15. Лӱмын мураш толынна да,

Лӱмын шӱшкаш толынна.

Тиде иза ден еҥганажым

Лӱмынак ужаш пуренна.

Йӱшашымат йӱынна да,

Кочшашымат кочкылденна.

Ужар лыве гай лывыргенна да

Лектын кайышашымат монденна.

Ӱярня пайремет эрталешат,

Идалык эрталмеш огеш тол.

Ынде каялал колтена да

Идалык марте огына тол.

Специально попеть мы пришли,

Специально посвистеть мы пришли.

Наших брата с невесткой

Специально увидеть мы зашли.

Что было выпить, мы выпили,

Что было поесть, поели.

Словно зелёные бабочки, мы расслабились,

Забыли даже, что надо уходить.

Праздник Масленицы пройдёт,

Придёт только через год.

Теперь мы уходим,

Придём через год.

16*. Ӱярня толеш мунчалташ да,

Кугече толеш лӱҥгалташ.

Семык толеш таҥ кучаш да,

Петро толеш ойырлаш.

Масленица приходит с гор кататься,

Пасха приходит на качелях качаться.

Семик приходит, чтобы заводить знакомства,

Петров день приходит расставаться.

КУГЕЧЕ МУРО-ВЛАК. ПАСХАЛЬНЫЕ ПЕСНИ.

Лӱҥгалтыш дене лӱҥгалтыме годым самырык еҥ-влак муреныт. Пела молодёжь, качаясь на качелях.

17. Ӱстембал шовычет мо пеш ошо,

Пачаш кӱляш ден ышталме мо?

Тендан кумылда мо пеш весела,

Кугече кечеш шочында мо?

Скатерть твоя отчего такая белая,

Неужто из посконной кудели сшита?

Настроение ваше отчего такое весёлое,

Неужто родились в день Пасхи?

18. Иктыт, коктыт - латкоктыт,

Гармонь йылмет латкоктыт.

Кугече гочын, Семык гочын

Мемнан таҥна латкоктыт.

Раз, два - двенадцать,

У гармони язычков двенадцать.

От Пасхи до Семика

У нас приятелей двенадцать.

19*. Муралталаш толынна,

Шӱшкалталаш толынна.

Таче кече Кугече,

Пайрем ышташ толынна.

Таче кече мардежан,

Эре мардеж огеш лий.

Таче кече Кугече,

Эре Кугече огеш лий.

Йолташ-шамыч, чыладамат

Кугече ден саламлена.

Таза лийже кап-кылда,

Кужу лийже ӱмырда.

Пырля-пырля мурена,

Пырля-пырля куштена.

Мурена да куштена,

Чевер муным кочкына.

Пришли мы попеть,

Пришли мы посвистеть.

Сегодня день - Великий день,

Пришли мы праздновать.

Сегодня день ветреный,

Всегда ветер не бывает.

Сегодня день - Великий день,

Всегда Великий день не бывает.

Друзья, всех вас

Поздравляем с Великим днем,

Пусть тело ваше будет здоровым,

Жизнь ваша пусть будет долгой.

Все вместе мы поём,

Все вместе мы пляшем.

Поём мы и пляшем,

Едим крашеные яйца.

АГАВАЙРЕМ МУРО. ПЕСНЯ ПРАЗДНИКА ПАШНИ.

20. Мемнан пайремна шуылден,

Меже пайремым ыштена.

Лай мардежше пуалын,

Мемнан мурым наҥгая.

Вот и настал наш праздничек,

Все мы его отмечаем.

Дуновением лёгкого ветерка

Вьётся наша песенка.

СЕМЫК ПАЙРЕМ МУРО-ВЛАК. СЕМИЦКИЕ ПРАЗДНИКИ.

21*. Олмам кочкат - ондалалтат,

Олма шумо пагытыште.

Таҥым кучет - ондалалтат,

Семык кӱчык жапыште.

Эх, йолташем, шарнет уке

Кеҥеж умыр касетым?

Кеҥеж умыр касетым да

Ом кудалте манметым?

Тиде тура курыкшым да

Кӱзен ом шу дыр, шонем.

Эх, йолташем, йорга улат,

Келшен ом шу дыр, шонем.

Шуко мураш ок йӧрӧ да,

Шуко шӱшкаш ок йӧрӧ.

