39. Қалалық инвестициялық-индустриальдық саясатты жүзеге асырудың экономикалық механизмдерін сипаттап жазыңыз

Әдетте ғылыми технопарктер мынадай жерлерде орналасады:

- жоғары оқу орындары, университеттер менинституттар бар жерлерде;

- өндіріс зоналарын, жер телімдерін, лабораторияларды жалға алуға мүмкіндік бар жерлерде;

- мемлекет тарапынан қолдау мен салық жеңілдіктерін алуға мүмкіншілік бар жерлерде;

- автокөлік, теміржол магистралдарына және шикізат көздеріне жақын жерлерде.

Ғылыми-технологиялық орталықтардың қызмет көрсету деңгейінің кеңейуі, өспелілігіне байланысты оларды былайша тізіп көрсетуге болады: инкубаторлар, технологиялық парктер, технополистер, ғылым мен технология аймақтары.

Инкубатор – инновациялық қызметтің көптеген түрлерін ұсынушы кешен, ол бір немесе бірнеше ғимаратты алып тұрады, ал шағын инновациялық фирмалар осы ғимарат ішінен белгілі бір территорияларды жалға алып, қызметін бастайды, инкубациялы период 2-3 жыл, осы мерзімнен кейін фирмалар өз бетінше қызмет жасау үшін бұл кешеннен шығып кетеді. Инкубаторда жаңа ғана қалыптасқан фирмаларға бухгалтерлік, маркетингтік (бизнес-жоспарын жасау, өнімге жарнама, маркетингтік талдау жасау), компьютер, басқа құрал-жабдықтарды жалға ұсыну сияқты көмектер көрсетіледі. Бұл ғылыми өнеркәсіптік құрылымның негізгі мақсаты – шағын инновациялық фирмаларды ғылыми идеялардан практикаға жеткізу, бәсеке күресіне төтеп бере алатын кәсіпорын дәрежесіне жеткізу.

Технопарк – ғылыми-техникалық, территориялды комплекс, негізгі мақсаты шағын бизнес фирмаларының қызмет етуіне тиімді, ыңғайлы жағжай қалыптастыру. Олар жоғары оқу орындары, лабораториялар тұсында қалыптасады.

Технополис – жеке қала негізінде құрылған ғылыми-өндірістік құрылым. Негізгі құрылымы – технопарктер, инкубаторлар, ғылыми орталықтар мен университеттер.

Ғылыми-технологиялық аймақ – ірі оқу орындары, ірі өндіріс кәсіпорындары шоғырланған, территориясы шектелмеген ғылыми өнім өндіруге маманданған аймақ.

Қазіргі таңда елімізде 4 аймақтық технопарктер өз жұмысын атқаруда, олар:

1.Қарағанды қаласындағы «UniScien Tech » ЖШС. Технопарк 2004 жылдың 14 мамырында құрылды. Оның мақсаты – тиімді инновациялық жобалар іске асырылуы арқылы қазақстанның орталық өңірінде жағымды инновациялық шаруашылықты қалыптастыру.

Технопарктегі инновациялық жобалар дамуының қарқынды салалары:

- Таукен металлургиялық кешені;

- Машина жасау;

- Химия;

- Экология;

Қазіргі таңда технопаркте ұсынылған 42 жоба бар. Олардың 12-сі сараптамаға сәйкес технопаркте жұмыс істеуге жіберілген. Ал 30 жоба әлі қарастырылуда.

Технопарктің жарғылық капиталы – 541,09 млн. Теңге, оның құрылтайшылары:

1. «Технологияны Инжинирингтеу мен Трансферттеу Орталығы» АҚ, үлесі – 74,038%

2. «Сары Арқа ӘКК ҰК» АҚ, үлесі – 25,709%

3. «Ұлттық инновациялық қор» АҚ-0,253%

2.Батыс қазақстан облысы, Орал қаласындағы Алгоритм технопаркі ЖШС. Ол 2004 жылдың 14 шілдесінде құрылды. Оның мақсаты – тиімді инновациялық жобалар іске асырылуы арқылы Қазақстанның батыс өңірінде жағымды инновациялық шаруашылықты қалыптастыру.

Технопарктегі инновациялық жобалар дамуының қарқынды салалары:

- мұнай-газ машиналарын жасау, метал өңдеу;

- мұнай-химия;

- құрылғылар жинау

Жарғылық капиталы – 1 232,8 млн теңге. Құрылтайшылар:

«Технологияны инжинирингтеу мен Трансферттеу орталығы» АҚ, үлесі – 32,9%.;

«Градиент» РИО АҚ-66,8%

«Гидроприбор ҰИИ» АҚ – 0,1%

«Жаңгірхан атындағы БҚАТУ»-0,2%

3.Алматы қаласындағы «Алматы аймақтық технопаркі» ЖШС-гі 2005 жылдың 20 сәуірінде құрылған. Құрылу мақсаты – тиімді инновациялық жобалар іске асырылуы инвесторлардың қосымша жобалараы арқылы Алматы қаласы өңірінде жағымды инновациялық шаруашылықты қалыптастыру.

Технопарктегі инновациялық жобалар дамуының қарқынды салалары:

- транспортты машитна жасау;

- құрылыс материалдар өндірісі;

- металлургия өнеркәсібі;

- химия өнеркәсібі;

2008 жылдың 10 қыркүйегіндегі көрсеткіш бойынша технопаркте 30 жлба сараптамадан өтіп жатыр. Оның 18 жобасының нақты іске асырылуына мүмкіндік жоғары.

Жарғылық капиталы-588,235 млн. Теңге. Құрылтайшылары:

1.«Технологияны Инжинирингтеу мен Трансферттеу Орталығы» АҚ, үлесі – 300 млн теңге, 51%;

2.«Қазақ басты Архитектуралық Академиясы» АҚ, үлесі – 48,039 млн теңге,8,17%;

3. «Жер туралы ғылым және металлургияны дамыту орталығы»РМК, үлесі-240,196 млн теңге, 40,83;

4. «Қ.И.Сәтбаев атындағы ҚазҰТУ технопаркі» АҚ-мы Алматы қаласында 2004 жылы 3 қыркүйегінде құрылды: оның мақсаты-тиімді инновациялық жобалар іске асырылуы инвесторлардың қосымша жобалары арқылы алматы қаласы өңірінде жағымды инновациялық шаруашылықты қалыптастыру.

5.Технопарктегі инновациялық жобалар дамуының қарқынды салалары:

- транспортты машина жасау;

- құрылыс материалдар өндірісі;

- металлургия өнеркәсібі;

жарғылық капиталы-126,5 млн теңге.