Сабақ13

Сабақтың тақырыбы: Практикалық жұмыс № 5. Қарапайым тігістерді орындау.

Сабақтың мақсаты: оқушыларға тігіс түрлерін тігуді үйрету. Оның орындалу жолдарын меңгерте отырып, іскерлік-дағдысын қалыптастыру. Әсемдікке, ұқыптылыққа тәрбиелеу.

Сабақтың түрі: сарсмандық; қарапайымнан күрлеліге

Сабақтың әдісі: үлгімен жұмыс, орындау, жаттығу.

Сабақтың құрылысы: І. Ұйымдастыру бөлімі; өткен сабаққа шолу;

ІІ. Жаңа сабақты меңгерту;

Практикалық кезең;

ІІІ. Сабақты бекіту;

Үйге тапсырма.

Сабақтың көрнекілігі: кесте, альбом жинағы, үлгі-нұсқаулық.

І. Оқушылармен амандасу, сабаққа дайындығын, класс бөлмесін шолу;

ІІ. Өткен сабаққа шолу: үй тапсырмасын тексеру.

-тігім дегеніміз не?

- инешеншым аралығын көрсет.

-уақытша тігістер не үшін қолданылады?

ІІІ. Жаңа сабақты хабарлау; сабаққа кіріспес бұрын, оқушылар назарына көрнекіліктерді ұсыну. Алдымен жұмысқа кіріспес бұрын, еңбектің қауіпсіздік ережесін еске түсіреміз.

Практикалық кезең: тігістің орындалу жолы кестесін талдай отырып, оқушылар жұмысқа кіріседі. Орындалатын тігіс түрлері: көктеу, көктеп тігу, жапсырып тігу (ілгек, түйме қадау).

Оқушылар жеке жұмыс жасайды, мұғалім көмегін қажет ететін оқушыларға жеке тоқталу.

Кеңес беру, қатемен жұмыс жасау.

Оқушылар бір-бірінің жұмысын тексереді, пікірлерін білдіреді.

Сабақты бекіту:

-қол тігістерін орындағанда қандай ине, жіп қолданылады?

-қол тігісін орындағанда жіптің ұзындығы қанадй болу керек?

Оқушыларды бағалау

Үйге тапсырма беру;

Сабақ 14

Сабақтың тақырыбы: Практикалық жұмыс №6. Қазақтың ұлттық ою-өрнектерінің реттілігі (жапсырма өрнек, кесте т.б).

Сабақтың мақсаты: Білімділік: Қазақтың ұлттық ою-өрнек түрлерімен таныстыру, ою-өрнек техникасынан, дайындалу жолынан мағлұмат беру;

Дамытушылық: Оқушылардың ою-өрнектің дамуынан, тарихынан таным-түсінігін қалыптастыру; Тәрбиелік: Еңбекқорлыққа, іскерлікке, шеберлікке баулу.

Сабақтың түрі: жаңа сабақ, аралас

Сабақтың әдісі: баяндау, әігімелеу;

Көрнекілігі: ою-өрнек түрлері, буклеттер, журналдар

Сабақтың құрылысы: Ұйымдастыру бөлімі;

Өткен сабаққа шолу;

Жаңа сабақты хабарлау;

Жаңа сабақты меңгеру;

Практикалық бөлім;

Сабақты бекіту; үйге тапсырма

І. Оқушылармен амандасу, жоқ оқушыларды белгілеу, сабаққа дайындықтарын тексеру.

ІІ. Өткен сабаққа шолу:

-қол тігістерінің түрлері

-уақытша тігістер не үшін қолданылады?

ІІІ. Жаңа сабақты хабарлау, дәптерлеріне тақырыпты жазғызу.

Сабақтың барысы: тақтаға ою-өрнектің қарапайым көп тараған түрлері ілінеді: қошқармүйіз, сынықмүйіз. Оқушылардан оюдың атауын және қайда қолданылатынын сұрау.

ІV. Жаңа сабақ:

• Ою-өрнек дегеніміз не?

• Ою-өрнектің топқа бөлінуі?

− Қуанышын да, қайғысын да жан-жануар, аң-құс, ай-жұлдыз, күн, тау, тас т.б байлынысты деп түсінген көшпелі қазақтардың сол сезімдері, қолөнер туындыларында да қалыс қалмаған. Дәл бейнесін бермей-ақ, кейбір сипаттары арқылы да таным-түйсіктерін баян етіп отырған. Бертін келе осы өрнектердің ұқсастығына қарай атауларға ие болған. Сонымен, ең алдымен жан-жануарларң аң-құс тектес ою-өрнек атауларына тоқталайық. Олар: қошқармүйіз, сыңармүйіз, мүйізою, тікмүйіз, сынықмүйіз, қосмүйіз.

Қазақ оюының жүйесін құрудың түп бейнесі- қоршаған ортада кездесетін заттар мен құбылыстардан алынды.

Сырмақтар мен текеметтерде аппликацияланып, безендіріліп көбінесе қошқармүйіз бейнеленсе, ал тізбек тігіспен көптеген тұскиіздерде өсімдік өрнектері- гүл оюы немесе жапырақ ою басым болып келеді. Сондай-ақ, киім-кешек, үй жабдықтары да ою-өрнекпен әсемделген. Олардың бірі ою ойылып бастырылып тігілсе, екіншісі кестеленген бұйымдар.

Оқушылардың назарына ұлттық бұйымдар суретін ұсыну.

Практикалық кезең: Оюдың кең тараған қарапайым түрлерінің дайындалу жолын көрсету.

Оқушылар жеке, өз бетімен жұмыс жасайды.

Сабақты бекіту:

-ою-өрнектің пайда болуы;

-ою-өрнектің түрлері.

Оқушылардың жұмысын бағалау

үйге тапсырма: ою-өрнектен компазиция құрастыру.