2.Жөндеу кәсіпорнындағы құрастыру аймақтарын ұйымдастыру.

Жөндеу базасы үшін, кәсіпорын пайдаланатын және де сол базада күтімнен өтетін, машиналар паркіне тәуелді бағдарламасы мен қуатын есептеудің маңызы зор. Бұндай әдістеме бойынша машиналар паркін пайдалану қарқынына тәуелді оларға жөндеудің барлық түрінен қажеттілік толық ескерілуі мүмкін. Бұдан басқа, пайдаланушы кәсіпорындармен жасалған, жабдықтарды жөндеудің жоспар-графигі нақтылы қамтамасыз етіледі. Бұл жағдайда бағдарламаны есептеу негізіне ЖЕЖ жүйесінің пайдаланулық нормативтері алынады.

Техникалық жобада завод шаруашылығының жекелеген элементтері (үйлер, ғимараттар, стандаттық емес жабдықтар) үшін типтік жобаларды қолдану мүмкіншіліктері анықталады, бұл жобалардың төлқұжаттары келтіріледі.

Техникалық жоба тапсырыс берушімен қаралады және бекітіледі, оның негізінде жұмыс сызбалары орындалады, жұмысты қаржыландыру басталады, жабдықтардың негізгі бөлігіне тапсырыстар беріледі.

Жұмыс сызбалары құрылысты пен монтаждауды және заводты пайдаланудың алғашқы кезеңдерінде барлық жұмыс құжаттарымен қамтамасыз етуге қажет. Жұмыс сызбаларын жасау кезінде жобада қабылданған шешімдер нақтыланады.

Блоктылық принципі өндірісті салыстырмалы ұзындықтары үлкен емес көп аралықты (многопролетный) үйлерде жайластыруға негізделген. Үй жоспарында квадрат немесе қысқа тіктөртбұрышқа жақын болулары керек, сонда аудандары бірдей кездерде үйлердің периметрлері ең кіші болып шығады (негізінен үйдің периметрі оның құрылысы мен пайдалану құнын анықтайды). Өндірістік корпустағы аралықтар саны мен олардың өлшемдері жоғарыда қарастырылған цехтар мен қызметтердің сомалық ауданы бойынша анықталады.Аралықтардың ұзындығы бағана (колонна) қадамына еселікте болуы керек.жөндеудің өндірістік ағынының сұлбасын тік ағынды (қарсы және қиылысатын жүк ағынысыз) етіп қабылдаған жөн.жөндеу кәсіпорнының барлық цехтары мен қызметтері төрт топқа (аймаққа) бөлінеді:

- бөлшектеу цехы жалпы жуу, бөліктер мен агрегаттарға бөлшектеу, агрегаттарды бөлшектеу және бөлшектерді жуу, бақылау-сұрыптау бөлімдерімен және бөлшектер қоймасымен;

- жинау цехы комплектілеу, слесарьлық-келтіру, түйінге және жалпы жинау, сырлау бөлімдерімен, реттеу-сынау станциясымен;

- бөлшектерді жөндеу және жасау цехтары мен бөлімдері – механикалық, қазандық-пісіру, ұсталық-престік, термиялық;

- қызметтің гальваникалық және көмекші цехтары – құрал-саймандық, жөндеу, құрал қоймасы, қайрау бөлімі, компрессорлық станция, трансформаторлық станция, қоймалар және әкімшілік-тұрмыстық бөлмелер.

Өндіріс сұлбасына сәйкес бұл аймақтар өндірістік корпус жоспарына енгізіледі, ал сонан соң сәйкес цехтар, бөлімдер және қызметтер жайластырылады.

Енді барлық цехтар мен қызметтерді жөндеудің типтік технологиялық процесіне сәйкес тиімді орналастыру қажет.

Цех ішілік көлік – екі көпірлік кран (жүк көтергіштіктері 10 т), арбалар және қоймадағы жөнделетін машиналарды корпусқа енгізуге және дайын өнімдерді шығаруға арналған арбасы бар рельсті жол. Зиянды шығарындылары бар цехтар мен бөлімдерді (сырлау, галваникалық, термиялық, ұсталық-престік) жобалаған кездежобада техника қауіпсіздігі және өндірістік санитария, сондай-ақ табиғатты зиянды шығарындылардан қорғау шаралары бойынша арнайы іс-шараларқарастырылуы керек.

№16