Тапсырмалар:

1.«Тұқым. Қос жарнақты және дара жарнақты тұқымдардың құрылысы» тақырыбына бір дәстүрлі емес сабақ жоспарын құрыңыз.

2.«Антропогенездің көбеюі және дамуы» тарауының параграфтарын біріктіріп модульдар құрып сабақ өтіңіз.

3.Үш мамандықтың мұғалімі ретінде (биология,химия,физика ), үш адам бірігіп «Жасушадағы зат алмасу » тақырыбына интеграциялық сабақ өтіңіздер.

Қысқаша мағлұмат

Оқытуға қойылатын талаптардың бірі – білім беру мен тәрбиенің біртұтас үрдіс ретінде іске асырылуы.

Оқушылардың шығармашылық ойлауын табысты дамыту – тек оқу- тәрбие үрдісі кезінде баланың жүйелі түрде белсенді интеллектуалды ізденіске тартылуы арқылы ғана мүмкін.

Ұстаздар тәжірибелерінде өткізіліп жүрген, осы талаптарды орындай алатын дәстүрлі емес сабақтар түрлерін: іскерлік ойындар, танымдық ойындар, конференция сабақ, пресс-конференция, саяхат сабақ, интеграциялық сабақ, ертегі, аукцион, жарыс сабақтары, КВН, спектакль, сот викторина және брейнсторминг сабақтары деп топтауға болады.

Дәстүрлі емес сабақтар дегеніміз – сабақ құрылымын оқу-тәрбие үрдісінің мақсаттарына сай өзгертіп оқушының шығармашылықпен білім игеруінің субьектілік үлесін жоғарлататын оқыту формасы.

Оқытудың ойын формасы – оңғы жылдардағы педагогикалық жаңалықтың ішіндегі бір қолайлысы. Себебі оқушы ғана емес, жалпы адам үшін ойын – белсенділікпен, өзін көрсетуге, сөйте отырып үйренуге әсер етеді. Ойын – өз алдында оқыту үрдісі, жеткіншектердің еңбекке дайындаудың белсенді құралы. Ғалымдар тірі табиғаттағы жұмбақтың бірі – ойын екенін оның құбылыстары мен үрдістері әлі адамзатпен толық зерттеліп ашылмаған, сөйтіп дәл анықтамасы берілмеген деген қорытындыға келген.

Саяхат сабақтарының ерекшеліктері биологиялық саяхатқа қатынасатын оқушылар санының көптігінде. Кейбір жағдайларда оқушылардың әртүрлі жануар, өсімдіктер аттарын сөйлеп, солардың кейіпінде болуы. Осындай сабақтар кезінде баланың ықыластылығы мен бақылғыштығы өз аймақтарының флорасы мен фаунасы жайлы білімдері жетіліп дамиды. Сабақтың осылай аталуының өзі жаңа білім игеруде оқушыны жаңа бір өлшемге, кеңістікке жетелейді. Саяхат барысында бұрын игерген білім, білік, дағдыларға сүйеніп дәстүрлі емес тапсырмаларды шешуде өз ойларын айқындай түседі.

Жануарлар дүниесін оқығанда жүргізілген шығармашылық сайыс сабақтары кезінде оқушының белсенділігін, ынтасын арттырып, өздігінен ізденуіне, ойлануына жол ашатын, осының негізінде оқу материалын сапалы, толық меңгеруіне мүмкіндік беретіні практикада дәлелденген.

Сайыс сабақтың қызметі алуан түрлі. Оларда жаңа матералды зерделеуге оқушылардың білімі, білі-дағдылыларын бекітуге, үлкен тақырыпты өтіп болған соң жинақтап, жүйелеп қорытуға, тақырыптар арасындағы сабақтастықты жүзеге асыруға т.б. болады.

Аукцион сабақ – дәстүрлі емес сабақтар ішінде бұл сабақтың орны ерекше. Тәжірибеде байқалғандай бұл сабақты өткізу алдында оқушылар берілген итапсырманы орындау барысында жекелей ізденушілік, зерттеушілік жұмыстар жргізеді. Ол үшін қосымша материалдардан оқулықта жоқ көптеген деректер тауып, дәрумендердің ағзадағы ролін толық көрсеткендігі дәлел болады.

Пысықтау сұрақтары

1.Дәстүрлі емес сабақтар дегеніміз қандай сабақтар ?

2.Дәстүрлі емес сабақтарда оқушы шығармашылығы қалай дамиды ?

3.Дәстүрлі емес сабақтар қандай әдістемелік ерекшеліктермен айқындалады ?