Mámleketlik kadastrlar tiykarları

4- túri - "Mámleket qorıqxanaları, kompleks (lanshaft) zakaznikleri, tábiyiy baǵlar, rezervatlarınıń haywanat dúnyası;

5- túri - "Mámleket tabiyat miraslarınıń, ayrıqsha tábiyiy obyektler hám komplekslerin saqlaw, kóbeytiw hám tiklew ushın aymaqlardıń ulıwmalıǵı”;

6- túri - "Qorıqlanatuǵın lanshaftlardıń, ayrıqsha tábiyiy resurslardı basqarıw ushın aymaqlardıń ulıwmalıǵı";

7- túri - "Qorıqlanatuǵın tábiyiy aymaqlar tabiyattı qorıqlaw jumıslarınıń tiykarǵı natiyjesi".

Kórinisleriniń dúzilisi hám mazmunı Mámleket tabiyattı qorǵaw kamiteti tárepinen belgilenedi.

7-túrinen tısqarı, bárshe kórinisler boyınsha maǵlıwmatlar rayon ("T" litirli kórinis), wálayat ("V" literli kórinis) hám respublika (litir kórinis) dárejesinde islep shıǵıladı. 7-túri boyınsha maǵlıwmatlar tek rayon dárejesinde beriledi.

Bárshe kórinislerde (rayon, wálayat hám respublika dárejesinde) Qorıqlanatuǵın tábiyiy aymaqlardıń hazirgi halatı hám onıń ózgeriw dárejesi analiz qılınǵan haldaǵı qısqasha túsinik beriledi.

Rayon dárejesinde-Qorıqlanatuǵın tábiyiy aymaqlar kadastrı tártibine “T” litiri menen bárshe kórinisler boyınsha maǵlıwmatları hám basqa birlemshi kadastr hújjetleri kiritiledi.

Wáláyat dárejesinde-ayrıqsha “Qorıqlanatuǵın tábiyiy aymaqlar kadastrı quramına “T” hám “B” litirleri menen bárshe kórinisler boyınsha maǵlıwmatlar kiritiledi.

Respublika dárejesinde-Qorıqlanatuǵın tábiyiy aymaqlar kadastrı quramına “B” literi menen hám litersiz kórinisler boyınsha maǵlıwmatlar kiritiledi.

18.3. Kadastrdı islep shıǵıwdı joybarlaw hám júritiw

Qorıqlanatuǵın tábiyiy aymaqlar kadastrı Mámleketlik tabiyattı qorǵaw kamiteti tárepinen tómendegiler júritiledi:

rayon (qala) dárejesinde-rayon tabiyattı qorıqlaw inspekciyası tárepinen;

Tashkent qalası tabiyattı qorǵaw inspektsya xizmeti tárepinen;

respublika dárejesinde-Mámleket tabiyattı qorıqlaw komitetiniń republika inspekciyası xizmeti tárepinen.

3 hám 4-kórinisler boyınsha maǵlıwmatlardı tayarlawda Ózbekstan Respublikası Pánler akademiyası qatnasadı.

Jer astı ashshı suwlardıń payda bolıwı aymaqları boyınsha kadastr maǵlıwmatları Ózbekstan Respublikası Mámleketlik geologiya hám mineral

resurslar kamiteti tárepinen dúziledi. Belgilengen kórinistegi aqırǵı maǵlıwmatlar ulıwma kadastrǵa kiritiw ushın usı Nızamda názerde tutılǵan múddetlerde mámleketlik tábiyattı qorǵaw organlarına beriledi.

Kadastr tájriybe turinde júrtiledi, kórinisler boyınsha maǵlıwmatlar, esabat jılınan keyingi jılınıń 1-yanvar halatı boyınsha, hár jılı bir márte beriledi.

Rayon dárejesinde-2-t, 3-t, 4-t, 5-t, 7-t kórinisleri boyınsha maǵlıwmatlar (esabatlar) rayon (qala) tabiyattı qorıqlaw (obyekt jaylasqan jerdegi) inspekciyaǵa qorıqlanatuǵın aymaqlar basshıları tárepinen esabat jılınan keyingi jıldıń fevralına deyin beriledi.