Шуко мурен, шуко шӱшкен,

Йолташетлан от йӧрӧ.

Ош шовычым пидынам да,

Рудымемак огеш шу.

Тендан деке толынам да,

Кайымемак огеш шу.

Яблоко съешь - обманешься

В пору созревания яблок.

Заведёшь знакомство - обманешься

В короткий семицкий период.

Эх, дружок, помнишь ли

Тот тихий летний вечер?

Тихий летний вечерок,

Когда сказал, что не бросишь?

На эту крутую гору,

Думаю, не успею взобраться.

Эх, дружок, ты легкомысленный,

Думаю, недолгой будет наша дружба.

Много петь не годится,

Много свистеть не годится.

Много поёшь, много свистишь -

Другу своему не сгодишься.

Повязала я белый платок

И неохота его развязывать.

К вам в гости я пришла

И не хочу уходить.

22. Саска поген олталалтат

Кеҥеж кужу кечыште.

Йолташ кучен олталалтат

Семык кӱчык йӱдыштӧ.

Собирая ягоды, обманешься

Длинным летним днём.

Заводя знакомство, обманешься

Короткой семицкой ночью.

23*. Пулдырчым колтышым пудырго погаш,

Вӱтельым колтышым вӱд нумалаш.

Шӱрашемат томам, шинчалемат томам,

Айда, кочса-йӱза, родем-шамыч.

Ончалза вуйышкем, ончалза вуйышкем,

Могай гына пеледышан шовычым пидынам.

Ончалза тӧрышкем, ончалза тӧрышкем,

Могай гына родем-шамыч толын улыт.

Йӧратыме пазарем - Параньга пазар,

Йӧратыме сатуэм - порсын тасма.

Йӧратыме пайремем - Семык пайрем,

Йӧратыме уна-шамыч толын улыт.

Перепёлку отправила хворост собирать,

Кулика отправила воду носить.

И крупа посредственна, и соль более-менее,

Ешьте-пейте, родственники мои.

Поглядите на меня, посмотрите на мою голову, -

Какой разноцветный платок я повязала.

Посмотрите на стол, посмотрите на сидящих за столом,

Какие родственники здесь собрались.

Любимый мой базар - параньгинский базар,

Любимый мой товар - шёлковая лента.

Любимый мой праздник - Семик,

Любимые мои гости здесь собрались.

24. Эрла Семык манме годым

Ший самбарым мушкыч мо?

Шинчат шеме, ӱпет саре,

Арня водын шочыч мо?

Говоря, что завтра Семик,

Вычистила ли ты серебряный самовар?

Глаза твои карие, волосы русые,

Родилась, что ли, накануне Семика?

25. Таче мемнан пайремна,

Мурен-лӱҥген коштына.

Пайрем пыта, муро пыта,

Вуйнам сакен коштына.

Паша годым пашам ыштена,

Мужыр йыдал пытымешке.

Пайрем годым пайремым ыштена,

Яндар йӱкна йоммешке.

Тошкалтыш мучаш лавыражым

Оҥам пыштен вончаш шотна уке.

Йӱынат темынна, кочкынат темынна,

Пайрем эртыдегеч каяш шотна уке.

Сегодня наше празднество,

Ходим под песни, покачиваясь.

Праздник завершится, песни прекратятся,

Будем ходить, голову повесив.

В страдную пору работаем без устали,

Пока не износятся лапти.

В дни праздника мы его отмечаем,

Пока не охрипнут наши звонкие голоса.

Грязь перед крыльцом

Перейти, положив доску, мы не сообразили.

И напились вдоволь, и наелись мы,

Возвратиться домой до окончания праздника не сообразили.

26. Тага пызетым кондем, шонышым,

Пасужо кугу да, кучен шым керт.

Комбо пызетым кондем, шонышым,

Олыкшо кугу да, кучен шым керт.

Лудо пызетым кондем, шонышым,

Серже тура да, кучен шым керт.

Кумло куд пыстылан агытаным конденам,

Изи гынат, кугешак ужылдалза.

Думала, принесу мясо барана,

Поле-то большое, не смогла его поймать.

Думала, принесу мясо гуся,

Луг-то большой, не смогла его поймать.

Думала, принесу мясо утки,

Берег-то крут, не смогла ее поймать.

