1.4 Мұнайгаздылығы

Негізгі мұнайконденсат жиынтықтары 29*16 км мөлшерлі және 1700 м амплитудалы ірі төменгі пермь массивіне қарастырылған.

Негізгі мұнай қабатынан басқа филлиппов сульфат – карбонатты горизонттағы карбонатты пласттың өнімділігі анықталды. Бұл пласттың дебиті 47,7 мың м3/тәул және 47,5 мың м3/тәул газды конденсат табылды.

Қабат газконденсаттың екі бөлігінен тұрады. Төменгі таскөмір дәуірі шөгінділеріне және таскөмір шөгінділерінің мұнай жастығына сәйкес. Газдың дебиті 40 – 1980 мың м3/тәул, ал конденсаттікі 30 – 1354 м3/тәул. Газдылық ауданы 197,9 млн м2, қабат биіктігі 1390 м.

Мұнай қаныққан қалыңдықтын максималды эффективті даму алаңы қабаттың шеткі бөліктеріне сәйкес келеді. Эффективті қалыңдықтар 4,2 м-ден 189 м-ге дейін өзгеріп отырады. Мұнай қабығының шекарасында екі жазық байқалады: әртүрлі дебитті оңтүстік – батыс және солтүстік – батыс бөліктер: тығыздығы 861 кг/м3 мен 830 кг/м3 және құрамындағы газ мөлшері сәйкесінше 900 м3. 520 м3.

Мұнайдың максималды дебиті 326 м3/тәул, ол 27-ұңғымада жатыр. Пласты газконденсат қоспасы үш негізгі бөліктен тұрады: көмірсутек (87,8 – 91,5), қышқыл (8 – 11,4) және инертті (0,6 -1,1).

Девон мұнайының физико-химиялық қасиеттері негізінен 15 ұңғымадан алынған. Девон мұнайының тығыздығы 803,5 кг/м3-ге тең. Құрамына байланысты аз күкіртті (0,30), шайырлы ( 0,89) және аз концентрациялы асфальтендерге (0,056) бөлінеді. Ал құрамындағы қатты парафин 4,38 процентті алады. Мұнайдың фракционды құрамы өте жеңіл. Мұнайда ерітілген газ құрамында көмірсутекті және көмірсутексіз компоненттер бар күрделі қоспа болып табылады.

1.5 Гидрогеологиясы

Қарашығанақ кен орны Солтүстік – Каспий артезианды мұнайгазконденсат бассейнінің шегінде орналасқан. Бассейннің шекпелі бөлігінде сулы горизонттардың түрлері мен су итергіш қабат – кунгур ярусының тұзды ангидритті қалыңдығымен бөлінген екі гидрогеологиялық қабатты құрайтын кешен айырықша бөлінген. Бұлар гидродинамикалық режимі мен суларының гидрохимиясы жағынан ерекшеленетін өзіндік су итергіш жүйелерді құрайды. Қалыңдығы 3500-4000 м-ге жететін тұзды бөлігінде сулы горизонттар мен кешендер төрттік, бор, юра, триас және жоғарғы пермь жасына байланыстырылған. Төменгі пермь шөгінділерінде құмдар мен құмдақтардың жолақтары су жинағыш қабат болып табылады. Су қаныққыш жыныстардың коллекторлық қасиеттері кең шамаларда өзгеріп тұрады.

Сулар тереңдеуге байланысты жоғарғы концентрациямен сипатталады. Юра су көтергіш шөгінділердің 133-239 м тереңдікті интервалдылары 16,5г/л минералдылықты және құрамы хлор – натрийлі болып келеді. 1808-1870 м интервалды татар ярусының жоғарғы бөлігіндегі сулардың минералдылығы 281,6 г/л және де олар хлор-кальцийлі түрге жатады.Триасты сулы кешенде жақсы коллекторлы қасиеттері бар, қуаттылығы 140-150 м төрт резервуар бар. Олардағы судың тығыздығы 150 м тереңдікте 1163 кг/м3, ал 2100 м тереңдікте 1186 кг/м3. Триас және жоғарғы пермь сулы кешен промстоктарды сақтауға ең қолайлы болып табылады. Гидрогеологиялық жағынан тұзды қабат 4900 м тереңдікке дейін зерттелген. Қарашығанақ кен орны аумағындағы мұнайгазконденсат қабаты астынан серпухов, визей, турней, жоғарғы девон шөгінділердің интервалдарына гидрогеологиялық зерттеулер жүргізілді. Пластты сулар туралы ақпараттар 6,8,13,14,17,21,23,24,27,28,29,33,35 – ұңғымаларынан алынды. Олардың ішінен аздаған мұнай қосындысы бар суларды 8, 21, 27, 28, 35 ұңғымаларынан тапты. Бұл ұңғымалардағы сулар 5237-5333 м тереңдікте.