6-t hám 7-t túrleri boyınsha maǵlıwmatlar jerler esapqa alıw hújjetleri tiykarında rayon tábiyattı qorǵaw inspekciya tárepinen tayarlanadı.

Rayon inspekciyasına berilgen maǵlıwmatlar (esabatlar)dıń tuwrılıǵın anıqlaydı, rayon (qala) boyınsha qorıqlanatuǵın tábiyiy aymaqları dizimlerin dúzedi (1-t jiyma turi) bárshe kadastr materialların rayon hákimligi menen kelisip aladı hám 1-t, 2-t, 3-t, 4-t, 5-t, 6-t, 7-t túrleri boyınsha 1 mártegeshe olardı Qaraqalpaqstan Respublikası Mámleketlik tábiyattı qorǵaw kamitetine, wáláyat hám Tashkent qalası Tabiyattı qorǵaw kamitetlerine beriledi.

Wálayat dárejesi-alınǵan materiallar wálayat inspekciyası xizmeti tárepinen ulıwmalastırıladı hám analiz qılınadı, Qaraqapaqstan Respublikası Ministrler keńesi, wálayatlar hám Tashkent qalası hákimlikleri menen kelisip alınǵan hámde

1-aprelge deyin "V", 2-"3", 3-"V"G 4-"V", 5-<(V", 6-"V" túrleri boyınsha Mámleketlik tabiyattı qorǵaw kamitetine jiberiledi.

Respublika dárejesi-Qorıqlanatuǵın tábiyiy aymaqlar mámleketlik kadastrı Mámleket tabiyattı qorıqlaw komitetiniń "BOSHYERSUVNAZORAT" basqarması tárepinen júrtiledi.

Qorıqlanatuǵın tábiyiy aymaqlar jumısshısı maǵlıwmatlardıń óz waqtında beriliwi hám olardıń tuwrılıǵı ushın juwap beredi. Zárúr bolǵanda kadastr (tekseriliwi, izleniwler hám basqalar) maǵlıwmatlardı tayarlaw ushın jumısshılar ózleriniń joqarı organları menen kelisken halda tiyisli isbilermenlerdi jallawı múmkin.

18.4. MKBBS na beriletuǵın maǵlıwmatlar dizimi

qorıqlanatuǵın tábiyiy aymaqlar xojalıq jumısların ámlege asırıwshı fizikalıq

19- TEMA: SHÍǴÍNDÍLARDÍ KÓMIW HÁM UTILIZACIYA QÍLÍW ORÍNLARÍ MÁMLEKETLIK KADASTRÍN JÚRITIW TÁRTIBI

JOBA:

19.1.Shıǵındılardı kómiw hám utilizaciya qılıw orınları mámleketlik kadastrın júritiw;

19.2.Shıǵındılardı kómiw hám utilizaciya qılıw orınları mámleketlik kadastrın júritiwdi payda etiw;

19.3.Shıǵındılardı kómiw hám utilizaciya qılıw orınları mámleketlik kadastrın júritiw tártibi;

19.4.Mámleketlik kadastrları birden-bir sistemasına (MKBBSna) beriletuǵın maǵlıwmatlar dizimi.

19.1.Shıǵındılardı kómiw hám utilizaciya qılıw orınları mámleketlik kadastrın

júritiw

Shıǵındılardı kómiw hám utilizaciya qılıw orınları mámleketlik kadastrı "Shıǵındılar haqqında", "Mamleket kadastrları haqqında”ǵı Ózbekstan Respublikası Nızamlarına,Ózbekstan Respublikası Ministrler Kabinetiniń 2005jıl 16-fevralındaǵı 66-san qararı menen tastıyıqlanǵan “Mámleket kadastrları birdenbir sistemasın jaratıw hám júritiw haqqında”ǵı Nızamǵa,basqa normativhuquqıy hújjetlerge muwapıq júritiledi.

Shıǵındılardı kómiw hám utilizaciya qılıw orınları mámleket kadastrıbul shıǵındılardı kómiw hám utilizaciya qılıw orınları olardıń geografiyalıq jaǵdayı, huqıqıy atı, muǵdar hám sapa kórsetkishleri hámde ekonomikalıq bahası haqqındaǵı jańalap barılatuǵın isenimli axbarotlar sisteması bolıp esaplanadı.

