7.1.Емдеу-қорғау режимі, оның негізгі қағидалары

Ауруханаға түскен пациент өзінің әдетті өмір ырғағынан айырылып, өзіне жақын адамдарынан алшақтап, күнделікті жұмысынан тыс қалады. Сол себебтен үрей, қорқыныш сезімдері пайда болып мазасы кетеді. Кейбір жағдайда пациенттің мінезіне байланысты депрессия, невроз пайда болады. Әрбір бөлімшеде өзіндік тәртібін ұйымдастыруда пациенттердің жоғарыда көрсетілгендей жекелік қасиеттерін ескеріп отыру керек:

• пациенттерді палаталарға жекелік қасиеттері және ауруына, сонымен қатар сауығу дәрежесіне қарай бөледі;

• қолайлы микроклимат жасау.

Емдік режимі- пациенттердің тездеп жазылуына әсерін тигізетін өмір салтын ұйымдастыру.

Ортамен терапия өткізу: ортадағы болып жатқан факторларды пациенттердің сауығу жолына пайдалану арқылы жағымсыз факторларды тудырмауға бағытталған қорғау режимін қалыптастыру.

Ішкі тәртіпті анық сақталынуы келесі амалдармен жетістікке ие болады:

- бөлімшелердің, палаталардың тазалығы жоғары деңгейде болса;

• тәтті, дәмді дайындалған тағам;

• айғай-шуды алыстаттыру (радио, жай дауыспен сөйлесу, медицина персоналдарын шақырту және т.б.);

-пациенттердің серуендеуіне жағдай жасау (орындықтармен қамтамасыз ету);

-пациенттердің жақын туыстарымен үнемі араласып отыру;

- бөлімшенің ерекшеліктерін ескере отырып күн тәртібін құру (хирургия, балалар; психиатриялық және т.б.);

- салауатты өмір сүру белсенділігін арттыру үшін емдеу жаттығуларын жүргізіп отыру.

Пациенттер үшін тұрмыстық қалыпты (жиһаздар, таза да және қонымды киімдер, төсек жаймалары), мәдени көңіл көтеру жұмыстарын ұйымдастыру (дәрістер, әңгімелесулер өткізу, фильмдер көрсету, әдебиеттер оқу). Көп мән береді.

Жарықтандыру – әсіресе кешкі уақытта көз жанарына қатты әсер етпейтіндей, әлсіз де жұмсақ болуы керек.

Бөлме температурасы - 18-20⁰С; бөлмені үнемі желдетіп отыру, салқын кездерде екі көрпеден тарату.

Дәрігердің нұсқауларын уақытымен орындау.

Осының барлығы мейіркештің кәсіби деңгейіне және білімділігіне байланысты.

Емдеу мекемелерде қозғалу белсенділік тәртібі 4 түрге бөлінеді:

1. Қатаң төсек тәртібі: пациенттерге ауыр жедел жағдайда тағайындалады. Пациенттерге отыруға, тұруға, кейбір жағдайда басын көтеруге, орнынан қозғалуға болмайды. Мейіркеш осы жағдайда пациенттің тамақтандыруына, гигиеналық шараларын жүргізуге көмектеседі.

2. Төсек режимі: пациенттің физикалық белсенділігін керуеттік жағдайда емдеу шынықтырудың жаттығуларымен мейіркештің тексеруімен көбейтеді. Пациентке аяғын төмен түсіріп отыруға, және тамақ ішуге рұқсат етіледі. Гигиеналық шараларды мейіркеш туған туыстарының көмегімен жүргізеді.

3. Палаталық тәртіп: пациентке керуеттің қасындағы орындыққа отыруға рұқсат етіледі. Тағамды беру және гигиеналық шараларды палатада жүргізеді.

4. Жалпы тәртіп: пациент емін – еркін бөлімшелерде жүреді, тағамды асханада ішеді, өзі жуынады, аурухананың айналасында өзі жүріп дем алады.

Терапия бөлімшесінде 25 – 30 пациентке мейіркештің бір постысы болады.

Мейіркеш постысының құрал – жабдықтары:

• стол және орындық;

• дәрілерді сақтайтын шкаф;

• А,Б тізімі бойынша дәрілерді сақтайтын сейф;

• тоңазытқыштық;

• күтім заттарын сақтайтын шкаф;

• дәрілерді тарататын қозғалмалы стол;

• манипуляцияларды орындайтын стол;

• ыстық және суық суы бар раковина;

• мейіркештің отыратын орны палатадан келетін сигнализация болу керек;

• постыда керекті құрал – жабдықтар және бүкіл аурухананың бөлімшелерінің телефон тізімі және телефон болу керек.