadastr tiykarında pútkil mámleket aymaǵında birdey formaǵa keltirilgen (unifikaciyalanǵan). Kóshpes múlkti qáliplestiriw jumısları jeke geodezistler tárepinen alıp barıladı.

Shveciya–Kóshpes múlkti qáliplestiriw hám oǵan bolǵan huqıqtı mámleketlik diziminen ótkeriw Shveciya Milliy Jer xızmetiniń aymaqlıq organları tárepinen ámelge asırıladı. Dizimnen ótkeriw tártibi tolıq avtomatlastırılǵan, jer maǵlıwmatları oraylıq maǵlıwmatlar banki ámel qıladı. Usı tarawda Shveciya dúnyada jetekshi esaplanadı.

Qazaqstan–Húkimetiniń 1997-jılǵı qararı menen kóshpes múlkke bolǵan huqıqlardı hám olar menen baylanıslı bitimlerdi mámleket diziminen otkeriw funksiyasi sonday-aq aldin aymaqlıq orınlawshı organlar janında shólkenlestirilgen kóshpes múlkti bahalaw hám mámleket diziminen ótkeriwshi karxanalar Ádillik Ministirligi quramına berildi. Kóshpes múlkti qáliplestiriw boyınsha jumıslar, Jer resursların basqarıw agentligi hám TIKB lar tárepinen ámelge asırıladı.

Qırǵızıstan–Dizimnen ótkiziw hám kóshpes múlkti qáliplestiriw funksiyaları 1999-jıldan Jer dúziw, geodeziya hám kartografiya mámleket agentligi hámde rayon hám qala TIKB ları bazasında dúzilgen Kóshpes múlkke bolǵan huqıqlardı dizimnen ótkeriw mámleket agentligi tárepinen ámelge asırıladı.

Litva–huqıqlardı mámleket diziminen ótkeriw hámde kóshpes múlkti qáliplestiriw, “Registrlar orayı” mámleket karxanası tárepinen ámelge asırıladı. “Registrlar orayı” mámleket kárxanası kóshpes múlk registrınan basqa “Yuridikalıq shaxslar hám adresler Registrın” da júritedi.

Armanistan-Kóshpes múlkke bolǵan huqıqtı mámleketlik diziminen ótkeriw (jer uchastkaları, bina hám obyektler) Hákimiyat qasındaǵı Kóshpes múlk kadastrı mámleketlik komiteti tárepinen ámelge asırıladı. Komitetke kóshpes múlkti qáliplestiriw (kadastr suwretke alıw, inventarizaciya hám bahalaw) wazıypası da júkletilgen.

Ózbekstan Respublikası hám basqa jetekshi shet mámleketlerdiń dizimnen ótkeriw tártibiniń salıstırma analizi

Belorus Respublikası–Kóshpes múlk obyektlerin texnik inventarizaciyalaw hám mámleketlik diziminen ótkeriw Úy-jay kommunal xojalıq Ministrliginiń kóshpes múlkti esapqa alıw hám mámleketlik diziminen ótkeriw Respublika orayı– mámleket unitar karxanası hámde aymaqlıq birliklerdegi dizimnen ótkeriw hám texnik inventarizaciyalaw organları tárepinen ámelge asırıladı.

Rassiya Federaciyası – “Kóshpes múlkke bolǵan huqıq hám olar menen baylanıslı kelisimlerdi mámleket diziminen ótkeriw” Nızamına muwapıq, kóshpes múlkke bolǵan huqıq hám olar menen baylanıslı kelisimlerdi mámleket diziminen ótkeriw hámde birden bir mámleket Reestrın jaratıw hám júritiw Ádillik organları wazıypası bolǵan. Kóshpes múlk obyektlerin texnik inventarizaciyalaw hám mámleket esabına alıw bir neshe organlar arqalı ámelge asırıladı, olar: Geodeziya hám kartografiya Federal xızmeti; Federal jer kadastrı xızmeti; Qurılıs hám úy-jay kommunal kompleksi mámleketlik komiteti.

Moldoviya–“Kóshpes múlk kadastrı haqqında”ǵı Nızamına muwapıq, kóshpes múlkke bolǵan huqıqtı mámleket diziminen ótkeriw hámde kóshpes múlkti qáliplestiriw jumısları Jer múnasebetleri hám kadastr agentligi tárepinen ámelge asırıladı. Agentlik quramına TIKB hám jer dúziw xizmetleri de kiredi.

Ukraina–Kóshpes múlkti qáliplestiriw hám oǵan bolǵan huqıqtı mámleket diziminen ótkeriw funksiyaları Jer mámleketlik komiteti hám TIKB ortasında bólingen bolıp, tiyisliligi boyınsha jer uchastkalarına hámde bina hám obyektlerǵa juwap beredi.

