Жоспар

Кіріспе...................................................................................................................

1. Әкімшілік іс жүргізу бойынша басқару процесі.......................................

1.1. Әкімшілік құқық бұзушылықтар туралы істер бойынша іс жүргізуді құқықтық реттеу....................................................................................................

1.2. Әкімшілік іс жүргізудің түсінігі мен маңызы мемлекеттік басқару нысаны ретінде......................................................................................................

1.3. Әкімшілік құқық бұзушылықтар туралы істердің бағынштылығы, әкімшілік құқық бұзушылық туралы істерді қарау мен әкімшілік жаза қолдануға байланысты лауазымды тұлғалардың өкілеттігі............................

2. Әкімшілік құқық бұзушылық туралы істер бойынша іс жүргізудің жалпы мінездемесі

2.1 Әкімшілік құқық бұзушылық туралы істер бойынша іс жүргізудің субъектілері.....................................................................................................

2.2 Әкімшілік құқық бұзушылық туралы іс бойынша іс жүргізудің негізгі сатлылары...............................................................................................................

2.3. Әкімшілік құқық бұзушылық туралы істер бойынша іс жүргізуді қаматамасыз ету шараларын қолдану.............................................................

Қорытынды

Кіріспе

Қазақстан Республикасының Конституциясының 1-бабында «Қазақстан Республикасы өзін демократиялық, зайырлы, құқықтық және әлеуметтік мемлекет ретінде орнықтырды, оның ең қымбат қазынасы – адам және адамның өмірі, құқықтары мен бостандықтары деп жазылған. Яғни, бұл дегеніміз Қазақстан мемлекеінің адамды және адамның өмірін, құқықтары мен бостандықтарын ең қымбат қазынасы деп тануы мемлекеттін адамға үнемі қамқорлық көрсетіп, адам жақсы өмір сүру үшін оған қажетті барлық жағдайды жасайтынын, оның денсаулығын қорғау үшін шаралар қабылдайтынын, мемлекет адамның өмірін қол сұғылушылықтан қорғайтынын білдіреді[2]. Бұл дегеніміз, мемлекет адам құқықтары мен бостандықтарын қорғайды және оның кепілі болып табылады. Сонымен қатар Қазақстан Республикасының заңдары Контитуцияға және Біріккен Ұлттар Ұйымы Бас Ассамблеясының Адам құқықтарының жалпыға бірдей декларациясына негізделіп жасалған.

Қазіргі таңда еліміздің тәуелсіздік алғанына 25 жылдан астам уақыт өтті. Және де осы уақыт аралығында еліміздің сыртқы және ішкі саясатты дамытуда сан алуан істер атқарылды.

«Қазақстан-2050» Стратегиясы – барлық саланы қамтитын және үздіксіз өсуді қамтамасыз ететін жаңғыру жолы. [3] Елбасы Жолдауында барлық құқық қорғау жүйесі жұмысының сапасын арттыру қажеттігі айтылған. Зор өкілеттілік пен құқық иеленген шенділер мінсіз мінез-құлқымен және жоғары кәсіби деңгейімен ерекшеленуі тиістігі, сыбайлас жемқорлыққа қарсы жаңа Стратегияны қалыптастыру және оны іске асыруды жалғастыру тапсырылған.  

Қазақстан Республикасының 2010 жылдан 2020 жылға дейінгі кезеңге арналған құқықтық саясат тұжырымдамасына сәйкес, құқықтық жүйені жетілдіру басты бағыт болып табылады. Тұжырымдамаға сәйкес басты бағыттардың бірі әкімшілік-іс жүргізу құқығын дамыту болып табылады, оның нәтижесі Әкімшілік-іс жүргізу кодексін қабылдау болар еді. Бұл ретте әкімшілік-іс жүргізу заңнамасының реттеудің нысанын нақты анықтау қажет. Бұл тұрғыда әкімшілік құқық бұзушылықтар туралы нақты істерді шешу тәртібін заңнамалық регламенттеу мәселелері өзектілігін сақтайды.

«100 нақты қадам» – Ұлт жоспарына сәйкес қазіргі уақытта ауқымды жұмыстар қызу қолға алынды. Онда азаматтардың қоғамдық тәртіпті сақтауға ерікті түрде қа­тысуына айрықша көңіл бөлініп отыр. Президент Н.Ә. Назарбаев осы жоспарға сәйкес елімізде халықпен тығыз қарым-қатынаста қызмет жасайтын, қызметтерінің ашықтығымен ерекшелентін жергілікті полицияны құруды тапсырған болатын. Қазіргі таңда ІІД құрамында жергілікті полиция қызметі құрылып, өз жұмыстарын ойдағыдай атқарып жатыр. Дипломдық жұмыстың тақырыбында көрсетілген әкімшілік іс жүргізудің бір түрі әкімшілік құқық бұзушылық туралы істер бойынша іс жүргізудің көп бөлігін ішкі істер органдары соның ішінде 2015 жылы құрылған жергілікті полиция қызметі жүргізеді.

