2 Ветицясь:

Эрзятне – пек кезэрень раське. Сынь умонь шкатнестэ саезь содавикст лия раськетненень. Сёрмадозь ледстнематнесэ «эрзя» валось васенцеде вастневи 10-це пингестэ.

Эрзянь келентень минек поэттнэ алтасть ламо пек мазый стихотвореният. Вана кунсолынк Геннадий Гребенцовонь стихотворениянзо.

2 чтец:

Вечкевикс кель, монь эрзянь кель,

Тон оймеменькс, тон паро мель.

Тонь эйсэ авань ловсонь тансть.

Эркаень кель, Степан Эрьзянь…

Цёковонь морокс тон гайгат,

Эрямонь кис ливтимик монь,

Виеть – Сура чирень тумонь.

Монень эйсэть покштятне кандсть.

Ваньксчить тонь – вирень лисмапрянь.

Тынь, эрзянь валт, цёковонь валт,

Гайгеде иеть, пингеть, свал!

Вечкевикс кель, монь эрзянь кель,

Тон свал кепедят паро мель…

1 Ветицясь:

Эрзятне эрить Россиясо. Мордовия Республикасо эрить. Лиятне эрить Самарань, Пензань, Оренбургонь, Ульяновской, Нижегородской, Московской ды лия областнесэ. Ломанть, конат кортыть эрзянь кельсэ, эрить Башкортостансо, Татарстансо, Чувашиясо, Казахстансо ды ламо лия таркатнесэ.

3 ловныцясь:

А келесь, минек эрзянь келесь!

Морак морот ды сёрмадт стихть.

Сон ней гайги масторонь келес,

Эйсэнек пек верев вети.

4ловныцясь:

Ванькс сон, теке сэнь менелесь,

Лисьмапрянь чудиця ведесь,

Цитордыця зоря тештесь,

Пекшень цветстэ саезь медесь.

Тонадынек минь эсь кельсэ

Васень валонь ёвтнекшнеме:

Эйкакш шкане паро мельсэ

«Тетяй» ды «авай» мереме.

Сонзэ вельде, сонзэ марто

Рузонь келенть чарькодинек.

Секс истя сон тенек паро,

Секс истя сонзэ вечксынек.

Е. Пятаев.

1 ловныцясь:

1 Ветицясь:

Ней вал макстано школань прявтонтень. Сон ёвты тенк поздоровт те кенярксчинть кувалт ды сехте парсте эрзянь келентень бажицятненень кази «ЭРЗЯНЬ КЕЛЕНЬ ВЕЧКИЦЯНЬ ДИПЛОМТ»

2 Ветицясь:

Ней, ялгат, ушодсынек минек эрзянь концертэнть. Вал макстано сехте вишкатненень. – омбоце классонь тонавтницятненень.

2«б» класс: Раскень моронь пурнавкс:

1) «Пандо прясо од килей»

Пандо прясо од килей,

Пандо прясо од килей,

Од килей, од килей,

Пандо прясо од килей.

Килей ало од тейтерь,

Килей ало од тейтерь,

Од тейтерь, од тейтерь,

Килей ало од тейтерь.

2) «Авкай, молян мон вирев!»

Авкай, молян мон вирев.

Корьмай, молян мон вирев.

Мон вирев, мон вирев,

Авкай, молян мон вирев.

Мон вирев, мон вирев,

Корьмай, молян мон вирев.

3) «Ванине»

Вай, Ванине, Ванине,

Сатиновой палине.

Трай-ляй-люли,

Сатиновой палине.

Ваня - эрзянь цёрыне,

Моры мазый морыне

Трай-ляй-люли,

Моры мазый морыне.

4) СЕРАФИМА ЛЮЛЯКИНА

«ТИТЯ, ТИТЯ, САРАЗКЕМ!»

Титя, титя, саразкем,

Титя, тарваз коклацькем,

Титя, понав пильгинем,

Ашо, ожо, сёрмавнэм!

Титя, титя, ти-ти-ти!

Ёмась, ёмась, саразкем,

Ёмась, тарваз коклацькем,

Ёмась, понав пильгинем,

Ашо, ожо, сёрмавнэм!

Титя, титя, ти-ти-ти!

«КОСО ТОН УЛЬНИТЬ, РАУЖО БАРАН?»

Косо тон ульнить, раужо баран?

Косо тон ульнить, раужо баран?

Мельницясо, мельницясо,

Монь паро ялган!

Мельницясо, мельницясо,

Монь паро ялган!

Мезть тосо тейнить, раужо баран?

Мезть тосо тейнить, раужо баран?

Почт яжинь, почт яжинь,

Монь паро ялган!

Почт яжинь, почт яжинь,

Монь паро ялган!

