3. Жүктіліктің мерзімін анықтау.

Мақсаты- диагностикалық

1. соңғы етеккірі бойынша;

2. овуляция бойынша;

3. әйелдер консультациясына бірінші келуі бойынша;

4. нәрестенің бірінші қимылының күні бойынша;

5. босанғанға дейін берілетін демалыс күні бойынша;

6. УДЗ мәліметі бойынша.

Көрсетулері- босандыру мекемесіне жүкті әйелдің әрбір келуі кезінде, бірінші рет келуі кезінде, сонымен қатар жүктіліктің мерзімін УДЗ бойынша анықтау үшін.

Қарсы көрсетулері - жоқ.

Мүмкін болатын асқынулары - жоқ.

Керекті-құралдар: – үстел, орындықтар, күнтізбек, акушерлік сызғыш, УДЗ- аппараты, тақтай төсек (кушетка), жеке жаялықтар, гель-крем, сабын, орамал.

Іс-әрекет алгоритмі:

1. Өзіңізді таныстырыңыз, жүктіліктің мерзімін анықтаудың маңызын әйелге түсіндіріңіз және оның ризашылығын алыңыз.

2. Жүктіліктің мерзімін соңғы етеккірдің күні бойынша анықтау үшін, жүкті әйелден соңғы етеккір күнін анықтаңыз:

• осы күнге 7 күн қосып және одан 3 айды алып тастап, сіз қазіргі сәттегі жүктіліктің мерзімін аласыз (Негель қағидасы).

3. Жүктіліктің мерзімін овуляция бойынша анықтау үшін:

• белгілі ұрық байлау күніне 266 күнді қосу;

• сонымен қатар, шартты түрде ұрық байлау күнін базалды температураның көтерілуі бойынша анықтауға болады;

• сонымен қатар, экстракорпоралды ұрықтандыру күні бойынша;

• сонымен қатар, қолдан ұрықтандыру күні бойынша;

• сонымен қатар, овуляцияны ультрадыбысты мониторинг мәліметтері бойынша.

4. Жүктіліктің мерзімін әйелдер консультациясына бірінші рет келуі бойынша анықтау үшін:

• жүкті әйелден бірінші рет әйелдер консультациясына келген кездегі жүктіліктің мерзімін анықтаңыз;

• 12 аптаға дейін ерте келуі кезінде бұл мерзім сенімді, сондықтан қазіргі сәтте жүктіліктің мерзімін осыған қарап есептеп шығарады.

5. Жүктіліктің мерзімін нәрестенің бірінші қимылы бойынша анықтау үшін:

• жүкті әйелден нәрестенің бірінші қимылының күнін анықтаңыз;

• бірінші босанатын әйелдерде бұл 20 апта;

• қайта босанатын әйелдерде бұл 18 апта;

• нәрестенің бірінші қимылының күнінен бастап қазіргі сәтке дейін жүктіліктің мерзімін есептеп шығарады.

6. Жүктіліктің мерзімін босанғанға дейін берілетін демалыс күні бойынша анықтау үшін:

• жүкті әйелден босанғанға дейін берілетін демалыс күнін анықтаңыз;

• босанғанға дейінгі демалыс жүктіліктің 30 аптасынан бастап басталады;

• босанғанға дейінгі демалыстың берілген күнінен бастап қазіргі сәтке дейін жүктіліктің мерзімін есептеп шығарады.

7. Жүктіліктің мерзімін УДЗ мәліметі бойынша анықтау үшін:

• жүкті әйелді УДЗ-ге жіберіңіз;

• трансабдоминалды сканирлеу кезінде жүктіліктің барын 4-5 аптадан бастап анықтауға болады;

• трансқынаптық эхография кезінде-1-1,5 апта ерте анықтауға болады;

• жүктіліктің бірінші үш айлығында жүктіліктің мерзімінің ең дәл көрсеткіші құйымшақ-төбе өлшемі (ҚТӨ) болып саналады;

• нәрестенің фетометриясы кезінде нәрестенің бипариеталды өлшемін, бастың шеңберін, іштің шеңберін және сан сүйегінің ұзындығын анықтайды.

Ескерту. Жүктіліктің мерзімін анықтау әйелдер консультациясында, акушерлік стационардың қабылдау-қарау бөлімшесінде (фильтрде),перзентхананың жүктілер патологиясы бөлімшесінде, сонымен қатар адамның ұрпақ өрбіту қалалық орталығында.

Құжаттандыру:

1.Қазақстан Республикасының Кодексі 18 қыркүйек 2009ж.

2.Қазақстан Республикасының Денсаулық сақтау Министрлігінің 23 сәуір 2013ж. №111 бұйрығы.

3.Қазақстан Республикасының Денсаулық сақтау Министрлігінің 24.02.2015ж. №127 бұйрығы.

4. Қазақстан Республикасының Денсаулық сақтау Министрлігінің 28.02.2015ж. №176 бұйрығы.