33.Өндірістік жарақат және кәсіби аурулар дегеніміз не? Жарақат түрлерін атаңыз

Өндірістік жарақат – бұл әртүрлі сыртқы және қауіпті өндірістік факторлардың адам ағзасына тигізетін әсерінің салдары. Көп жағдайда өндірістік жарақаттар құлау, басып кету кезіндегі механикалық әсердің нәтижесінде немесе механикалық жабдықпен жұмыс істеу кезінде болады.

Өндірістік жарақат – бұл өндірістегі қайғылы жағдайлардың жиынтығы. Өндірістік жарақаттың бірнеше себептері болады.

Техникалық жарақат – құрылымдық кемшіліктердің, көліктер мен механизмдердің ақауларының, технологиялық процестерінің толық жетілдірілмеуінен болады.

Санитарлы-гигиеналық жарақат – санитарлы нормалардың (мысалы, ылғалдылық, температура) талаптарын бұзу салдарынан, санитарлы-тұрмыстық бөлмелердің, жұмыс орындарының жеткіліксіздігінен болатын жарақаттар.

Ұйымдық жарақат – көліктер мен жабдықтардың пайдалану ережесін бұзу, жүкті тиеу-түсіру жұмыстарының нашар ұйымдастырылуынан, еңбек пен демалыс тәртібінің бұзылу жағдайына, техника қауіпсіздігімен, уақытында нұсқаулықпен таныспау салдарынан болатын жарақаттар.

Психофизиологиялық жарақат – жұмысшылардың еңбек тәртібін бұзуы, жұмыс орнында ішімдік ішу, қасақана жаралану, жұмыстан шаршау, денсаулықтың нашарлау салдарынан болатын жарақат.

34.Кәсіби ауру мен жарақаттың алдын-алу мақсатында қауіпсіз еңбек жағдайын жасау жолдарын атаңыз

Кәсіби аурулар – бұл зиянды еңбек жағдайының адам ағзасына тұрақты немесе ұзақ уақыт әсер етуінің нәтижесінде жұмысшылардың денсаулығының бұзылуы.

Аса қауіпті машиналар мен механизмдерде жұмыс істейтін қызметкерлер үшін ауысым алдындағы дәрігерлік куәландырудан өту ұйымдарының болуы;

Қауіпті аймақтарға белгі қою және жұмысшылар мен көлік жүретін жолдардың бағытын жөндеу;

Қауіпсіздік белгілерін қолдану;

Ұжымдық және жеке қорғаныс құралдарын қолдану;

Техникалық регламенттерге сәйкес тиісті сынауларды (жабдықтар, қорғау құралы, дабыл құралы, аспаптар, құрал-саймандар, көлік және т.б.) белгіленген мерзімде өткізу;

Жұмыс істеу және демалыс тәртіптерін сақтау;

Еңбек қорғау және жұмыс шарттары туралы қызметкерлерді ақпараттандыру.

35.Өндірістік жазатайым оқиғалар. Арнайы зерттеуге жататын жазатайым жағдайлар

Өндірістегі жазатайым оқиға 24 сағат ішінде арнайы комиссия құрамымен тексеріледі.

Комиссия төрағасы – ұйымның басшысы (өндірістік қызметтегі) немесе оның орынбасары.

Комиссия мүшелеріне еңбек пен қауіпсіздік ұйымдарының қызметі басшысы жұмыскерлер төрағасы жатады.

Жазатайым оқиға болған учаскедегі еңбек қауіпсіздігіне тікелей жауап беретін қызметтік тұлға тексеру жүргізген кезде комиссия құрамына кірмейді.

Комиссия жұмысына жұмыс беруші мен зардап шегушінің арасындағы сәйкес басшылары қатысуға құқығы бар.

Жазатайым оқиғаны зерттеу мерзімі комиссия құрылған күннен бастап он күннен аспауы қажет.

Арнайы зерттеуге жататын жазатайым жағдайлар:

1. Ауыр немесе өлімге алып келген жазатайым оқиғалар

2. Жарақат алушының жарақатының ауырлық дәрежесіне тәуелсіз, бір мезгілде екі және одан көп жұмысшылардың алған топтық жазатайым жағдайы

3. Өте қатты уланғандағы топтық жағдайлар