Нәжісті бактериологиялық зерттеуге жинау алгоритмі

Көрсеткіші: жедел асқазан-ішек жолдарының ауруларымен ауырған балалардың тоқ ішегіндегі патогенді және шартты патогенді микроорганизмдердің сипатын анықтау және одан әрі тиімді ем тағайындау..

Керекті құралдар:

• Таза құрғақ қақпағы бар шыны ыдыс

• Таза ағаш шпатель

• Консервантты және сым ілгегі бар стерильді пробирка

• Резеңке қолғап

• Горшок (таза, қайнаған сумен шайылған)

  1. Анасына (туыстарына) шараның мақсаты мен өткізу ретін түсіндіру.

  2. Керекті құралдарды дайындау.

  3. Қолды гигиеналық әдіспен өңдеу, құрғату, стерильді резеңке қолғап және алжапқыш кию.

  4. Нәжісті таза шайылған горшокқа тек зерттеудің алдында ғана жинап алу.

  5. Жаңа бөлінген нәжісті таза стерильді шпательмен (2-3гр) соңғы порцияның бірнеше жерінен жинау. Жинау барысында шырыш, іріңді, фибринді жабындыларды алуға тырысу қажет, бірақ қан араласқан бөліктері жиналмайды. Таза шыны ыдысқа салу (шпательді дезерітіндіге салу).

  6. Жолдама толтырып материалды 1 сағ көлемінде зертханаға жеткізу.

  7. Горшокты материал алғаннан кейін дезерітіндіге салу, одан кейін ағынды сумен шаю.

  8. Қолғапты шешу, арнайы қорапқа салу.

  9. Қолды жуу, кептіру.

Ескерту! Нәжісті жаңа бөлінген болуы керек.

Ерте жастағы балалардың зәрін анализге жинау алгоритмі

Көрсеткіші: зәр жолдарының инфекциясы, пиелонефрит, гломерулонефрит, дисметаболикалық нефропатия.

Керекті құралдар:

• резеңке қолғап

• жөргекпен оралған резеңке круг

• сүлгі

• қыз балаға - тәрелке, ұл балаға – пробирка (ерте жастағы балаларға)

• клеенка

• құрғақ таза банка

• жолдама.

  1. Анасына (туыстарына) шараның мақсаты мен өткізу ретін түсіндіру.

  2. Керекті құралдарды дайындау.

  3. Клиникалық зертханаға жолдама жазу.

  4. Қолды гигиеналық әдіспен өңдеу, құрғату, резеңке қолғап кию.

  5. Зәрді жинар алдында баланың жыныс жолдарын міндетті түрде тазалау.

  6. Жалпы клиникалық анализ үшін таңертеңгі алғашқы зәрді таза құрғақ шыны ыдысқа жинайды (алғашқы және соңғы тамшыларын жинамайды).

  7. Зәр жиналған ыдыстың сыртына баланың аты-жөні және тексеріс түрі жазылған қағаз жапсырылады.

  8. 1 жасқа дейінгі қыз баланы тесігінің астына ыдыс қойылған және жөргекпен оралған резеңке кругтың үстіне жатқызады.

  9. Баланың кругтың үстінен жылжып кетпеуін қадағалау қажет.

  10. Жиналған зәрді таза ыдысқа құйып зертханаға жіберу.

  11. Ұл баланың жыеыс мүшесін шеті теріге жабысқақ жолақпен бекітілген пробиркаға салу.

  12. Баланың аяқтарын жөргектеу.

  13. Жиналған зәрді таза ыдысқа құйып зертханаға жіберу.

  14. Жиналған зәр 1 сағаттың көлемінде міндетті түрде зертханаға жеткізілуі тиіс.

  15. Қолғапты шешу, арнайы қорапқа салу. Қолды жуу және құрғату.

Зәрді Нечипоренко әдісі бойынша жинау алгоритмі

Көрсеткіші: зәрдегі түрлі элементтердің құрамын анықтау (анализ қорытындысы бойынша бүйректе патологиялық процестің барлығы немесе жоқтығы анықталады).

Керекті құралдар:

• Құрғақ таза банка

• Жолдама

  1. Анасына (туыстарына) шараның мақсаты мен өткізу ретін түсіндіру.

  2. Керекті құралдарды дайындау.

  3. Клиникалық зертханаға жолдама жазу.

  4. Қолды гигиеналық әдіспен өңдеу, құрғату, резеңке қолғап кию.

  5. Зәрді жинар алдында баланың жыныс жолдарын міндетті түрде тазалау.

  6. Зәрдің ортаңғы порциясынан 5-10мл таза құрғақ шыны ыдысқа жинау. Қалған зәрді төгіп тастау.

  7. Жолдаманы толтырып, зәрді зертханаға жіберу.

  8. Қолғапты шешу, арнайы қорапқа салу. Алжапқышты шешу.

  9. Қолды жуу және құрғату.

Ескерту!

1. Зәр жаңа бөлінген болу қажет.

2. Сау адамда: лейкоциттер – 2х10* 6/л, эритроциттер – 1х10*6/л.

3. Пиелонефрит кезінде көбіне лейкоциттердің мөлшері артады.

4. Жедел және созылмалы гломерулонефритте – көбіне эритроциттер мен цилиндрлердің мөлшері артады.