Shıǵındılardı kómiw hám utilizaciya qılıw orınları mámleketlik kadastrı Mámleket kadastrları birden bir sistemasınıń quram bólegi esaplanadı hám Ózbekstan Respublikasınıń barlıq aymaǵındaǵı Shıǵındılardı kómiw hám utilizaciya qılıw orınlar haqqındaǵı axbarotlardı jıynaw, islew, saqlaw hám analiz qılıwın tamiynlew maqsetinde júritiledi.

Shıǵındılardı kómiw hám utilizaciya qılıw arnawlı ajratılǵan hám úskenelengen orınlarǵa tómendegiler kiredi:

sanaat yaki kúndelikli shıǵındılar poligonları; qawipli shıǵındılardı kómiw orınları;

shıǵındı xanalar paydalanıp bolınǵannan keyin kómip taslanatuǵın shlam toplaw orınları;

shıǵındılardı kómiw ham utilizaciya qılıw orınları hám mamleket kadastrı obetleri.

Ózbekstan Respublikası Mámleketlik tábiyattı qorǵaw kamiteti shıǵındılardı kómiw hám utilizaciya qılıw orınları mámleketlik kadastrın júritiw boyınsha wákilikli organ esaplanadı.

Shıǵındılardı kómiw hám utilizaciya qılıw orınları mámleket kadastrı mámleketlik kamiteti hám basqarıwshı organların yuridikalıq hám fizikalıq shaxslardı shıǵındılardı kómiw hám utilizaciya qılıw orınları mámleketlik kadastrı haqqındaǵı isenimli kadastr maǵlıwmatları menen tamiyinlew ushın.

Shıǵındılardı kómiw hám utilizaciya qılıw orınları mámleket kadastrın júritiwdiń tiykarǵı principleri esaplanadı:

Ózbekstan Respublikasınıń barlıq aymaǵındaǵı shıǵındılardı kómiw hám utilizaciya qılıw orınların tolıq óz ishine alıw;

orın koordinataları birden-bir sisteması hám jalǵız topagrafik tiykardı qollanıw;

barlıq obyektler boyınsha kadastr maǵlıwmatların qáliplestiriw metodologiyasınıń birden birligi;

kadastr maǵlıwmtlarınıń isenimliligi, kórgizbeliligi hám hújjetliligi; kadastr maǵlıwmatlarınıń nızam hújjetlerde belgilengen tártipte

paydalanıwǵa qolaylılıǵı;

Shıǵındılardı kómiw hám utilizaciya qılıw orınları mámleketlik kadastrın júritiw shıǵındılardı kómiw hám utilizaciya qılıw, orınların xatlawdan ótkeriw, esapqa alıw, bahalaw jolı menen tamiyinlenedi hám mámleket jer kadastr hámde imaratlar hám obyektler mámleketlik kadastrı maǵlıwmatlarınan májbúriy túrde paydalanıwdı názerde tutadı.

Shıǵındılardı kómiw hám utilizaciya qılıw orınları mámleketlik kadastrı obyektlerine baylanıslı bolǵan jer uchastkaları, binálar hám obyektlerǵa bolǵan huqıqlardı mámleketlik diziminen ótkiziw wákálatlı organlar tárepinen, kóshpes múlkke huqıqlardı dizimnen ótkiziw ushın nızam hújjetlerinde belgilengen tártipte ámelge asırıladı.

Mámleket jer kadastrınan shıǵındılardı kómiw hám utilizaciya qılıw orınları mámleket kadastrına beriletugın shıǵındılardı kómiw hám utilizaciya qılıw orınları mámleketlik kadastrı obyektlerine baylanıslı jer uchastkaları

haqqındaǵı jer-kadastr informaciyasında maqsetli paydalanıwı boyınsha jerlerdiń duzilisi, jer uchastkalarına bolǵan huqıqlarınıń mamleket diziminen ótkezilgenligi, jerlerdiń muǵdarı hám sapası haqqındaǵı maǵlıwmatlar bar bolıwı kerek.

