Балапандар

Майтан ағам бізге шұбар тауық, оның артынан ерген үш қара, бір қызыл сары, екі шұбар кішкентай балапандарды берді. Шешесі оларды жақсы бақты. Біз балапандарға үлкен нан беріп қойсақ, шешесі оны балапандарына майдалап бөліп береді. Өзі арасында жеп жүреді. Көп күннен кейін шешесі балапандарын тастап кетті. Өйткені балапандары үлкейіп қалған еді. Алтауы бір-бірінен айрылмайды. Егер біреуі адасып қалса, бәрі шырылдай бастайды. Сонда олар бір балапанды қалдырып кеткендерін біліп, әлгі барған жақтарына қарай қанаттарын жайып жүгіре жөнелді.

(76 сөз)

Грамматикалық тапсырма:

Тапсырмалар	Дескрипторлар	Балл
Бірінші сөйлемді сөйлем мүшелеріне талда	- сөйлем мүшелеріне талдай отырып, тұрлаулы, тұрлаусыз мүшелерді ажырата алады; -бірыңғай мүшелерді біледі, ажырата алады, сөйлемнен таба алады;	1
Мәтіндегі сан есімдерді тауып, сөйлем ойла	сөз таптарының сұрақтарын біледі, сан есімді ажырата алады, оның түрлерін біледі;	1

Диктант №11

Мақсаты: Оқушылардың қазақ тілінен мемлекеттік стандарт бағдарламасының меңгертілуі деңгейін анықтау

Міндеттері: Орфографиялық дағдылар біліктілігі және пунктуациялық ережелердің практикалық түрде меңгерілуі. Оқушылардың сауатты, көркем жазу дағдылары

Шахтада

Менің шахтаны көргім келді. Оның қайда екенін білуші едім. Тау етегінде үлкен үй тұр. Шахтаға кірер ауыз сол жерде. Көкем сыйлаған фонарымды алдым да, шахтаға тарттым. Өйткені шахта жер астында. Ал жер астында күн болмайтынын көкем айтқан. Үйге кірсем, іші толған шахтерлер екен. Көп есіктен өтіп, үлкен бір залға келдік. Залдың ортасында темір тор тұр. Сол сәтте тор ішінен қоңырау шылдырлады. Мұртты ағай жүгіріп барды да, тордың есігін жапты. Міне, қызық! Темір есіктің арғы жағында тұрған шахтерлер әп-сәтте жоқ болып кетті.

(78 сөз)

Грамматикалық тапсырма:

Тапсырмалар	Дескрипторлар	Балл
Дара сын есімдерді тауып, астын сыз.	сын есімнің сұрақтарын біледі, түрлерін ажырата алады;	1
Мәндес және қарама-қарсы сын есімдерге мысал келтір.	мәндес және қарма-қарсы сын есімдеді бір-бірінен ажырата алады;	1

Диктант № 12

Мақсаты: Оқушылардың қазақ тілінен мемлекеттік стандарт бағдарламасының меңгертілуі деңгейін анықтау

Міндеттері: Орфографиялық дағдылар біліктілігі және пунктуациялық ережелердің практикалық түрде меңгерілуі. Оқушылардың сауатты, көркем жазу дағдылары

Отан сүйер ұлан бол!

Мен немере сүйіп отырған адаммын. Балаларды өте жақсы көремін. Сол балалардың, бүлдіршін балғындардың бақытты болашағы үшін сұрапыл соғыс азабын мейлінше көрген адаммын.

Қырық жыл қырғында тірі қалған адамдардың бірімін. Мен әскери адаммын. Біздің айбынды әскеріміздің торқалы тойы – мен үшін үлкен де ерекше қуаныш. Бұл әскер Ұлы Отан соғысында Кеңес Одағының бостандығы мен тәуелсіздігін қорғап қалды.

Балаларыма, немере-шөберелеріме айтатын жалғыз тілегім бар. Отанын сүйетін ұлан болыңдар! Өз Отанына лайықты азамат болып өсіңдер!

(72 сөз)

Грамматикалық тапсырмалар:

Тапсырмалар	Дескрипторлар	Балл
есімдіктердің астын сызыңдар	сөз табы, оының ішінде есімдіктер туралы біледі;оларды сөйлемде қолдануын біледі;	1
жіктеу есімдіктерді теріп жазып, қай септікте тұрғанын анықта	жіктеу есімдіктерінің жасалу жолын біледі;	1
зат есімдер мен есімдіктерді септеп жаз.	септік жалғауларын, сұрақтарын біледі, сөздерді септей алады;

Қазақ тілі. 4 сынып.

№1 Мазмұндама

 

Мақсаты: оқушыларды мәтін мазмұнын рет-ретімен дұрыс баяндап жазуға төселдіру;

-жоспар бойынша сөздерді қолдану қабілеттерін дамыту;

-мейірімділікке тәрбиелеу.