Estoniya–kóshpes múlkke bolǵan huqıqtı mámleket diziminen ótkeriw Ádillik Ministrligi quramındaǵı arnawlı sudlar tárepinen ámelge asırıladı. Kóshpes múlkti qáliplestiriw jumısları jerlerdi bahalaw boyınsha kárxanalar yamasa jeke topograflar arqalı ámelge asırıladı.

2-TEMA. MÁMLEKETLIK KADASTRLARÍN JARATÍW HÁM JÚRITIWDE MÁMLEKET BASQARÍWÍ

JOBA:

2.1.Ózbekstan Respublikası Ministrler Kabinetiniń mámleketlik kadastrların júritiw tarawındaǵı wákillikleri;

2.2.Arnawlı wákillikli organnıń mámleketlik kadastrların júritiw tarawındaǵı wákillikleri;

2.3.Jergilikli mámleketlik hákimiyatı organlarınıń mámleketlik kadastrların júritiw tarawındaǵı wákillikleri;

2.4.Mámleketlik kadastrların jaratıw hám júritiwge juwapker mámleketlik organları.

2.1. Ózbekstan Respublikası Ministrler Kabinetiniń mámleketlik kadastrların júritiw tarawındaǵı wákillikleri

Ózbekstan Respublikası Ministrler Kabinetiniń mámleketlik kadastrların júritiw tarawındaǵı wákillikleri tómendegishe:

-Mámleketlik kadastrlarınıń birden bir mámleketlik siysatın ámelge asıradı, olardı jetilistiriwdiń baslı baǵıtların belgileydi, qarjılandırıw hám investiciya máselelerin sheshedi;

-Mámleket kadastrları birden-bir sistemasın júritiw tártibin belgileydi; -Kadastr obyektlerine bolǵan huqıqlardı mámleketlik diziminen ótkeriw,

kadastrǵa tiyisli maǵlıwmatlardı paydalanıwshılarǵa beriw tártibin belgileydi; -Nızam hújjetlerine muwapıq basqa wákilliklerdi ámelge asıradı.

2.2. Arnawlı wákillikli organlardıń mámleketlik kadastrların júritiw tarawındaǵı wákillikleri

Ózbekstan Respublikası Jer resursları, geodeziya, kartografiya hám mámleketlik kadastr mámleketlik kamiteti (Jergeodezkadastr) mámleketlik kadastrların júritiw tarawındaǵı arnawlı wákillikli organ esaplanadı.

“Jergeodezkadastr” mámleketlik kamiteti wákilliklerine tómendegiler kiredi: Ministrlikler, mámleket basqarmaları, mekemeler hám jergilikli mámleketlik hákimiyat organlarınıń mámleketlik kadastrların júritiw tarawındaǵı iskerligin

muwapıqlastıradı;

Mámleketlik kadastrları birden-bir sistemasın júritedi;

Ministrlikler, mámleketlik basqarmaları hám mekemelerdi tiyisli mámleketlik kadastrların júritiw ushın zárúr bolǵan kartografiyalıq materiallar menen belgilengen tártipte támiynleydi;

Mámleketlik kadastrların júritiliwine baylanıslı normativ hújjetlerdi belgilengen tártipte tastıyıqlaydı;

Qánigeler tayarlaw hám tájriybesin asırıw islerin muwapıqlastıradı; Nızam hújjetlerine muwapıq basqa wákilliklerdi ámelge asıradı.

“Jergeodezkadastr” mámleketlik komiteti mámleketlik kadastrların júritiw tarawındaǵı wazıypaları tómendegishe keltirilgen:

Mámleketlik basqarıw organları hám jergilikli mámleketlik hákimiyat organlarınıń mámleketlik kadastrın júritiw tarawındaǵı iskerligin muwapıqlastıradı; Mámleketlik kadastrları birden-bir sistemasına qaratılatuǵın tarmaq kadastr maǵlıwmatların toplaw, analiz qılıw, redaktrlaw, saqlaw hám jańalawdı ámelge

asıradı;

Mámleketlik jer kadastrın júritedi;

Imaratlar hám obyektlerdıń mámleketlik kadastrın júritedi; Mámleket kartografiya-geodeziya kadastrın júritedi;

Ilimiy-izzertlew hám tájriybe-texnologiya islerin ámelge asıradı, normativtexniklıq hújjetlerdi islep shıǵadı hám tastıyıqlaydı;

Wálayatlar, rayonlar hám elatlı punktleriniń adminstrativlik shegaraların belgilew (anıqlaw) jumısların payda etedi hám ámelge asıradı;

Paydalanıwshılardı kadastr maǵlıwmatları menen támiynleydi;

Kóshpes múlkke huqıqlardı hám kóshpes múlkke tiyisli kelisimlerdi mámleketlik diziminen ótkiziwdi ámelge asıradı;

Kóshpes múlkke bolǵan huqıqlar, olardıń bir huqıq iyesinen ekinshisine ótiwi haqqındaǵı, kóshpes múlkke bolǵan huqıqlardı shegaralaw hám kóshpes múlkke tiyisli bolǵan kelisimler haqqındaǵı maǵlıwmatlar bazasın payda etedi.

