Mámleketlik kadastrlar tiykarları

arxiv materialları (dáptersheler, kesteller, ózi jazatuǵın texnikanıń lentaları hám basqalar);

uzaq múddetli texnik dereklerdegi maǵlıwmatlar;

jaryalanılǵan materiallar (suw hám suw xojalıǵı obyektleri katalogleri hár jılǵı hám kóp jıllıq maǵlıwmatlar hám basqalar).

MSK maǵlıwmatları quramı Ózbekstan Respublikası “Uzgidromet” orayı, mámleketlik geologiya komiteti hámde Awıl hám suw xojalıǵı Ministrligi tárepinen tastıyıqlanǵan “Suw kadastrı maǵlıwmatları quramı” atlı normativtexnikalıq hújjet penen belgilenedi.

MSK baspaları quramı Ózbekstan Respublikası “Uzgidromet” orayı, mámeleketlik geologiya komiteti hámde Awıl hám suw xojalıǵı ministrligi tárepinen tastıyıqlanǵan suw kadastrınıń jariya qılınatuǵın bólim dúzilmesi menen belgilenedi.

MSK maǵlıwmatları paydalanıwshılarına pullı baspalar tárizinde hám soraw boyınsha (belgilengen tártipde) usınıs etiledi.

MSK niń baspadan shıǵarılǵan baspaları, soraw boyınsha beriletuǵın maǵlıwmatlar túrleri hámde olardı beriw tártibi tuwrısında paydalanıwshılarǵa maǵlıwmat beriw ushın “Uzgidromet” orayı, tárepinen mámleket geologiya kamiteti hámde Awıl hám suw xojalıǵı ministrligi menen birgelikte “Suw kadastrı maǵlıwmatnaması” baspadan shıǵaradı.

Suw obyektleri túrlerine hámde suwdı hám onnan paydalanıwdı úyreniw boyınsha wazıypalarına muwapıq MSK tómendegi bólimlerge bólinedi:

Jer astı suwları, Jer ústi suwları,

Suwdan paydalanıw.

Suw obyektleri sanınıń hám jaǵdayın esapqa alıw obyektleriniń kólemi jaǵdayı, úyrengenlik dárejesi hám ahmiyetligine qarap kartografiya, gidrogeologiya hám geodeziyalıq usılları menen ámelge asırıladı.

Suw obyektleri rejimin úyreniwshi tiyisli mekemler tárepinen tastıyıqlanǵan hámde “Uzgidromet” orayı menen kelisilgen standart usılları boyınsha standart ásbablar elementin alıp barıladı.

14.2. Mámleketlik suw kadastrın islep shıǵıw hám júritiwdi shólkemlestiriw

Mámleketlik suw kadastrı maǵlıwmatları respublika, walayatlar, Qaraqalpaqstan Respublikası aymaqları, darya háwizleri háwiz irrigaciya sistemaları boyınsha, jer astı suwları bólimi boyınsha bolsa gidrologiya regionlari boyınsha da sistemalastıradı hám baspadan shıǵarıladı.

Jer ústi suw resursları, olardıń sapası hám xojalıq iskerligi tásirindegi ózgerisler haqqındaǵı maǵlıwmatlar suw obyektleri hám olardıń maydanları,

mámleketlik hám mámleketler ara áhmiyetke iye bolǵan dárya háwizleri, háwiz irrigaciya sistemaları walayat hám respublika boyınsha ulıwmalastırıladı.

Jer astı suw resursları, olardıń sapa hám xojalıq xizmeti tásirindegi ózgerisler haqqındaǵı maǵlıwmatlar kánler, darya háwizleri hám olardıń maydanları, suwlı gorizontallar hám jer astı suwları háwizleri, walayatlar hámde respublika boyınsha ulıwmalastırıladı.

Jer astı suwları resursların bahalaw olardıń jer astı suwları menen óz-ara baylanıslıqtı itibarǵa alǵan halda ámelge asıradı.