Imaratlar hám obyektler mámleket kadastrınan shıǵındılardı kómiw hám utilizaciya qılıw orınları mámleket kadastrına beriletuǵın shıǵındılardı kómiw hám utilizaciya qılıw orınları mámleket kadastrı obyektlerine baylanıslı imaratlar hám obyektler haqqındaǵı kadastr axbarotlarında olardan maqsetli paydalanıw, huqıqlardıń mamleket diziminen otkizgenligi , tiykarǵı mugdarı ham sapası haqqındaǵı maǵlıwmatlar bar bolıwı kerek.

Shıǵındılardı kómiw hám utilizaciya qılıw orınları mámleketlik kadastrın júritiw qaǵaz yáki elektron dereklerde ámelge asırıladı.

Shıǵındılardı kómiw hám utilizaciya qılıw orınları haqqındaǵı sistemalastırılǵan kadastr axbarotların belgilengen tártipte mámleket kadastrları birden-bir sistemasına beriledi.

Shıǵındılardı kómiw hám utilizaciya qılıw orınları mámleketlik kadastrın júritiw islerin qrjılandırıw mámleket byudjeti esabına amelge asırıladı.

19. 2. Shıǵındılardı kómiw hám utilizaciya qılıw orınları mámleketlik kadastrın júritiwin payda etiw

Shıǵındılardı kómiw hám utilizaciya qılıw orınları mámleket kadastrın júritiw boyınsha Mámleketlik Tábiyattı qorgaw kamitetiniń wazıypaları tómendegi quramlarǵa bólinedi:

Respublika dárejesinde-Mámleketlik tabiyattı qorgaw kamitetiniń jer-suw resursları bas basqarması;

Aymaqlıq dárejede-Qaraqalpaqstan Respublikası mámleketlik tábiyattı qorǵaw kamiteti, walayatlar hám Tashkent qalası Mámleket Tábiyattı qorǵaw kamitetleri tárepinen ámelge asırıladı.

Shıǵındılardı kómiw hám utilizaciya qılıw orınları mámleket kadastrın júritiw islerine ulıwmalıq basshılıq etiw Mámleketlik Tábiyattı qorǵaw kamitetiniń baslıǵı tárepinen ámelge asırıladı.

Shıǵındılardı kómiw hám utilizaciya qılıw orınları mámleketlik kadastrın júritiwdi metodikalıq támiynlew Mámleketlik Tábiyattı qorǵaw kamiteti tárepinen ámelge asırıladı

Shıǵındılardı kómiw hám utilizaciya qılıw orınları mámleketlik kadastrın júritiw usı Nızamǵa qosımsha qılınǵan sxemaǵa muwapıq ámelge asırıladı.

Jer-suw resusrları bas basqarması:

Shıǵındılardı kómiw hám utilizaciya qılıw orınları mámleketlik kadastrınıń avtomatlastırılǵan sistemasın payda etiw hám onıń iskerligin támiynleydi;

maǵlıwmatlar bazaları sistemasın islep shıǵadı, olardı Mámleketlik Tábiyattı qorǵaw komitetiniń quramlıq bolimlerine beriwdi ámelge asıradı, maǵlıwmatlar bazasınıń tuwrı toltırılıwın baqlap turadı;

kadastr qanigeleriniń shıǵındılardı kómiw hám utilizaciya qılıw orınları mámleketlik kadastrınıń avtomatlastırılǵan axbarot sisteması menen islewge oqıtıwın payda etiw;

kadastr informaciyaların sistemalastıradı hám olardı shıǵındılardı kómiw hám utilizaciya qılıw orınları mámleketlik kadastrınıń avtomatlastırılǵan informaciyalar sistemasına kiritedi;

kadastr axbarotlarınıń mámeleketlik birden-bir sistemasına tezlik penen beriliwin ámelge asıradı;

shıǵındılardı kómiw hám utilizaciya qılıw orınları mámleket kadastrı obyektleriniń jaǵdayı hám olardan paydalanıw haqqındaǵı esabattı mámleket kadastrları birden-bir sistemasına belgilengen tartipte beredi.

