Бекет № 4

№

Қадам критерийлері

1

Алдымен жүректің тоқтау белгілерін анықтап алу қажет: естен тануы, ұйқы артерияларында пульстің болмауы; жүрек тондарының болмауы; тыныстың тоқтауы; тері жамылғысының бозғылт немесе көгеріңкі болуы; қарашықтардың кеңеюі; құрысулар. Кейін науқасты шалқасынан жатқызу керек.

2

Жасанды-өкпе вентиляциясын жүргізу кезіндегі реаниматологтің қалпы: реаниматолог науқастың оң жағынан орналасып, керек жағдайда тізесін бүгіп отырады.

3

Жүректің тікелей емес массажын жасау үшін компрессия нүктесін және қолдың орналасу орнын анықтау:

- сол қолдың алақанын төстің төменгі 1/3 бөлігінде (шамамен семсерше тәрізді өскіннен 2 саусақ жоғары) орналастырады;

- сол қолдың үстіне 60-90° бұрышымен, оң қолдың алақанын орналастырады.

4

Жүректің тікелей емес массажын жасау: төске күшті және тез қысыммен баса бастайды. Бір мезетте максимальді төменгі нүктеде қолдарды тоқтатып, кейін оларды тез жібереді. Төстің қозғалу амплитудасы 5 см кем болмауы керек. Бір цикл «басу-жіберу» 1 секундтан көп болмауы керек, яғни минутына 100 рет. Жүректің тікелей емес массажын жасаған кезде шынтақ буынын бүкпей, бүкіл денемен төсті басу керек. 2 күшті тынысқа 30 циклді жүргізеді.

5

Тыныс жолдарын (ауыз және мұрын-жұтқыншақ) бет орамалмен немесе дәкеге оралған ІІ-ІІІ саусақтармен бөгде денеден, тамақ массаларынан, ауыз қуысының кілегей қабатын секреттен тазартып алады. Науқастың мойнын және кеудесін киімінен босатады.

6

Оң қолын науқастың мойынының астына орналастырып, ал сол қолын науқастың маңдайына қояды да, науқастың мойнын артқа шалқайтады.

Науқастың жақтары жабық күйіндегі реаниматологтың іс-әрекеті: сұқ-саусақтарымен төменгі жақтың бұрышынан ұстап, үлкен саусақтарымен жоғарғы жаққа тіреп, төменгі жағын алға қарай тарту керек.

7

Өкпені жасанды желдендіру: реаниматолог науқастың аузын бет орамалмен немесе салфеткамен жабады. Кейін терең тыныс алып, аузын науқастың аузына тығыз орналастырады. Осы уақытта науқастың мұрнын сол қолдың саусақтарымен қысады немесе екі қолы бос болмаған жағдайда, мұрнын бетімен басады. Осыдан соң науқастың аузына ауа үрлеуді бастайды. «Ауыздан-ауызға» немесе «ауыздан мұрынға» тәсілімен 2 рет ауа үрлейді.

8

Реанимациялық шаралар нәтижелілігінің белгілері:

- ұйқы және сан артерияларында пульстің пайда болуы;

- көз қарашықтарының тарылуы;

- артериялық қан қысымының қалпына келуі;

- терінің бозаруы мен цианозы азаяды.