Suwdan paydalanıw haqqındaǵı maǵlıwmatlar mámleketlik áhmiyetine iye bolǵan dárya háwizleri, háwiz irrigaciya sistemaları, ayrıqsha áhmiyetli suw xojalıǵı obyektleri walayatlar hám ulıwma respublika boyınsha, sonday-aq, suwdan paydalanıw túrleri hám ekanomikalıq tarmaqları boyınsha ulıwmalastırıladı.

Mámleketlik suw kadastrı sistemasın júritiwdiń birden-birligin táminlew ushın Mámleketlik geologiya kamiteti hámde awıl hám suw xojalıǵı tárepinen (Máleketlik suw kadastrınıń tiyisli bólimleri boyınsha) islep shıǵarılatuǵın Mámleketlik suw kadastrın júritiwge tiyisli metodikalıq kórsetpeler, mámleketlik suw kadastrı baspaları maketleri hám mámleketlik suw kadastrı boyınsha basqa normativ texnikalıq hújjetler “Uzgidromet” orayı menen kelisip alınıwı kerek.

Suwdan paydalanıwshılardı suw resursları hám olardan paydalanıw haqqındaǵı zárúr maǵlıwmatlar menen táminlewde tezlikti asırıw, sonday-aq, payadalanıwshılardıń talapların esapqa alǵan halda maǵlıwmatlardı qayta islew hám ulıwmalastırıw dárejesin ámelge asırıw ushın “Uzgidromet” orayı, Mámleket Geologiya komiteti hámde awıl hám suw xojalıǵı ministrligi tárepinen suw kadastrınıń avtomatlastırılǵan maǵlıwmatlar sisteması payda etiledi.

Mámleket suw kadastrınıń avtomatlastırılǵan maǵlıwmatlar sisteması “Uzgidromet” orayı Mámleket geologiya kamiteti hámde awıl hám suw xojalıǵı ministrligi tárepinen tastıyıqlanatuǵın jeke texnikalıq tapsırıw tiykarında “Uzgidromet” orayı, Mámleket geologiya kamiteti hámde Awıl hám suw xojalıǵı Ministrliginiń tarmaq maǵlıwmatlar sistemaları tiykarında joybarlastırıladı hám dúziledi.

Mámleket suw kadastrın júritiw ushın jer ústi suwları jer astı suwları hám suwdan paydalanıw bólimleri boyınsha mámleket suw kadastrı bólimleriniń mekemeleri bas orayı, mámleketlik suw kadastrı karxanalarına qaraslı bas orayları payda etiledi.

Mámleketlik suw kadastrı mekemeleri bas orayı funksiyasın “Uzgidromet” orayınıń Orta Aziya gidrometerologiya ilmiy izertlew institutı orınlaydı.

Mámleketlik suw kadastrı mekemeleri bas orayınıń, mámleket suw kadastrınıń aymaqlıq orayları hám jergilikli organlardıń funksiyası (jer astı suwları, jer usti suwları hám suwdan paydalanıw bólimleri boyınsha) tiyisli normativ hújjetler menen belgilenedi.

Ózbekstan Respublikası Ministrler kabineti qasındaǵı Gidrometerologiya xizmeti orayınıń Mámleket suw kadastrın júritiw boyınsha wákillikleri:

Ózbekstan Respublikası Ministrler Kabineti qasındaǵı Gidrometeorologiya xizmeti orayı mámleketlik geologiya kamiteti hámde awıl hám suw xojalıǵı ministrligi menen birgelikte mámleketlik suw kadastrın ulıwma principiniń hám ilmiy metodikalıq tiykarları, Mámleketlik suw kadastrın júritiw, Mámleket suw kadastrınıń avtomatlastırılǵan maǵlıwmat sistemasın joybarlaw hám dúziw tártibin islep shıǵadı;

Mámleketlik suw kadastrın dúziw hám júritiwge baylanıslı barlıq jumıslardı ulıwmalastıradı;

Mámleketlik geologiya kamiteti hámde Awıl hám suw xojalıǵı Ministirligi menen birgelikte Mámleket suw kadastrınıń mekemeleri normativ texnikalıq hújjetlerdi (sol tiykarınan Mámleket suw kadastrınıń qospa baspaları maketiniń), sonday-aq, Mámleket suw kadastrınıń axbarotlastırılǵan maǵlıwmatlar sisteması ushın kárxanalar joybarlıq hújjetlerin islep shıǵadı;