Принесла петуха с тридцатью шестью перьями,

Хоть и не велик, считайте за большого.

27*. Идалыклан ик гана май тылзеш

Семык пайрем толдалеш.

Кадыр йолжым кадыртен, тумна шинчам пашкартен,

Йолташемын йолташыже йӱаш толеш.

Раз в год в мае-месяце

Наступает праздник Семик.

Скривив свои кривые ноги, вытаращив совиные глаза,

Друг моей подруги выпить приходит.

ПЕТРО МУРО. ПЕСНЯ ПЕТРОВА ДНЯ.

28*. Ой, куэрет, куэрет!

Куэр воктен йӱр вита.

Ой, пистерет, пистерет!

Пистер воктен лум вита.

Ой, тумерет, тумерет!

Тумер воктен тул коеш.

Ой, родыжат-шамычшат,

Тендан воктен чон нӧлтеш!

Ой, березняк, березняк!

Под березняком дождь просачивается.

Ой, липняк, липняк!

Под липняком снег просачивается.

Ой, дубняк, дубняк!

Близ дубняка огонь пылает.

Ой, родственники мои,

Рядом с вами дух подымается!

СӰРЕМ МУРО-ВЛАК. ПЕСНИ ПРАЗДНИКА СӰРЕМ

29*. Кӱкшакан-кӱкшакан курык валныже

Сар алаша шогалеш.

Тудо сар алаша ӱмбалныже

Порсын портыш киялеш.

Порсын портыш ӱмбалныже

Ший ӧртньӧр киялеш.

Ший ӧртньӧр ӱмбалныже

Саска сортат йӱлалеш.

На высокой-высокой горе

Стоит буланый мерин.

На том буланом мерине

Лежит шёлковое покрывало.

На шёлковом покрывале

Лежит шёлковое седло.

На шёлковом седле

Горит восковая свеча.

30*. Шия-шия ший оҥгырет

Алаша шӱм-мокшым йылкындара.

Кум ийлан толшо Сӱрем пайремже

Мемнан шӱм-мокшым йылкындара.

Серебряный колокольчик

Ласкает, волнуя, сердце мерина.

Наступающий раз в три года праздник Сюрем

Ласкает, волнуя, наши сердца.

31*. Кече, кече манмет дене

Чевер кечыжлан мо шуэш?

Тылзе, тылзе манмет дене

У тылзыжлан мо шуэш?

Шӱдыр, шӱдыр манмет дене

Чолга шӱдыржылан мо шуэш?

Пайрем, пайрем манмет дене

Сӱрем пайремлан мо шуэш?

Величая - солнышко, солнышко,

Что может сравниться с ясным солнышком?

Величая - луна, луна,

Что может сравниться с новой луной?

Величая - звёзды, звёзды,

С чем можно сравнить Полярную звезду?

Восхваляя наши праздники,

С чем можно сравнить праздник Сюрем?

32*. Озаҥ гыч кондымо ший шыркамам

Кум(ий) ияш алашаэм йылкындара.

Кум ийлан пӧрык толшо Сӱрем пайремна

Мемнан шӱм-мокшнам йылкындара.

Привезённая из Казани серебряная шыркама

Волнует моего трёхлетнего мерина.

Наступивший раз в три года праздник Сюрем

Волнует наши души-сердца.

33. Куку муренат ышна тол,

Шӱшпык шӱшкен улын ышна тол.

Сай увер да сай шоктышат,

Садлан верчын муралталам.

Сай кумылет ден толдалынатат,

Садлан верчын муралталам.

Олмам налына вондыж гычын

Олма кӱмӧ пагытыште.

Солык мучашем пурлын шортым

Йӧсланыме пагытыштем.

И кукушка пела - мы не пришли,

И соловей свистел - мы не пришли.

Услышав ваши вести-приглашения,

От радости я запела.

Пришёл ты в хорошем настроении,

Поэтому я и начала петь.

Яблоки с веток мы срываем

В пору их созревания.

Прикусив уголок полотенца, я плакала

В пору душевных страданий.

ПОКРО МУРО. ПОКРОВСКАЯ ПЕСНЯ

34. Орен-орен Орина,

Марен-марен Марина.

Телет-кеҥежет покрӱшка.

Покро годым маньычат,

Тачат-эрлат уке улмаш.

