Аңмен күреу тәсілдерін атаңыз
Шаң түзілумен күресуде, шаң түзілуін болдырмайтын (металлдардың өңдеудің электрлік-химиялық әдістері, қысыммен құю, заттың беттерін ультрадыбыстық өңдеу және т.б.) немесе оның деңгейін төмендететін (технологиялық үрдісте ұнтақ тәрізді заттардың орнына брикеттерді, түйіршіктерді, ерітінділерді қолдану, құрғақ үрдістерді, мысалы, бұрғылауда, көмір өндіруде ылғал үрдістермен ауыстыру) технологияларды қолдану шешуші фактор болып табылады. Атап айтқанда, жерасты кен орындарында, жыныстарды өндіретін, тиейтін және түсіретін жерлерде тозаңдатып сулау қолданады. Өндірістік үрдістерді автоматтандыру мен механикаландырудың, қашықтықтан басқарудың, роботты техникаларды енгізудің үлкен маңызы бар.
Шаң шығуын төмендетудің міндетті шарттарының біріне шаңдандыратын жабдықты герметизациялау және жабу, қаптама астынан ауаны сорып алу, шаң түзілетін жерлерден шаңды тікелей сорып алу, материалдарды құбырлармен сығылған ауа көмегімен тасмалдау жатады. Метал құрастырылымдар мен ірі көлемді бұйымдарды дәнекерлеу кезінде секциялы және тасымалданбалы жергілікті сорғыштар қолданылады. Екіншілік шаң түзілумен күресу үшін бөлмелерді тазалаудың вакуумдық әдісін қолданады.
Шаңға қарсы шаралардың тиімділігі шаң концентрациясын төмендету коэффициенті бойынша анықталады:
мұндағы: Сб – шаңның бастапқы концентрациясы, мг/м3
Ск – шаңды басу құралдары мен тәсілдерін қолданудан кейінгі шаң концентрациясы, мг/м3
Өндірістегі электромагнитті өріс (сәуле) көздері
Электромагниттік өріс электр және магнит өрісінен құралады Ол толқын түрінде таралады.
Электр өрісін электр заряды бар денелер туғызады. Бойымен электр зарядтары өтетін өткізгіштің төңірегінде магнит өрісі пайда болады. Қозғалмайтын зарядтың электр өрісі барлық уақытта да өзгеріссіз қалады. Бірқалыпты қозғалатын зарядтардың, яғни тұрақты электр тоқтарының төңірегінде пайда болатын магнит өрісі де өзгермейді.
Өндірістегі электромагнитті сәуле (ЭМС) көздеріне:
электромагнитті энергияны сәулелендіруге арнайы құрылған өнімдер: радио және телеақпараттық станциялар, радиолокациялық қондырғылар, физиотерапевтік аппараттар, радио байланыстың әртүрлі жүйелері, өндірістегі технологиялық қондырғылар. ЭМС өндірісте қыздыру құралы ретінде кеңінен қолданылады, мысалы болатты шыңдау мен салқындатуға арналған технологиялық үрдістер, кескіш аспапта қатты қорытпаларды сынақтан өткізу, металдарды балқыту және жартылай өткізгіштерді балқыту және т.б.;
кеңістікте электромагнитті энергияны сәулелендіруге арналмаған құрылғылар, бірақ олардың жұмысы кезінде электр тоғы жүріп отырады және мұнда электромагнитті толқындардың сәулеленуі жүріп отырады. Бұл беріліс жүйелері мен электр энергиясын таратқыштар (электрберілістік желілер-ЭБЖ, трансформаторлық және таратушы подстанциялары) және электр энергиясын тұтынатын аспаптар (электр қозғалтқыштары, электр плиталары, электр қыздырғыштары, видиодисплейлі терминалдар, салқындатқыштар, көгілдір экрандар және т.б.) жатады.