Мейсэ тон яжить, раужо баран?

Мейсэ тон яжить, раужо баран?

И рогасо, и пильгесэ,

Монь паро ялган!

И рогасо, и пильгесэ,

Монь паро ялган!

Ки тонть чавинзеть, раужо баран?

Ки тонть чавинзеть, раужо баран?

- Мельникесь-бездельникесь,

Монь паро ялган!

- Мельникесь-бездельникесь,

Монь паро ялган!

Кода тон авардить, раужо баран?

Кода тон авардить, раужо баран?

- Бе-бе-бе! Ме-ме-ме!

Монь паро ялган!

- Бе-бе-бе! Ме-ме-ме!

Монь паро ялган!

2. Раськень ёвкске «ЧЕЕРНЕ»

Авторонть пельде: Эрясь-аштесь Чеерне. Мольсь Чеернесь вирев.

Юты сон тумо алга. Прась прязонзо покш сэря. Чеернесь истя тандадсь, мик оймезэяк кочкаряс прась. Сон арси: менелесь лазовсь, сонзэ пряс прась. Тусь сон чиеме, ков сельмензэ неить. Чийсь-чийсь, каршозонзо Нумоло.

Нумолось: - Тон, Чеерне, ков чият?

Чеернесь: - Ох, Нумоло, менелесь лазовсь, монь пряс прась! Тандадынь, оймемгак маштсь.

Нумолось: - Саемак моньгак мартот!

Чеернесь: - Адя.

Чиить кавонест. Каршозост Верьгиз.

Верьгизэсь: - Тон, Чеерне, ков чият?

Чеернесь: - Ох, Верьгиз, менелесь лазовсь, монь пряс прась! Тандадынь, оймемгак маштсь.

Верьгизэсь: - Саемак моньгак мартот!

Чеернесь: - Адя.

Чиить колмонест. Каршозост Овто.

Овтось: - Тон, Чеерне, ков чият?

Чеернесь: - Ох, Овто, менелесь лазовсь, монь пряс прась! Тандадынь, оймемгак маштсь.

Овтось: - Саемак моньгак мартот!

Чеернесь:- Адя.

Чиить ниленест. Каршозост Ризезь.

Ривезесь: - Тон, Чеерне, ков чият?

Чеернесь: - Ох, Ривезь, менелесь лазовсь, монь пряс прась! Тандадынь, оймемгак маштсь.

Ривезесь: - Саемак моньгак мартот!

Чеернесь: - Адя.

Чиить ветенест. Чийсть-чийсть, икелест ашти покш латко.

Сынь весе «Бух!» прасть латконтень. Кортыть, нейгак аштить те латксонть

.

3. Емельян Пятаевень стихотворения «Эрзянь кель»

Тонадынек эрзянь кельсэ

Васень валтнэнь минь ёвтнеме,

Эрьва шкане паро мельсэ

«Тетяй» ды «Авай» мереме.

Келенть вельде, келенть марто

Минь эрямонть чарькодинек,

Секс истя сон тенек паро,

Эрзянь келенть минь вечксынек.

Светлана Дмитриева

ПАРО ВАЛТ

Вадря валось «шумбрачи»,

Молицянень «паро ки»,

Удыцянень «паро он», -

Неть валтнэнь содасыть тон?

«Инеськеть» валось вадря,

Иля стувт ёвтамс «сюкпря».

Тон туемстэ ульть анок

Ёвтамс «вастомазонок»

2 «а» класс:

Морот школасо эрямодонть.

1) « СЛОВ ДОРОЖЕ В МИРЕ НЕТ» (Римма Жегалинань)

Вместе с моим другом

Я слова учу.

Знать язык эрзянский

Очень я хочу.

Припев:

АВАЙ - это мама,

ТЕТЯЙ - это папа,

ШУМБРАТ - здравствуй и привет -

Слов дороже в мире нет.

КУДОМ - это дом мой,

ЯЛГАМ - это друг мой,

ШУМБРАТ - здравствуй и привет -

Лучше слов на свете нет.

Ялган марто вейсэ

Валт мон тонавтнян,

Эрзякс паро мельсэ

Кортамо карман.

МОРОЮТКОСЬ: текесь

Дима марто вейсэ

Кель тонавттано,

Покштянь - бабань кельсэ

Минь кортатано.

МОРОЮТКОСЬ: текесь

2) « МИНЬ ТОНЬ МАРТО ЯЛГАТАНО»

Минь тонь марто ялгатано,

Ве велесэ эрятано.