Mámleket geologiya komiteti hámde Awıl hám suw xojalıǵı ministrligi tárepinen islep shıǵırılatuǵın suw kadastrın júritiwge tiyisli metodikalıq kórsetpelerdi, MSK baspaları maketin hám MSKnıń avtomatlastırılǵan maǵlıwmatlar sisteması ushın joybar hújjetlerin kelisip aladı;

Mámleket geologiya kamiteti hámde Awıl hám suw xojalıǵı Ministrligi qánigeleri menen birge jer ústı suwları hám jer astı suwları hámde olardan paydalanıwı haqqındaǵı maǵlıwmatlardıń jıyındısın analiz qılıwdı, baylanıstırıwdı hám ulıwmalstırıwdı orınlaydı, Mámleketlik suw kadastrınıń qosımsha baspaların shıǵarıwǵa tayarlaydı hám baspaǵa shıǵaradı;

Mámleketlik geologiya kamiteti hámde Awıl hám suw xojalıgı Ministirligi menen birgelikte Mámleketlik suw kadastrı xabarnamasın baspaǵa tayarlaydı;

“Jer ústi suwları” bólimi boyınsha Mámleketlik suw kadastrın islep shıǵıwdı hám júritiwdi, sol tiykarınan:

bólim boyınsha mámleket suw kadastrın (usı tikarında, Mámleket suw kadastrınıń avtomatlastırılǵan maǵlıwmatlar sisteması) júritiw sistemasın islep shıǵıw hám jedellestiriw;

jer ústi suwlarınıń klassifikatorların islep shıǵıwdı;

jer ústi suwları haqqındaǵı maǵlıwmatlardı toplaw, baqlaw, qayta islew hám ulıwmalastırıwǵa tiyisli usıllardı, algaritmlerdi hám avtomatlastırılǵan dástúrlerdi islep shıǵıw;

maǵlıwmatlardı kodlastırıw hám saqlaw usılların islep shıǵıw;

bólim boyınsha mámleket suw kadastrınıń avtomatlastırılǵan maǵlıwmatlar sistemaların joybarlaw hám jedellestiriw;

Suw kadastrı aymaqlıq orayları hám jergilikli organları ushın Mámleket suw kadastrın júritiwge tiyisli metodikalıq kórsetpelerdi, bólim boyınsha suw kadastrı baspaları maketlerin hám basqa normativ texnikalıq hújjetlerin islep shıǵıwdı ámelge asıradı.

15- TEMA: MÁMLEKETLIK TOǴAY KADASTRÍN JÚRITIW TARTIBI

JOBA:

15.3.Mámleketlik toǵay kadastrın júritiw tártibi;

15.4.MKBBS na beriletuǵın maǵlıwmatlarınıń quramı.

15.1. Toǵay kadastrı

Mámleketlik toǵay kadastrı “Toǵay haqqında”, “Mámleketlik kadastrları haqqında”ǵı O„zbekstan Respublikası nızamlarına, O„zbekstan Respublikası Ministrler Kabineti 2005-jıl 16 fevraldagı 66-sanlı qararı menen tastıyıqlanǵan “Mámleketlik kadastrları birden-bir sistemasın jaratıw hám júritiw tártibi haqqında”ǵı nızamǵa, basqa normativ-huqıqıy hújjetlerge muwapıq júritiledi.

Mámleketlik toǵay kadastrı-bul mámleketlik toǵay kadastrı obyektleri, olardıń geografiyalıq jaǵdayı, huqıqıy dárejesi, muǵdarı hám sapa kórsetkishleri hámde ekonomikalıq bahası haqqındaǵı jańalap barılatuǵın isenimli maǵlıwmatlar sisteması esaplanadı.

Mámleketlik toǵay kadastrı mámleketlik kadastrları birden-bir sistemasınıń quram bólimi esaplanadı hám toǵaylardıń qorǵalıwı kategoriyasın anıqlaw maqsetinde, toǵaylardan aqılǵa muwapıq paydalanıwdı, qorǵawdı, abaylap asıraw hám qayta tiklewdi shólkemlestiriw, mámleketlik toǵay fondı jerleri dúzilisinde júz beretuǵın ózgerisler hújjetlerdi júritiw hám qadaǵalawdıń birden-bir tártibin belgilew ushın júritiledi.

