78.Назарбаев н. Қазақстан жаңа жаһандық нақты ахуалда: өсім, реформалар, даму. (Елбасының 2016ж Қазақстан халқына жолдауы)

АСТАНА. ҚазАқпарат - Бүгін Қазақстан халқына «Қазақстан жаңа жаһандық нақты ахуалда: өсім, реформалар, даму» атты Жолдауын арнаған Елбасы Нұрсұлтан Назарбаев құжат атауының мәнін түсіндіріп берді. Қазір және басқа кезде де біздің дағдарысқа қарсы басты үш стратегиямыз қарапайым болғанымен ол өсім, реформалар және даму атты маңызды түсініктермен тепе-тең. Біріншісі, бұл - өсім. Сөз ең алдымен экономикалық өсім жайында болады»,- деді Елбасы. Осы ретте Мемлекет басшысы Қазақстанның әлемнің дамыған 30 елінің қатарына қосылуы үшін экономикалық өсім қарқынын қалпына келтіру қажеттігін атап өтті. «Екіншісі, бұл - реформалар. Олар экономиканың, қоғамның және мемлекеттің тұрақтылығын қамтамасыз етеді. Қазіргі уақытта біз «100 нақты қадам» Ұлт жоспарын жүзеге асырудамыз. Олар өзінің ауқымы жағынан біздердің 90-шы жылдарда жүргізген ауқымды реформаларға сай келеді. Біздерге мемлекеттік және корпоративтік менеджментті, қаржылық және фискалдық секторды барынша терең реформалау өмірлік қажеттілік», - деді ҚР Президенті. Елбасы үшіншісі - даму екендігін айта келе: «21 ғасырда дамудың басты факторы қоғамның барлық салаларындағы үздіксіз жаңғырту болып табылады. Біз Жалпыға Ортақ Еңбек Қоғамы, жоғары әлеуметтік жауапкершілік, халықтың ең осал тобына атаулы көмек ұстанымдары негізінде барлық мемлекеттік, қоғамдық және жеке институттардың ауқымды түрленуі бойынша жұмыстар жүргізудеміз», - деді Н.Назарбаев.