Чийнетяно, налксетяно,

Эрьва мезде кортнетяно – 2

Минь тонь марто ялгатано,

Вейке вейкенек вечктяно,

Эрьва тевсэ лездатано -

Пек парсте минь эрятано - 2

Минь тонь марто ялгатано,

Вейсэ школав якатано,

Ловнотано, сёрмадтано,

Эрзянь морот морсетяно!- 2

Минь тонь марто ялгатано,

Вейке классос якатано,

«Вететь» минь получатано,

Пек парсте тонавтнетяно!- 2

2. НАЛКСЕМА «Альки-бальки» (раськень моронть коряс)

Альки-бальки скалонок,

Пандо ало вазонок.

Кавто пильгензэ ваясть.

Кодаяк а лисеви.

Мольсь бабанок таргамо.

Таргась-таргась, эзь таргавт.

- Азё, Лёша, покштянт тердик!

- Покштяй, адя вазонть таргамо!

Сась покштянок таргамо.

Таргась-таргась, эзь таргавт.

- Азё, Лёша, тетянт тердик!

- Тетяй, адя вазонть таргамо!

Сась тетянок таргамо.

Таргась-таргась, эзь таргавт.

- Азё, Лёша, авант тердик!

- Авай, адя вазонть таргамо!

Сась аванок таргамо.

Таргась-таргась, эзь таргавт.

- Азё, Лёша, патянт тердик!

- Патяй, адя вазонть таргамо!

Сась патянок таргамо.

Таргась-таргась, эзь таргавт.

- Азё, Лёша, лелянт тердик!

- Леляй, адя вазонть таргамо!

Сась лелянок таргамо.

Таргась-таргась, эзь таргавт.

-Сака, Лёша, тонсь таргамо!

Сась Алёша таргамо.

Таргась-таргась, - таргизе!

- Вай, кодамо Лёша виев!

3 класс

«ТИРИНЬ ЁНКСОМ, ТЕКЕ ЁВКСКЕ»

(морави «То берёзка, то рябина» моронть мелодиясо )

То килейне, то пизёлкске,

Лей чиресэ каль куро,

Тиринь ёнксом, теке ёвкске,

Лия арась истямо.

Вирть, лугат, паксят певтеметь,

Покш велеть, валдо менель,

Тесэ тетянь-авань морот,

Покштянь - бабань тиринь кель.

Тесэ монь кудом ды раськем,

Тесэ малавикст ялган,

Тиринь ёнксом сехте мазый,

Сондензэ морот моран.

То берёзка, то рябина,

Куст ракиты над рекой.

Край родной, навек любимый,

Где найдёшь ещё такой.

НИКОЛАЙ ЗИНОВЬЕВ

Чись мизолды, сэнь менелесь,

Течи пачкодинь мон велес.

Ульцясонть эрямонь гайть,

Тонеть ошсто сынь, авай!

Кенкшенть панжия мон келес,

Путынь цецят авань элес.

АЛЕКСАНДР КАДОРКИН

ЧАЧИ МАСТОР.

Улить валт. Вай, кодат улить валт!

Родина. Отчизна. Чачи мастор.

Тинге лангсо эли праздник шкасто.

Шумбрачисэ эли покш ормасо.

Эрьва чистэ – тельня эли кизна…

Чачи мастор. Родина. Отчизна.

Неть валтнэнь седейсэнь кандтнян свал.

4 класс.

ДИГАЛЯ

(раськень моро)

Кодамо моро минь моратано?

Кодамо вайгель минь таргатано?

Эрзянь Дигалянь минь моравтсынек,

Эрзянь од алянть минь славасынек.

МОРОЮТКОСЬ:

Вай, Дигаля, Дигаля,

Эрзянь цёра од аля, эй, эй!

Мастор лангонь мазычи,

Ломань ютконь парочи, эй, эй!

Эрзянь масторсо Дигаль чачокшнось.

Пиже паксясо Дигаль касокшнось.

Сонзэ модавась виевгавтызе,

Тундонь мазый чись мазылгавтызе.

МОРОЮТКОСЬ: текесь.

МЕЛЬЦЕКС морамс весе вейсэ эрзянь раськень моронть «ВИРЕВ МОЛЯН»

Вирев молян, вирев молян.

Чувто керян, чувто керян,

Сока теян.

Сока теян, сока теян,

Пакся сокан, пакся сокан,

Кансть мон видян.

Кансть мон видян, кансть мон видян,

Коцтке кодан,

Панар викшнян.

Панар викшнян, панар викшнян,

Кужов лисян, кужов лисян,

Эрзят тердян.

Садо, эрзят, садо, эрзят,

Садо, ялгат, вейсэнь моро

Моратано.

Вейсэнь моро, вейсэнь моро

Моратано.

Вейсэ, эрзят, мазыйтяно.

Вейсэ, эрзят, вейсэ, эрзят,

Мазыйтяно,

Вейсэ, эрзят, виевтяно!