Ózbekstan Respublikası aymaǵında jaylasqan barlıq toǵaylar mámleketlik toǵay kadastrınıń obyektleri esaplanadı.

Ózbekstan Respublikası Awıl hám suw xójalıǵı Ministrligi qasındaǵı Toǵay xojalıǵı bas basqarması (keyingi orınlarda Toǵay xojalıǵı bas basqarması deb júritiledi) mámleketlik toǵay kadastrın júritiw boyınsha wakalatlı organ esaplanadı.

Mámleketlik toǵay kadastrı toǵay qatnasıqların tártipke salıw, toǵaylardı qorǵaw, abaylap asıraw, olardan aqıǵa muwapıq paydalanıw hám olardı qayta tiklewdi shólkemlestiriw maqsetinde mámleketlik hákimiyatı hám basqarıw

organların, mápdar yuridikalıq hám fizikalıq shaxslardı toǵaylar haqqındaǵı isenimli kadastr maǵlıwmatları menen táminlew ushın arnalǵan.

Tómendegiler mámleketlik toǵay kadastrın júritiwdiń tiykarǵı principleri esaplanadı:

Ózbekstan Respublikası aymaǵındaǵı barlıq toǵaylardı tolıq qamtıp alıw; orınnıń koordinatları birden-bir sisteması hám birden-bir topografiya

tikarın qollanıw;

toǵaylar haqqındaǵı kadastr maǵlıwmatların payda etiw metodologiyasınıń birden-birligi;

kadastr maǵlıwmatlarınıń isenimligi, kórgizbeligi hám hújjetligi;

kadastr maǵlıwmatlarınıń nızam hújjetlerinde belgilengen tártipte paydalanıwǵa qolaylıǵı.

Mámleketlik toǵay kadastrın júritiw mámleketlik toǵay kadastrı obyektlerin taksaciyalaw (salıq alıw), esapqa alıw, bahalawın ótkeriw menen táminlenedi hámde mámleketlik jer kadastrı hám mámleketlik imaratlar hám obyektler kadastrı maǵlıwmatlarınan májbúriy paydalanıwdı názerde tutadı.

Mámleketlik toǵay kadastrı obyektlerine tiyisli jer uchastkaları, imaratlar hám obyektlerǵa bolǵan huqıqlardı mámleketlik dizimnen ótkeriw wakalatlı organlar tárepinen, kóshpes múlkke huqıqların dizimnen ótkeriw ushın nızam hújjetlerinde belgilengen tártipte ámelge asırıladı.

Mámleketlik jer kadastrınan mámleketlik toǵay kadastrına beriletuǵın mámleketlik toǵay kadastrı obyektlerine tiyisli jer uchastkaları haqqındaǵı jerkadastr maǵlıwmatlarında jerlerdiń maqsetli paydalanılıwı boyınsha dúzilmesi, jer ushastkalarına huqıqlarınıń mámleketlik dizimnen ótkerilgenligi (usı qatarda jerlerden paydalanıwda servitutlarda belgilengen bar sheklewler haqqındaǵı maǵlıwmatlar), jerlerdiń muǵdarı hám sapası haqqındaǵı maǵlıwmatlar bar bolıwı kerek.

Imaratlar hám obyektler mámleketlik kadastrınan mámleketlik toǵay kadastrına beriletuǵın mámleketlik toǵay kadastrı obyektlerine tiyisli imaratlar hám obyektler haqqındaǵı kadastr maǵlıwmatlarında olardan maqsetli paydalanıw, huqıqlarınıń mámleketlik dizimnen ótkeriletuǵınlıǵı, tiykarǵı muǵdar hám sapa kórsetkishleri tuwrısındaǵı maǵlıwmatlar bar bolıwı kerek.

Mámleketlik toǵay kadastrın júritiw qaǵaz yaki elektron dereklerde ámelge asırıladı.