Арин-арин Арина,

Марин-марин Марина.

Между летом и зимой Покров.

К Покрову дню обещание ты дал,

Но ожидания мои оказались напрасными.

ӰДЫРСИЙ, ӰДЫРЙӰЫШ ПАЙРЕМ МУРО-ВЛАК.

ПЕСНИ ПРАЗДНИКА ДЕВИЧИЙ ПИР

35. - Мотор ӱдыр, куш ошкылат?

- Умыла погаш ошкылам.

- Умылаже молан кӱлеш?

- Тамле пурам шолталаш.

Кудыр ӱпан качемым шуналаш.

- Девушка-красавица, куда идёшь?

- Иду хмель собирать.

- Хмель-то для чего нужен?

- Варить вкусное пиво,

Потчевать своего кудрявого жениха.

36*. Кеҥеж кечет - умыр кечет,

Лыжга лышташым тарвата.

Ой, ӱдыр-шамыч, рвезе-шамыч,

Ынде тӱҥалына - тарваныза!

Арня годым пӧртым кычална,

Арня годым пурам шолтышна.

Эк, изаем-еҥгаем да,

Мемнан кумылнам коден одал.

Летнее солнце - тёплое солнце,

Нежно прикасается к листочкам.

Ах, девушки-парни,

Будем начинать - приготовьтесь!

Неделю дом искали мы,

Неделю пиво варили.

Эх, брат-невестка,

Вы нас не обидели.

37. Тумо кувылешет пуражым шындышна,

Пурса отызашет пуражым йоктарышна,

Шымавучешет пуратым шуктышна,

Ший алдырет ден пуражым овартышна.

Пураже лийылден мӱй гае,

Шонжо лийылден кӱпчык гае.

Изай-шамыч, еҥгай-шамыч,

Пура йӱлдалаш толдалза!

В плюске жёлудя пиво поставили,

Стручком гороха пиво переливали,

В дягиле то пиво квасили,

В серебряном ковше пиво взбивали.

То пиво получилось, словно мёд,

Пена его поднялась, словно подушка.

Братья, невестки,

Приходите отведать пиво!

38. Пӧртет йодаш кайышна да,

Колхоз амбареш погынеда, маневе.

Полтет йодаш кайышна да,

Корем ошма дене шолтыза, маневе.

Кӧршӧк йодаш кайышна да,

Тумо кувылешат шындеда, маневе.

Волым йодаш кайышна да,

Пурса лодакеш йоктареда, маневе.

Бочко йодаш кайышна да,

Шымавучеш шуктеда, маневе.

Шымавучешат шуктен она ул,

Тумо кувылешат шынден она ул,

Корем ошма дене шолтен она ул,

Колхоз амбар почын она ул.

Изанат сай пуалын,

Еҥганат сай пуалын.

Иван Васильевич оградешыже

Артанак пелак лумет возын,

Шитак пелак чинчет возын.

Лумжо куалаш толын улына,

Чинчыже погаш толын улына.

Кумылжым сайын савырен улына,

Погыналтен, ӱдырйӱышым ыштен улына.

Разрешенийым йодына

Гармонистлан тӱжем кок шӱдаш гармошкетым шокталташ,

Кандаш шӱдаш бубеным бубенистлан пералташ.

Пошли мы избу просить,

В колхозном амбаре соберётесь, сказали.

Пошли мы просить солод,

Варите из речного песка, сказали.

Пошли мы просить горшок,

В плюске жёлудя поставите, сказали.

Пошли корыто просить,

В стручке гороха разольете, сказали.

Пошли мы просить бочку,

В дягиле заквасите, сказали.

В дягиле пиво мы не квасили,

В плюске жёлудя в печь не поставили,

Из речного песка его не варили мы,

Колхозного амбара не открывали.

И брат наш дал добро,

И невестка наша дала добро.

У ограды Ивана Васильевича

Снега навалило с полторы поленницы,

Полторы пяди блёсток легло.

Снег сгребать мы пришли,

Собирать блёстки мы пришли.

Хорошо его (хозяина дома) к себе расположили,

Собравшись, устроили мы Девичий пир.

Теперь же просим разрешения

Поиграть гармонисту на гармошке, купленной за тысячу двести рублей,

В бубен за восемьсот рублей бубнисту постучать.