Сабақтың технологиялық картасы

Пәні: Медициналық биофизика.

Күні:

Тобы: Ф1К

Тақырыбы: 11.Есту биофизикасы.

Сабақтың мақсаты:

• Білімділік: есту мүшесінің биофизикалық қасиеттеріне тоқталу.

• Дамытушылық: студенттердің алған білімдерін іс жүзінде ұштастыруға, логикалық ойлау қабілеттерін, ойын технологияларын арқылы дамыту, компьютерлік сауаттылықтарын арттыру.

• Тәрбиелік: өз жеріне, еліне деген сүйіспеншілікке баулуды арттыру, оның қадір-қасиетін ұғынуға, іскерлікке, ұқыптылық тәрбиелеу.

Сабақтың типі: аралас сабақ

Сабақтың қамтамасыздандырылуы:

• оқу көрнекілік құралдар: презентация

• үлестірмелі материалдар: тест, үлестірме қағаздар

• ТОҚ: компьютер

Өз бетінше жұмыс: сұрақ – жауап

Сабақтың өту барысы

Ұйымдастыру кезеңі: (5 мин)

• Оқушылардың біліктілігі мен дағдысын тексеру: (25 мин)

1. Акустикада түйсiк (сезу) пен түршiгудiң арасындағы байланыс, яғни дыбыстың қатаңдығың өлшеу қандай заңмен анықталады?

2. Қатаңдықтың шкаласын қалай атайды?

• Жаңа тақырыптың мазмұны мен жүйесі (конспект): (40 мин)

Аудиометрдi жұмысқа дайындау

МА-31 аудиометрі тәжірибелік мақсатта және зерттеу жұмыстарын жүргізуде қолданылады.Науқаспен байланыс тек қондырылған микрофон арқылы орындалуы тиіс, онсыз тест жүргізуде ауытқулар болуы мүмкін. Науқасты құралдың баптау жүйелерін көрмейтіндей етіп орналастыру керек. Науқасқа науқас кнопкасын беріп, оған тек “үн” естілгенде ғана басу керектігін түсіндіру керек. Оң құлаққа жасыл, сол құлаққа қызыл телефоны кигізіледі. Осындай ретпен дайындалған құрал өшіру (~) тетігі арқылы қосылады және 30 секундтан кейін құрал жұмысқа дайын болады. Құралдың негізгі принципі зерттелетін құлақ үшін өлшенетін сигналды 1-ші каналға қосып реттеуге болады, бұл кезде жоғарыда айтылған орындалу 2-ші канал арқылы жүргізіледі “оң-сол” ауыстырғышы тетігі көмегімен өлшенетін құлақ таңдалады.

Деңгейді орнату.

Барлық өлшеулерде дыбыс қаттылығы І-ші каналда І-ші, ал ІІ-ші каналда ІІ-ші интенсивтілік реттегіштері арқылы жүргізіледі. Орнатылатын максималды деңгей жиілікке тәуелді және ауа мен сүйек өткізгіштік телефондары үшін формуляр орнатылатын орында көрсетіледі. “+10” кнопкасын басу арқылы І-ші каналдағы дыбыс деңгейін 10 дб-ға жоғарлатуға болады.

Жиілікті таңдау.

Панельдің төменгі жағында орнатылған қос ауыстырғыштар арқылы керекті өлшенетін жиілікті реттеуге болады. Бұл жағдайда жоғарғы реттегіш І-ші каналға, төменгі реттегіш ІІ-ші каналға қосылған.

Дыбыс табалдырығы /ТО/.

Құралдың ТО пернесі басылған жағдайда құрал есіту табалдырықтарын (ауа немесе сүйек арқылы) өлшеуге дайын болады. Өлшеулер ИСО Р 389-ға сәйкес қалыпты есту табалдырығына салыстырмалы түрде жүргізіледі. Адиограмма формулярының жоғарғы жағында көрсетілген мәндердің L/дб коррекциясы көмегімен абсолютті мәндері қайта санауға болады.

• Жаңа материалды бекіту, біліктілік пен дағдыны қалыптастыру: (15 мин)

Аудиометрдің құрылысы туралы сұрау.

Сабақтың қортындысы: (3 мин)

• Рефлексия:

Кандай жаңа ұғымдармен таныстыңдар?

Өз мақсаттарыңа жеттіңдер ме?

Қандай қиындықтармен жолықтыңдар?

Болашақ маман ретіндегі тақырыпқа көз-қарасың қандай?

• Бағалау:

Сабаққа белсене қатысқан, жұмысты толық орындаған студенттерді бағалау. Бағаны оқу журналына қою

• Үй тапсырмасы: (2мин)

Тестпен жұмыс

БЕКІТЕМІН

Директордың оқу әдістемелік

жұмысы жөніндегі орынбасары

Жантелиева Л.О.

«____»__________2016 ж.

______________________