Mámleketlik toǵay kadastrı obyektleri haqqındaǵı sistemalastırılǵan kadastr maǵlıwmatları belgilengen tártipte mámleketlik kadastrları birden-bir sistemasına beriledi.

Mámleketlik toǵay kadastrın júritiw jumısların finanslıq jumısları mámleketlik byudjeti esabına ámelge asırıladı.

15.2. Mámleketlik toǵay kadastrın júritiwdi shólkemlestiriw Mámleketlik toǵay kadastrın júritiw mámleketlik toǵay kadastr bólimi

hám Toǵay xojalıǵı bas basqarması aymaqlıq bólimsheleri (toǵay xojalıqları) tárepinen ámelge asırıladı.

Mámleketlik toǵay kadastrın júritiw jumıslarına ulıwmalıq basshılıq etiw Toǵay xojalıǵı bas basqarması baslıǵınıń birinshi orınbasarı tárepinen ámelge asırıladı.

Mámleketlik toǵay kadastrın júritiwin metodikalıq táminlew Toǵay xojalıǵı bas basqarması tárepinen ámelge asırıladı.

Toǵay xojalıǵı bas basqarmasınıń mámleketlik toǵay kadastrı bólimleriniń toǵay kadastrın júritiwdi shólkemlestiriwdegi wazıypaları:

mámleketlik toǵay kadastrınıń avtomatlastırılǵan informaciyalıq sistemasın jariyalaw hám onıń jumıs alıp barwın táminleydi;

maǵlıwmatlar bazası duzilmesin islep shıǵadı, maǵlıwmatlar bazasınıń tuwrı toltırılıwın qadaǵalaydı;

mámleketlik toǵay kadastrı obyektleriniń muǵdar hám sapa jaǵdayı, ekonomikalıq bahası haqqındaǵı ámeldegi ózgerislerdi toplaydı hám sistemalastıradı;

mámleketlik toǵay kadastrı obyektleriniń kadastr dápterlerin júritedi, sistemalastırıw hám mámleketlik toǵay kadastrınıń avtomatlastırılǵan informaciyalıq sistemasına kiritiw ushın maǵlıwmatlar bazasın toltıradı;

mámleketlik toǵay kadastrı taza obyektlerin esapqa qoyadı, olar haqqında esapqa alıw hám bahalaw maǵlıwmatların toplaydı;

kadastr jumısshıların mámleketlik toǵay kadastrınıń avtomatlastırılǵan informaciyalıq sisteması menen islewge oqıtıwdı shólkemlestiredi;

kadastr maǵlıwmatların sistemalastıradı hám olardı mámleketlik toǵay kadastrının avtomatlastırılǵan informaciyalıq sistemasına kiritedi;

mámleketlik toǵay kadastr jańa obyektleri haqqındaǵı esapqa alıw hám bahalaw maǵlıwmatların qadaǵalaydı;

kadastr maǵlıwmatlarınıń Mámleketlik kadastrları birden–bir sistemasına tezlik penen beriwdi ámelge asıradı;

mámleketlik toǵay kadastrı obyektleriniń jaǵdayı hám olardan paydalanıw haqqındaǵı esabatın mámleketlik kadastrları birden–bir sistemasına hár jılı, belgilengen tártipte beredi.

Toǵay xojalıǵı bas basqarması sistemasınan tısqarıda jumısların kórsetetuǵın mámleketlik toǵay kadastrı obyektlerniń múlkdarları, sonday aq basqa huqıqlar iyeleri toǵay xojalıǵı bas basqarmasınıń hám jaǵdayı bólimine mámleketlik toǵay kadastrı obyektleriniń geografiyalıq jaǵdayı, huqıqıy statusı, muǵdar hám sapa korsetkishleri hámde bahası haqqındaǵı maǵlıwmatlardı,

sonday-aq olardıń jaǵdayındaǵı ámeldegi ózgerisler haqqındaǵı maǵlıwmatların beriwi shárt.

