3. Құрылыс-құрастыру жұмыстарының көлемдерін есептеу

Құрама құралымдарды құрастырудың кешенді процесіне кіретіндер: элементті көтеруге дайындау; ірілендіру; көтеру орнына жеткізу; элементті ілмектеу және қосымша тетіктер мен құрылғылармен жабдықтау; көтеру; уақытша бекіту; жобалық жағдайда элементті дәлдеу және ақтық бекіту. Құрастыру жұмыстары жобасының құрамына негізгі және қосалқы жұмыстар кіреді. Көп жағдайларда қосалқы жұмыстардың болуы негізгі жұмыстар өндірісінің қабылданған тәсіліне байланысты болады. Негізгі және қосалқы жұмыстар біржолата құрастыру жұмыстарының тәсілін анықтаған соң ғана және олардың құрамы БМБ талаптарына сәйкес не басқа да мөлшерлік әдебиеттермен анықталады.

Курстық жұмыстың талабы бойынша барлық құрастырылатын элементтердің санын, олардың құрастырғыш салмағын және габариттерін анықтап, негізгі құрастыру жұмыстарының көлемін анықтадым. (2-кесте).

Құрылыс-құрастыру жұмыстарының көлемі

2-кесте

Рет №	Жұмыстар аты	Өлшем бірлігі	Нобай және есеп формуласы			Жұмыс көлемі (бірлік саны)
1	2	3	4			5
1	Ұстынды орнату	дана				82
2	Ұстынға айқас металл байланыстарды орнату	дана				6
3	Кранасты арқалықты орналастыру	дана				80
4	Кран рельстерін орнату	дана				40
5	Көпірлі кранды орнату	дана				2
6	Темірбетонды қабырға панелдерді орнату	дана				504
7	Жабындарды орнату	дана				240
8	Фермаларды орнату	дана				54
9	Терезелерді орнату	дана				216
10	Есіктерді орнату	дана				4
11	Тірек қоставр (қоставр №18)	дана				40

4.Машина уақыты мен еңбек шығындарының калькуляциясын есептеу

Машина уақытының шығындарын және құрастырудың еңбексыйымдылығын анықтау үшін әр элементті құрастыру уақытының мөлшерін белгілеу керек. Уақыт мөлшерін БМБ-дан алуға болады не басқа да деректер арқылы алынған(анықтама құралдар, техникалық әдебиеттер және т.б.) мөлшерлік мәліметтер негізінде калькуляция арқылы жасауға болады. БМБ анықтамасында үймереттің құрама темірбетон мен бетон өндірісі 15м биіктікке дейін ескертілген, жұмысты үлкен биіктікте өндіргенде биіктіктің әр келесі метріне уақыт мөлшерлері мен бағалар 0,5 ұлғайтылады. Машина қолданып істеген жұмыс мөлшерінің кестелерінде, адам-сағ көрсетілген жұмысшылардың құрастырушылардың уақыт мөлшерінен басқа, маш-сағ машиналардың уақыт мөлшері беріледі. Қосалқы жұмыстарға және құрастыруға жалғас жұмыстардың мөлшері (пісіру, түйістерді бітеу және т.б.) БМБ және ҚМЕ-нің тиісті бөлімдерінен қабылданады. 3-кестеде машина уақытының шығындары мен жеке құрылымдарды құрастырудың еңбексыйымдылығының есебі жасалады.

Машина уақыттарының шығыны = Механизмдердің уақыт мөлшер* Жұмыстар саны