Тақырыптың өзектілігі. ХХ ғ 60 жж басында құқықтанушы ғалымдардың процесс түрлеріне, оның ішінде әкімшілік процесті зерттеуге деген қызығушылықтары арта бастады.  1964 ж басылымнан шыққан Н.Г. Салищеваның алғашқы монографиялық еңбегінде әкімшілік процесс, азаматтық және қылмыстық процестердің көрінісі ретінде сипатталған. 

ХХ ғ. 90-шы жылдарында Қазақстанның әкімшілік құқығында түбегейлі өзгерістер болды. Қазақстанның егеменді мемлекеттілігін құру, күрделі саяси, экономикалық, әлеуметтік реформалар әкімшілік-құқықтық нормалардың барлық сілемінде үлкен өзгерістер туғызды, ол жаңартылып, кеңейтіліп, қазіргі жағдайға сәйкес өзгертілді, неғұрлым демократия болды.

Әкімшілік құқық ғылымы қоғамдық қатынастарды әкімшілік-құқықтық реттеудің жалпы заңдылықтарын айқындайды және зерттейді, олардың мәнін ашады, әкімшілік құқық нормаларын қолдану практикасын қорытындылайды. Сондай-ақ мемлекеттік басқару субъектілері мен объектілерінің құқықтық мәртебесін, басқарудың құқықтық нысандары мен әдістерін, мемлекеттік басқарудағы  заңдылық пен құқықтық тәртіпті қамтамасыз ету тәсілдерін, әкімшілік процес мәнін зерттейді, жалпы, салалық  және сала аралық  мемлекеттік басқарудағы жекелеген  әкімшілік-құқықтық теріс қылықтарды, дауларды қарастыруды жетілдірумен байланысты  ғылыми  проблемаларды  зерттейді.

Әкімшілік құқық–Қазақстан Республикасы құқық жүйесінің жеке саласы ретінде қоғамдық қатынастардың ерекше тобын реттейді.Әкімшілік құқық саласы – мемлекеттік басқару қызметін ұйымдастыру мен жүзеге асыру процесінде пайда болатын қоғамдық қатынастарды реттейтін заңдық нормалардың жиынтығы.

Әкімшілік іс жүргізу - бұл ең алдымен, құқықпен реттелген, мемлекеттік-биліктік басқару өкілеттілігі берілген, субъектілердің құзыретін іске асыру барысында пайда болатын әкімшілік – құқықтық дауларды шешуге бағытталған, ерекше түрде жүзеге асырылатын және әкімшілік жауаптылыққа тарту бойынша қызмет.

Қазақстан Республикасының Әкімшілік құқық бұзушылықтар туралы кодексіне сәйкес  әкімшілік құқық бұзушылық туралы іс бойынша іс жүргізу– бұл  әкімшілік құқық бұзғаны үшін  заң бойынша өкілетті сот, орган(мысалға Ішкі істер органдары) (лауазымды тұлға)   қолданылатын  және   ҚР  ӘҚБтК  осындай құқық бұзушылық жасаған  тұлғаның  үстінен қозғалған әкімшілік-процессуальдық  шара болып табылады4. Және әкімшілік құқық бұзушылық туралы істер бойынша іс жүргізу тәртібі Қазақстар Республикасы әкімшілік құқық бұзушылықтар кодексімен айқындалады.

Дипломдық жұмысымның зерттеу объектісі болып, әкімшілік іс жүргізу құқығы қоғамдық қатынастар жиынтығы болып танылады.

Дипломдық жұмыстың пәні ретінде, мемлекеттік басқару жүйесіндегі әкімшілік іс жүргізудің алатын орны.

Дипломдық жұмыстың мақсаты болып, мемлекеттік басқару жүйесіндегі әкімшілік іс жүргізуге жалпы түсінік беру, дамыту және аталған тақырыпта белгілі бір ұсыныс жасау.

Дипломдық жұмыстың міндеті болып.

Әкімшілік іс жүргізудің міндеттері:

•  әкімшілік-іс жүргізу заңнамасының ерекшелігі жан-жақты қарастырылды;

• әкімшілік іс жүргізу құқығының мәнін, нормаларын және институттарын жалпы ашып көрсету;

•  әкімшілік іс жүргізу құқығының мәні туралы жаңа мағлұматтар алу;

• әкімшілік-іс жүргізу заңнамасының әдіснамалық және теориялық негіздеріне талдау жасау;

•  әкімшілік-құқықтық даулар санатындағы жалпы мәселелерді қарастыру;

•  Қазақстан Республикасындағы әкімшілік соттардың теория және тәжірибелері мәселесін анықтау;

• әкімшілік юрисдикцияның іс жүргізу түрлерін ашып көрсету және талдау жасау;

• әкімшілік-іс жүргізу заңнамасының шет елдік үлгісіне шолу жасау.

Зерттеу жұмысының құрылымы. Дипломдық жұмысы алдына қойылған мақсат пен міндеттері анықталынған. зерттеу жұмысы кіріспеден, негізгі бөлімі 2 тараудан 6 тармақтан тұрады., қорытындыдан тұрады. Жұмыстың соңында пайдаланған әдебиеттер тізімі берілген.