15.3. Mámleketlik toǵay kadastrın júritiw tártibi

Mámleketlik toǵay kadastrın júritiw mámleketlik toǵay kadastrı obyektleriniń barlıq túrlerin dizimge alıw, olardıń muǵdar hám sapa kórsetkishlerin, ekonomikalıq bahasın esapqa alıwdı, sonday-aq kadastr maǵlıwmatların toplaw, analiz etiw, qayta islew, sistemalastırıw, saqlaw, jańalaw hám nızam hújjetlerinde belgilengen tártipte mápdar paydalanıwshılarǵa beriwdi óz ishine aladı.

Mámleketlik toǵay kadastrı obyektleri dizimi olardıń muǵdar hám sapa kórsetkishlerin hám ekonomikalıq bahasın esapqa alıw ushın tiykar esaplanadı.

Mámleketlik toǵay kadastrı obyektleriniń barlıq túrleri baslanǵısh dizimge kiritiliwi kerek. Bunda tiykarǵı kórsetkishler kórsetiledi, olardıń quramı tiyisli normativ hújjetler menen belgilenedi. Dizim nátiyjeleri boyınsha hár bir obyekt ushın pasport dúziledi.

Muǵdar hám sapa kórsetkishleriniń tiykarǵı esabı mámleketlik toǵay kadastrınıń hár bir obyekti boyınsha ámelge asırıladı.

Mámleketlik toǵay kadastrı obyektleriniń muǵdar hám sapa kórsetkishlerinde keleshekte júz beretuǵın ózgerisler ámeldegi esapqa alıwda kórsetip ótiledi.

Mámleketlik toǵay kadastrı obyektleriniń muǵdar hám sapa kórsetkishleri esabı olardıń ekonomikalıq, texnologiyalıq, biologiyalıq hám ekologiyalıq belgileri boyınsha klassifikaciyasın óz ishine aladı, olardıń quramı mámleketlik toǵay kadastrın júritiw boyınsha normativ hújjetlerde belgilenedi.

Mámleketlik toǵay kadastrı obyektleriniń muǵdar hám sapa kórsetkishlerin esapqa alıw ushın toǵay xojalıǵı bas basqarması tárepinen “Yergeodezkadastr” mámleketlik kamiyteti menen kelisken halda, kadastr maǵlıwmatların beriwdiń texnikalıq parametrleri hám formatların islep shıǵıladı.

Hújjetleri rásmiylestirilgen hám belgilengen tártipte tastıyıqlanǵan esapqa alıw maǵlıwmatları kadastr dápterine jazıladı hám mámleketlik toǵay kadastrınıń avtomatlastırılǵan informaciyalıq sistemasına kiritiledi.

Mámleketlik toǵay kadastrı obyektlerin ekonomikalıq bahalaw salıq salıw, menshiklestiriw hám basqa maqsetler ushın hár qaysı obyekt bahasın anıqlaw maqsetinde ámelge asırıladı.

Mámleketlik toǵay kadastrı obyektlerin ekonomikalıq bahalaw olardıń ózine tán qásiyetlerin esapqa alǵan halda, nızam hújjetlerinde belgilengen tártipte ámelge asırıladı.

Mámleketlik toǵay kadastrı obyektleri haqqındaǵı kadastr maǵlıwmatlarınıń isenimliligi ushın Toǵay xojalıǵı bas basqarması quramınıń hám aymaqlıq mekemeleriniń Mámleketlik toǵay kadastrın júritiwin ámelge asırıwshı basshıları juwap beredi.

15.4. MKBBS na beriletuǵın maǵlıwmatlarınıń quramı Mámleketlik toǵay kadastrın júritiw boyınsha-wákillikli shólkemi: Awıl

hám suw xojalıǵı Ministrligi Toǵay xojalıǵı bas basqarması (Toǵay xojalıǵı bas basqarması) DKYaTqa tómendegi maǵlıwmatlardı beredi:

kadastr obyektiniń atı;

yuridikalıq hám fizikalıq shaxstıń-múlkdar, iyelik qılıwshı, paydalanıwshı yáki ijaraǵa alıwshınıń atı hám mánzili;

kadastr obyektiniń klassifikaciyası; kadastr obyektiniń maqseti waziypası;

kadastr obyektiniń ornalasqan ornı hám maydanı;

