5. Мемлекеттік сорт сынауды ұйымдастыру. Мемлекеттік сорт сынау учаскелерінде сорттарды өндірістік сынаудан өткізу.

Егер селекциялық-тәжірибе мекемесінде жаңа шығарылған сорт өзінің енімділігі, сапасы жөнінен ең жақсы аудандастырылған сорттан асып түссе (0,95 сенім ықтималдығы деңгейінде), онда сол мемлекеттік сорт сынауға берілуі мүмкін. Сонымен бірге тағы мынадай негізгі бағалы шаруашылығы білгілері мен биологиялық қасиеттеріне ерекше назар аударылады: өнімнің сапасы мен өнімділігі, қысқа, құрғақшылыққа төзімділігі, интенсивті (озық) технология бойынша егіп-өсіруге жарамдылығы. Жаңа сорттар хұқын қорғау жаңадан ойлап табылған өнер табысы мен парапар келеді. _

Мемлекеттік сорт сынау жүйесінің жұмыстары сорттардың егілетін аудандарын белгілеумен, оларды аудандастнрумен аяқталады.

Ғылыми зерттеу мекемесі жаңа сортты мемлекеттік сорт сынауға берген кезде бірнеше сорт сынау учаскелеріне жіберу үшін және өндірістік сорт сынауға қажетті оның тұқымдарының белгілі қорын жинауы қажет. Мысалы, бірінші жылы сынауға 2 тонна дәнді дақылдар тұқымы талап етіледі, ал екінші жылы 5 тонна, картопқа 5 және 20 тонна. Бірінші жылы барлық сорт учаскелері жаңа сорт тұқымын оны шығарған ғылыми-зерттеу мекемесінен тікелей алады. Кейінгі жылдары өздігінен тозаңданатын сорттардың тұқымын сорт сынау учаскесінде өсіреді. Айқас тозаңданатын дақыл сортының тұқымдарын сорт сынау учаскелері жыл сайын өз облысының (өлкесінің) селекциялық-тәжірибе мекемелерінен алады немесе оларды көбейту жұмысы сорт сынау учаскелерінің бірінде ұйымдастырылады. Әрбір сорт сынау учаскесі барлық сыналатын сорттардың өзінің тұкымдық және қамсыздандыру қорларын жасайды. Әр түрлі дақылдардың шетелдік сррттарының едәуір мөлшері, көбінесе АҚШ-тан, Германиядан, Швециядан, Венгриядан, Польшадан, Болгариядан, Чехословакиядан әкелініп аудандастырылған.