Зарэгiстраваны Зацверджаны

Мiнiстэрствам юстыцыi з'ездам НПГБ

Рэспублiкi Беларусь 6 лiстапада 1991 года

25 лiстапада 1991 года

Перарэгiстраваны Зацверджаны

Мiнiстэрствам юстыцыi ў новай рэдакцыі

Рэспублiкi Беларусь ІV з’ездам БНП

27 чэрвеня 1995 года 29-30 чэрвеня 1995 года

Перарэгістраваны Прыняты ў новай рэдакцыі

Мiнiстэрствам юстыцыi Радай прадстаўнікоў

Рэспублiкi Беларусь 04 лютага 1999 года

24 красавіка 1999 года

Пасведчанне аб рэгістрацыі № 022

Перарэгістраваны Прыняты ў новай рэдакцыі

Мiнiстэрствам юстыцыi Радай прадстаўнікоў

Рэспублiкi Беларусь 11 жніўня 2003 года

8 верасня 2003 года

Змяненні Статута зарэгістраваны Змяненні ў Статут прыняты

Міністэрствам юстыцыі Радай прадстаўнікоў

Рэспублікі Беларусь 11 сакавіка 2004 года

21 мая 2004 года

Змяненні Статута зарэгістраваны Змяненні ў Статут прыняты

Міністэрствам юстыцыі Радай прадстаўнікоў

Рэспублікі Беларусь 20 лютага 2012 года

“_____”_____________2012 года

С Т А Т У Т

БЕЛАРУСКАГА НЕЗАЛЕЖНАГА ПРАФСАЮЗА

ГАРНЯКОЎ, ХIМIКАЎ, НАФТАПЕРАПРАЦОЎШЧЫКАЎ,

ЭНЕРГЕТЫКАЎ, ТРАНСПАРТНIКАЎ, БУДАЎНIКОЎ

I iншых работнiкаў

г. Салiгорск

2012 год

1. Агульныя палажэннi

1.1.Беларускi Незалежны прафсаюз гарнякоў, хiмiкаў, нафтаперапрацоўшчыкаў, энергетыкаў, транспартнiкаў, будаўнiкоў i iншых работнiкаў (далей Незалежны прафсаюз) - прафесiйны саюз работнiкаў прадпрыемстваў, устаноў i арганiзацый вытворчай i невытворчай сфер дзейнасці незалежна ад форм уласнасцi, звязаных агульнымi iнтарэсамi па роду iх дзейнасцi, аб'яднаўшыхся на добраахвотных i раўнапраўных асновах для абароны сваiх прафесiйных, грамадзянскiх, маёмасных i iншых правоў i законных iнтарэсаў, прыцягнення працоўных да вырашэння сацыяльна-эканамiчных праблем i паляпшэння iх становiшча ў грамадстве на аснове сацыяльнай справядлiвасцi i гуманiзму.

1.2. Незалежны прафсаюз з'яўляецца правапераемнiкам Незалежнага прафсаюза гарнякоў Беларусi (НПГБ) i ажыццяўляе сваю дзейнасць у адпаведнасцi з Канстытуцыяй Рэспублiкi Беларусь 1994 года (са змяненнямі і дапаўненнямі), прынятай на рэспубліканскім рэферэндуме 24.11.1996 года, іншымі актамі дзеючага заканадаўства, гэтым Статутам, Усеагульнай Дэкларацыяй правоў чалавека, Канвенцыямi Мiжнароднай Арганiзацыi Працы i iншымi ратыфiкаванымi Рэспублiкай Беларусь ва ўстаноўленым парадку мiжнароднымi нарматыўнымi актамi.

1.3. Незалежны прафсаюз з'яўляецца самастойным аб'яднаннем грамадзян. У сваёй дзейнасцi ён незалежны ад органаў дзяржаўнай улады i кiраўнiцтва, палiтычных i iншых грамадскiх арганiзацый.

1.4. Незалежны прафсаюз усталёўвае па свайму выбару сувязi i кантакты з грамадскiмi аб'яднаннямi грамадзян Рэспублiкi Беларусь і іншых краін.

1.5. Дзейнасць Незалежнага прафсаюза распаўсюджваецца на ўсю тэрыторыю Беларусi.

1.6. Незалежны прафсаюз з'яўляецца юрыдычнай асобай.

Яго мясцовыя структуры (пярвiчныя i рэгiянальныя арганiзацыi) надзяляюцца статусам юрыдычнай асобы рашэннем Рады прадстаўнiкоў.

1.7. Паведамленні аб рэгістрацыі, перарэгістрацыі ці ліквідацыі змяшчаюцца ў сродках масавай інфармацыі (газета «Рэспубліка» і інш.)

1.8. Юрыдычны адрас Незалежнага прафсаюза: 223710 г. Салiгорск, Мiнскай вобласцi, вул. Набярэжная, д.8, пам.1 (Змяненні праняты на паседжанні Рады прадстаўнікоў, Пратакол ад 20 лютага 2012 года).

2. Мэты I задачы

2.1. Асноўнай мэтай Незалежнага прафсаюза з'яўляецца павышэнне жыццёвага ўзроўню i сацыяльнай абароненасцi яго членаў, абарона іх працоўных, сацыяльна-эканамічных, грамадзянскіх, маёмасных і іншых правоў і законных інтарэсаў.

2.2. Задачы Незалежнага прафсаюза:

- прадстаўляць i адстойваць iнтарэсы членаў прафсаюза ў органах дзяржаўнай улады i кiраўнiцтва, а таксама органах самакiравання прадпрыемстваў;

- заключаць пагадненнi i калектыўныя дагаворы па пытаннях паляпшэння ўмоў жыцця i працы членаў Незалежнага прафсаюза i iх сем'яў, вырашэння праблем аплаты працы, занятасцi, рабочага часу, адпачынку i сацыяльнага забеспячэння;

- ажыццяўляць нагляд i кантроль за выкананнем заканадаўства аб працы ў адносiнах да членаў Незалежнага прафсаюза i ўдзельнiчаць у яго ўдасканальваннi;

- дабiвацца прывядзення законаў Беларусi ў адпаведнасць з мiжнароднымi нормамi права;

- дабiвацца бяспечных i здаровых умоў працы на вытворчасцi, удзельнiчаць у распрацоўцы правiлаў i норм аховы працы;

- арганiзоўваць прафесiйную падрыхтоўку i перападрыхтоўку кадраў, павышэнне iх квалiфiкацыi, сацыяльна-эканамiчных i прававых ведаў;

- арганiзоўваць работу з моладдзю;

- арганiзоўваць адпачынак i вольны час членаў Незалежнага прафсаюза i iх сем'яў;

- дабiвацца дадатковых вiдаў сацыяльнага страхавання i прымянення iндывiдуальных рахункаў;

- ствараць страхавыя, крэдытныя i iншыя фонды мэтавага i спецыяльнага прызначэння;

- спрыяць эфектыўнаму вырашэнню працоўных спрэчак i канфлiктаў.

2.3. Для вырашэння агульных праблем i адстойвання iх перад структурамi ўлады ўсiх ўзроўняў Незалежны прафсаюз можа аб'ядноўвацца з iншымi прафесiйнымi саюзамi i грамадскiмi аб'яднаннямi грамадзян.