Сабақтың технологиялық картасы

Пәні: Медициналық биофизика.

Күні:

Тобы: Ф1К

Тақырыбы: 21. Артериядағы қан қысымын өлшеудің физикалық негіздері.

Сабақтың мақсаты:

• Білімділік: Артериядағы қан қысымын өлшеудің физикалық негіздерін түсіндіру.

• Дамытушылық: студенттердің алған білімдерін іс жүзінде ұштастыруға, логикалық ойлау қабілеттерін, ойын технологияларын арқылы дамыту, компьютерлік сауаттылықтарын арттыру.

• Тәрбиелік: өз жеріне, еліне деген сүйіспеншілікке баулуды арттыру, оның қадір-қасиетін ұғынуға, іскерлікке, ұқыптылық тәрбиелеу.

Сабақтың типі: аралас сабақ

Сабақтың қамтамасыздандырылуы:

• оқу көрнекілік құралдар: презентация

• үлестірмелі материалдар: тест, үлестірме қағаздар

• ТОҚ: компьютер

Өз бетінше жұмыс: сұрақ – жауап

Сабақтың өту барысы

Ұйымдастыру кезеңі: (5 мин)

• Оқушылардың біліктілігі мен дағдысын тексеру: (25 мин)

1.Модельдеу деген не?

2.Қан айналым жүйесіне сипаттама бер, оны қалай модельдейді?

• Жаңа тақырыптың мазмұны мен жүйесі (конспект): (40 мин)

Қан мөлшері Q мен оның жылдамдығы v тамырлар ұштарындығы қысым айырмасына тәуелді. Ламинралы ағыстың «тыныш», ал турбуленті ағыстың «шулы» болатыны белгілі. Осы құбылысты қан қысымын өлшеуде пайдаланылады. Ол үшін артерия қан тамырына стетоскопты басып ұстаса онда қан ағысының турбулентті болу салдарынан пайда болатын «шуыл» естіледі. Клиникалық практикада артериялық қан қысымын тiкелей емес әдiспен, яғни жанамалай жолмен өлшейдi. Соның iшiнде ең кең тараған түрi Н.П. Коротков әдiсi. Бұл әдiс манжет қысып тұрган артерия тамыры арқылы қанның ағуы турбулентті болуынан шығатын дыбысты фонондоскоп арқылы тiркеуге негiзделген. Ол үшiн бiлектiң күре тамыр тұсына құралдың манжетiн кигiзiп, оған ауы үргіш арқылы ауа айдап( қысым 200-250 мм.сын.бағ.), күре тамыр арқылы қанның ағуы аз уақытқа тоқтатылады. Онан соң ауаны шығаратын винтi жайлап ашып күре тамыр арқылы өткен қан ағысының турбулентті ағысынан пайда болатын алғашқы шуын фонондоскоп арқылы естiп, сол кездегi манометр көрсеткiшiн қан қысымының систолдық (макс) ал манжеттегi ауа толығымен шығып, фонондоскоптағы дыбыстың жойылған кезiндегi манометрдiң көрсеткiшiн қан қысымының диастолалық мәндерi ретiнде алынады. Бұл кезде ағыс ламинарлы болады.

Дені сау адамның систолалық қан қысымы шамамен 120 мм.сын.бағ, ал диастолалық 80 мм.сын.бағ болса, жүректен ағып шығу мезетіндегі қан қысымы 100 мм.сын.бағ болады. Қанның артериямен, капиллярлармен және венаның күрделі жүйелерімен ағуы кезінде үйкелісті жоюға энергия жұмсалады, соның салдарынан қан қысымы тамыр бойында төмендейді. Қан қысымының тамыр бойында азаюын Пуазейль теңдеуі.

• Жаңа материалды бекіту, біліктілік пен дағдыны қалыптастыру: (15 мин)

1.Артерия дегеніміз не?

2.Қан қысымын өлшеудің физикалық негіздері қандай?

Сабақтың қортындысы: (3 мин)

• Рефлексия:

Кандай жаңа ұғымдармен таныстыңдар?

Өз мақсаттарыңа жеттіңдер ме?

Қандай қиындықтармен жолықтыңдар?

Болашақ маман ретіндегі тақырыпқа көз-қарасың қандай?

• Бағалау:

Сабаққа белсене қатысқан, жұмысты толық орындаған студенттерді бағалау. Бағаны оқу журналына қою

• Үй тапсырмасы: (2мин)

Тестпен жұмыс

БЕКІТЕМІН

Директордың оқу әдістемелік

жұмысы жөніндегі орынбасары

Жантелиева Л.О.

«____»__________2016 ж.

______________________