Mámleketlik tilde is júrgiziw

Kelisim beti hújjet mazmunı bir neshe shólkem máplerine tiyisli bolǵan jaǵdaylarda dúziledi, bul haqqında grif ornına belgi qoyıladı.

Tastıyıqlanıwı kerek bolǵan hújjet qol qoyılǵan, tastıyıqlanǵan waqıttan baslap yuridikalıq kúshke kiredi.

Hújjet shólkem baslıǵı tárepinen yamasa tastıyıqlanǵan hújjetlerde bayan etilgen máselelerdi sheshiw wákilligine kiretuǵın joqarıdaǵı baslıq tárepinen tastıyıqlanadı.

Eger hújjet anıq lawazımlı shaxs tárepinen tastıyıqlansa, tastıyıqlaw grifi «TASTÍYÍQLAYMAN» sózinen, hújjetti tastıyıqlap atırǵan shaxs lawazımınıń atı, jeke qolı, familiyası hám sánesinen ibarat boladı. Máselen:

«TASTÍYÍQLAYMAN» Institut direktorı

(qolı) S.N.Reymov

2019-jıl 17-yanvar

Hújjet joqarı yamasa basqa shólkem baslıǵı tárepinen tastıyıqlanǵanda lawazım atına shólkem atı qosıladı, máselen:

«TASTÍYÍQLAYMAN» «Qaraqalpaqqurılıs» institutı direktorı

(qolı) S.N.Reymov

2019-jıl 17-yanvar

Eger hújjet qarar, buyrıq, bayanlama menen tastıyıqlanıp atırǵan bolsa, onday jaǵdayda tastıyıqlaw grifi «TASTÍYÍQLAYMAN» sózinen, sánesi hám tártip sanı kórsetilgen ataw sepligindegi hújjet atınan ibarat boladı. Máselen:

320

«TASTÍYÍQLAYMAN» Institut direktorınıń

2019-jıl 20-yanvardaǵı 5-sanlı buyrıǵı

yamasa

«TASTÍYÍQLAYMAN» Miynet jámááti jıynalısınıń 2019-jıl 10-yanvardaǵı 3-sanlı bayanlaması

Tastıyıqlaw grifi hújjettiń joqarı oń múyeshinde boladı.

Pul qarjıları hám materiallıq baylıqlardıń jumsalıw faktlerin dizimge alıwshı lawazımlı shaxslardıń huqıqların tastıyıqlawshı, sonday-aq, huqıqıy hújjetlerde názerde tutılǵan hújjetlerde juwapker shaxstıń qoyǵan qolı gerbli mór menen tastıyıqlanadı. Mór basılǵanda ol hújjetti qol qoyıwshı shaxstıń lawazımı atınıń bir bólegin qaplap turıwı kerek. Mór saqlanatuǵın orın hám onı saqlaw ushın juwapker shaxs shólkem baslıǵı tárepinen anıqlanadı.

Shólkem tek ǵana shólkemniń ózinde tayarlanıp atırǵan hújjetlerden nusqa beriw múmkin (bul qaǵıyda arxiv mákemeleri hám notariatqa qollanılmaydı).

Puqaralardı jumısqa, oqıwǵa qabıl etiw, olardıń miynet, turaq jay hám basqa huqıqların qanaatlandırıwǵa tiyisli jumıslardı sheshiwde, jeke hújjet papkaların qáliplestiriwde shólkem basqa shólkemler tárepinen berilgen hám ámeldegi nızam hújjetlerine muwapıq máselelerdi sheshiw ushın zárúr bolǵan (alınǵan maǵlıwmat haqqındaǵı diplomlar, gúwalıqlar nusqaları) hújjetler nusqaların tayarlawı múmkin.

Hújjet nusqası shólkem baslıǵı yamasa strukturalıq bólim baslıǵı ruqsatı menen tayarlanadı hám beriledi.

Hújjetten tolıq, sonıń ishinde, blanka elementlerinen nusqa kóshiriw qolda jazıw yamasa kompyuter quralları menen ámelge asırıladı.

321

Hújjet nusqasınıń birinshi betine «nusqa» belgisi qoyıladı. Tastıyıqlawshı jazıw: durıs, lawazımınıń atı, tastıyıqlawshı shaxstıń jeke qolı, onıń atı hám ákesiniń atınıń bas háripleri hám familiyası, nusqa tastıyıqlanǵan sáne forması boyınsha toltırıladı.

Máselen:

Kadrlar bólimi inspektorı

2019-jıl 25-yanvar

(qolı) M.T.Tóreeva

Hújjetten alınǵan nusqalardı basqa shólkemlerge jiberiwde yamasa onı qolǵa beriwde tastıyıqlawshı qol mór menen tastıyıqlanıwı kerek.

Shıǵıwshı hújjettiń (jiberilgen) kóshirilgen nusqası hújjetti dúzgen shaxstıń vizaların hám hújjet kelisip alınǵan shaxslar vizaların óz ishine aladı. Oǵan túp nusqaǵa qol qoyıwdaǵı barlıq dúzetiwler kirgiziledi. Blanka teksti tákirar qoyılmaydı, onıń ornına qol qoyılǵan sáne hám dizimge alıw indeksi qoyıladı.

Túp nusqadaǵı qol faksimil quralında tiklenbeytuǵın hújjetler nusqaları mór menen tastıyıqlanadı.

Kóbeytilgen nusqada buyırtpanıń tártip sanı hám tirajı kórsetiledi.

Hújjetti orınlaw boyınsha kórsetpeler rezolyuciya formasında beriledi, onıń quramına tómendegi májbúriy elementler kiriwi kerek: orınlawshı (yamasa orınlawshılar) nıń familiyası, tapsırmanıń mazmunı, orınlaw múddeti (zárúr jaǵdaylarda). Rezolyuciyaǵa qol hám sáne qoyıladı.

Máselen:

A.A.Muratovaǵa

Ónimlerdi satıw jobasın 2019-jıl 21-yanvarǵa shekem tayarlawıńızdı sorayman.

322

T.Mırzabaev 2019-jıl 2-fevral

Rezolyuciya, qaǵıyda boyınsha, hújjettiń joqarı bólimine «alıwshı» rekvizitiniń astına qoyılıwı kerek.

Hárbir hújjette tikkeley orınlawshı haqqındaǵı belgi bolıwı kerek.

Hújjetti orınlawshı (dúziwshi) nıń familiyası hám onıń xızmet yamasa qol telefonı nomeri hújjettiń aqırǵı betiniń aldı tárepine yaki orın bolmaǵanda, arqa tárepiniń tómengi shep múyeshine qoyıladı.

Máselen:

T.Aytmuratov 61 223-15-20

Hújjetlerdi dizimge alıw

Orınlanıw hám esapqa alıwdı talap etetuǵın barlıq hújjetler – alınatuǵın hújjetler de, jiberiletuǵın hújjetler de, ishki hújjetler de, álbette, dizimge alınadı. Hújjetler bir márte: alınatuǵın hújjetler – kelip túsken kúni; jiberiletuǵın hújjetler – qol qoyılǵan yamasa tastıyıqlanǵan kúni dizimge alınadı. Dizimnen ótkerilgen hújjet bir bólimnen basqasına berilgende, ol qayta dizimge alınbaydı, biraq ulıwma bólimde (oraylasqan kancelyariyada) dizimnen ótkerilmeytuǵın hújjetler de boladı, olar tiyisli bólimlerde dizimge alınadı (ulıwma bólimde tek ǵana kelgen sánesi qoyıladı).

Alınatuǵın, jiberiletuǵın hám ishki hújjetler óz aldına dizimge alınadı. Alınatuǵın hám jiberiletuǵın hújjetlerdiń dizimge alınıw shártli nomeri dizimnen ótkeriw tártip nomeri hám papkalar nomenklaturası boyınsha papkalar indeksi sanlarınan ibarat boladı. Máselen:

165/03-19 Bul jerde:

165 - dizimnen ótkeriw tártip sanı.

03-19 - hújjet yamasa onıń nusqası tiklenetuǵın papka sanı.

323

Ishki hújjetler dizimge alınıp atırǵanda, hújjet túrine qarap toparǵa ajıratıladı hám olardıń hárbiri óz aldına dizimge alınadı. Máselen, tiykarǵı jumıs boyınsha buyrıqlar, jeke quram boyınsha buyrıqlar, tekseriw akti, bayanlamalar, esabatlar, málimlemeler, arzalar hám t.b. Dizimge alıwdıń tártip sanı hárbirinde óz aldına boladı.

