Mámleketlik tilde is júrgiziw

3.Táreplerdiń minnetlemeleri.

4.Shártnamanı múddetinen aldın biykarlaw shártleri.

5.Táreplerdiń juwapkershiligi hám tartıslardı sheshiw tártibi.

6.Shártnamanıń basqa shártleri.

7.Táreplerdiń rekvizitleri.

31-qosımsha

MÚLK IJARASÍ

SH Á R T N A M A S Í

2020-jıl « » Nókis qalası Keyingi

orınlarda «Ijaraǵa beriwshi» dep atalatuǵın (yuridikalıq táreptiń tolıq atı)

(Ustav, reje, isenim xat hám t.b.) tiykarında is júrgiziwshi

_____________________________________

(wazıypası, familiyası, atı) bir tárepten, keyingi orınlarda

reje, isenim xat hám t.b.) tiykarında is júrgiziwshi (wazıypası,

familiyası, atı) ekinshi tárepten tómendegiler haqqında shártnamanı dúzedi:

I.Shártnama predmeti

1.1.Shártnamaǵa muwapıq ijaraǵa beriwshi tapsıradı. Ijarashı usı shártnamanıń ajıralmas bólimi bolǵan tapsırıw-qabıllaw akti arqalı tómendegi malmúlkti:

121

(keyingi orınlarda «mal-múlk» dep júrgiziledi) ijaraǵa aladı.

1.2. Mal-múlk

maqsetinde paydalanıw ushın ijaraǵa beriledi.

II.Ijara haqı hám esap-sanaq etiw tártibi

2.1.Ijarashı shártnamanıń 1.1-bántinde názerde tutılǵan mal-múlkten paydalanǵanı ushın ijaraǵa beriwshige ayına

(jazba túrde jazıladı) muǵdarında haqı tóleydi.

2.2.Ijara tólemleri ijarashı tárepinen hár sherekte sherek baslanıwınan aldıńǵı aydıń -sánesinen keshiktirmey tólep barıladı.

Ijara haqınıń esap-sanaǵı usı shártnamanıń ajıralmas bólegi bolıp esaplanatuǵın «Bazalıq esap beti» tiykarında belgilenedi.

III.Táreplerdiń minnetlemeleri

3.1.Ijarashınıń minnetlemeleri:

a)mal-múlkten tek aldınnan belgilengen maqsette paydalanıw;

á) mal-múlkti jaramlı hám saz halatta saqlaw;

b)óz esabınan hám óz waqtında mal-múlkti ońlaw;

g) ijara tólemlerin shártnamada belgilengen múddetlerde tólep barıw;

ǵ) ijaraǵa alınǵan mal-múlkti qaytarıw haqqında ijaraǵa beriwshini keminde ay aldın jazba túrde eskertiw;

e) mal-múlkti akt boyınsha tozıw ólshemleri esapqa alınǵan halda saz hám jaramlı jaǵdayda qaytarıw;

122

j) shártnama múddetinen aldın biykar etilgende yamasa múddeti tamam bolǵanda mal-múlkti ijaraǵa beriwshige kirgizilgen ózgerisler menen birge tapsırıw; z) shártnama múddeti tamamlanbastan burın malmúlk qaytarılǵanda yamasa shártnama múddeti tamam bolǵanda óziniń mal-múlkti ońlaw boyınsha minnetlemelarinen kelip shıqqan halda ámelge

asırılmaǵan ońlaw qarjıların Ijaraǵa beriwshige tólew. 3.2. Ijaraǵa beriwshiniń minnetlemeleri:

a) shártnama qol qoyılǵannan keyin

ishinde ijarashıǵa saz halattaǵı mal-múlkti tapsırıwqabıllaw akti tiykarında tapsırıw;

b) Ijarashı menen kelisilgen haqı muǵdarında malmúlkti ońlaw ushın zárúr materiallıq fondlardı beriw.

IV. Shártnamanı múddetinen aldın biykar etiw shártleri

4.1. Shártnama tómendegi jaǵdaylarda múddetinen aldın ijaraǵa beriwshiniń baslaması menen biykar etiliwi múmkin.

Ijarashı:

a)ijara haqısın ay dawamında tólemesten kelse;

b)qastan mal-múlktiń jaǵdayın tómenletse;

v) mal-múlkten shártnamada názerde tutılǵan tártipte hám belgileniwi boyınsha paydalanbasa.

