2 Схемотехникалық модельдеу бағдарламасының мәні. Windows ож electronics workbench 5.12c схемотехникалық модельдеу бағдарламасы

2.1 Кіріспе

Схемотехника - радиотехниканың, автоматиканың, есептеуіш техникаларының және т.б электронды құралдардың синтез және талдау мәселелерін қарастыратын ғылыми-техникалық бағыт. Оның мақсаты -ішінде орналасқан элементтердің берілген функцияларының және есептеу параметрлерінің оптималды орындалуының қамтамасыз етілуі [1].

Техникалық құралдарды синтездеу және талдау есептерін шешу кезінде әр түрлі сұлбалар қолданылады.

Сұлба дегеніміз (schema грек сөзінен – сыртқы түрі, форма) - өнімнің немесе құралдың және құрама бөлшектерінің, қосылуының немесе өз ара байланыстарының шартты графикалық түрде көрсетілген сызбасы [1].

2.2 Ewb 5.12 схемотехникалық модельдеудің негізгі мәліметтері

Electronics Workbench бағдарламасы аса күрделі аналогтық, цифрлық және цифрлы аналогтық сұлбаларды модельдеуге мүмкіндік береді. Бағдарламаның құрамындағы кітапханада кең таралған электронды компоненттердің үлкен жинағы бар. Жаңа компоненттерді кітапханасына қосуға және құруға мүмкіншілік бар.

Компоненттердің параметрлерін кең мәнді диапазонында өзгертуге болады. Қарапайым компоненттер – мәндерін батырмадан өзгертуге болатын параметрлер жинағымен сипатталады, активті элементтер – элементтер параметрлер жиыны болып табылатын және нақты бір элементті немесе оның идеалды түрін (үнсіздік) сипаттайтын модель арқылы сипатталады.

Аспаптардың кең жинағы әр түрлі шамаларды өлшеуге, кірістік әсерлер беруге, графиктерді құруға мүмкіндік береді. Бүкіл аспаптар (амперметр, вольтметр, осциллограф, мультиметр, Боде плоттер (сұлбалардың жиіліктік сипаттамаларының графигін құратын аспап), функционалды генератор, сөздік генераторы, логикалық анализатор және логикалық түрлендіргіш) нақты түрге максималды жақындатылып бейнеленген, сондықтан олармен жұмыс істеу жеңіл және ыңғайлы.

EWB сұлбалардың талдауларын тұрақты және айнымалы тоқтарда жүргізе алады.

Тұрақты тоқты талдау кезінде (DC) қалыптасқан режимдегі сұлбаның жұмыс нүктесі анықталады. Айнымалы тоқтағы талдау (AC) сызықты емес компоненттердің модельдерін алу үшін тұрақты тоқтағы талдау қорытындыларын қолданады. (AC) режиміндегі сұлбалардың талдауы уақытты және жиіліктік аймақтарда жүргізіле алады.

EWB-да сұлбаларға әр түрлі түрдегі кірістік сигналдар әсер еткендегі өтпелі процестерді зерттеуге болады.

Модельдеу қорытындыларын принтерге шығаруға немесе әрі қарай өңдеу үшін мәтінді немесе графикалық редакторларды енгізуге болады.

Өткізгіштердің түстерін өзгерту арқылы күрделі сұлбаларды ыңғайлы және көрнекті етуге болады. Графиктерді де әр түрлі түстермен бейнелеуге болады, бұл бірнеше тәуелділікті бір уақытта зерттеуге өте ыңғайлы.

Electronics Workbench бағдарламасы Windows-тың стандартты интерфейсін қолданады, бұл оның қолданылуын жеңілдетеді.

Electronics Workbench 5.12 бағдарламасы әр түрлі дәрежедегі күрделі сұлбаларды келесі операциялар көмегімен құруға мүмкіндік береді:

• кітапханалардан элементтерді және аспаптарды таңдау;

• элементтерді жұмыс өрісінің кез келген жеріне жылжыту;

• элементтерді және элементтер тобын 90 градусқа бұру;

• элементтерді және элементтер тобын, сұлбалардың фрагменттерін және тұтас сұлбаларды көшіру, қою немесе өшіру;

• өткізгіштердің түсін өзгерту;

• сұлбалардың контурын көрнекті қылу үшін түспен белгілеу;

• бірнеше өлшеуіш аспаптарды бір уақытта қосу және олардың өзгеристерін монитор экранында бақылау;

• элементке шартты белгілеу енгізу;

• элементтер параметрлерін кең диапазонда өзгерту;

• бөлек элементтерге немесе бүкіл тұтас сұлбаға температуралық режимдерді беру және т.б.

Бүкіл операциялар тышқан мен пернетақта (клавиатура) көмегімен жүргізіледі. Тек пернетақтада ғана басқару мүмкін емес

Аспаптарды параметрлерін өзгерту арқылы келесі амалдарды орындауға болады:

• аспаптардың шкалаларын өлшеу диапазонына байланысты өзгерту;

• аспаптардың жұмыс режимін енгізу;

• сұлбаға кірістік әсерлердің түрлерін енгізу (тұрақты және гармоникалық тоқтар және кернеулер, үшбұрышты және тік бұрышты импульстер).

Бағдарламаның графикалық мүмкіншіліктері:

• графикте бірнеше қисықты бір уақытта бақылау;

• графиктердегі қисықтарды әр түрлі түстермен белгілеу;

• графикте нүктелердің координаталарын өлшеу;

• мәліметтерді графикалық редакторға импорттау, сол суретті түрлендіруге және принтерге шығаруға мүмкіндік береді.

Electronics Workbench бағдарламасы P-SPICE, PCB, бағдарламаларынан алынған қорытындыларды қолдануға мүмкіндік береді, сондай-ақ Electronics Workbench алынған қорытындыларды осы бағдарламаларға жіберуге мүмкіндік береді. Сұлбаны немесе оның бөлігін мәтіндік редакторға енгізіп түсініктеме немесе комментарий жазуға болады.