Dizimge alıw indeksi jıl dawamında qoyıladı hám jıl basınan qayta tártipke salınadı. Hújjettiń salıstırmalı az yamasa kópligine qarap, dizimge alıw dápteri yamasa dizimge alıw-qadaǵalaw beti qollanıladı.

Dizimge alıw dápteri hújjetler sanı onsha kóp bolmaǵan shólkemlerde qolaylı. Joqarıda keltirilgenindey, bunday dápterler alınatuǵın (kiris) dizimge alıw dápteri, jiberiletuǵın (shıǵıs) dizimge alıw dápteri, ishki hújjetlerdi dizimge alıw dápteri túrinde óz aldına dúziledi. Ishki hújjetlerde dizimge alıw dápteri ishinde hújjetler túri boyınsha óz aldına dizimge alıw bólimleri boladı.

Hújjetlerdi dizimge alıw dápteri forması olardıń orınlanıwın qadaǵalawda qıyınshılıq tuwdıradı. Dizimge alıw-qadaǵalaw beti bul tárepten bir qansha qolaylı. Bunday bettiń strukturalıq bólimleri belgili formada baspa jol menen kerekli nusqada kóbeytiledi. Dizimge alıwqadaǵalaw beti engizilgende, kancelyariyada hár jıldıń basında nomerlengen arnawlı blanka tayarlanadı. Onda hújjet dizimge alınıp atırǵanda, gezektegi tártip nomerinen paydalanıw belgilep barıladı. Bettiń kalendar shkalasınan hújjetlerdiń orınlaw múddetlerine ámel etiliwin tekseriw ushın paydalanıladı. Onda hújjettegi tapsırma orınlanıwı tiyis bolǵan sáne kórsetiledi.

Hújjetler orınlanıwın qadaǵalaw

Ózbekstanda social-ekonomikalıq rawajlanıwdıń áhmiyetli wazıypaların sheshiw belgili dárejede qabıl etilgen Ózbekstan hám Qaraqalpaqstan Respublikası

324

nızamları, Ózbekstan Respublikası Prezidenti hám Qaraqalpaqstan Respublikası Joqarǵı Keńesi hújjetleri hám Húkimetlik qararlardıń barlıq mámleketlik hám xojalıq basqarıwı organları tárepinen óz waqtında hám nátiyjeli orınlanıwın shólkemlestiriwdiń anıq jolǵa qoyılǵan sisteması menen belgilenedi. Usı talaptı esapqa alıp Ózbekstan Respublikası Ministrler Kabinetiniń «Orınlaw tártibin bekkemlew is-ilajları haqqında» 1999jıl 12-yanvardaǵı 112-sanlı qararı qabıl etilgen. Ótken waqıt ishinde máseleniń aktuallıǵın hám qabıl etilgen hújjetlerdiń orınlanıwın shólkemlestiriwdiń forma hám metodları turaqlı túrde jetilistirilip barıldı hám onıń monitoringi kúsheytildi. Bul boyınsha Húkimettiń metodikalıq usınısları islep shıǵıldı. Ministrler Kabinetiniń is júrgiziw boyınsha úlgi kórsetpesine muwapıq dizimnen ótkerilgen barlıq hújjetlerdiń orınlanıwı qadaǵalanadı. Orınlawdı qadaǵalawǵa tómendegiler kiredi:

1.Hújjetti qadaǵalawǵa alıw;

2.Hújjettiń orınlanıwına shekem óz waqtında jetip barıwın tekseriw;

3.Orınlanıwdıń barısın tekseriw hám baǵdarlap

turıw;

4.Hújjetler orınlanıwın qadaǵalawdı ulıwmalastırıw hám esapqa alıw.

Orınlanıwdı qadaǵalawdı shólkemlestiriwden tiykarǵı maqset – hújjettiń orınlanıwın óz waqtında hám sapalı támiyinlew. Qadaǵalawdı baslıqlar, kancelyariya xızmetkerleri, juwapker orınlawshılar alıp baradı.

