Назар аударыңыз! Сөйлем мүшелері

Тұрлаулы мүшелер – бастауыш, баяндауыш. Тұрлаусыз мүшелер- толықтауыш, пысықтауыш, анықтауыш

Бастауыш	Кім? кімдер? не? нелер?
Баяндауыш	Не істейді? не қылады? не етті? қайтті?
Толықтауыш	Септіктердің сұрақтары. (Атау, ілік септіктерден басқа)
Пысықтауыш	Қайда? қашан? қалай? қанша?
Анықтауыш	Қандай? қанша? неше? нешенші? қаншасыншы? кімнің? ненің?

Тапсырмалар

1. Мәтінді мәнерлеп оқып, сұрақтар құрастырыңыз.

2. Сөздіктің көмегімен мәтінді орыс тіліне аударыңыз.

3. Мәтіннен сын есімдерді тауып , тұлғасына қарай (негізгі, туынды) ажыратыңыз.

4. Берілген сын есімдерді зат есімдермен тіркестіріп, сөйлем құрастырыңыз:

биік, ақ, табиғи, жасанды, ұлғаймалы, материалдық, жақсы, белсенді, күшті, құрғақ, ұнтақ тәрізді, қамыр тәрізді.

5. Берілген зат есімдерден сын есімдер жасаңыз:

бейне, шығарма, ақыл, өнер, көңіл, , материал, қолдан,технология, , табиғат, кешен.

6. Диалогті оқып, орыс тіліне аударыңыз:

– Суретші не істейді?

– Суретші бейнелейді,орналастырады, суретке жан бітіреді, өз ойын ақ қағазға түсіреді.

– Суретші қандай жанрда сурет салады?

– Суретші тарихи, батальдық, тұрмыстық, анимастикалық, портреттік және пейзаж жанрнда сурет салады.

– Бейнелеу өнерінің қандай түрлерін білесің?

– Бейнелеу өнерінің түрлері – мүсін өнері, кескіндеме өнері, графика өнері, дизайн өнері, сәулет өнері және сәндік қолданбалы өнері .

7. Берілген сөйлемдерде бастауыш пен баяндауыштың астын сызыңыз, сөйлемдерді орыс тіліне аударыңыз:

Портреттер өзінің сипаты жағынан әр түрлі болады. Сәндік портреттер – адамның сұлулығын, әдемілігін, дәріптеу, оны әсемдік пен сәндікке көрсету, адамдарды күнделікті өмірде көрсету. Ол интимдік, психологиялық портреттер деп аталады.

8. Берілген баяндауыштармен сөйлем құраңдар:

суреттелген, сомдалған, шығарылды,бейнеленді.

9. Көп нүктенің орнына дұрыс жалғауларды қойыңыз.

Пейзаж – табиғат... қарап отырып, айнытпай сурет салу емес, оның мағынасын ашу, шебер... ойын, сезімдерін, көңіл күйін беру. Табиғат еш уақыт... өзгерген емес. Мыңдаған жылдар бойы сол бейнесін... қалып отырады. Тек суретші оны уақыты... қарай бейнелеуі мүмкін. Әр ғасыр... әр суретші оны өзінше түсініп, өмір сүрген уақытына қарай, сол уақыт... қоғамдық құрылысына байланысты бейнелеген.

10. Эпиграфты қалай түсінесіз, айтып беріңіз.

18–тәжірибелік сабақ

Суретшілер жер қойнауында жатып та,

кейінгі ұрпақпен тілдесе алады

Винсент Ван Гог.

Бейнелеу өнері

Бейнелеу өнері негізіне кескіндеме, мүсін, графика жатады. Бейнелеу өнерінің белгілері архитектура, безендіру және қолданбалы өнерде көрініс табуы тиіс. Сондықтан шартты түрде оларды да бейнелеу өнері қатарына жатқызамыз. Сондай-ақ, театр, кино, теледидарда безендіруді, көркем дизайнды да бейнелеу өнері ретінде таниды. Бұл өнердің де негізінде адам, табиғат және заттық әлемді тұтастықта, бірлікте қарастыру жатыр. Бейнелу өнері дүниені байқау, бақылау, көру нәтижесінде оның көркем бейнесін жасайды. Әр ғасыр, дәуір, кезеңде пайда болды. Суретші өз көзімен көріп, түйсінген шындығын сол сәттегі қалпымен көрсетуге ұмтылады. Өмір құбылыстары түптік жағынан таңдап алынып, заманның тірлік-тынысы жан-жақты көркемдік қуатпен беріледі. Бейнелеу өнерінің көркемдеу құралдарына сурет, түрлі түс, пластика, жарық пен көлеңке композициясы, ырғақ жатады. Бейнелеу өнерінің әр жанры қоршаған әлемнің бейнесін түрліше береді. Кескіндеме түрлі түсті бояуды, графика түрі сызықтардың қиылысуын, көлеңке мен жарықтың астасуын, мүсін пластикалық үш өлшемдікті пайдаланады.

Бейнелеу өнерінің барлық жанрындағы шығармалары мазмұнына қарай монументальді – сәндік және қондырмалы шығармалар негізінен музейлер, галереялар немесе үй интерьерлерін безендіріп, сол жерлерде орналасады. Монументальді мүсін архитектура кешендерде, қала көшелері мен алаңдарда, мекеме ғимараттарының қасбеті мен интерьерлерінде орналасады. Бейнелеу өнеріне тарихи даму процесі барысында қалыптасқан портрет, пейзаж, натюрморт сияқты жанрлар ортақ .