toǵay fondı maydanlarınıń toǵaylardıń qorǵaw kategoriyaları, jer túrleri hám olardan paydalanıwdıń spatlaması boyınsha strukturası;

toǵay maydanlarınıń kóp ushraytuǵın terek túrleri, jas quramı hám aǵash zapasları boyınsha bólistiriliwi;

toǵay eginleriniń túrleri hám payda etilgen jıllar boyınsha jaǵdayı; toǵay fondı jerlerinde jaylasqan ayrıqsha qorıqlanatuǵın tábiyiy aymaqlar haqqındaǵı maǵlıwmatlar;

otırǵızılǵan terekler boniteti; kadastr obyektiniń bahası;

kadastr obyektiniń sotsiallıq-ekologiyalıq bahası; kadastr planı (kartası).

16- TEMA: ÓZBEKSTAN RESPUBLIKASÍ ÓSIMLIK DÚNYASÍ OBYEKTLERINIŃ MÁMLEKETLIK KADASTRÍN JÚRGIZIW TÁRTIBI

JOBA:

16.1.Ósimlikler dúnyası obyektleri mámleketlik kadastrınıń mazmunı;

16.2.Ósimlik dúnyası obyektleriniń mámleketlik kadastrın júrgiziw tártibi;

16.3.MKBBS na usınılatuǵın maǵlıwmatlardıń quramı.

16.1. Ósimlikler dunyası obyektleri mámleketlik kadastrınıń mazmunı Ósimlik dúnyası obyektleri mámleketlik kadastrı “Ósimlik dúnyasın

qorǵaw hám onnan paydalanıw haqqında”ǵı, Ózbekstan Respublikası Ministirler Kabinetiniń Ózbekstan Respublikası mámleketlik kadastırları birden-bir sistemasın dúziw hám onı júrgiziw tártibi haqqındaǵı nızamdı

tastıyıqlaw haqqında 1996-jıl 17-iyuldaǵı 255-sanlı qararına basqa nızam hújjetlerine muwapıq júrgiziledi.

Ósimlik dúnyası obyektleriniń mámleketlik kadastrı jabayı ósimlikler túrleri quramı, sanı, geagrafiyalıq tarqalıwı, muǵdar hám sapa kórsetkishleri, olardan paydalanıw, olardı ekanomikalıq bahalaw, olar ósetuǵın aymaqtıń, olar ósetuǵın ortalıq haqqındaǵı úzliksiz jańalanıp turatuǵın maǵlıwmatlar sisteması.

Ósimlik dúnyası obyektleriniń mámleketlik kadastrı paydalanılatuǵın, aymaqtaǵı ekalogiyalıq ortalıqqa tásir kórsetetuǵın yáki kem ushraytuǵın hám túri joq bolıp ketiw qáwipi astında turǵan jabayı halda ósiwshi tamırlı ósimlikler hám zamarıqlardıń barlıq túrlerin esapqa aladı.

Mámleket kadastrın júrgiziwshi orgınlar, ósimlik dunyasınan paydalanıwshı yuridikalıq shaxslar, awıl xojalıǵında bánt bolǵan jerlerde awıl xojalıǵı kárxanaları, shólkemler hám mekemeler, mamleket toǵay fondı jerlerinde toǵay xojalıǵı kárxanaları, zapastaǵı jerlerde kárxanalar, birlespeler, shólkemler,órınlardaǵı mámleket hakimiyatınıń wákillikli orgınları:

Ósimliklerdiń kem ushraytuǵın hám joq bolıp baratırǵan, dárilik azıqlıq hám dekarativ túrleri boyınsha respublika barlıq aymaǵında Ózbekstan Respublikası pánler akademiyası ósimlik dunyası obyektleriniń mamleketlik kadastrı subektleri esaplanadı.

Ósimlik dúnyası obyektleriniń mámleketlik kadastrı mámleket hákimiyatı hám basqarıw orgınların, mápdar yuridikalıq hám fizikalıq shaxslardı kadastr maglıwmatı menen támiynlewge arnalǵan.

Tómendegiler ósimlik dúnyası obyektleriniń mámleketlik kadastrınıń tiykarǵı principleri esaplanadı:

respublikanıń pútkil aymaǵında ósimlik dunyasınıń barlıq obyektlerin mámleketlik kadastrı kólemine kirgiziw;

maǵlıwmattı toplaw, qayta islew texnalogiyası hám usınıw usılınıń birdenbirligi;

mámleket kadastrın júrgiziwdi oraylastırılǵan tartipte basqarıw; mámleketlik kadastrları birden-bir sisteması talapların támiynlew;

kadastr maǵlıwmatın toltırıw hám janalawdıń isenimliligi hám úzliksizligi. Ósimlik dúnyası obyektlerin mámleket tárepinen dizimge alıw hám olardan

paydalanıw ósimlik dunyası mámleketlik kadastrınıń tiykarǵı wazıypası esaplanadı. Ósimlik dúnyası obyektleriniń mámleket kadastrı obyektlerdi dizimge alıwdı olardıń sanın esapqa alıwdı hám olardan paydalanıw sapasın, obyektlerdi

ekanomikalıq bahalawdı, kadastr maǵlıwmatların sistemalastırıwdı, saqlawdı,

jańalawdı hám onı mápdar paydalanıwshılarǵa tiyisli kólemlerde hám formatlarda belgilengen tártipte tezlik penen jetkeriwdi óz ishine aladı. Mámleket hákimiyatı hám basqarıw orgınları kadastr maǵlıwmatlarınan biypul paydalanadı, mapdar fizikalıq hám yuridikalıq shaxslar nızam hújjetlerinde belgilengen muǵdarda haq tólep paydalanıladı.

Ósimlik dúnyası obyektleriniń mámleketlik kadastrın júrgiziw byudjeti qarjıları esabına ámelge asırıladı. Ósimlik dúnyası obyektleriniń mámleketlik esabatı hám mámleketlik kadastrın júrgiziwshi barlıq shólkemler qarjı menen támiynleniwi kerek.

Ózbekstan Respublikası ósimlik dunyası obyektleriniń mámleketlik kadastrında tómendegi toparlarǵa biriktirilgen jabayı ósimliklerdiń hár bir túri boyınsha maǵlıwmatlar bar boladı:

jabayı halda ósetuǵın dárilik hám dekorativ, sonday-aq, azıq-awqat sıpatında paydalanılatuǵın ósimlikler;

texnikalıq maqsetlerde paydalanılatugın jabayı ósimlikler; tabiy jaylawlar hám pishenzarlardaǵı ósimlikler;

jabayı ósimliklerdiń kem ushıraytuǵın hám joq bolıp ketiw qáwpi astında turǵan túrleri;

Kadastr obyektleriniń hár bir toparında tómendegi maǵlıwmatlar bar boladı: obyektler toparlarınıń ahmiyeti;

ósimlikler dúnyası (jaylawlardıń túrleri); keń tarqalıwı (aymaqlıq bólistiriliwi); nátiyjeliligi;

ekanomikalıq bahalanıwı; paydalanılıwı.

Ózbekstan Respublikası pánler akademiyası tárepinen islep shıǵılǵan “Ózbekstan joqarı ósimlikleriniń tariypnaması” sonday-aq dalanı tekseriw maǵlıwmatları ósimlik dúnyası obyektleriniń mámleketlik kadastrın dúziw ushın maǵlıwmatlar deregi esaplanadı.

Ósimlik dúnyası obyektleriniń mámleketlik kadastrı kadastr maglıwmatları úzliksiz jańalanıwın táminlewshi maǵlıwmattıń tiykarǵı hám ámeldegi túrlerin óz ishine aladı. Ósimlik dúnyası obyektleri mámleketlik kadastrınıń tiykarǵı (birlemshi) túrin júrgiziwde obyektler birlemshi dizimnen ótkeriledi(xatlanadı). Ámeldegi túrde tiykarǵı túr ótkerilgennen keyin júz bergen barlıq keyingi ózgertiliwler kórsetiledi hám kadastrǵa kiritiledi.

Dizimnen ótkeriw, esapqa alıw hám bahalaw maǵlıwmatı ósimlikler dunyası haqqındaǵı jámi kadastr maǵlıwmatın quraydı. Bul maglıwmatlar