1-есеп. 56-52 жастағы ер кісі...

А. 1. Симптомдар/синдромдарды анықтаңыз, ішінен жетекші симптом/синдромды бөліңіз. Артериялық гипертензия, гипертензиялық криз II типтi, метаболизмдік синдром: артық салмақ, дислипидемия – гиперхолестеринемия, нысана органдардың өзгерістері: протеинурия, кардиомегалия (сол қарынша гипертрофиясы), аортаның атеросклерозы, дисциркуляциялық энцефалопатия. Оның ішінде жетекшісі – артериялық гипертензия.

2. Жетекші симптом/синдромына (синдромдарына) сүйеніп және олардың ерекшеліктеріне байланысты күдікті аурулар тізімін құрыңыз.

2. АГ 40 жастан кейін дамыған, антигипертензиялық дәрмектерді қабылдау тактикасы дұрыс болмаған; кризді негізінен эмоциялық күштемелер арандатады – сондықтан Артериялық гипертензия нозобірлігінен күдіктенеміз.

Нег. ауруы: Артериялық гипертензия III дәрежелi, қауiп-қатер тобы 4 – өте жоғары (артық салмақ, гиперхолестеринемия, протеинурия, сол қарынша гипертрофиясы, аортаның атеросклерозы, аневризмасы, дисциркуляциялық энцефалопатия).

Асқ.: Гипертензиялық криз, II типтi, асқынбаған.

Тексеру жоспары хаттамаға сай: АҚ мониторингі – АМАД, ДМАД; гемоглобин және/гематокрит; НЖА: тұнба микроскопиясы, микроальбуминурия, белокті анықтау; биохимиялық анализдерден: плазма глюкозасы, липидограмма, қан сары суының калий және натрийі, қан сары суында несеп қышқылын, креатининді анықтау (шумақтық фильтрация жылдамдығы); ЭКГ мен эхокардиография нәтижелері бар.

В. 3. Дифференциялық диагноз алгоритмін жазыңыз.

Жалпы АГ диагнозы күдік туғызбайды: 40 жастан кейін, метаболизмдік синдром негізінде дамыған; антилипертензиялық дәрмектерді стационарда бақылаумен қабылдау нәтиже беріп отырған; нысана органдардың АГ ұзақтығына сәйкес өзгерістері бар. Дислипидемиялық факторларды ескере отырып, бүйрек артерияларының атеросклерозымен байланысты АГ қатерлі ағымға ауысу мүмкіндігімен ДД жүргіземіз, ол үшін бүйрек тамырларының допплер УДЗ қосамыз.

4. Клиникалық диагнозды негіздеу:

Шағымдары негізінде:2 сағат бұрын дамыған басының, әсіресе желке бөлігінің қатаң ауыруы, жүрек айнуы, көз алдының мұнартып, “шiркейлердiң” пайда болуы.

Анамнезі негізінде: 15 жылдан бері басы ауырады, соған байланысты “бас аурудан” таблеткалар қабылдап жүрген. Алғашқы 10 жылда дәрiгерлерге сирек көрiнген, АҚ 160/100 мм сын. бағ. дейiн жоғарылаған. Үш рет стационарда АҚ 220-240/110-130 мм сын. бағ. көтерiлуiне байланысты емделген. Стационарлық емнен АҚ 170/100 мм сын. бағ. дейiн төмендеген. Емхана дәрігерімен тағайындалған емдi жүйелi қабылдамайды.

Объективті зерттеулер нәтижесінде: жалпы жағдайы орта ауырлықта, бет терiсi қызарған. Салмағы артық (бойы 180 см, салмағы 110 кг). Жүректiң шала тұйық дыбыс шегi солға 1,0 см ығысқан, тондары әлсiзденген, ырғақты, аорта үстiнде II тонның акцентi. АҚ 240/130 мм сын. бағ., пульсi 64 мин., кернеулi.

Лабораториялық зерттеу нәтижелері негізінде: ҚБА: гиперхолестеринемия; ЖЗА: протеинурия;

Аспаптық зерттелер нәтижесінде: ЭхоКГ: аортаның айқын атеросклерозы, аорта диаметрі кеңіген, аорта қақпағы жармаларының ашылу тербелісі қалыптыдан төмен.

ЭКГ: сол қарынша гипертрофиясы, систолалық күш түсумен.

Осы мәліметтерге сүйеніп, клиникалық диагноз қойдым.

Клиникалық диагноз:

Нег. ауруы: Артериялық гипертензия III дәрежелi, қауiп-қатер тобы 4 – өте жоғары (артық салмақ, гиперхолестеринемия, протеинурия, сол қарынша гипертрофиясы, аортаның атеросклерозы, аневризмасы, дисциркуляциялық энцефалопатия).

Асқ.: Гипертензиялық криз, II типтi, асқынбаған.

С. 5. Ауруханаға жолдау. Науқаста асқынбаған криз болғандықтан күндізгі стационарлық емге және АҚ амбулаториялық мониторнгіне (АМАД) көрсетпе бар.

Ем мақсаты-аурудық болжамын жақсарту, риск факторларын азайту, науқастарды оқыту, медикаментозды ем жүргізу.

Медикаментозды емес ем: дұрыс тамақтану, физ.жүктемелерден алшақ болу, салмақты коррекциялау, АГ бақылау , СХ болдырмау , психологиялық кері факторлардан алшақ болу қажеттілігін.

Медикаментозды ем: Кризді басу үшін-АПФ ингибиторы: каптоприл 6,25мг дозада не/және кальций канал блокаторы: нифедипин 20мг (2драже).

АГД таңдалады: ААФ қатарынан (каптоприл, лизиноприл, периндоприл, фозиноприл т.б. біреуін), ұзақ әсерлі кальций антагонистерінен (амлодипин, нормодипин, лацидипин т.б. біреуін). Мысалы, каптоприл 12,5мг (1таб), амлодипин 5мг/тәу.

Стационарда АГД тұрақты, жүйелі қабылдауын бақылау мақсатында АҚ мониторингін ұйымдастырамыз.