«Отбасы - бала

 Сабақтың мақсаты: Оқушыларды жанұядағы сыйластыққа, адамгершілікке, инабаттылыққа тәрбиелеу. Үлкенді үлгі, кішіні мақтан етуге, отбасының бірлігін сақтап, ата-ана алдындағы қарызын өтеуге, жанұяның мақтанышы болуға тәрбиелеу.

Өткізілетін сыныптар: 8-9

Сабақтың әдісі: Сұрақ – жауап, пікір алысу, өз ойын ортаға сала білу, түсіндіру.

Дамытушылығы: дамыта оқытуға негізделген жұмыстар мен тапсырмаларды ата-аналармен бірлесе отырып шешу.

 Сабақтың түрі: ата-ана мен баланың арасындағы сыйластықты күшейту.

Көрнекіліктер: музыкалық әуен, фото-суреттер, видео-ролик, слайд, ватман, түрлі бояғыштар, қажетті материалдар.

1. Шаттық шеңбер. Сәлемдесу.

Музыканың әуенімен ата-аналармен балалар арасында жүргізіледі.

Мұғалім: Сәлеметсіздер ме?! Құрметті ата-аналар, ұстаздар, оқушылар. Құрметті ата-аналар! Біздің даналарымыздың отбасы туралы ұлағатты, қанатты сөздері көп-ақ. Ендеше бүгінгі «Отбасы - бала тәрбиесінің ең алғашқы ұжымы» атты тренинг жобамды келесі кезекті дәйексөздермен ашсам:

«Отан – отбасынан, отбасы – ошақ қасынан басталады».

«Әке көрген оқ жонар, ана көрген тон пішер».

«Бала ұяда не көрсе, ұшқанда соны іледі».

Сұрақтар: Біз бүгін керемет бір ғажайып әлем туралы әңгімелесеміз. Қалай ойлайсыздар, ол әлем қандай әлем болуы мүмкін? Қане ойлап көріңдерші. Ол бір өзі кішкентай ғана шағын мемлекет. Ал олай болса, ол мемлекеттің аты - «Менің жанұям» ,«Отбасы». Ол мемлекет қандай болуы мүмкін? Өз ойларыңызды ортаға салсаңыздар.

 

Жауап: Бақытты, тату, өнерлі, үлгілі.

Қай елде, қай кезде болмасын, бала тәрбиесін ерекше дамытушы да, ілгері апарушы да балалар, яғни, бүгінгі ұрпақ – ертеңгі елдің болашағы . Шығыс ғұламасы Әл-Фараби: «Адамға ең бірінші білім емес, тәрбие берілуі керек, тәрбиесіз берілген білім-адамзаттың қас жауы, ол келешекте оның барлық өміріне апат әкеледі» деген екен.

Отбасы – өмірді кемеліне келтіреді, бақыт әкеледі.Отбасы – адам өмірінің тамаша жақтары жүзеге асатын …. адамның ең басты шаттығы болып саналатын, баланың өсіп, өмір сүретін орны.Екі адамның некелесуі толық отбасын құрамайды.Дүниеге шыр етіп нәресте келгенде ғана отбасы толық отбасы саналады. Олай болса  сіздерге мынадай сұрақ қойғым келіп тұр:                                                                                                   

– Бала деген кім ?

Осы бір сұраққа жауап беру үшін ата-аналарға сөз кезегін береміз. Өз ойларыңызды ортаға салсаңыздар. (Пікірлер тыңдалады.)

            Ия, бала  ұрпақ жалғастырушы, қамқоршы, асыраушы Жүргізуші:  Рахмет жауабыңызға .  Ойымызды одан әрі өрбітсек. “Ертеде бір адам ғұламаға келіп : -       Баланы неше жастан бастап тәрбиелеген дұрыс ? – деп сұрапты . Сонда  ғұлама : -       Балаңыз қаншада ? – деп өзіне сұрақ қояды . -       Бес – ақ ай толды , – дейді анау . Сонда ғұлама басын шайқап : -       Бес  айға кешіккен екенсіз , – деген екен “.Халық арасына кең тарылған бұл аңыздың айтпағы баршаға түсінікті . Яғни , баланы туған сәтінен бастап тәрбиелеу керек . Демек , бала тәрбиесінің негізін құятын ең алдымен – ата – ана . 

2. « Жүректен жүрекке» шеңбері.

Ендеше оқушылар шеңберге тұрып өз жанұяларыңның жақсы бір қасиеті жайлы айтып осы шеңбер ішімен жүрейік.

1. Біздің жанұя ұйымшыл, бір нәрсені бәріміз бірігіп жасаймыз.

2. Менің жанұям тату-тәтті әкемнің, анамның, ағамның айтқанын бұлжұтпай орындаймыз. 

3. Мен отбасымды жақсы көремін.

4. Біз бақытты жанұямыз.

5. Менің анам тамакты жақсы дайындайды.

3. «Бақытты  отбасы   модулі»

Оқушылардың алдын-  ала салған  суреттерінен,  ата-ана  өз  отбасын  табу. Әр оқушы өз ата-анасы туралы салған суреттерімен таныстырады.  . Өз отбасылары туралы айтып шығу.

 

4. «Бала сезімі»

Ата-аналар балаларының өздеріне арнап жазған хаттарын оқиды.

Талқылау.

Ата - аналарға арналған сұрақтар :

1. Хатты оқыған сәтте қандай сезімде болдыңыз?

2. Ата- аналар бұл жағдайда не айтасыздар?

5. Құндылық құнын ұғындар.

Отбасымда ең сыйлы ______________________________________

Ең қымбатты _____________________________________________

Ең ақылды _______________________________________________

Ең сүйкімді ______________________________________________

Ең құрметті ______________________________________________

Ең құнды ________________________________________________

Ең бағалы ________________________________________________

Ең қажетті _______________________________________________