2.Жабдықты пайдаланудан шығарып, жөндеуге жіберуге дайындау реті.

Машиналарды, агрегаттар мен түйіндерді жөндеуге қабылдаудың қанағаттандырылуы керек барлық талаптары көрсетілген ресми техникалық шарттар бар. Сол шартарға сәйкес шаруашылық машинаны жөндеуге тапсыру кезінде мынадай құжаттарды көрсетуі керек: мерзімдік техникалық тексеру актісі, алдындағы жөндеуден машинаны қабылдау актісі, қажетті белглері қойылған заводтық техникалық төлқұжат, машинаны пайдалану кезінде ауыстырылған түйіндердің тауар құжаттамасы.

Барлық машиналар жөндеуге жөнелтір алдында мұқият тазаланады. Машинаны жөндеуге шаруашылықтың техникалық қызметінің жауапты өкілі тапсырады, ал қабылдауды, алдын-ала агрегаттары мен механизмдерін сыртай тексеріп, тыңдап көріп, олардың жұмысын тексеріп, жөндеу кәсіпорнының техникалық бақылау бөлімінің жұмысшысы жүргізеді.

Сыртай тексеруде жабдықтың комплектілігін, механикалық және басқа қатерлік зақымдануын, сырлынуының күйін және басқаларды анықтайды.

Әрбір машинаны қабылдау сәйкес актімен рәсімделеді. Актіде алдындағы жөндеуден кейінгі қызметмерзімін (жұмыс істеген уақытын), сондай-ақ базалық бөлшектерінің күйін және қатерлік сипаттағы ақауларды ерекше көрсетеді. Машинаны жөндеуге дайындау кезінде суыту, қоректендіру жүйелерінен және картерден суытқыш сұйықтарды, отынды және майларды құйып алады. Сонан соң оларды кальцийленген сода ерітінділерімен, 5% тұз қышқылымен немесе кальцийленген сода немесе натрий сілтісі қосылған керосинмен жуады. Май картерлері мен отын шанақтарын жуып болған соң қосымша бумен де өңдейді. Буды пайдаланудың көптеген артықшылықтары бар: ол қол жетуі қиын жерлерге енеді, сырын зақымдамайды, сонымен қатар бумен үрлегеннен кейін бөлшек тез кебетіндіктен, коррозияға ұшырау қаупі болмайды.

Күйелер мен қақтардан басқа, металл беттерден ажырату – қиын процесс болып табылатын кірлеткіштерге майлар мен жағармайлар жатады. Менерал майлар мен жағармайларға судың жұғымы нашар болғандықтан, жуғыш ерітінділердің құрамына сілтілердіқосады. Олар май пленкасының беттік тартылысын шұғыл төмендеткенмен, оларды металл беттерінен ажырата алмайды. Бұл процесті жеңілдету үшін ерітінділерге эмульгаторлар: сабын, сұйық әйнек, спирттер, ОП-7, ОП-10 жуғыш заттарын және басқаларды қосады. Бөлшектерді тазалаудың ең қарапайым түрі майсыздандыратын ерітінді құйынған ваннаға батырып жуу. Бөлшекпен жанасатын қабаттардың белсенділігі оны майлармен қанықтырған сайын төмендейтіндіктен, бөлшекті ерітіндіде жылжыта шайқау керек. Бөлшектейтін орындарда пайдаланылатын жылжымалы ванналарды осы жуу әдісін пайдаланады.

Жабдықты жөндеуге тапсыру тәртібі

1. Жөндеу кәсіпорны, басшы ұйымдар бекіткен, жоспар бойынша белніленген тәртіпке сәйкес жабдықты жөндеуге қабылдайды. Жабдықта жасаушы завод негізгі параметрлері мен техникалық сипаттамаларын кепілдегенін куәландыратын, төлқұжаты немесе формуляры болуы керек.

Төлқұжаттан формулярдың ерекшелігі онда жабдықтың техникалық күйі мен оны пайдаланғаны жөнінде мәліметтер – жұмыс істеген сағат (ай) саны, жұмыстың шарты, техникалық күтім мен жөндеудің түрлері – көрсетіледі.

Пайдаланушы ұйым төлқұжатты (формулярды) жүргізуге міндетті.

2. Жөндеуге жіберілетін жабдық немесе оның жекелеген агрегаттары сол жабдықтың жалпы көрінісінің сызбасының спецификациясына сәйкес барлық бөлшектермен және түйіндермен жинақталуы керек. Жабдықты жөндеуге жіберуде пайдалануға жарамды бөлшектерін тозған немесе басқа жабдықтан алынғандармен ауыстыруға қатаң тыйым салынады.

3. жөндеуге жіберілер алдында жабдық кірден, балшықты ерітіндіден, мұнай мен құмнан тазартылуы, ал майлары мен қатып қалатын сұйықтары төгіліп тасталуы керек. Сырланбаған беттері консервациялық майлармен жабылуы керек.

4. Әрбір жөндеуге жіберілетін жабдықпен оның техникалық күйі жөніндегі акт пен пайдаланылу мен жөндеуі бойынша мәләметтері бар төлқұжат бірге жіберіледі.

Егер жабдақ қатердің салдарынан жөндеуге жіберілетін болса, онда ол актіде көрсетілуі керек.

Төлқұжаттқа барлық жасалған жөндеулер жөндеу түрлері, оларды орындау уақыты, және қысқаша сипаты көрсетіліп, пайдалану және жөндеу процестері кезінде алмастырылған бөлшектер мен түйіндер жөнінде мәліметтер мен жұмыс істеген уақыты және өтуі мен пайдаланылуы бойынша орындалған жұмыс көлемі көрсетіліп жазылады.

Жабдықта жөндеуге тапсыру актісі екі дана етіп жасалады. Жабдықты қабылдап алған жөндеу кәсіпорны оны бөлшектейді, жуады, тозуларын, ақауларын және зақымдануларын анықтау үшін бүкіл бөлшектерін тексереді және өлшейді. Бұл кезде анықталады: бөлшектер мен түйіндерді мұқият тексеру, өлшеу және бөлшектердің іс жүзіндегі өлшемдерін сызбадағы өлшемдерімен салыстыру негізінде олардың техникалық күйлері; қажетті жөндеу жұмыстарының сипаты мен көлемі.

Жабдықтың анықталған техникалық күйі негізінде ақаулау ведомостысы жасалады.

5. Жөнделген жабдық сыналуы және жөндеудің техникалық шартына сәйкес заводтың ТББ қабылданылуы керек.

6. Госгортехнадзор қадағалайтын жабдық техника қауіпсіздігі ережелері мен Госгортехнадзордың ережелеріне сәйкес болуы керек.

7. Жабдықты жөндеуден қабылдау актісімен рәсімделеді. Жабдықты қабылдау актісінен басқа жөндеу кәсіпорны тапсырыс берушіге жабдықты сынау актісі мен жүргізілген жөндеу жөнінде барлық техникалық мәліметтер жазылуы керек төлқұжатты да жібереді.

8. Жөндеуден қайтарар алдында жабдық қажет болса қапталып, коррозия мен жолдағы зақымданудан қорғалуы керек.

Жөндеуден кейін жабдық сырттай тексеруден басқа, зая жүрісте және жүктемеленіп сыналады.

№9