«Мектеп» сюжетті-рөлді ойынының технологиялық картасы

Мақсаты: балалардың мектепке, мұғалімнің әрекетіне қызығушылығын іс жүзінде іске асыру үшін жағдай туғызу. Балаларды өздігінен рөлдерді бөлуге және өзіне берілген рөлге сәйкес әрекет етуге үйрету. Ойдағы жағдаятты түсіну және соған сәйкес әрекет ету. Баланың әлеуметтік белсенді саласын және оның ересектер мен балалардың түрлі позицияларда (мұғалім-оқушы-мектеп директоры) орын алатын мүмкіндіктерін айтып мектеп тіршілігі туралы ұғымын кеңейту

Жағдаят	Атрибуттар	Тәрбиешінің әрекеті	Балалардың іс-әрекеті
Мектепке бару. Мектепке дайындық, мектепке қажетті құрал жабдықтар алу. 1 қыркүйек, салтанатты жиын, сабақ, үзіліс, үйге қайту.	Мектеп құралдары, тақта, журналдар, карталар, атластар, күнделіктер.	Директор ролінде оқушыларды қабылдауға мектептің дайындығын тексереді, Білім күні мерекесінің сценариін ойластырады, сыныптарды безендіруге көмектеседі, оқушыларды сынып бойынша бөледі.	Мұғалімдер оқушыларды қарсы алады, оларды мектептің ауласына мерекеге қатарға тұрғызады, сыныптарға апарады, сабақ жүргізеді, баға қояды, дәптерлер тексереді, үзілісте балалармен бірге ойнайды. Оқушылар 1 қыркүйек туралы тақпақтар оқиды, мұғалімдерге гүл сыйлайды, партада отырады, сұрақтарға жауап береді, қолдарын көтереді, ойнайды, кітапханаға, асханаға барады. Ата-аналар балаларын мектепке жаздырады, балалармен бірге кеңсе тауарларын және мектепке арналған кітаптар сатып алады, портфельдерін жинауға көмектеседі, балаларын мектепке алып келеді, ата-аналар жиналысына келеді. Оқу іс жөніндегі орынбасар сабақ кестесін құрайды, сабақтарға қатысады, мұғалімдердің жұмыстарын бақылайды, үзіліс кезінде оларға ойындарда көмектеседі. Кітапханашы балаларға үйде оқу үшін кітап береді, кітаптарды талқылауды ұйымдастырады. Буфетші әйел балаларға самса, шай, тәттілер сатады.

«Цирк» сюжетті-рөлді ойыны

Ұйымдастыру жұмысы:

Көркем шығармалар оқу

- Д.В. Григорович «Гуттаперчадан істелген бала»;

- А.П. Чехов «Каштанка»;

- Ш. Перро «Пері»;

- Н. Носов «Тірі қалпақ»;

- Жақан Смақов «Қадам, тағы қадам»;

- В. Драгунский «Шардағы қыз»;

«Алтын ат» - югославия ертегісі

Өнімді іс-әрекет түрлері

- жарнаманың, билеттердің суретін салу, сайқымазақтың костюмін дайындау;

- «Цирк алаңы» әшекейленген өрнекті безендіру

Балалармен әңгімелесу

- цирк — балаларға арналған сауық-сайран;

- Жануарлар – адамдардың досы;

- жануарлар туралы қамқорлық;

- «Цирк деген не?», «Циркке кім қатысады?», «Көріністі тамашалайтындарды қалай атайды?», «Ал көрсететіндерді ше?»

Дидактикалық ойындар

- «Маймылдар»;

- «Сиқырлы қобдиша»;

- «Кішкентай сауыққой».

Ұйымдастырылған оқу іс-әрекеті

- «Цирк аңдары» қоршаған ортамен таныстыру;

- «Мен цирктемін» тақырыбына әңгіме құру, тіл дамыту;

- «Цирк қаһарманы» сурет салу.

Ата-аналармен жұмыс

- «Біз цирктеміз!» тақырыбында сабақ туралы ата-аналарға арналған хабарлама парағы.