Жоғары кәсіби білім

Бакалавр

Биологияны оқыту әдістемесі пәнінен зертханалық сабақтарға арналған әдістемелік нұсқау

5В011300-"Биология"мамандығы бойынша

3 Кредит

Қазақстан Республикасының білім және ғылым министрлігі

Тараз мемлекеттік педагогикалық институты

Тараз 2017ж.

Алғы сөз

1. Дайындаған және ұсынған Биология және БОӘ кафедрасының аға оқытушысы Р.Е.Кемельбекова, оқытушы А.С.Абжапарова

2. Биологияны оқыту әдістемесі пәнінен зертханалық сабақтарға арналған әдістемелік нұсқау 5В011300 - "Биология" мамандығының бекітілген жұмыс оқу жоспарына сәйкес дайындалған.

3. Алғашқы енгізілуі

4. Институттың Ғылыми-әдістемелік Кеңесінің шешімімен бекітілген және іске қосылған.

Хаттама №______ «______»__________20__ ж.

5. Тіркелген № _________

Мазмұны

Алғы сөз..............................................................................................................................2

Түсіндірме хат..................................................................................................................4

Зертханалық сабақтардың мазмұны..............................................................................6

¥сынылған әдебиеттер тізімі..................................................................................60

Түсіндірме хат

Биологияны оқыту әдістемесі пәні – орта мектептегі биологияны оқыту мақсаттары мен міндеттерін және мектеп биология курсының мазмұнын, оқу-тәрбие үрдісін ұйымдастыру нысандарын анықтайды.

«Биологияны оқыту әдістемесі» пәнінің мақсаты: болашақ мамандарды жалпы білім беретін мектептерде биология сабақтарында оқу-тәрбие үрдісін қарқынды жүзеге асыруға дайындығын қамтамасыз ететін әдістемелік білім мен біліктер жүйесін дамыту болып табылады.

«Биологияны оқыту әдістемесі» пәнінің негізгі міндеттері:

• Болашақ мамандарға биологиялық білім беру жүйесін; биология пәнінің орта мектептерге арналған оқу бағдарламалары мен оқулықтарының мазмұны мен оларды құру принциптерін, оқытуға қойылатын осы заманғы талаптар мен оларды іске асыру технологияларын меңгерту;

• Биологияны оқытуда оқу-тәрбие үрдісін жүзеге асыру және пән бойынша элективті курстар мен сыныптан тыс сабақтарды өткізу біліктерін қалыптастыру;

• Оқыту үдерісінде техникалық құралдарды және ақпараттық, компьютерлік технологияларды қолдана білуге үйрету;

«Биологияны оқыту әдістемесі» пәнінің зертханалық сабақтарында студент:

• Еліміздегі жаратылыстану әдістемесінің даму тарихын;

• Заманауи орта мектептегі биологиялық білім беру жүйесін;

• Биология пәнінің орта мектептерге арналған оқу бағдарламалары мен оқулықтарының мазмұнын және оларды құру принциптерін;

• Биология кабинетін заманауи талаптарға сәйкес жабдықтауға және ондағы құрал-жабдыққа қойылатын талаптарды білуі тиіс.

• Биологияны оқытудың жылдық және тақырыптық жоспарларын әзірлеу;

• Сабақтардың, сондай-ақ, зертханалық сабақтардың жоспарларын құру және конспектілерін жазу;

• Нақты сабақ әрі сабақтың тиісті нысаны үшін мейілінше тиімді әдіс-тәсілдерді анықтау;

• Биология кабинеті мен зертханалық сынып бөлмесін тазалықта ұстау, оларды табиғи және басқа да көрнекі құралдармен жабдықтау;

• Оқытудың техникалық құралдарын, ақпараттық және компьютерлік технологияларды пайдалану;

• Биология пәні бойынша қолданбалы және таңдау курстарының бағдарламаларын жасау;

• Сабақ, сондай-ақ, зертханалық сабақ үстінде оқушылардың әртүрлі биологиялықбілім көздерімен өзіндік жұмысын ұйымдастыру:

• Оқыту нәтижелерін бағлаудың осы заманғы құралдарын қолдану біліктілігін игеруі тиіс.

• Табиғат аясында танымжорықтарды ұйымдастыру мен өткізу;

• Мектеп жанындағы оқу-тәжірибелік үлескіні жоспарлау мен ұйымдастыру, оқушылармен бірге топырауқ өңдеу, егін егу, бау-бақша өсіру жұмыстарын жүргізу дағдыларын меңгеруі керек.

Биологияны оқыту әдістемесі пәнінде: