Стандарт 24:

Қояндарға көк тамырға жұқтыру әдісін жүргізу техникасы

Мақсаты: Қояндарға көк тамырға жұқтыру әдісін жүргізу техникасын үйрету.

Жабдықталуы: лабораториялық жануарлар, ұзын жолағы бар иньекцияға арналған инелер, шприц, зерттелетін материал, мақта тампондары, спирт.

Әрекеттің алгоритмы:

1. Жануарды бекітіңіз;

2. Сыртқы құлақтың бойының терісінің жүнін жұлып, 70% этил спиртіне батырылған мақтамен сүртіңіз;

3. Құлақтың шеткі тамыры енетін жерін сол қолымен бекітіңіз;

4. Оң қолдағы шприцпен құлақтың ұшына жақын тамырға сүйір бұрышпен иненің кесіндісін жоғары қаратып шприцтің инесін енгізіңіз;

5. Иненің дұрыс енгізгенін тексеру үшін азғана материалды алып тамырға енгізгенде, ол еркін өтіңіз;

6. Енгізіп болғаннан кейін тамырдың төменгі бөлігін ақырын жаныштаңыз;

7. Спиртке немесе стерильді йод ерітіндісіне батырылған стерильді мақтаны иньекцияның орнына салыңыз;

8. Тамырдан инені шығарып алыңыз;

9. Көк тамырға қояндарға 20 мл сұйықтық енгізіңіз;

10. Қояндарды бақылаңыз;

11. Нәтижесін жазып есепке алу.

Стандарт 25:

Болжамды серологиялық агглютинация реакциясын қою техникасы (РА)

Мақсаты: Болжамды серологиялық агглютинация реакциясын қою техникасын (РА) үйрету.

Жабдықталуы: зерттелетін микроб өсімі, арнайы сары су, изотониялық натрий хлориді ерітіндісі, заттық шыны әйнек, пастерлік пипетка, бактериологиялық тұзақ.

Әрекеттің алгоритмы:

1. Заттық шыны әйнекті майсыздандырыңыз;

2. Стерильді пастерлік пипеткамен 2 тамшы агглютинация жүргізуге арналған сары суды және 1 тамшы изотониялық натрий хлориді ерітіндісін заттық шыны әйнекке тамызыңыз. Тамшыларды әйнекке тамызған кезде, тамшылардың арасында арақашықтық сақталсын;

3. Стеклографпен заттық шыны әйнектегі сарысу және изотониялық натрий хлориді ерітіндісі тамшыларын белгілеңіз;

4. Изотониялық ерітінді тамшысына және сарысу тамшысының біріне микроб өсімін енгізіңіз;

5. Әр тамшыны бір келкі болғанша араластырыңыз;

6. 1-3 минуттан кейін нәтижесін қараңыз.

Ескерту: Сарысу бақылау пробиркасы - мөлдір

Антиген бақылау пробиркасы - лайлы

Оң мәнді болғанда мөлдір сұйықтық фонында агглютинат үлпек түрінде көрінеді.

Стандарт 26:

Толық серологиялық агглютинация реакциясын қою техникасы (АР)

Мақсаты: Толық серологиялық агглютинация реакциясын қою техникасын үйрету

Жабдықталуы: Диагностикумдар, сарысу изотониялық ерітінді, штатив, пробирка, пипетка

Әрекеттің алгоритмы:

1. Ерітілген сарысуды 1:50ден 1:1600 дейінгі аралықта дайындаңыз;

2. Штативке қажетті мөлшерде пробирка қойыңыз;

3. Әр пробиркадағы сарысудың еру дәрежесін көрсетіңіз;

4. Бақылау пробиркасына «БС» - сарысуды бақылау, «АБ»- антигенді бақылау;

5. Барлық пробиркаға 1 мл изотониялық ерітінді құйыңыз;

6. Бірінші пробиркаға және «СБ» сарысу бақылау пробиркасына 1 мл соңғы ерітілген сарысу құйылады;

7. Бірінші пробирканы араластырыңыз және стерильді пипеткамен 1 мл екіншіге, одан үшіншіге және т.б. жалғастырып құяды. Соңғы пробиркадан 1 мл дезинфекциялық ерітіндіге құйыңыз;

8. Барлық пробиркаға 2 тамшыдан антиген диагностикумды құйыңыз, «СБ» сарысу бақылау пробиркасына құймаңыз;

9. Жақсылап шайқағаннан кейін пробирканы екі сағатқа термостатқа қойыңыз. 20 сағаттан кейін соңғы нәтижесін аласыз;

10. Бақылау пробиркасынан бастап нәтижесін қараңыз.

Ескерту: Сарысу бақылау пробиркасы - мөлдір

Антиген бақылау пробиркасы - лайлы

Оң мәнді болғанда мөлдір сұйықтық фонында агглютинат үлпек түрінде көрінеді.