4.2. Shártnama tómendegi jaǵdaylarda múddetinen aldın ijarashınıń baslaması menen biykar etiliwi múmkin:

a)mal-múlk ijarashı juwap bermeytuǵın jaǵdaylar boyınsha paydalanıwǵa jaramsız bolsa;

b)Ijaraǵa beriwshi ijaraǵa alınǵan mal-múlkten shártnamada belgilengen tártipte paydalanıwǵa tosqınlıq etse biykar etedi.

123

V. Táreplerdiń juwapkershiligi hám tartıslardı sheshiw tártibi

5.1.Tárepler óz minnetlemelerin orınlamaǵan yamasa tiyisli dárejede orınlamaǵanı ushın Ózbekstan Respublikası Puqaralıq kodeksi hám basqa nızam hújjetleri hám de usı shártnamaǵa muwapıq juwapker boladı.

5.2.Tárepler ortasında kelip shıǵatuǵın tartıslar táreplerdiń óz ara kelisimi tiykarında sheshiledi. Tárepler kelisimge erispegen jaǵdayda tartıs belgilengen tártipte sudta sheshiledi.

VI. Shártnamanıń basqa shártleri

6.1.Ijarashı Ijaraǵa beriwshiniń jazba razılıǵı menen mal-múlkti qayta ijaraǵa beriwge hám múlkti jaqsılaw maqsetinde ózgerisler kirgiziwge haqılı.

Mal-múlkti jaqsılaw maqsetinde kirgizilgen ózgerisler ushın jumsalǵan qarjılar tómendegi tártipte, múddette hám muǵdarda qaplanadı:

6.2.Shártnamaǵa kirgizilip atırǵan barlıq ózgeris hám qosımshalar jazba túrde dúzilgen hám eki tárep tárepinen qol qoyılǵan jaǵdayda ǵana haqıyqıy esaplanadı.

ámel etedi.

6.4. Shártnama eki nusqada dúziledi hám hár eki nusqa da birdey yuridikalıq kúshke iye.

124

II. BIYLIK HÚJJETLERI

Bul túrdegi hújjetler, tiykarınan, shólkem baslıǵınıń (direktor) buyrıq, biylik hám shólkem (mákeme) qararları tiykarında júzege keledi.

BUYRÍQ

Bul huqıqıy hújjet belgili mákeme aldında turǵan tiykarǵı hám kúndelikli wazıypalardı sheshiw maqsetinde qollanıladı. Áhmiyeti jaǵınan buyrıqlar ekige bólinedi: tiykarǵı jumıs iskerligine baylanıslı hám kadrlar jeke quramına tiyisli. Olar izbe-iz tártipte óz aldına nomerlenedi hám bólek saqlanadı.

Tiykarǵı jumıs iskerligine baylanıslı buyrıqlar jumıstı shólkemlestiriw, mákeme yamasa onıń bólimleri jumısın tártipke salıwda qollanıladı. Olarda, ádette, joqarı shólkemlerden kelgen kórsetpe hújjetler xızmetkerlerge jetkeriledi, bulardıń orınlanıwı boyınsha anıq is-ilajlar belgilenedi, juwapker shaxslar hám orınlanıw múddeti belgilenedi. Buyrıq járdeminde baslıqlar shólkemniń islep shıǵarıw, jobalastırıw, esap, qarjılandırıw, kredit ajıratıw, ónimdi satıw iskerligi, sırtqı ekonomikalıq xızmet, shólkem dúzilisin jetilistiriw hám de jumıslardı shólkemlestiriw hám basqa máseleler boyınsha ámeliy is júrgizedi.

Ishki miynet tártibi qaǵıydaları, sıylıqlaw qaǵıydası hám t.b. tastıyıqlaw menen baylanıslı normativ buyrıqlar da tiykarǵı jumısqa baylanıslı buyrıqlar qatarına kiredi. Bunday buyrıqlar ulıwmalıq túrde bolıp, belgili bir shaxsqa emes, al barlıq jámáátke qaratıladı.

Buyrıqtıń tiykarǵı zárúrli bólimleri:

126

1.Gerb, mákemeniń simvollıq belgisi (blanka bólimleri).

2.Ministrlik hám basqarma atı.

3.Mákemeniń arnawlı nomeri.

4.Hújjet túriniń arnawlı nomeri.

5.Mákeme atı.

6.Teması (mazmunınan kelip shıǵıp ataladı).

7.Sánesi.

8.Sanı (№).

9.Buyrıq shıqqan orın atı.

10.Hújjettiń atı (Buyrıq).

11.Buyrıq teksti (eger qosımshaları bolsa, dizimge

alınadı).

12. Baslıq yamasa orınbasar qolı.

Buyrıq joybarı qánigeler tárepinen tayarlanadı, bas yamasa jetekshi qánigeler, huqıq másláhátshisi, bas esapshı menen kelisiledi. Huqıq másláhátshisi buyrıqtı kóriwde tómendegilerge itibar beredi: máseleni buyrıq penen rásmiylestiriw maqsetke qanshelli sáykes keliwi; buyrıq joybarı ámeldegi nızamlarǵa, húkimet qararlarına qanshelli muwapıq keliwi; usı mákemeniń aldın berilgen buyrıqlarına sáykes keliwi.

Buyrıq joybarına tiyisli qollar qoyılıp, ol blankaǵa kóshirilgennen keyin, shólkem baslıǵı oǵan qol qoyadı. Tiykarǵı jumısqa baylanıslı buyrıqlarda, ádette, mazmunınan kelip shıǵıp tema qoyıladı (ayırım qısqa buyrıqlarda qoyılmawı da múmkin). Baslıq qol qoyǵan buyrıq is júrgiziw boyınsha juwapker xızmetker tárepinen tiyisli dápterge dizimge alınadı.

Buyrıqtıń tiykarǵı teksti tiykarlawshı (kirisiw) hám biylik bólimlerinen quraladı. Tiykarlawshı (kirisiw) bóliminde buyrıqtan maqset, shárt-sharayat, sebepler kórsetiledi, tiykar etip alınıp atırǵan buyrıqqa silteme beriledi (atı, nomeri, sánesi jazıladı). Ayırım jaǵdaylarda

127

buyrıqqa tiykar bolǵan hújjet onıń biylik bólimine tiyisli bántinde de kórsetiledi. Ayırım buyrıqlardı tiykarlawǵa zárúrlik bolmawı múmkin, bunday jaǵdaylarda olar tuwrıdan-tuwrı biylik bólimi menen de berile beredi.

Buyrıqtıń biylik bólimi jańa qatardan, bas háripler menen jazılatuǵın «BUYÍRAMAN» sózinen baslanadı. Sol sózden soń qos noqat qoyılıp, jańa qatardan biylikler beriledi. Zárúrlikke qarap biylikler bántlerge bólinip, arabsha sanlar menen belgilenedi. Sannan soń noqat qoyılıp, sóz bas háripten baslanadı. Biyliklerde, ádette, kim qanday wazıypanı qaysı múddette orınlawı kórsetiledi. Háreket buyrıq meyil formasında sáwlelenedi («Ámelge asırılsın», «Támiyinlensin», «Júklensin», «Esapqa alınsın» hám t.b.). Orınlawshılar – mákeme yamasa onıń strukturalıq bólimleri, lawazımlı shaxslar (lawazımları kórsetilgen halda) kóbinese barıs sepliginde dizimge alınadı.

Buyrıqta jumıstıń orınlanıw múddeti ulıwma túrde yamasa hárbir biylikte anıq kórsetiliwi múmkin. Buyrıq qol qoyılǵannan soń kúshke kiredi, biraq ayırım bántlerine baylanıslı biylikte kúshke kiriw múddeti anıq kórsetilgen bolıwı múmkin.

Buyrıqtıń biylik bólimi aqırında buyrıqtı qadaǵalaw kimge júklengeni de belgilep qoyıladı: «Buyrıq orınlanıwın qadaǵalaw (lawazımı hám familiyası tolıq jazıladı) juwapkershiligine júklensin».

