міжмоўныя амонiмы, цi ілжывыя сябры перакладчыка (правільнасць маўлення)

растлумачце адрозненні ў значэнні наступных беларускіх і рускіх слоў:

Наступныя словы — міжмоўныя амонiмы, цi ілжывыя сябры перакладчыка.

безадказны - які не нясе адказнасці ні перад кім

безотказный – безадмоўны - які не мае перашкод у рабоце; спраўны

бескарысны - які не прыносіць карысці; дарэмны

бескорыстный – бескарыслівы - які зроблены без жадання атрымаць асабістую карысць

дыван - тканы, звычайна варсісты ўзорчаты выраб для ўпрыгожвання сцен, высцілання падлогі

диван – канапа - прадмет мяккай мэблі для сядзення і ляжання, са спінкай і падлакотнікамі

склон - граматычная катэгорыя іменных часцін мовы, у якой выражаюцца семантыка-сінтаксічныя адносіны паміж словамі; форма іменнай часціны мовы

склон – схіл - нахіленая паверхня чаго-н.; пакаты спуск

бяспечны - якому не пагражае небяспека, надзейна ахаваны

беспечный – бестурботны - які з лёгкасцю адносіцца да жыццёвых спраў і турбот; бесклапотны

краска – (размоўнае) тое, што і кветка

краска – фарба - рэчыва, што надае той ці іншы колер прадметам, якія яно пакрывае або пасылае

нядзеля - сёмы дзень тыдня, агульны дзень адпачынку

неделя – тыдзень - адзінка вылічэння часу ад панядзелка да наступнай нядзелі ўключна

маніць - абманваць, хлусіць, гаварыць няпраўду

манить – клікаць - вабіць, прыманьваць

багатыр - той, хто валодае вялікай маёмасцю, мае многа грошай; багач

богатырь – волат - казачны герой незвычайнай сілы, удаласці і мужнасці; асілак

плот - агароджа вакол чаго-н.

плот – плыт - бярвенне, звязанае ў адзін або некалькі радоў для сплаву па вадзе

разлічыць - правёўшы падлік, вылічэнне, вызначыць размер, колькасць чаго-н.

различить – адрозніць - заўважыць розніцу паміж прадметамі, з'явамі; распазнаць, вылучыць

стрэльба - ручная агнястрэльная зброя з доўгім ствалом

стрельба – стральба - дзеянне паводле дзеяслоў страляць, а таксама гукі гэтага дзеяння