Qaraqalpaqstan Respublikası tábiyattı qorǵaw kamiteti, wáláyatlar hám Tashkent qalası Tábiyattı qorgaw kamitetleri:

Shıǵındılardı kómiw hám utilizaciya qılıw orınları mámleketlik kadastrı obyektleriniń muǵdar hám sapa jagdayındaǵı kúndelikli ozgerisler olardıń qorshaǵan ortalıqqa, ekeonomikalıq bahasına tásiri haqqındaǵı informaciyalardı toplaydı;

Shıǵındılardı kómiw hám utilizaciya qılıw orınları mámleketlik kadastrı obyektleriniń kadastr dapterlerin júritedi, maǵlıwmat bazasın payda etiw hám Shıǵındılardı kómiw hám utilizaciya qılıw orınları mámleketlik kadastrınıń avtomatlastırılǵan sistemaǵa kiritiw ushın jer-suw resursları bas basqarmasına beredi;

Shıǵındılardı kómiw hám utilizaciya qılıw orınları mámleketlik kadastrı jańa obyektlerdi esapqa qoyadı, sonday aq olar haqqındaǵı esapqa alıw hám bahalaw informaciyaların toplaydı.

Mámleket tabiyattı qorǵaw komiteti sistemasınan shette is kórsetiwshi, shıǵındılardı kómiw hám utilizaciya qılıw orınları múlkdarları, sonday-aq basqa huqıqlar iyeleri jer-suw resusrları bas basqarmasına kadastr obyektleriniń geografiyalıq jaǵdayı, huqıqıy atı, muǵdar hám sapa kórsetkishleri hámde bahası haqqındaǵı sonday-aq olardıń jaǵdayındaǵı kúndelikli ozgerisler haqqındaǵı informaciyalardı beriwi shárt.

19.3. Shıǵındılardı kómiw hám utilizaciya qılıw orınları mamleketlik kadastrın júritiw tártibi

Shıǵındılardı kómiw hám utilizaciya qılıw orınları mámleketlik kadastrın júritiw shıǵındılardı kómiw hám utilizaciya qılıw orınlarınıń barlıq túrleriniń dizimge alınıwı, obyektlerdiń sapa hám muǵdar kórsetkishlerin, ekonomikalıq

bahasın, sonday-aq kadastr informaciyaların toplaw, analiz qılıw, islew sistemalastırıw, saqlaw, jańalaw hám nızam hújjetlerge belgilengen tártipte mápdar paydalanıwshılarǵa beriwdi óz ishine aladı.

Shıǵındılardı kómiw hám utilizaciya qılıw orınlarınıń muǵdar hám sapa kórsetkishleri hám ekonomikalıq bahasın esapqa alıw ushın tiykar esaplanadı.

Shıǵındılardı kómiw hám utilizaciya qılıw orınlarınıń barlıq túrleri baslanǵısh dizimge kiritiliwi kerek. Bunda tiykarǵı hújjetler kórsetiledi. Olardıń quramı tiyisli normativ hújjetler menen belgilenedi. Dizim nátiyjeleri boyınsha hár bir obyekt ushın passport dúziledi.

Muǵdar hám sapa kórsetkishleriniń tiykarǵı esabı shıǵındılardı kómiw hám utilizaciya qılıwdıń esapqa qoyıw waqtında paydalanıwǵa tapsırılǵan hám iskerlik kórsetip atırǵan hár biri ornı boyınsha kórsetiledi.

Shıǵındılardı kómiw hám utilizaciya qılıw orınlarınıń muǵdar hám sapa kórsetkishleri esabı olardıń ekonomikalıq texnologiyalıq biologiyalıq hám ekologiyalıq begileri boyınsha kórsetkishlerin óz ishine aladı, olardıń quramı shıǵındılardı kómiw hám utilizaciya qılıw orınları mámleketlik kadastrın júritiw boyınsha normativ hújjetler menen belgilenedi.