Ózbekstan Respublikası Prezidentiniń pármanları, biylikleri hám tapsırmaları, sonday-aq, Ózbekstan Respublikası Ministrler Kabinetiniń qararları hám biylikleri orınlanıwın qadaǵalaw Ministrler Keńesiniń 1999-jıl 12yanvardaǵı 12-sanlı qararı menen tastıyıqlanǵan Tiykarǵı qaǵıydalarǵa muwapıq ámelge asırıladı. Onda bunday hújjetlerdi qadaǵalawdıń arnawlı sisteması islep shıǵılǵan.

325

Ministrler Kabinetiniń tapsırmaları, eger basqa múddet belgilenbegen bolsa, hújjet jiberilgen kúnnen baslap 10 kalendar kún ishinde orınlanıwı kerek. Sol tiykarda hújjetler orınlanıwınıń anıq huqıqıy múddeti mámleket hákimiyatı hám basqarıwınıń joqarı organları, sonday-aq, basqarıwdıń oraylıq hám tarmaq organları hújjetleri menen belgilenedi. Orınlanıwdıń jeke tártiptegi múddetin bolsa shólkem baslıǵı qoyadı.

Orınlanıw múddetleri hújjetke qol qoyılǵan (tastıyıqlanǵan) sáneden baslap kalendar kúnlerde esaplanadı. Orınlanıwdıń aqırǵı sánesi hújjet tekstinde yamasa baslıq rezolyuciyasında kórsetiledi.

Hújjetlerdiń orınlanıwın toqtatıp qoyıw, sondayaq, olardı biykar etiw hám ózgertiw huqıqına tek ǵana hújjetti dúzgen joqarı shólkem hám mámleketlik qadaǵalaw organları iye. Orınlawshınıń keshirimli sebebi menen hújjettiń orınlanıw múddetin ózgertiwge tuwra kelse, onnan bul haqqında málimleme alınǵannan keyin, baslıq tárepinen ámelge asırıladı. Orınlanıw múddetin basqa kúnge kóshiriw baslıqtıń jańa rezolyuciyasında belgilenedi hám onnan qadaǵalaw qaǵazına ótkeriledi.

Orınlawdıń qadaǵalawın shólkemlestiriw ushın dizimge alıw qadaǵalaw betinen paydalanıladı. Bul bet, joqarıda aytıp ótkenimizdey, hújjet dizimge ótkerilip atırǵan waqıtta dúziledi.

Dizimge alıw-qadaǵalaw beti bólimleri hújjet qay jerden túskenine qarap parıqlanadı. 1-a, 1-b formalarda Ózbekstan Respublikası Prezidenti pármanları, biylikleri, tapsırmalarınıń bayanlamaları, tapsırmaları (jazba hám awızeki), Ózbekstan Respublikası Prezidenti Sekretariatı hám Mámleketlik másláhátshileriniń tapsırmaların; 2-a, 2-b formalarda bolsa Ózbekstan Respublikası Ministrler Kabinetiniń qararları, biylikleri, Ministrler Kabineti hám onıń Administraciyası bayanlamaları, Ózbekstan

326

Respublikası Bas ministri orınbasarlarınıń tapsırmaları, shólkem kollegial organlarınıń buyrıqları, qararların dizimge alıw-qadaǵalaw beti kórsetiledi. Formalardan kórinip turıptı, qadaǵalanatuǵın hújjetler betleri (qadaǵalaw kartochkası) hújjetlerdi orınlaw múddetleri, orınlawshılar, hújjetler toparları boyınsha ajıratıladı.

Orınlawdıń barısın tekseriw barlıq basqıshlarda múddeti tamam bolǵansha tómendegi tártipte ámelge asırıladı: keyingi jıllardıń tapsırmaları – jılına keminde bir márte; usı jıldıń keyingi ayları tapsırmaları – hár ayda keminde bir márte, usı ay wazıypaları – hár on kúnde hám múddeti tamam bolǵanǵa shekem bes kún aldın.

Kancelyariya tek ǵana orınlawdı ámelge asırıwdıń rásmiy múddetin kútip otırmay, eskertiw qadaǵalawın da alıp baradı, yaǵnıy tek ǵana orınlaw múddeti jaqınlasqanın esletip ǵana qoymaydı, al orınlaw jaǵdayına anıqlıq kirgizedi, belgilengen múddet buzılıwınıń sebebin ashıp beredi hám bunı saplastırıw sharasın muwapıqdi.

