Ларингоспазм

Ларингоспазм – айқын спазмофилияның түрі. Ерте жастағы балаларда дамиды. Ауру ағзада кальцийдің мөлшерінің төмендеуі себебінен құрысуға бейімділікпен және жоғарғы жүйке – бұлшық ет қозғыштықпен сипатталады.

Ларингоспазм – дыбыс желбезегінің тарылуы. Көбіне жылау, айғайлау, баланың қорқуы кезінде дамиды. Шулы және сырылдаған тыныс алумен және дем алысының бірнеше секундқа тоқталуымен анықталады. Бұл кезде бала бозарады, одан әрі цианоз және қысқа мерзімді есін жоғалту пайда болады, ұстама терең-шулы «әтеш айқайы» тәріздес тыныс алумен аяқталады. Ұстамадан кейін бала ұйқыға кетеді.

Жедел көмек алгоритмі:

1. Баланы тегіс жерге басын жоғары көтеріп жатқызу немесе отырғызу немесе қолға алу.

2. Қысып тұрған тар киімін босату.

3. Таза ауаның болуын қамьамасыз ету.

4. Тыныштық жағдай жасау.

5. Балаға суық су шашу, жамбастан шапалақтау, шпательмен тілдің түбін басу, мақтамен төменгі мұрын жолдарын тітіркендіру, мұрнына үрлеу.

6. Бұлшық етке реланиум (0,1мл/жасына) енгізу.

7. Міндетті түрде көк тамырға 10% кальций глюконат енгізу (1,0 мл/жасына).

8. Шара тиімсіз болса – трахеяның инкубациясы.

9. Жүрек тоқтаған жағдайда – жүрекке тікелей емес массаж.

10. Тыныс алуы қалпына келгенде – оттегі беру.

Мұрыннан қан кету

Жедел көмек алгоритмі:

1. Баланы басын төмен қарай түсіріп отырғызу..

2. Қысып тұрған тар киімін босату.

3. Таза ауаның болуын қамьамасыз ету.

4. Тыныштық жағдай жасау.

5. Қан ағып жатқан жақтың мұрын қанатын мұрын қырына басып ұстау.

6. Кеңірсек маңына, желке тұсына мұзды мұйық, аяқтарына жылытқыш қою.

7. Қан кетіп жатқан мұрын қуысына тампон қою: 3% су асқын тотығымен, немесе суық сумен (тұзды ерітінді, ерте жастағы балаларда ана сүтімен); мұрын қабырғасына орамалға оралған мұз кесектерін қою.

8. Бұлшық етке енгізу: - витамин К – жасына сәйкес дозада; - 10%Са глюконат – 1 мл жасына.

9. Шара тиімсіз болған жағдайда артқы тампонада жасау қажет.

10. Қан кетудің себебін анықтау және жою.

Метеоризм

Метеоризм – ішекте жиналған газдардың себебінен іштің кебуі.

Жедел көмек алгоритмі:

1. Баланы арқасына жатқызып денесінің төменгі бөлігін киімнен босату.

2. Таза ауаның болуын қамтамасыз ету.

3. Сағат тілінің бағытымен баланың ішін жайлап сипалау.

4. Шара тиімсіз болған жағдайда – жел шығарғыш түтікше қою.

5. Шара тиімсіз болған жағдайда келесі препараттарды енгізу (әр келесі енгізілетін препарат алдында енгізілген препарат тиімсіз болғанда енгізіледі): а)карболен per os (белсендірілген көмір) немесе смекта – 1мг/кг (1мл =5мг) б)бұлшық етке – церукал немесе прозерин – 0,1 мл/жасына.

6. Газдың пайда болуына ықпал ететін тағамдарды алып тастау – сүт, қара нан, көкөністер, газдалған сусындар және т.б.