2.3. Jergilikli mámleketlik hákimiyat organlarınıń mámleketlik kadastrların júritiw tarawındaǵı wákillikleri

Jergilikli mámleketlik hákimiyat organlarınıń mámleketlik kadastrların júritiw tarawında tómendegishe wákilliklerge iye:

Kadastr obyektlerine bolǵan huqıqlardı mámleketlik diziminen ótkeriwdi quraydı;

Mámleketlik jer kadastrın, imaratlar hám obyektler mámleketlik kadastrların júritiw jumısların nızam hújjetlerinde belgilengen tártipte jergilikli byudjet esabınan qarjılandıradı;

Tiyisli aymaqlar mámleketlik kadastrınıń júritiliwin shólkemlestiredi; Nızam hújjetlerine muwapıq basqa wákilliklerdi ámelge asıradı.

3-TEMA. MÁMLEKETLIK KADASTRLARÍN JÚRITIW

JOBA:

3.1.Kadastr obyektlerinde júzege kelgen huqıqtı hám olar menen baylanıslı kelisimlerdi mámleket diziminen ótkeriw;

3.2.Kadastr obyektleriniń muǵdar hám sapa kórsetkishlerin esapqa alıw;

3.3.Kadastr obyektlerin sapa hám mánis jaǵınan bahalaw;

3.4.Mámleket kadastrların birden bir sistemaǵa kiritiw ushın tiyisli maǵlıwmat usınıw;

3.5.Paydalanıwshılardı kadastrǵa tiyisli maǵlıwmat penen támiynlew.

3.1.Kadastr obyektlerinde júzege kelgen huqıqtı hám olar menen baylanıslı

kelisimlerdi mámleket diziminen ótkeriw

Mámleket kadastrların júritiw tiyisli ministrler, mámleket basqarmaları, mekemeler hám jergilikli mámleket hákimiyatı organları tárepinen ámelge asırıladı.

Mámleket kadastrların júritiwge tómendegiler kiredi:

Kadastr obyektlerine bolǵan múlk huqıqı hám basqa huqıqlardı mámleket diziminen ótkeriw;

Kadastr obyektleriniń muǵdar hám sapa kórsetkishlerin esapqa alıw; Kadastr obyektlerin sapa hám mánis jaqtan bahalaw;

Kadastrǵa tiyisli xabardı sistemaǵa salıw, saqlaw hám jańalap barıw; Kadastr obyektleriniń jaǵdayı haqqında esabatlar dúziw;

Mámleket kadastrları birden-bir sistemasına kiritiw ushın tiyisli xabar usınıw;

Paydalanıwshılardı nızam hújjetlerinde belgilengen tártipte kadastrǵa baylanıslı xabar menen támiynlew.

Kadastr obyektleriniń múlkdarları hámde kadastr obyektlerine baylanıslı basqa huqıqlardıń iyeleri tiyisli ministrlerlikler, mámleket basqarmaları, mekemeler, jergilikli hákimiyat organlarına kadastr obyektleriniń geografiyalıq jaylasıwı, huqıqıy ataǵı, muǵdar, sapa kórsetkishleri hám bahası haqqında, sondayaq olardaǵı ózgerisler haqqında xabar usınıwları shárt.

Mámleket kadastrların júritiw tártibi Ózbekstan Respublikası Ministrler Kabineti tárepinen tastıyıqlanadı.

Mámleket kadastrları júritiliwin qarjılandırıw mámleket byudjeti esabınan ámelge asırıladı. (Ózbekstan Respublikasınıń Mámleket kadastrları haqqındaǵı nızamı 12-statya).

Kóshpes múlkke iyelik huqıqı hám basqa ayrım huqıqlar, bul huqıqıqlardıń júzege keliwi, basqa shaxslarǵa ótiwi, shekleniwi hám biykar bolıwı mámleket diziminen ótkeriliwi kerek.

