Қыздардың есімі
Э. Фарджен
Қыздардың көп есімі –
Әсемдіктің бесігі:
Әсем десе- Әсем ғой,
Балдай тәтті - Әсел ғой.
Көркем десе – Көркем ғой,
Еркелеген – Еркем ғой.
Күлімдесе- Күнім ғой,
Көзі тартқан – Гүлім ғой.
Сәнім десе – Сәнім ғой,
Ханым десе- ханым ғой.
Арай десе – Арай ғой,
Қыздарға сен қарай ғой.
Ұлдардың есімі
Э. Фарджен
Ал ұлдардың есімі –
Қайсарлықтың белгісі:
Қайсар десе – Қайсар ол,
Айбар десе – Айбар ол.
Айдар десе – Айдар ол,
Жайдары болса – Жайдар ол.
Ұшқыр болса – Қанат ол,
Мықты болса – Болат ол.
Көкке самғар – Қыран ол,
Елін қорғар – Ұлан ол.
Жанға тұрар жақын боп,
Ұлдардың да аты көп.
Тыныштық сәті
- Балалар, денелеріңді түзу ұстап, бастарыңды жоғары
көтеріп, ыңғайланып отырыңдар. Көздеріңді жұмсаңдар да
болады. Ауаны терең жұтып, еркін тыныс алыңдар. Өзде-
ріңңің тыныс алуларынды бақылап, бақытқа, махаббат пен
тыныштыққа толы таза, шипалы ауаның тұла бойларыңа
толғанын сезініңдер. Ал енді көздеріңді ашсаңдар да бо-
лады.
Ойын «Мадақтау»
Балалар төмендегідей жұптасып тұрады:
үлкен мен кіші
ата мен бала.
әже мен бала.
ана мен бала.
әке мен бала.
іні мен қарындас, т.б. болып бір-бірінің көздеріне қарап,
бір-бірін мадақтап, жылы сөздер айтады.
Сергіту сәті
Өлең мазмұнына сәйкес қимылдар жасайды.
Орнымыздан тұрамыз,
Қолды белге қоямыз.
Бұрыламыз оңға бір,
Бұрыламыз солға бір.
Біздер тату баламыз,
Гүл-гүл жайнап жанамыз.
Дәптермен жұмыс
Суреттегі жұлдызшаларға үлкендердің көмегімен өз
есімдеріңді жазыңдар.
Дәйексөз
«Жұлдызың жоғары болсын»! деген нақыл сөзді тәрбиеші
бүгінгі сабақтың дәйексөзі ретінде түсіндіреді.
Жүректен жүрекке
Тәрбиеші балаларды шеңберге жинайды.
Балалар бір-біріне есімдерін айта отырып, жақсы тілек-
терін білдіреді.
Ардақ, саған бақыт тілеймін.
Ақтолқын, саған денсаулық тілеймін.
Қарлығаш! Саған ұзақ бақытты ғұмыр тілеймін!
Шарапат, саған мол табыс тілеймін.
Дана, саған қуаныш тілеймін.
Тоғжан, саған достық тілеймін.
5-сабақ
МЕНІҢ ТУҒАН КҮНІМ
Қуаныш көңілді сергітеді.
Нақыл сөз
Мақсаты: Жақсылық, қуаныш ұғымдары туралы түсінік беру.
Міндеттері:
туған күн қуанышы туралы түсінік беру;
өзара сыйластық, сүйіспеншілік сезімдерін дамыту;
сүйіспеншілікке тәрбиелеу.
Көрнекі құралдар: дәптер, үнтаспа, ойынға қажетті құралдар.
Шаттық шеңбері
Балалар шеңбер құрып, тәрбиешімен бірге мына өлең
жолдарын қайталайды.
Қуан, шаттан, алақай,
Қуанатын күн келді.
Қайырлы таң! Қайырлы күн!
Күліп шықты күн бүгін!
Әңгімелесу
Сен үшін өз отбасыңда қай күн ең қуанышты күн?
Балалардың жауаптары.
- Балалар, бүгін біз «туған күн» мерекесі жайлы әңгімелесеміз. Туған күн - әр адамның өміріндегі ең жақсы,
ең маңызды мерекелердің бірі. Адам дүниеге келгенде айналадағының бәрі қуанады. Туған күнде жылы лебіздер
мен жақсы тілектер айтылады.
Сондай жақсы тілектерді бір-бірлеріңе айтыңдаршы.
Туған күніңмен!
Саған мықты денсаулық тілеймін, т.с.с.
Балалардың жауаптары тыңдалады, тәрбиеші балаларға тө-
мендегі өлеңді мәнерлеп оқып береді.
Үй іші түгел көңілді,
Шат күлкілер төгілді.
Қуаныштың себебін
Айта алады, қане, кім?
Дастархан толы дәмді астар,
Тегін емес думанды үн.
Жиналды барлық шын достар,
Өйіткені бізде туған күн!