Ayırım buyrıqlarda usı buyrıq penen aldıńǵı hárekettegi yamasa basqa túrli hújjet biykar etilgeni de kórsetip ótiledi.

Kadrlardıń jeke quramına tiyisli buyrıq yamasa individual buyrıqlar xızmetker jumısqa qabıl etilgende yamasa bosatılǵanda, basqa bólimge ótkerilgende, sondayaq, xızmetker xoshametlengende, miynet demalısına shıqqanda hám usı sıyaqlı jaǵdaylarda beriledi. Bunday

128

buyrıqlar, ádette, bólim baslıqları usınısı, jeke arzalar hám usı sıyaqlı hújjetler tiykarında tayarlanadı.

Kóp karxanalarda kadrlardıń jeke quramına tiyisli buyrıqlar arnawlı blankalarda jazıladı.

Kadrlardıń jeke quramına tiyisli buyrıqlar arnawlı baspa is qaǵazları bolmaǵan jaǵdayda ápiwayı buyrıq qaǵazǵa da jazıladı. Onday jaǵdayda buyrıq basına «Kadrlar jeke quramına tiyisli» dep jazıp qoyıw kerek. Buyrıq temaları: «Jumısqa qabıl etiw haqqında buyrıq», «Basqa jumısqa ótkeriw haqqında buyrıq», «Jumıstan bosatıw haqqında buyrıq», «Miynet demalısın beriw haqqında buyrıq», «Xoshametlew haqqında buyrıq» hám t.b.

Bunday buyrıqlarda kirisiw bólimi bolmawı múmkin. Biylik bóliminde, ádette, bántler boladı. Buyrıq bólimindegi «QABÍL ETILSIN», «TAYÍNLANSÍN», «ÓTKERILSIN», «SÍYLÍQLANSÍN», «BOSATÍLSÍN» sıyaqlı feyiller bas háripler menen jazıladı. Familiya da bas háripler menen, atı hám ákesiniń atı tekstte ápiwayı háripler menen jazıladı (máselen, Saǵındıq Xalmuratovich KEWLIMJAEV).

Buyrıq úlgisi

32-qosımsha

Gerb, mákemeniń simvollıq belgisi

BUYRÍQ

juwapkershiligine júklensin (lawazımı hám familiyası tolıq jazıladı)

Direktor: (qolı) F.A.Á.

Tiykarǵı jumısqa tiyisli buyrıq úlgisi

33-qosımsha

SHÍMBAY «AYZADA» BIRLESPESINDE BUYÍMLAR HÁM QARJÍLÍQ TEKSERIW ÓTKERIW HAQQÍNDA

BUYRÍQ

Qant ónimleri, chay hám pivo-alkogolsız ishimlik óndirisi kárxanaları awqamınıń 2020-jıl 19-noyabrdegi 03-09-sanlı buyrıǵın orınlaw boyınsha birlespede tovarmateriallıq qımbat bahalı buyımlar, kárxana múlki, islep shıǵarıwdıń jumsalmaǵan tiykarǵı qarjıları, balanstaǵı esap-sanaq hám basqa bántlerinde turǵan pul qarjıları boyınsha buyımlar hám qarjılıq tekseriw ótkeriw ushın

130

BUYÍRAMAN:

I. Buyımlar hám qarjılıq tekseriw ótkeriwde tómendegi múddetler belgilensin:

1.Tayar ónimlerdiń islep shıǵarıwda tamamlanbaǵan qárejetleri ushın – 2020-jıl 1-yanvarǵa shekem.

2.Birlespe múlki, tiykarǵı qarjılar ushın – 2019-jıl

5-dekabrge shekem.

3.Mólsherlengen zıyandı qaplaw ushın waqtınshalıq qarız (dotaciya) esap-sanaǵı, salıqlar kvitanciyaları hám byudjetten basqa tólemler boyınsha qarjı organları menen esap-sanaq, pul qarjıları, qımbat bahalı buyımlar hám qatań esabattaǵı hújjetler, joqarı shólkemler menen esap-sanaq jaǵdayı ushın – 2020-jıl 1-yanvarǵa shekem.