Kóshpes mal-múlkke bolǵan huqıqlardı hám ol haqqında dúziletuǵın shártnamalardı mámleket diziminen ótkeriwshi organ huqıq iyesiniń iltimasına kóre ámelge asırılǵan dizimnen ótkeriwdi dizimnen ótkerilgen huqıq yáki kelisim haqqında hújjet beriw yáki dizimnen ótkeriw ushın usınılǵan hújjetke ústxat jazıw jolı menen tastıyıqlawı shárt.

Kóshpes mal-múlkke bolǵan huqıqlardı hám ol haqqında duziletuǵın kelisimlerdi diziminen ótkeriwshi organ ámelge asırılǵan dizimnen ótkeriw hámde dizimnen ótkerilgen huqıqlar haqqındaǵı xabardı hár qanday shaxsqa beriwi shárt.

Xabar, dizimnen ótkeriw qayjerde ámelge asırılǵanına qaramastan, kóshpes mal-múlkti dizimnen ótkeriwshi hár qanday organ tárepinen beriledi.

Kóshpes mal-múlkke bolǵan huqıqtı yáki ol haqqında dúzilgen kelisimdi mámleket diziminen ótkeriwdi biykarlaw yáki dizimnen ótkeriw múddetleriniń buzılıwı ústinen sudqa beriliwi múmkin.

Mámleket diziminen ótkeriw tártibi dizimdi ótkeriwdi biykarlaw nızam hújjetleri menen belgilep qoyıladı. (Ózbekstan Respublikası Puxaralıq kodeksi 84statiyası).

Kadastr obyektlerine bolǵan huqıqlardı mámleket diziminen ótkeriw yuridikalıq hám fizikalıq shaxslardıń kadastr obyektlerine bolǵan huqıqları mámleket tárepinen qaratılıwı hám tastıyıqlanıwınıń yuridikalıq hújjeti esaplanadı.

Kadastr obyektlerine bolǵan huqıqlardı mámleket diziminen ótkeriw hújjetler menen tastıyıqlanǵan xabarlardı mámleket restrlarına kiritiw jolı menen ámelge asırıladı.

Kadastr obyektlerine bolǵan huqıqlardı mámleket diziminen ótkeriw kadastr obyektleriniń barlıq múlkdarları hám kadastr obyektlerine baylanıslı basqa huqıqlardıń iyeleri ushın májbúriy. (Ózbekstan Respublikasınıń Mámleket kadastrları haqqındaǵı nızamı 13-statyası).

3.2. Kadastr obyektleriniń muǵdar hám sapa kórsetkishlerin esapqa alıw

Kadastr obyektlerin esapqa alıw ministrlikler, mámleket basqarmaları, mekemeler, jergilikli mámleket hákimiyatı organlarınıń tiyisli bólinmeleri tárepinen kadastr obyektleriniń shegaraları sheńberinde, sonday-aq elatlı punktleri, rayonlar, kontinentler, tábiyiy hám ekonomikalıq zonalar hámde pútkil Ózbekstan Respublikası boyınsha olardıń ámeldegi jaǵdayı hám olardan paydalanılıwına kóre alıp barıladı.

Kadastr obyektine bolǵan múlk huqıqın hám basqa huqıqlardı tastıyıqlawshı hújjetler, obyekttiń kadastr jıynalma tomı, kadastr kartası (planı), kadastr kitabı, kadastr obyektleriniń jaǵdayı haqqındaǵı esabat kadastr hújjetleriniń tiykarǵı túrleri.

Kadastr jiynalma tomı kadastr obyektine bolǵan huqıqtı rawajlandırıw, esapqa alıw hám keyinshelik mámleket diziminen ótkeriw ushın zárúr bolatuǵın kadastr obyektin kadastr súwretine alıw, texnikalıq inventarizaciya qılıw hám pasportlastırıwdıń, arnawlı tekseriw hám izleniwlerdiń, sapası hám mánis jaǵınan bahalawdıń hújjetleri, materiyalları hám maǵlıwmatlarınan ibarat boladı.

Kadastr kartası (planı) kadastr obyektleri jaylasqan jerdi, olardıń shegaraları, qorǵalıw jerleri, bahalaw, muǵdar hám sapa kórsetkishlerin súwretlewshi grafikalıq sızılma hújjeti bolıp, ol qaǵazda, magnit hám basqa úskenelerde dúziledi.

Kadastr kitabı kadastr obyektlerin dizimnen otkeriw hám esapqa alıwdıń tiykarǵı hújjeti esaplanıp, ol kadastr obyektleriniń geografiyalıq jaylasıwı, huqıqıy ataǵı, muǵdar hám de sapa jaǵınan klassifikaciyaları hám bahası haqqındaǵı maǵlıwmatlardan ibarat boladı.