Shıǵındılardı kómiw hám utilizaciya qılıw orınlarınıń muǵdar hám sapa kórsetkishlerin esapqa alıw ushın mámleket tábiyattı qorǵaw kamiteti tárepinen “Jergeodezkadastr” mámleketlik kamiteti menen kelisilgen halda kadastr informaciyaların usınıs etiwdiń texnikalıq parametrleri hám formatları islep shıǵıladı.

Esapqa alıw informaciyası kadastr dapterine jazıladı hám shıǵındılardı kómiw hám utilizaciya qılıw orınları mamleketlik kadastrınıń avtomatlastırılǵan informaciya sistemasına kiritiledi.

Shıǵındılardı kómiw hám utilizaciya qılıw orınların ekonomikalıq bahalaw, shıǵındıların kómiw hám utilizaciya qılıw, salıq salıw, menshiklestiriw hám basqa maqsetler ushın hár bir orın jaǵdayı, manisin anıqlaw maqsetinde ámelge asırıladı.

Shıǵındılardı kómiw hám utilizaciya qılıw orınları haqqındaǵı kadastr informaciyalarınıń isenimliligi ushın jer-suw resusrları bas basqarması, Qaraqalpaqstan Respublikası Tábiyattı qorǵaw kamiteti, walayatlar hám Tashkent qalası Tábiyattı qorǵaw kamitetleriniń shıǵındılardı kómiw hám utilizaciya qılıw orınları mámleket kadastrın júritiw ámelge asırıwshı basshılar juwap beredi.

19.4. Mámleketlik kadastrları birden-bir sistemasına (MKBBS) beriletuǵın maǵlıwmatlar dizimi

Shıǵındılardı kómiw hám utilizaciya qılıw orınları mámleketlik kadastrın júritiw boyınsha-wákálatlı birlespe mámleketlik tábiyattı qorǵaw kamiteti MKBBS na tómendegi maǵlıwmatlardı beredi:

kadastr obyektiniń atı;

yurudik hám fizikalıq shaxstıń-múlkdar, iyelik qılıwshı, paydalanıwshı yáki ijaraǵa alıwshınıń atı hám mánzili;

kadastr obyektiniń shólkemlik tárepten saylıǵı; kadastr obyektiniń ornalasqan ornı hám maydanı; kadastr obyekti iske qosılǵan sáne;

shıǵındınıń túri;

shıǵındılardıń túri, tipi, agregat halatı, ólshew birligi;

shıǵındıdan ekilemshi resurs sıpatında paydalanıwshı obyektler dizimi; bahası (manisi, ekologiyalıq, sotsiallıq);

sanitar-qorǵaw zonaları haqqındaǵı maǵlıwmatlar; obyekttiń kadastr planı(kartası).

20- TEMA: TÁBIYIY QÁWIP JOQARÍ BOLǴAN ZONALAR

MÁMLEKETLIK KADASTRÍN JÚRITIW TÁRTIBI

JOBA:

20.1.Tábiyiy qáwip joqarı bolǵan zonalar mámleketlik kadastrı;

20.2.Tábiyiy qáwip joqarı bolǵan zonalar mámleketlik kadastrı

obyektleri;

20.3.Tábiyiy qáwip joqarı bolǵan zonalar mámleketlik kadastrı maǵlıwmatları quramı.

20.1.Tábiyiy qáwip joqarı bolǵan zonalar mámleketlik kadastrı Tábiyiy qáwip joqarı bolǵan zonalar mámleketlik kadastrı “Mámleketlik

kadstrları haqqında”ǵı Ózbekstan Respublikası Nızamına, Ózbekstan Respublikası Ministerler Kabinetiniń 2005–jıl 16-fevraldaǵi 66-sanlı qararı menen tastıyıqlanǵan Mámleketlik kadastrları haqqındaǵı nızamǵa, basqa normativhuqıqıy hújjetlerge muwapıq júritiledi.

Tábiyiy qáwip joqarı bolǵan zonalar mámleketlik kadastrı MKBBS quramınıń bir bólegi esaplanadı hám sistemalı gúzetiwler, izertlewler hámde maǵlıwmatlar toplaw nátiyjeleri boyınsha tayarlanatuǵın, turaqlı jańalanıp barılatuǵın hám zárúr bolǵanda anıqlastırılatuǵın Tábiyiyi qáwip joqarı bolǵan zonalarnıń unifikaciya qılınǵan kórsetkishleri hám súwretleri toplamınan, hár jılı júz bergen qáwipli tábiyiy hádiyseler tuwrısındaǵı maǵlıwmatlar toplamınan ibarat boladı.

