1. Сіздің диагнозыңыз

2. Тексеру жоспарын құрыңыз, зертханалық анализдер және қосымша тексерулер нәтижесін талдаңыз

3. Ем тағайындаңыз. Эпидемияқарсы шаралары.

12. Бала 5 жаста, жедел ауырған. Ауруы әлсіздік,дене қызуының 37,4˚ С-ке дейін жоғарлауы, сұйық нәжістің пайда болуынан басталған. Сұйық нәжіс алғашында 5 ретке дейін болған, кейіннен тәулігіне 10-12 ретке дейін жиілеген. Іш өтуден кейін бір рет құсқан. Анамнезінен бала үш күн бұрын Пакистаннан келгені анықталған. Түскен кезде жалпы жағдайы ауырға жақын. Бала мазасыз, қараған кезде жылайды.Дене қызуы 38,1˚ С. Айқын шөл анықталады. Қайталап құсқан. Тері жабындылары бозғылт түсті, құрғақ. Тері қатпарлары тез жазылады.Жұмсақ тіндер тургоры төмендеген. Көздері кіртиген, көз астында көгерген.Жүрек тондары тұйықталған, жиілеген. Тамыр соғысы әлсіз толымды, 128 рет минутына.Іші құрысқан. Пальпацияда ішек бойымен шұрылдайды.Зәр шығаруы сиреген. Нәжісі 14-15-ке дейін, су тәрізді, көп мөлшерде мақта тәрізді қоспалары бар. ЖҚА: Нв- 113 г/л, Эр-3,21×10¹², Л-11,3×10⁹, П-7%, М-1%, С-68%, Л-24%, ЭТЖ-18 мм/с.

1. Сіздің диагнозыңыз

2. Тексеру жоспарын құрыңыз, зертханалық анализдер және қосымша тексерулер нәтижесін талдаңыз

3. Ем тағайындаңыз. Эпидемияқарсы шаралары.

13. Бір жастағы баланың ауырғанына 3-ші күн болған. Жедел ауырған. Ауруы дене қызуының 37,7 ˚С-е дейін жоғарлауы, мұрын бітелуі,мұрыннан су ағуы, құрғақ жөтелден басталған. Біртіндеп жөтелі ұстаматәрізді сипатқа енген, ұзарған. Қараған кезде жалпы жағдайы ауырға жақын. Айқын мазасыздық. Дене қызуы 37,1˚ С. Тері жабындылары бозарған, периоральды цианоз. Аранында таңдай доғалары, жұтқыншақтың артқы қабырғасы шырышты қабықтары қызарған. Тынысы шулы, «\оральды крепитация». ТАЖ- 74-78 рет минутынатыныштықта. Мұрын қанаттары көтерілген, кеуде клеткасының тартылуы. Өкпе үстінде перкуссияда қорапты дыбыс. Аускультацияда өкпеде қатаң тыныс, көп өлшерде ұасқ көпіршікті және крепитацияланған ылғалды сырылдар . ЖҚА: Нв- 118 г/л, Эр-3,3×10¹², Л-9,9×10⁹, П-6%, С-60%, Л-35%, ЭТЖ-25 мм/с. Өкпе R- граммасында: өкпелік сурет күшейген, өкпе түбірі күшейген, өкпе алаңдарының мөлдірлігі жоғарлаған.

1. Сіздің диагнозыңыз

2. Тексеру жоспарын құрыңыз, зертханалық анализдер және қосымша тексерулер нәтижесін талдаңыз

3. Ем тағайындаңыз. Эпидемияқарсы шаралары.

14. Бала 3-жаста, жедел ауырған. Дене температурасының 38˚С дейін жоғарлауынан басталған, бас ауруы, бас айналуы, құсу пайда болған. Қараған кезде баланың жағдайы орташа ауырлықта. Есі анық. Дене температурасы 38,3˚С, беті гиперемияланған, аздап пастоздалған, склералары инъецирленген. Ауыздың шырышты қабаты гиперемияланған, таңдай доғаларында, жұмсақ және қатты таңдайда қызыл тәжбен айналған везикулалар. Керниг симптомы оң, желке бұлшықеттері 1 көлденең саусаққа ригидті, ішастар рефлексі төмендеген. Ішкі ағзалар бойынша ерекшеліксіз. ЖҚА: Нв- 120 г/л, Эр-3,5×10¹², Л-3,8×10⁹, Э-0%, Т-2%, С-30%, Л-67%, М- 1%, ЭТЖ-10 мм/сағ. Жұлын пункциясын өткізгенде: ликвор түссіз, мөлдір, қысыммен шығады, цитоз- 200 жасуша, Л-53%, Н-47%, ақуыз-0,2г/л, хлоридтер-160 ммоль/л глюкоза-3,7 ммоль/л,Панди реакциясы оң.