II. Jobalastırılǵan tekseriwdi ótkeriw ushın tómendegilerden ibarat isshi topar dúzilsin:

1.S. Kamalov – baslıq (kásiplik awqamı komiteti baslıǵı);

2.Ǵ. Shawdırbaev – aǵza (qadaǵalaw bólimi baslıǵı);

3.A. Matmuratov – aǵza (bas esapshı);

4.A. Rasbergenov – aǵza (jobalastırıw bólimi baslıǵı)

5.I. Xojaxmetov – aǵza (cex baslıǵı).

Buyrıqtı qadaǵalaw direktor orınbasarı K.Nasırov juwapkershiligine júklensin.

131

Kadrlar jeke quramına tiyisli buyrıq úlgisi

34-qosımsha

Nókis qalası «Salamat» kishi kárxanası

KADRLAR JEKE QURAMÍNA TIYISLI

BUYRÍQ

Kárxananıń bas qánigesi Artıqbay Erejepovich AYTBAEV 2020-jıl 1-may sánesinen Tashkent mámleketlik agrar universitetine 2 aylıq qánigeligin jetilistiriw kursına xızmet saparına JIBERILSIN.

Tiykar: Nókis qalası hákimligi awıl xojalıǵı basqarmasınıń 2020-jıl 22-apreldegi 112-sanlı biyligi.

Miynet demalısın beriw haqqında buyrıq úlgisi

35-qosımsha

Nókis beton ónimlerin islep shıǵarıw birlespesi

KADRLAR JEKE QURAMÍNA TIYISLI

Miynet demalısın beriw haqqında

BUYRÍQ

Bas injener Bayrambay Kóbeysinovich ǴAYBULLAEVqa 2020-jıl 25-maydan 24 jumıs kúninen ibarat gezektegi miynet demalısı BERILSIN.

132

Tiykar: Tastıyıqlanǵan miynet demalısı kestesi hám B.K.Ǵaybullaevtıń arzası.

Qoyılǵan qollar:

Bólim baslıǵı

Bas esapshı

BUYRÍQTAN KÓSHIRME

Ámeliyatta tiykarǵı jumısqa tiyisli buyrıqlardan kóshirme tayarlawǵa zárúrlik tuwıladı. Hújjetten kóshirme – túp nusqa hújjettiń belgili bir bólegi. Buyrıqtan kóshirme buyrıqtıń biylik bóliminen aldıńǵı barlıq bólimlerin óz ishine qamtıydı. Buyrıqtıń biylik bóliminen tek anıq jaǵday ushın zárúr bolǵan maǵlıwmat alınadı.

Buyrıqtan kóshirme, ádette, blankaǵa jazılıp, tastıyıqlap beriledi: «Tiykarına durıs» sóz dizbegi menen xatker (yamasa buyrıqtan kóshirme beriwshi shaxs) qol qoyadı.

Tiykarǵı iskerlikke tiyisli buyrıqtan kóshirme úlgisi

36-qosımsha

NÓKIS «TAǴAM» BIRLESPESINDE BUYÍMLAR HÁM QARJÍLÍQ TEKSERIW ÓTKERIW HAQQÍNDA

BUYRÍQTAN KÓSHIRME

I. Qant ónimleri, chay hám pivo-alkogolsız ishimlik

óndirisi kárxanaları birlespesiniń 2020-jıl 19-noyabrdegi 03-09-sanlı buyrıǵın orınlaw boyınsha birlespede tovar-

133

materiallıq qımbat bahalı buyımlar, kárxana múlki, islep shıǵarıwdıń jumsalmaǵan tiykarǵı qarjıları, balanstaǵı esap-sanaq hám basqa bántlerinde turǵan pul qarjıları boyınsha buyımlar hám qarjılıq tekseriw ótkeriw ushın

BUYÍRAMAN:

II. Jobalastırılǵan tekseriwdi ótkeriw ushın tómendegilerden ibarat isshi topar dúzilsin:

1. T. Qarlıbaev – baslıq (kásiplik awqamı komiteti

Kadrlar jeke quramına tiyisli buyrıqtan kóshirme úlgisi

37-qosımsha

NÓKIS «TAǴAM» BIRLESPESI 2019-JÍL JUWMAǴÍ BOYÍNSHA BIRLESPE JUMÍSSHÍLARÍN XOSHAMETLEW HAQQÍNDA

BUYRÍQTAN KÓSHIRME

2019-jılda birlespe jumısshıları jıllıq jobaların barlıq kórsetkishleri boyınsha orınladı. 100 million somnan zıyat payda alındı. Murabba bóliminen tısqarı (baslıǵı

134

D.A.Tawmuratova) barlıq bólimler óz jobaların orınladı. Jıl juwmaǵı boyınsha, ásirese, R.Aytbaev, S.Asqarbaeva, M.Shımbergenov, K.Sadıqov sıyaqlı jumısshılar miynette ayrıqsha órnek kórsetti.

«Qant ónimleri, chay hám pivo-alkogolsız ishimlik óndirisi kárxanaları birlespeleri» mámleketlik akcionerlik koncerniniń 2019.03.01. degi 100-sanlı buyrıǵı menen «Taǵam» birlespesiniń jumısshıların jıl juwmaǵı boyınsha xoshametlewge ruqsat berildi.

Birlespe miynet jámááti keńesi hám kásiplik awqamı komitetiniń qospa májilisi (2019.01.02, 3-bayanlama) qararına tiykar

BUYÍRAMAN:

1. Óz wazıypasına nemquraydı qaraǵanlıǵı ushın «Taǵam» birlespesiniń jumısshıların jıl juwmaǵı boyınsha xoshametlew qaǵıydasınıń 32-bántine muwapıq bólim baslıǵı D.A.Tawmuratovanı jıl juwmaǵı boyınsha xoshametlew 100% qadaǵan etilsin.

KÓRSETPE

Mákemelerde xabar-metodikalıq túrdegi máseleler, sonday-aq, buyrıqlar, qollanbalar hám basqa hújjetlerdiń orınlanıwı menen baylanıslı shólkemlestiriw máseleleri boyınsha shıǵarılatuǵın huqıqıy hújjet. Kórsetpelerge birinshi basshı, sonday-aq, tiyisli bolsa, bas injener, olardıń orınbasarları qol qoyıw huqıqına iye. Kórsetpe mákemeniń tán is qaǵazına basıladı. Ol da buyrıq sıyaqlı, ádette, tema menen jazıladı, tiykar (kirisiw) hám biylik

135

bólimlerinen dúziledi. Tiykar (kirisiw) bóliminde, «mınaday maqsette», «mınaday buyrıqtı orınlaw ushın» sıyaqlı dástúriy sóz dizbekleri qollanıladı hám «JÚKLEYMEN», «USÍNÍS ETEMEN» sózleri menen biylik bólimi baslanadı. Belgili xızmetkerge onıń xızmet lawazımı wazıypalarına kirmeytuǵın jumıslar júklense, «USÍNÍS ETEMEN» sózi qollanıladı. Kórsetpeniń biylik bólimi buyrıqtıń biylik bólimine uqsas boladı.

Kórsetpe úlgisi

38-qosımsha

«Shiyrin» kárxanası

QUYÍW CEXÍNDA JAŃA ÚSKENELERDEN PAYDALANÍWDÍ JAQSÍLAW HAQQÍNDA

KÓRSETPE

«Shiyrin» kárxanasın qayta úskenelew haqqında 2019-jıldıń 15-iyulındaǵı 107-sanlı buyrıqqa tiykarlanıp, kárxananıń 3 cexında Germaniyadan alınǵan jańa úskeneler ornatıldı. 2 cexta: shokolad hám pechenye cexlarında mashinalardan ónimli paydalanılmaqta, biraq quyıw cexında «T–108 KS» mashinalarınan paydalanıw texnologiyası jumısshılar tárepinen jaqsı ózlestirilmegen, nátiyjede kóp ónimler zaya bolmaqta. Usı múnásibet penen cex baslıǵı D.A.SAPARBAEVAǵa tómendegilerdi

136

JÚKLEYMEN:

1.Cexta jańa mashinalar texnologiyası boyınsha úsh aylıq oqıw shólkemlestirilsin.

2.May ayında eki xızmetkerdi Germaniyanıń Berlin qalasına xızmet saparına jiberiw ushın anıq usınıslar berilsin.

Kórsetpe úlgisi

39-qosımsha

«Sayaxat» firması

2020-JÍLDAǴÍ MIYNET DEMALÍSLARÍ KESTESI HAQQÍNDA

KÓRSETPE

2020-jıl ushın xızmetkerler miynet demalısları kestesin dúziw haqqında USÍNÍS ETEMEN:

1.Bólim baslıqları 2020-jılda xızmetkerlerdiń demalısqa shıǵıw dizimin múddeti kórsetilgen halda dúzip, kadrlar bólimine tapsırsın.

Dizimdi tapsırıw múddeti: 2020.10.01.

2.Kadrlar bólimi firma xızmetkerleriniń 2020-jıl

demalıslarınıń qospa kestesin dúzip, firma direktorı tastıyıqlawına usınıs etsin.

Juwapker: Kadrlar bólimi baslıǵı S.Ibadullaev Kesteni usınıs etiw múddeti: 2020.15.01.

Razılıq belgisi

137

BIYLIK

Mákeme administraciyası (direktor, onıń orınbasarları, bas injener, onıń orınbasarları), sonday-aq, bólim baslıqları tárepinen ámeliy máseleler boyınsha qabıl etiletuǵın hújjet. Ádette, biyliklerdiń ámel etiw múddeti sheklengen bolıp, bólimlerdiń tar sheńberine, ayırım juwapker shaxslar hám puqaralarǵa tiyisli boladı. Biylik teksti, buyrıq sıyaqlı zárúr bólimlerden dúziledi, tek onıń tiykarlawshı (kirisiw) bóliminde «BUYÍRAMAN» sóziniń ornına «USÍNÍS ETEMEN», «RUQSAT BEREMEN» sıyaqlı dizbekler qollanıladı.

Biylik úlgisi

40-qosımsha

«Aysultan» firması

OŃLAW JUMÍSLARÍN ÓTKERIW HAQQÍNDAǴÍ

BIYLIK

3-cex avariya jaǵdayına túskenligi múnásibeti menen

JÚKLEYMEN:

1.3-cexta tezlik penen ońlaw jumısları ótkerilsin. Juwapker: Ońlaw-texnika bólimi baslıǵı

D.I.Aymurzaev.

Orınlaw múddeti: 2020.21.02.

2.Ońlaw jumısların qadaǵalaw 3-cex baslıǵı S.Tólepovqa tapsırılsın.

Biylik úlgisi

41-qosımsha

Nókis «Shiyrin» firması

«SHIYRIN» BIRLESPESINDE NABAT CEXÍ JUMÍSÍN QAYTA SHÓLKEMLESTIRIW HAQQÍNDA

BIYLIK

2019-jıl juwmaǵı boyınsha nabatqa mútájlik ósken. Bul ónimdi jáne de kóbirek islep shıǵarıw ushın anıq jumıslardı ámelge asırıw, Qıtaydan jańa úskeneler alıp keliw zárúr. Sol múnásibet penen tómendegilerdi

USÍNÍS ETEMEN:

Birlespege payda bermeytuǵın járdemshi cexlardı saplastırıw maqsetinde birlespede turaqlı xızmet kórsetiwshi isshi toparǵa bul boyınsha anıq usınıslardı usı jıldıń 22-dekabrine shekem islep shıǵıw tapsırılsın; juwapker – isshi topar baslıǵı K.Ziywatdinov

III. MAǴLÍWMAT-XABAR HÚJJETLERI

Maǵlıwmat-xabar hújjetleri birqansha úlken topardı óz ishine aladı, olar is júrgiziw procesinde kóp qollanıladı.

Bul topar arza, bayanlama, málimleme, wásiyatnama, akt, isenim xat, maǵlıwmatnama, minezleme, usınıs, mirátnama, ómirbayan, rezyume, túsinik xat, daǵaza, esabat sıyaqlı hújjetlerdi óz ishine aladı.

139