56. «Мен әлеуметтік педагогпын» мини-шығарма жазыңыз.

Әлеуметтік педагог – жалпы білім беретін мектептерде, кәсіптік мектептерде, мектепке дейінгі білім беру ұйымдарында, балалар үйлерінде, мектеп-интернаттарда, үйлестіру мектептерінде қызмет көрсетеді. Өз жұмысын ұйымдастыруда әлеуметтік педагог ұжымда позитивті микроклиматтың қалыптасуына, тұлғааралық қарым-қатынасты ізгілендіруге басымдық бере отырып, әр респонденттің қабілеттілігін жүзеге асыруына, тұлғалық қызығушылығын қорғауына, бос уақытын ұйымдастыруына, әлеуметтік пайдалы әрекетке жұмылуына ықпал етеді, оқушылар мен мұғалімдердің арнайы мәселелерін зерттейді, оларды шешу шараларын қарастырады. Әлеуметтік педагог оқушылардың отбасымен үздіксіз байланыста болады. Ол балаларды ата-аналардың қатігездігінен, менмендігінен, баланы басынуы сияқты проблемаларға ерекше назар аударады, балалар мен отбасының мүшелеріне жүргізілетін психодиагностикалық, психокоррекциялық қызмет әдістерін негіздеп, сараптайды және өңдейді;

Әлеуметтік көмекке зәру отбасыларына материалдық көмек көрсету (отбасы типтеріне орай қаражаттық, патронат, әлеуметтік көмектер мен жеңілдіктер, тұрмыстық көмек көрсетулер), әлеуметтік қамқорлықты ұйымдастыру (адамдармен жұмыс жасау, қызметкерлерді таңдау, озық тәжірибелерді анықтау мен тарату), адамдарға әсер ету арқылы іс-құжаттар номенклатурасын түзеді.

Әлеуметтік педагогтің жеке қолдану папкасында мынадай құжаттар болуы тиіс:

• Лауазымдық міндеттері (анкета, ереже, бұйрық, форма-2);

• Мектептің жарғысы; лицензиясы;

• Мектептің жылдық жоспары, педагогикалық кеңес, директор жанындағы кеңес жоспары, тәрбие жұмысының жоспары;

• Мектептің даму бағдарламасы;

• Әлеуметтік педагогтің байланыс жасайтын мекемелері, мектеп әкімшілігі, мұғалімдері туралы мәлімет (мекен-жайы, сымтетігі).

• Әлеуметтік педагогтің жұмыс кестесі /Үлгі ретінде/

Жұмыс кестесі:
Дүйсенбі	09.00 – 13.00 15.00 – 17.00 /Әдістемелік күн/
Сейсенбі	08.00 – 12.00 15.00 – 18.00
Сәрсенбі	12.00 – 15.00 17.00 – 20.00
Бейсенбі	08.00 – 12.00 15.00 – 17.00
Жұма	09.00 – 13.00 15.00 – 18.00
Сенбі	08.00 – 12.00
Барлығы	36 сағат
Кеңес беру:
Ата-аналар үшін	09.00 – 11.00
Педагогтар үшін	14.00 – 16.00

57. Әлеуметтік педагогтың оқушылардың арасында құқық бұзушылықты алдын-алудың жұмыс жоспарын құрастырыңыз (бір тоқсанға).

Құқық бұзушылықтың алдын алу үшін бағытталған жұмыстар атқарылады: сынып сағаттары, диспуттар, профилактика Кеңестері , пікірсайыс клубтары, құқық қорғау органдарының өкілдерімен кездесулер өткізіледі. Қала мектептерінде 98 құқық білімі ұйірмелер, 48 адамгершілік-құқық клубтары және орталықтары, 28 құқық кабинеттері жұмыс атқаруда. Ақпаратты стендтер безендірілген. «Заң» атты құқық-азаматтық мектебі өз жұмысын жалғастыруда. Мектеп бағдарламасында: құқықтық міндетті оқыту, құқық қорғау органдарының, прокуратура, сот, ішкі саясат бөлімінің, өкілдерімен кездесулер ұйымдастырылады, оқыту шебер-кластар жүргізіледі.

Мектептерде оқушылардың құқық тәрбиесі бойынша іс шаралар жоспары жасалған. Осы жұмысты құқық қорғау органдарымен тығыз байланыста қызмет жасаумен өткізіледі. Үнемі профилактика Кеңесінде аталған сұрақтар қарастырылады, білім беру бөлімінің аппараттық мәжілістерінде мектеп директорларының есептері тыңдалады. Әр бір құқық бұзушылық факті бойынша мектептермен білім беру бөліміне жауап қайтару беттері тапсырылады. Құқық тәрбие жұмысын тиімді жүргізу мақсатында білім беру бөлімінің тарапынан психологтардан, әлеуметтік педагогтардан және құқық органдарының қызметкерлерімен құрастырған шығармашылық топтар жұмыс атқарады.

Тәрбие міндетін тиімді атқару үшін тек қана отбасы мектеппен бірігіп жұмыс істегенде нәтижелі болады.

Ата-аналарға арналған құқықтық және педагогикалық мәдениетін көтеру үшін ата-аналық құқықтық оқыту жүргізіледі. Оның шеңберінде: ата-аналар жиналысы, конференциялар, психологиялық ойындар, отбасылық кездесулер, сұрақ-жауап кештері, семинарлар мен тренингтер.

Балалардың өмір қауіпсіздігін сақтау мақсатында оқу жылы басында білім беру бөлімі тарапынан бұйрық шығарылды «Оқушылар арасында құқық бұзушылыққа жол бермеу». Аталған бұрық негізінде үзіліс кезінде педагогтардың кезекшілігі қатаң бақылауға алынды, оқушылардың сабақ уақында кезекшілікке тыйым салынды. Жүйе түрінде құқықтық білім Апталығы жүргізілуде, аула клубтарының және сабақтан тыс уақытын пайдаланудың әрекеті қатаң бақылауда. Түнгі және күндізгі рейдтер үнемі жүргізіледі.