Hújjet wazıypalar, tapsırmalar, sorawlar orınlanǵannan soń, nátiyjeler mápdar mákemelerge hám shaxslarǵa xabar etilgennen keyin yamasa orınlaw hújjetleri tastıyıqlanǵannan keyin orınlanǵan dep esaplanadı hám qadaǵalawdan shıǵarıladı. Orınlaw nátiyjeleri dizimge alıw-qadaǵalaw betlerinde belgilenedi.

Qadaǵalaw xızmeti (toparı) strukturalıq bólimlerde hújjetlerdiń orınlanıwı menen baylanıslı jumıslardıń awhalın bárhama talqılaydı, tiyisli baslıqlardı olar tárepinen tásirsheń sharalar kóriw ushın orınlaw tártibiniń awhalı haqqında turaqlı túrde xabardar etedi, keyingi ayda orınlanıwı lazım bolǵan Ózbekstan Respublikası Prezidentiniń, onıń apparatı qadaǵalawındaǵı tapsırmaları,

Ministrler Kabinetiniń qararları hám biylikleri dizimin hár aydıń 25-kúninde usınadı, hújjetlerdi qadaǵalawdan shıǵarıw haqqındaǵı usınıslarınıń óz waqtında tayarlanıwın támiyinleydi.

327

121-qosımsha

Ulıwma bólimde dizimnen ótkerilmeytuǵın hújjetlerdiń

SHAMALÍQ DIZIMI

1.Maǵlıwmat ushın jiberilgen xatlardıń nusqaları.

2.Telegrammalar, xızmet saparları, miynet demalıslarına ruqsat beriw haqqındaǵı xatlar.

3.Májilisler, keńesler kún tártipleri haqqındaǵı xabarlar.

4.Formalar, talapnamalar, bólistiriwler.

5.Oqıw jobaları, baǵdarlamaları (nusqaları).

6.Reklama, plakatlar, keńesler, konferenciyalar baǵdarlamaları hám t.b.

7.Qutlıqlaw xatları hám mirátnamalar.

8.Buxgalteriya hújjetleri.

9.Baspalar (kitaplar, jurnallar, byulletenler)

10.Aylıq, shereklik, yarım jıllıq esabatlar.

11.Statistikalıq esabat formaları.

Dizimge alıw dápteri úlgileri

122-qosımsha

Hújjetlerdiń kirisin dizimge alıw dápteri forması

Hújjetlerdiń shıǵısın dizimge alıw dápteri forması

123-qosımsha

Dizimge alıw-qadaǵalaw beti

aldı tárepi

Qısqasha

mazmunı

Qatnas belgisi yamasa hújjet kimge jiberilgen

Hújjettiń orınlanǵanlıǵı haqqındaǵı belgi

Ólshemi A

(210 x 148)

125-qosımsha Ministrlikler hám mákemeler ushın

1a-QADAǴALAW BETI Sáne

Hújjet túri (Prezident pármanı, qararı, biyligi, tapsırması)

HÚJJETTIŃ ATÍ:

PREZIDENT REZOLYUCIYASÍ:

PREZIDENT XATKERI (MÁMLEKETLIK MÁSLÁHÁTSHI) NIŃ TAPSÍRMASÍ:

BASLÍQTÍŃ REZOLYUCIYASÍ: (ministrlik, mákeme)

QABÍL ETILGEN QARAR:

(ministrlik, mákeme)

QADAǴALAW BÁNTLERI:

1.

2.

3.

Hújjetlerdi beriw:

126-qosımsha Basqarıwdıń aymaqlıq tarmaq organları hám kárxanalar ushın

HÚJJETTIŃ ATÍ:

JOQARÍ ORGANNÍŃ

TAPSÍRMASÍ:

BASLÍQTÍŃ REZOLYUCIYASÍ:

(basqarıwdıń aymaqlıq tarmaq organı, kárxana)

127-qosımsha

Orınlanıw tártibi jaǵdayı tuwralı maǵlıwmattıń úlgili forması

bolǵan waqıt dawamında qadaǵalawǵa alınǵan hújjetlerdiń orınlanıwı

haqqında xabar

333

Hújjetlerdi sistemalastırıw

Shólkemlerde papkalardı durıs rásmiylestiriw ushın hám olardıń esabın alıwda papkalar nomenklaturası dúziledi.