Tábiyiy qáwip joqarı bolǵan zonalar mámleketlik kadastrı obyektlerin esapqa alıwdı, olardıń halatın hám júz bergen qáwipli tábiyiy (geologiyalıq, gidrometeorologiyalıq) processler (hádiyseler) aqıbetlerin bahalawdı támiynlew maqsetinde júritiledi.

Tábiyiy qáwip joqarı bolǵan zonalar mámleketlik kadastrın júritiwdi tómendegi juwapker organlar ámelge asıradı:

Qáwipli geologiyalıq processler júz beretuǵın zonalar boyınsha – Mámleketlik geologiya komiteti “Ózbekgidrogeologiya” mámleketlik geologiya kárxanası tárepinen júritiledi;

Seysmik qáwip joqarı bolǵan zonalar boyınsha-seysmik qáwip joqarı bolǵan zonalar boyınsha kadastr xabarların tayarlaw hám realizaciya qılıw (seysmologiya juwmaqları, olardı ekspertizadan ótkeriw, dáwirli bahalaw) ushın birden-bir juwapker bolǵan Ózbekstan Respublikası pánler Akademiyasınıń Seysmologiya institutı tárepinen júritiledi;

Gidrometeorologiya processleri qáwpi joqarı bolǵan zonalar boyınsha- “Ózgidromet” orayı tárepinen ámelge asırıladı.

Tábiyiy qáwip joqarı bolǵan zonalar mámleketlik kadastrın júritiwde tómendegilerdi ámelge asıradı:

Kadastr xabarların toplaw, sistemalastırıw, saqlaw, esapqa alıw hám bahalaw;

MKBBS na kiritiw ushın hár jılǵı xabarlar esabatların dúziw; Paydalanıwshılardı tábiyiy qáwipi joqarı bolǵan zonalar mámleketlik

kadastrı bólimlerin júritiw boyınsha wákillikli ministrlikler hám basqada shólkemler tárepinen belgilengen tártipte kadastr maǵlıwmatları menen támiynlew jolı menen ámelge asırıladı.

Kadastr obyektlerin esapqa alıw tuwrısındaǵı, hár jılı-júz bergen qáwipli tábiyiy processler, olardıń muǵdar hám sapa kórsetkishleri, júz bergen tómendegi qáwipli tábiyiy protssessler (hádiyseler) aqıbetleri haqqındaǵı turaqlı ráwishte jańalanıp hám toltırıp barılatuǵın maǵıwmatlar tábiyiy qáwip joqarı bolǵan zonalar mámleketlik kadastrdıń tiykarın quraydı:

Qáwipli geologiyalıq júz beretuǵın zonalarda (jer silkiniwler, kóshkiler, jemiriliwler, shógiwler, opırılıwlar, karstlar hám basqalar);

Gidrometeorologiya processleri qáwipi joqarı bolǵan zonalar (suw tasqınları, seller, qar kóshkileri, kúshli samallar, jawınlar, qurǵaqshılıq, suw alıwı hám basqalar).

Tómendegiler tábiyiy qáwip joqarı bolǵan zonalar mámleketlik kadastrın tiykarǵı principleri esaplanadı;

Ózbekstan Respublikasınıń barlıq aymaǵın óz ishine alıw; koordinatlardıń birden-bir sistema hám birden-bir topografiya usılların

qollanıw;

esapqa alıw birden-bir sistemasın, kadastr maǵlıwmatların islew hám beriw metodikasın qollannıw;

avtomatlastırılǵan geomaǵlıwmat texnologiyaların qollanıw; maǵlıwmatlardıń isenimliligi hám kórgizbeli, kadastr maǵlıwmatların hár jılı

toltırılıwı hám jańalanıp barılıwı; kadastr maǵlıwmatlarınıń ashıqlıǵı.

