Өзін - өзі тану сабағының жоспары.

Сабақтың мақсаты: - «жақсылық», «мейірімділік» құндылықтың мәнін кеңірек түсіндіру.

Сабақтың міндеттері: : - жақсылық, қайырымдылық жасау сезімі мен адам бойында туатын жан рақатын сезіндіру.

Плакат, маркер, үлестірме қағаз.

Сабақтың барысы: а) Ұйымдастыру кезеңі.

-оқушылармен сәлемдесу.

- сынып тазалығына көңіл бөлу

- оқушыларды түгендеу.

Тыныштық сәті. Орманға саяхат

2. Үй тапсырмасын тексеру: «Менің өмірлік қағидатым» атты кестені тексеру.

Сабақ барысын талқылау, топқа бөлінеді.

Халық әні.

3. Дәйексөз:

Жақсылыққа жақсылық - әр адамның ісі,

Жамандыққа жақсылық – ер адамның ісі

- Адамды жақсылық жасауға итермелейтін қандай сезім?

- Адамды жақсылық жасауға мәжбүрлеуге болады ма?

Халық мақалы

4. Әңгімелесу (сұхбат) «Шипалы түн» атты шығармасымен таныстыру.

- Жақсылық жасаушы адамның үлгісі болады ма?

- Жақсылық нәтижесін бірден көру мүмкін бе?

Г. Молдағалиева

5. Шығармашылық жұмыс, топтық жұмыс.

Оқушыларға «Жақсылық ережесін» түздіру.

Үлгі: - Жақсылықты ақылмен жаса.

- Жасаған жақсылығыңды міндет етпе.

Баяу әуен қойылады.

6. Топпен ән айту. «Ақ ниет»

әні: Н. Сәрсенбаев сөзі: Т. Әлімбек

Нұрын төксе шынайы ізгілік,

Мына әлем шаттанар

Аяласа тербетіп ізгі үміт

Жанарларда от жанар,

Ақ арманға бақ қонар.

Қайырмасы:

Атса таңымыз ақ, өтсе түніміз мұңсыз,

Батса қызыл арай күніміз мінсіз.

Бақыт осы ұсынған нұр пейілін,

Жоғалмасын мейірім.

7. Үй тапсырмасы. № 1 З. Ахметованың «Шуақты күндер » атты мәтінін оқу.

Келесі сабақ. № 2 Оқушылар «Жақсылық жаса» деген тақырыпта пікірталас ұйымдастырып келуі қажет.

8. Соңғы тыныштық сәті. Баяу әуен қойылады. Бүгінгі сабақтан игерген жақсы қасиеттерді есімізге түсіріп, жүрегімізге сақтайық. «Ақиқат, ақиқат, ақиқат бар жерде, ақиқат, ақиқат» бүкіл әлемде.