Hújjetler papkaları nomenklaturası – shólkemde júrgiziletuǵın, belgilengen tártipte rásmiylestirilgen hám olardı saqlaw múddetleri kórsetilgen halda tártipke salınǵan hújjetler papkalarınıń temaları dizimi esaplanadı. Shólkemlerde strukturalıq bólimler, jámiyetlik shólkemlerdiń hújjetler papkaları nomenklaturaları tiykarında ulıwmalıq shólkem hújjetleri toplamları nomenklaturası dúziledi.

Papkalar nomenklaturasına shólkem iskerligi quramına kiretuǵın texnikalıq hújjetler hám baspa qaǵazlardan tısqarı barlıq hújjetler kirgiziledi. Strukturalıq bólimler hám jámiyetlik shólkemler hújjetleri papkaları nomenklaturası jetekshi qánigeler biriktirilgen halda hújjetler ushın juwapker shaxs tárepinen qol qoyıladı.

Hújjetler papkaları jıyma nomenklaturası isleri basqarması, ulıwma bólim, kancelyariya, xatker tárepinen dúziledi. Shólkemlerdiń Oraylıq ekspert komissiyası

(OEK, EK), soń arxiv mákemesiniń ekspert-tekseriw komissiyası (ETK) menen kelisiledi hám shólkem baslıǵı tárepinen tastıyıqlanadı.

Hújjetler papkaları nomenklaturasın dúziwde úlgidegi hújjetler papkası nomenklaturasına, úlgidegi hám keńselik dizimlerdi saqlaw múddetine, keńselik arxivler

334

jumıslarınıń tiykarǵı qaǵıydalarına ámel etiliwi tiyis. Hújjetler papkaları nomenklaturasına shólkem

jumıslarınıń barlıq hújjetlestirilgen uchastkaların sáwlelendiriwshi hújjetler papkası temaları, sonnan, maǵlıwmat hám qadaǵalaw betleri, jeke hújjetler papkaları, hújjetler papkaları nomenklaturası kirgiziledi. Hárbir hújjet papkasına strukturalıq bólim indeksinen (strukturalıq bólim xarakteristikası boyınsha), hújjetler papkaları nomenklaturası boyınsha tártip sanınan ibarat bolǵan indeks beriledi (máselen: 03-12). Hújjetler papkasında bir neshe tomlar (bólimler) bar bolǵanda, indeks hárbir tomǵa «I t. II t.» qosımshası menen qoyıp shıǵıladı.

Shólkemlerde kelesi kalendar jılına hújjetler papkaları nomenklaturası kelesi jıldıń aqırǵı shereginde belgilengen formada dúziledi, zárúr bolǵan nusqada shıǵarıladı hám 1-yanvardan baslap háreketke túsiriledi. Hújjetler papkası nomenklaturası shólkem funkciyaları hám strukturaları ózgergen jaǵdayda, biraq 5 jılda keminde bir márte qayta dúziledi hám kelisip alınadı. Ol hár jılı tiyisli dúzetiwler menen qayta dúziledi hám tastıyıqlanadı. Shólkem hújjetler papkaları jıyma nomenklaturasınıń birinshi nusqası bas basqarmasında, ulıwma bólimde, kancelyariyada, xatkerde saqlanadı, ekinshisinen jumıs nusqası sıpatında paydalanıladı, úshinshisi mákeme arxivinde turıwı kerek, tórtinshisi – hújjetler papkaları nomenklaturası kelisip alınǵan arxiv mákemelerinde qaladı.

Jıl dawamında tastıyıqlanǵan hújjetler papkaları nomenklaturasına hújjetler papkası júrgizilgenligi haqqındaǵı, jańa hújjetler papkaları kirgizilgeni haqqındaǵı maǵlıwmatlar kirgiziledi. Shólkem hújjetler papkaları nomenklaturasınıń juwmaqlawshı jazıwı strukturalıq bólimlerdiń hújjetler papkaları nomenklaturasınıń

juwmaqlawshı jazıwları tiykarında dúziledi.

335

Hújjetler papkasın qáliplestiriw

Hújjetler papkasın qáliplestiriw hújjetler papkaları nomenklaturasına muwapıq hújjetler papkalarındaǵı orınlanǵan hújjetlerdi toparlarǵa bóliw.