Tábiyiy qáwip joqarı bolǵan zonalar mámleketlik kadastrın jaratıw hám júritiw menen baylanıslı isler tiyisli minsterler hám kabinetlerge maqsetli paydalanıw ushın ajıratılatuǵın mámleket byudjeti tárepinen ámelge asırıladı.

20.2. Tábiyiy qáwip joqarı bolǵan zonalar mámleketlik kadastrı obyektleri Tómendegiler tábiyiy qáwip joqarı bolǵan zonalar mámleketlik kadastrı

obyektleri esaplanadı:

qáwipli geologiyalıq júz beretuǵın zonalar boyınsha-qáwipli geologiyalıq processler júz beriw zonası (daryalar basseyini) elementleri-qáwipli geologiyalıq processleri rawajlanatuǵın kishi zonalar (say basseyini), uchastkalar;

seysmik qáwip joqarı bolǵan zonalar boyınsha-jer silkiniw orayları payda bolıwı anıq bolǵan zonalar (seysmogen zonalar) hám túrlishe tiptegi seysmik tásir zonaları;

Gidrometeorologiya processleri qáwipi joqarı bolǵan zonalar boyınshaqáwipli gidrometeorologiya hádiyseleri júz beretuǵın zonaları (daryalar basseyini), elementleri-qáwipli gidrometeorologiya hádiyseleri rawajlanatuǵın kishi zonalar.

Tómendegiler esapqa alıwdıń baslanǵısh teretoriyalı birligi esaplanadı: qáwipli geologiyalıq júz beretuǵın zonalar boyınsha-1,0 mıń kub

metrden artıq kólemli qáwipli geologiya processleriniń tártipsiz júz beriwi. Sonıń menen birge kadastr obyektleri sheńberindegi qáwipli geologiyalıq processlerine hár jılı dus keletuǵın maydan da esapqa alınadı. Grafikalıq esapqa alıw belgilengen shártli belgilerden paydalanǵan halda 1:25000 hám 1:200000 mashtablı topografiyalıq kartalarda ámelge asırıladı;

seysmik qáwip joqarı bolǵan zonalar boyınsha-jer silkiniwler júz beretuǵın zona hám 25km2 maydandaǵı túrlishe tipte tásir kórsetiw zonasınıń teretoriyası. Sonıń menen birge seysmogen zonadan sırtta jer silkiniwler júz bergende, yaǵnıy silkiniw zonasında yaki sesmikalıq qáwip kóbirek pás bolǵan zonada jer silkiniw júz bergende seysmik qáwiptiń joqarı túrine ótetuǵın maydanlar da esapqa alınadı. Seysmikalıq qáwipli zonalardı sáwlelendiriw ushın kartografiya materialları belgilengen tiyisli shártli belgilerden paydalanǵan halda 1:1000000 yaki 1:500000 hám 1:200000 (ayrım aymaqlar ushın) mashtabta duzileldi.

Gidrometeorologiya processleri qáwipi joqarı bolǵan zonalar boyınshaqáwipli gidrometeorologiya hádiyseleri júz bolatuǵın zona aymaǵı, dárya basseyini (joqarı, orta, tómengi aǵım), taw massivi (janbawır ekspoziciyası). Qáwipli gidrometeorologiya zonaların sáwlelendiriw ushın kartografiya materialları belgilengen tiyisli shártli belgilerden paydalanǵan halda 1:1000000 yaki 1:500000 hám 1:200000 (ayrım aymaqlar ushın) mashtabta duziledi.

20.3. Tábiyiy qáwip joqarı bolǵan zonalar mámleketlik kadastrı maǵlıwmatları quramı

Tábiyiy qáwip joqarı bolǵan zonalar mámleketlik kadastrı maǵlıwmatları quramına tómendegilerden ibarat bolǵan esapqa alıw hám bahalaw maǵlıwmatları kiredi:

Qáwipli geologiyalıq júz beretuǵın zonalar boyınsha:

kadastr obyektiniń (qáwipli geologiyalıq jaǵdaylar júz beriw zonası) hám kadastr obyekti elementleriniń (kishi zona hám ushastka) atı;

kadastr nomeri (say basseyini, qáwipli geologiya processlerdi rawajlanıw