Қазақстан республикасының білім және ғылым министрлігі қ.Жұбанов атындағы ақтөбе өңірлік мемлекеттік университеті

5В070900 – «Металлургия» мамандығының күндізгі және сырттай бөлімінің 3 курс студенттеріне арналған «металлургия өндірісінің технологиясы - 1» пәні бойынша практикалық сабақтарға әдістемелік нұсқау

Ақтөбе - 2016 ж.

Келаманов Б.С., Жұмағалиев Е.Ұ.

«Металлургия өндірісінің технологиясы - 1» пәні бойынша практикалық сабақтарға әдістемелік нұсқау. - Ақтөбе: Ақтөбе өңірлік мемлекеттік университетінің редакциялы - баспа бөлімі, 2016ж. - 116 бет.

Практикалық сабақтарға әдістемелік нұсқау 5В070900 - «Металлургия» мамандағы бойынша күндізгі және сырттай бөлімінің 3 курс студенттеріне арналған. Практикалық сабақтарға әдістемелік нұсқау пән бойынша негізгі мәліметтерден, практикалық жұмыстар жоспары, глоссарий, бақылау сұрақтары, блиц - тест және ұсынылған әдебиеттер тізімінен тұрады.

Рецензенттер:

Султамуратова З.Б., химия ғылымдарының кандидаты, «Жаратылыстану» факультетінің деканы, Қ. Жұбанов атындағы АӨМУ,

Алмагамбетов М.С., техника ғылымдарының кандидаты, «Зерттеу-инжинирингтік орталық» ЖШС-нің Металлургия және пайдалы қазбаларды байыту зертханасының меңгерушісінің орынбасары.

Баспаға университеттің ОӘС шешімімен ұсынылды.

Протокол №х хх.хх.хххх ж.

Практикалық сабақ №1

Металлургиялық үрдістер теориясының негіздері

Жұмыстың мақсаты: Металлургиялық үрдістер теориясының негіздерін меңгеру, физико-химиялық тепе - теңдік заңын ұғу және оны практикалық тапсырманың есептеуінде қолдану.

Жұмыс жоспары:

1. Теориялық бөлім

2. Металл өндірісінде қолданылатын негізгі физико-химиялық тепе - теңдік заңдары

3. Ішкі энергия, энтальпия (Гесс заңы)

4. Ерітінділер

5. Өзіндік жұмысқа арналған тапсырмалар

Кілт сөздер: Физико-химиялық жылдамдық, активтілік коэффициенті, гомогенді жүйе, гетерогенді жүйе.

Бақылау сұрақтары:

1. Активтілік коэффициенті дегеніміз не?

2. Сивертс заңы нені ескереді?

3. Кокстың органикалық заты нені білдіреді?

4. Ерітінділер дегеніміз не?

5. Ле - Шателье принципін сипаттап беріңіз.

Глоссарий:

1. Энтальпия - тәуелсіз айнымалы қысым, энтропия және бөлшек сандары ретінде алынған термодинамикалық тепе - теңдіктегі жүйе күйін сипаттайтын термодинамикалық потенциал.

2. Ерітінді - белгілі бір мөлшерде құрамы өзгеріп тұратын екі немесе одан да көп компоненттерден тұратын гомогенді жүйе.

3. Қождама - металл балқыту кезінде балқығыштықтың тиісті дәрежесінде қож алу мақсатында қосатын қоспа.

4. Универсал газ тұрақтысы - изобаралық үрдісте температураны 1К - ге көтергендегі бір моль идеал газдың ұлғаю жұмысына сандық жағынан тең. (R - 8,314Дж / моль · К.)

5. Қышқылсыздандырғыш - металға қарағанда оттегімен химиялық туыстығы жоғары құйманың негізін құрайтын химиялық элемент.