Hújjetler papkaların qáliplestiriwde tómendegi qaǵıydalarǵa ámel etiw zárúr:

–hújjetler papkasına nomenklaturası boyınsha hújjetler papkası temalarına muwapıq tek ǵana orınlanǵan, durıs rásmiylestirilgen hújjetlerdi jaylastırıw;

–bir máseleniń sheshiliwine tiyisli barlıq hújjetlerdi birgelikte jaylastırıw, qosımshalardı tiykarǵı hújjetler menen birgelikte jaylastırıw;

–hújjetler papkasında bir kalendar jıldıń hújjetlerin toparǵa bóliw (jıldan-jılǵa ótiwshi hújjetler papkaları buǵan kirmeydi);

–hújjetler papkasında turaqlı hám waqtınsha saqlanatuǵın hújjetlerdi ayrıqsha toparǵa bóliw;

–hújjetler papkasında mashina jazıwların ulıwma tiykarlarda jaylastırıw.

Hújjetler papkasında qaytarıw tiyis bolǵan artıqsha nusqalar, qaralama qoljazbalar jaylaspawı kerek. Hújjetler papkası 250 betten aspawı zárúr.

Basqarıw hújjetleri papkaları túrleri boyınsha hám oǵan tiyisli qosımshalar menen xronologiyalıq izbeizlikte toparǵa bólinedi.

Basqarıw hújjetleri menen tastıyıqlanǵan ustavlar, nızamlar, kórsetpeler olarǵa qosımshalar bolıp esaplanadı hám kórsetip ótilgen hújjetler menen birgelikte toparǵa bólinedi. Eger olar óz aldına hújjet sıpatında tastıyıqlanǵan bolsa, onday jaǵdayda olar óz aldına hújjetler papkalarında toparǵa bólinedi.

Tiykarǵı iskerlikler boyınsha buyrıqlar jeke quram boyınsha buyrıqlardan óz aldına toparǵa bólinedi.

336

Joqarı shólkemler tapsırmaları hám olardı orınlaw boyınsha hújjetler shólkemler iskerligi baǵdarları boyınsha hújjetler papkalarında toparǵa bólinedi.

Tastıyıqlanǵan jobalar, esabatlar, smetalar, limitler, titul dizimleri olardıń joybarlarınan óz aldına toparǵa bólinedi.

Jeke hújjetler papkalarında hújjetler olardıń kelip túsiwi boyınsha xronologiyalıq tártipte jaylastırıladı.

Belgili shólkem hám onıń quramındaǵı shólkemler jumısları máseleleri boyınsha puqaralar usınısları, arzaları hám shaǵımları, olardıń kórip shıǵılıwı hám orınlanıwı boyınsha hújjetler puqaralardıń jeke máseleleri boyınsha arzalarınan óz aldına toparǵa bólinedi. Hújjetler usı hújjetler papkalarına xronologiyalıq yamasa álipbe tártibinde jaylastırıladı.

Xatlar, qaǵıydaǵa muwapıq, kalendar jıl waqtı boyınsha toparǵa bólinedi hám xronologiyalıq tártipte izbe-iz toparǵa ajıratıladı. Juwap hújjeti soraw hújjetinen keyin jaylastırıladı. Ótken jılda baslanǵan belgili bir másele boyınsha xatlar qayta baslanǵanda, hújjetler ótken jılǵı hújjetler papkası indeksi kórsetilgen halda, usı jıldıń hújjetler papkasına kirgiziledi.

Shólkemler iskerliginiń ózgesheligine qaray xatlar oqıw jılı, shaqırıw múddeti sheńberinde de toparlarǵa bóliniwi múmkin.

128-qosımsha

Shólkemniń atı

Strukturalıq bólim (jámiyetlik shólkemniń atı)

337

HÚJJETLER PAPKALARÍ

NOMENKULATURASÍ

sanı

(dúzilgen ornı)

jıl ushın

Bólimniń atı

338

129-qosımshanıń dawamı

A4 (210x297) forması

Shólkem (jámiyetlik shólkemniń) niń strukturalıq bólimi hújjetler papkaları nomenklaturası

FORMASÍ

-jılda strukturalıq bólim (jámiyetlik shólkem) de júrgizilgen hújjetler papkaları túrleri

hám sanı haqqındaǵı JUWMAQLAWSHÍ JAZÍW